#وافطمتاه
قال رسول الله ص :يا بنية! أنت المظلومة بعدي.. وأنت المستضعفة بعدي.. فمن آذاك قد آذاني… ثم قال (عليه السلام): إلى الله أشكو ظالميك من أمتي.
نعم الشكوى لله ولرسول بمن آذوا فاطمة بنت محمد ص فها هي فاطمة ~
روي إنها صلى الله عليها ما زالت بعد أبيها معصبة الرأس ~ ناحلة الجسم ~ منهدة الركن ~ باكية العين ~ محترقة القلب ~ يغشى عليها ساعة بعد ساعة~
آه يا فاطمة~
من بعد النبي الهادي الزهره معصّبه الجبين
عليله والجسد منحول ومحمّرة بعد هالعين
تبچي والدمع سايل وگلبها منفطر نصين
وردة من المرض ذبلت ومن عدها الضلع مهشوم
〰️〰️〰️〰️〰️〰️
ليتك يا رسول الله تعاينها تهلّ دموع
ملطومه ومنها العين حمره مكسّرة الـ ضلوع
أنّة آه يا ضلعي وجنبها من الدرب موجوع
ختمت هالعمر بالآه بانفاس الحزن وهموم
خادمة آل محمد✍?

#وافطمتاه
#لعن_الله_ظالميك_فاطمة
ابكوا الزچيه واذكروا يوم المصاب~
هجموا عليها وأحرقوا عليها الباب~
اويلي عصروها وسقطوا محسن عالعتاب~
وهشموا ضلعها ونبتوا بالضلع مسمار
لحن اسمع عتابي~
آنه الزچيه ~ ابكوا عليّه
آه للرزيه~ ببابي عْصروني

ضلوعي هْشموها~ بابي احْرَقوها~ عيني لْطموها
بغدر وآجوني

ما راعوا حُرمه~ وبخدي لطمه ~ وضلعي وهشمه بقوة أذوني

من شبّت النار~ واطفاليِ زغار تعاين الصار~ وما يرحموني

دمعة عذابي~ وشمعة شبابي~ ذبلت ببابي
المحسن جنيني
خادمة آل محمد✍?

صارت ضجة وأنين من شالوا نعشها~ ونزلت املاك السما الليله وتشيّعها ~ حيدر محني ظهره بالعبره يودعها ~ حسن وحسين عن شمالها واليمين 〰️〰️〰️〰️〰️〰️ وزينب بالعجل وقفت على الباب بالله لا تدفنون امنه تحت التراب تحضنها وبالدمع تبدي العتاب ومن فوق النعش تمسك اليدين خادمة…

مولاتنا الزهراء ع تودع ولدها الحسين ع حن اريد اتوسّد ابحضنك
طالع بالغصب عنك يا يمه والگلب مجروح
تدري بالطف مصابي تشوفيني بعد مذبوح

ماشي لكربله مهموم وما عندي بعد ناصر
تدري بمحنتي يمه وذبحته بكربله وعاشر
هناك اتوسّد الغبره وصدره يسحقه حافر
وجسمي اتوزّع اوصاله ثلاثه عالترب مطروح

صوت الونّه للزهره بالطف يبني انا احِضْرك
لحظة حرمله يصيبك مثلث يطلع بظهرك
وساعة يحضر بسيفه الشمر يتربع بصدرك
انصب مأتمك يبني ووناتي تفتّ الروح
حسين يا حسين
خادمة آل محمد ✍?

اريد اتوسد ابحضنچ * ليش اتوسد الاعتاب ؟ أنا من لحمچ اودمچ * شيلي جسمي عن لتراب كفاني ابنزلتي اسمع * بدال الزغردة صيحة ولستگبالي موچفين * حيدر جتني الطيحة يم حسين لحگيني * گبل متروح لرويحة رضعيني ولو رضعة تبرد گلبي اللهاب نزيف الراس يا أمي * *…

اريد اتوسد ابحضنچ * ليش اتوسد الاعتاب ؟
أنا من لحمچ اودمچ * شيلي جسمي عن لتراب*

كفاني ابنزلتي اسمع * بدال الزغردة صيحة
ولستگبالي موچفين * حيدر جتني الطيحة
يم حسين لحگيني * گبل متروح لرويحة
رضعيني ولو رضعة تبرد گلبي اللهاب*

نزيف الراس يا أمي * * بهضني ما توگفينه
وصدري اتهشم اگبالچ * يزهرة ما تشوفينه ؟!
وحنانچ يشفي آلامي * وجسمي ما تحضنينه؟!
يزهرة بالله حمليني * وتركي الوگفة خلف الباب*

نزفك يبني باوگفه * اذا صدري وگف نزفه
موبيدي يسگطونك * * بلا رحمة ولا رأفة
ولو عندي جلد اصنع * إلك من مهجتي لفة
يكفي العتب يا محسن * * ترى گلبي أبعتابك ذاب*

شلون عيوني بشوفك وراسي من اللطمة دار
ودي أحملك لكن * من العصرة الجلد منهار
وچيفة بالصدر ترضع * ونابت بالصدر مسمار
عتابك وجهه للوالد * اذا عندك عليه عتاب*

يحامي الجار دارك چيف * تتركها يحامي الجار ؟!
نار اموجرة بيها * * وفي گلب البتولة نار
يا كرار ما تنهض * الى العدوان ياكرار
نسيت انك بطل خيبر * يبوحسين وبطل لحزاب؟!

تتحمل تشوف أمي * * بليا خمار تتحمل ؟!
تصيح الحگني يا حيدر * من الثاني والأول
وترضى يا علي مني * جنيني غصب يتنزل ؟!
يليث الغاب ما تحمي * عرينك وانت ليث الغاب؟!

هذه القصيدة لخادم اهل البيت عليهم السلام الشاعر / علي الكراني دامت توفيقاته*

#وافطماه_واشهيدتاه
زينب عند قبر امها الزهراء ع تأنّ أنينا وايلاه وافطماه ويُتماه~
لحن قلب امك يبني مفتت~للشيخ الجفيري♪~
بونّه زينب تجري العبره
تنادي گومي يُمه زهره
ما اسمع ليش يمه جْوابچ
طاب الضلع وجرحه وكسره
يُمه يمه يمه يمه²
〰〰〰〰〰〰〰
تگلها گومي ردّي للدار
واحنا ايتام يا يمه زغار
منهو يمسح دمعة زينب
تعاين عصره وببابچ نار
〰〰〰〰〰〰〰
بلحدچ نامي يم الاحزان
وگلبي يمه بحزنه ولهان
يتّمني دهري من بعدچ
يتيمة ودمعي عالخد غدران
يُمه يمه يمه يمه²
〰〰〰〰〰〰〰
خادمة آل محمد✍

زينب ع تخبر العباس ع عن مصاب الزهراء ع
لحن گلب امك يبني مفتت~

تگله خويه لو تحضرها
تشوف الظالم بيده اسْطرها
ضلع المهشوم بيألّمها
بخدها ملطوم لو تنظرها
〰️〰️〰️〰️〰️
ماتت امي وعِدْها حسره
عافت ايتام اويلي بعبره
شيّعها بليل وشال جنازه
وحيدر محني عليها ظهره
زهره زهره زهره زهره
〰️〰️〰️〰️〰️
مغضب عباس دمعه جاري
ويرفع كفّه ويدعي الباري
يگله نار الباب بگلبي
رب ثار الزهره ثاري
خادمة آل محمد✍

ليلة الوحشة
لحن اسمع عتابي~
دار الزچيه ~ ظلمة وخليّه
وزينب تنوحن ~ العبره جريه

سوده هالايام~ مرّت عالايتام
لا تغمض جفون~ ولا تگدر تنام

زهرة عمرها~ تنام بگبرها
الله يصبّر ~ روحي بصبرها

ظلمة المدينه~ وزينب حزينه
والحسن وحسين~ ويعلا ونينه

ايتام الزچيه~ بمحنة وعزيه
عافتهم امهم~ ياللرزيه
خادمة آل محمد✍