မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၉၂ ဦးသေဆုံး

ရန်ကုန်၊ နိုဝင်ဘာ ၁၉

မြန်မာနိုင်ငံတစ်ဝန်း နိုဝင်ဘာလ ၁၉ ရက်နေ့ ရရှိထားသော အချက်အလက် များအရ စစ်ကောင်စီတပ်ဖွဲ့ဝင် ၉၂ ဦးသေဆုံးကြောင်း ပြည်သူ့ကာ ကွယ်ရေး တပ်ဖွဲ့များ၏ ထုတ်ပြန်ချက်နှင့်ပြောဆိုချက် များ အရ သိရှိရသည်။

ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိသည်ကို သိစေအပ်ပါသည်။

ရေဦးနှင့် ကျောက်ကြီးရှိ စစ်တပ် စစ်ကြောင်းနှင့် စစ်တပ် တပ်စွဲထားသော နေရာကို ဒရုန်းဖြင့် ဗုံးကျဲ တိုက်ခိုက်မှု စစ်ကောင်စီ တပ်သားများ ထိခိုက်မှုများပြား

ရန်ကုန်၊ နိုဝင်ဘာ ၁၉

စစ်ကိုင်းတိုင်း၊ ရေဦးမြို့နယ်အတွင်း စစ်ကြောင်းထိုးနေသော အကြမ်းဖက် စစ်ကောင်စီ တပ်သားများကိ ဒရုန်းဖြင့် ဗုံးကျဲ တိုက်ခိုက်ခဲ့ကြောင်း ရွှေဘိုခရိုင်အမှတ် ၁၄ တပ်ရင်း (ရေဦးPDF) ကပြောဆိုသည်။

နိုဝင်ဘာလ ၁၆ ရက်နေ့တွင် တန့်ဆည်မြို့နယ်မှ အင်အား ၁၅၀ ခန့်ဖြင့် စစ်ကြောင်းထိုးလာသော အကြမ်းဖက် စစ်ကောင်စီ တပ်သားများသည် မုန်တိုင်ပင်ရွာရှိ ပြည်သူပိုင် နေအိမ်များကို မီးရှို့ ဖျက်စီးပြီး အနီးနားဝန်းကျင်ရှိ ကျေးရွာများကို Drone ဖြင့် ဗုံးသီးချ တိုက်ခိုက်နေစဉ် တော်လှန်ရေး တပ်ဖွဲ့များ ဒရုန်းဖြင့် ဗုံးကျဲ တိုက်ခိုက်ခဲ့ကြောင်း သိရသည်။

ယင်း တိုက်ခိုက်မှု အတွင်း အကြမ်းဖက် စစ်ကောင်စီ တပ်သားများ ထိခိုက်သေဆုံးမှု အခြေအနေကို အတည်ပြုနိုင်ခြင်းမရှိသေးဘဲ တော်လှန်ရေး တပ်ဖွဲ့များ၏ ဒရုန်း ၁ စီး ပျက်စီးဆုံးရှုံးခဲ့ကြောင်း သိရသည်။

အဆိုပါ တိုက်ခိုက်မှုကို ရွှေဘိုခရိုင်အမှတ် ၁၄ တပ်ရင်း (ရေဦးPDF) နှင့် ရေဦးမြို့နယ် ပကဖ တို့က ပူးပေါင်း လုပ်ဆောင်ခဲ့ကြောင်း သိရှိရသည်။

အလားတူ ပဲခူးတိုင်း၊ ကျောက်ကြီးမြို့နယ်၊ ရင်းတိုက်ကုန်းရွာတွင် တပ်စွဲထားသော အကြမ်းဖက် စစ်ကောင်စီ တပ်သားများကိုလည်း ဒရုန်းဖြင့် ဗုံးကျဲ တိုက်ခိုက်ခဲ့ကြောင်း သာယာဝတီခရိုင် ပကဖ စစ်ရေးတာဝန်ခံ ရဲဘော်သစ္စာက ရန်ကုန်ခေတ်သစ် သတင်းဌာနထံသို့ ပြောဆိုသည်။

နိုဝင်ဘာလ ၁၂ ရက်နေ့ မွန်းလွဲ ၁၂ နာရီ၊ ၁၂ နာရီ ၃၀ မိနစ်နှင့် ၂ နာရီ ၁၅ မိနစ်ခန့်တွင် ရင်းတိုက်ကုန်းရွာ၌ တပ်စွဲထားသော အကြမ်းဖက် စစ်ကောင်စီ တပ်သားများကို သာယာဝတီခရိုင် ပကဖ ဒရုန်းတိုက်ခိုက်ရေးတပ်ဖွဲ့က ၃ ကြိမ် ဗုံးကျဲ တိုက်ခိုက်ခဲ့ပြီး စစ်ကောင်စီ တပ်သား ၁၀ ဦးထက်မနည်း ထိခိုက်ဒဏ်ရာရရှိခဲ့ကြောင်း သိရသည်။

"စစ်ခွေး ၁၀ ကောင်ထက်မနည်း ထိခိုက်ဒဏ်ရာရတယ်လို့ သိရတယ်။ စစ်ခွေး သေမသေတော့ အတည်မပြုနိုင်သေးဘူး။ ကျွန်တော်တို့ ဘက်ကတော့ တိုက်ခိုက်ရေး ဒရုန်း ၁ စီး ဆုံးရှုံးခဲ့တယ်။ တော်လှန်ရေး ရဲဘော်တွေကတော့ အထိအခိုက်မရှိ ဆုတ်ခွာနိုင်ခဲ့တယ်။ ဒရုန်း ၄ စီးနဲ့ တပြိုင်တည်း တိုက်ခိုက်ခဲ့တာပါ" ဟု သာယာဝတီခရိုင် ပကဖ စစ်ရေးတာဝန်ခံ ရဲဘော်သစ္စာက ပြောဆိုသည်။

ကျောက်ပတောင်း မြို့မရဲစခန်းမှ ဒုရဲအုပ် ၁ ဦး မိသားစုပါ ခေါ်ဆောင်လာပြီး CDF - KKG ထံ အလင်းဝင်

ရန်ကုန်၊ ဩဂုတ် ၂၃

မန္တလေးတိုင်း၊ ကျောက်ပတောင်း မြို့မရဲစခန်းမှ ဒုရဲအုပ် ၁ ဦး မိသားစုပါ ခေါ်ဆောင်လာပြီး အလင်းဝင်လာကြောင်း Chinland Defense Force, Kalay-Kabaw-Gangaw အဖွဲ့ထံမှ သိရသည်။

ဩဂုတ်လ ၂၃ ရက်နေ့တွင် ညောင်ဦးခရိုင်၊ ကျောက်ပတောင်း မြို့မရဲစခန်းမှ ဒုရဲအုပ် ၁ ဦး သည် မိသားစုနှင့် အတူ CDF - KKG ထံ အလင်းဝင်ရောက်ခဲ့ခြင်းဖြစ်ကြောင်း သိရှိရသည်။

အဆိုပါ အလင်းဝင်လာသော ဒုရဲအုပ်နှင့် မိသားစုဝင်များကို Chinland Defense Force - Kalay Kabaw Gangaw အဖွဲ့က လွတ်မြောက်နယ်မြေကို ပို့ဆောင်ခဲ့ပြီး ဖြစ်ကြောင်း သိရသည်။

ပြည်မြို့နယ်၊ ဝိုင်းချောင်းရွာအနီးတွင် တိုက်ပွဲဖြစ်နေပြီး ပြည်မြို့ ဒကစမှ အရာရှိ ၄ ဦး အပါအဝင် စစ်သား အများအပြား သေဆုံး၊ ဒကစမှ စစ်ကူများ ထပ်မံ ပို့ဆောင်

ရန်ကုန်၊ ဩဂုတ် ၂၃

ပဲခူးတိုင်း၊ ပြည်နယ်မြို့နယ်၊ ဝိုင်းချောင်းကျေးရွာအနီးတွင် တိုက်ပွဲဖြစ်နေပြီး ပြည်မြို့ ဒကစမှ အရာရှိ ၄ ဦး အပါအဝင် အကြမ်းဖက်စစ်သား အများအပြား ထိခိုက်သေဆုံးကာ ပြည်ဒကစမှ စစ်ကူများထပ်မံ ပို့ဆောင်နေကြောင်း Pyay Underground News - PUGN မှ တာဝန်ရှိသူတစ်ဦးက ရန်ကုန်ခေတ်သစ် သတင်းဌာနထံသို့ ပြောကြားသည်။

ယမန်နေ့ ဩဂုတ်လ ၂၂ ရက် မွန်းလွဲ ၂ နာရီခန့်မှစတင်၍ ပြည်မြို့နယ်၊ ဝက်ထီးကန်မြို့နှင့် ၇ မိုင်ခန့် အကွာရှိ ဝိုင်းချောင်းကျေးရွာအနီးတွင် အကြမ်းဖက်စစ်ကောင်စီတပ်နှင့် ပြည်သူ့ကာကွယ်ရေးတပ်ဖွဲ့ တို့ကြား တိုက်ပွဲပြင်းနေပြီး ပြည်မြို့အခြေစိုက် ဒေသကွက်ကဲမှုစစ်ဌာနချုပ် - ဒကစမှ အရာရှိ ၄ ဦး အပါ အဝင် စစ်ကောင်စီတပ်သား အများအပြားသေဆုံးခဲ့ကြောင်း၊ တိုက်ပွဲအတွင်း သေဆုံးသွားသော အကြမ်းဖက်စစ်သားရုပ်အလောင်းများကို ယနေ့ ဩဂုတ်လ ၂၃ ရက် နံနက်ပိုင်းတွင် ပြည်မြို့ ကုတင် ၁၀၀ ဆေးရုံသို့ သယ်ဆောင်သွားကြောင်း သိရသည်။

“ဘယ်လိုကနေ စဖြစ်တာလဲဆိုတာ သိရဖို့ စုံစမ်းနေတုန်းပါ၊ ဘယ်အဖွဲ့ဖြစ်တာလဲဆိုတာလဲ မသိရ သေးဘူး။ တိုက်ပွဲဖြစ်နေတဲ့အကြောင်းပဲ သိရသေးတယ်။ တိုက်ပွဲက ဒီနေ့အထိ ဆက်ဖြစ်နေသေး တယ်၊ အခုတော့ နည်းနည်းငြိမ်နေတယ်၊ အခုထိ အဲဒီဘက်ကို ပြည်ဒကစနေ စစ်ကူတွေပို့နေတုန်း ပဲ။ သေတဲ့အရေအတွက်က အတိအကျတော့မသိရသေးပေမယ့် စခဘက်က အတော်အထိနာပြီး အကျအဆုံးများတယ်။” ဟု Pyay Underground News - PUGN မှ တာဝန်ရှိသူတစ်ဦးက ရန်ကုန် ခေတ်သစ် သတင်းဌာနထံသို့ ပြောကြားသည်။

ယင်းတိုက်ပွဲအတွင်း အကြမ်းဖက်စစ်သား၊ ရဲနှင့် ပြည်သူ့စစ်အချို့လည်း သေဆုံးမှုရှိပြီး ဝက်ထီးကန် ယာယီစခန်းမှူးတာဝန်ယူထားသူ နယ်ထိန်းရဲတစ်ဦးလည်း ခါးတွင် သေနတ်ထိမှန် ပြင်းထန်ဒဏ်ရာ ရရှိထားကြောင်း၊ အကြမ်းဖက်စစ်ကောင်စီတပ်သားများက ဝိုင်းချောင်းကျေးရွာအပါအဝင် အနီး အနားကျေးရွာများကို မီးရှို့ဖျက်ဆီးမည်ဟု ခြိမ်းခြောက်နေကြောင်း သိရသည်။

ဆားလင်းကြီးမြို့ပေါ် ရဲစခန်းနှင့် ထွေအုပ်ရုံးကို တော်လှန်ရေး တပ်ဖွဲ့များ ဝင်ရောက် တိုက်ခိုက်မှု စစ်ကောင်စီ တပ်သား ၇ ဦး သေဆုံး

ရန်ကုန်၊ ဩဂုတ် ၂၃

စစ်ကိုင်းတိုင်း၊ ဆားလင်းကြီးမြို့ပေါ် ရဲစခန်းနှင့် ထွေအုပ်ရုံးကို တော်လှန်ရေး တပ်ဖွဲ့များ ဝင်ရောက် တိုက်ခိုက်ရာ စစ်ကောင်စီ တပ်သား ၇ ဦး သေဆုံးခဲ့ကြောင်း ဒေါင်းတမာန် GZ Federal Army အဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။

ဩဂုတ်လ ၂၃ ရက်နေ့တွင် ဆားလင်းကြီးမြို့ပေါ် ရဲစခန်းနှင့် ထွေအုပ်ရုံးတို့ကို တော်လှန်ရေး တပ်ဖွဲ့များက လက်နက်ကြီး၊ လက်နက်ငယ်များဖြင့် ဝင်ရောက် တိုက်ခိုက်ခဲ့ပြီး အကြမ်းဖက် စစ်တပ်ဘက်မှ လက်နက်ကြီးထိမှန်ကာ ၇ ဦး သေဆုံးပြီး ၄ ဦး ထိခိုက်ဒဏ်ရာရရှိခဲ့ကြောင်း သိရသည်။

"ဆားလင်းကြီးမြို့ပေါ်ရဲစခန်းကို တော်လှန်ရေးတပ်ပေါင်းစု ၀င်တိုက်တာ စစ်ခွေး ၇ ကောင်သေတယ်။ ၄ ကောင် ဒဏ်ရာပြင်းထန်တယ်လို့ အတွင်း သတင်းအရ သိရပါတယ်" ဟု ဒေါင်းတမာန် GZ Federal Army အဖွဲ့မှ တာဝန်ရှိသူ တစ်ဦးက ပြောဆိုသည်။

အဆိုပါ တိုက်ခိုက်မှုကို ဒေါင်းတမာန် GZ Federal Army အဖွဲ့နှင့် ပူးပေါင်းတပ်များက လုပ်ဆောင်ခဲ့ပြီး တော်လှန်ရေး တပ်ဖွဲ့များ အထိ အခိုက် မရှိ ဆုတ်ခွာနိုင်ခဲ့ကြောင်း သိရှိရသည်။

ဓာတ်ပုံ- ဆားလင်းကြီးမြို့ပေါ်သို့ ဝင်ရောက်တိုက်ခိုက်ခဲ့သည့် Monywa People Defense Force Salingyi Subcommittee ။ (ပုံအဟောင်းဖြစ်ပါသည်။)