⬛️?القصيدة-4-?⬛️

عَمِيَت على فقدِ الحسينِ عيوني
وتقَرّحَت بعدَ المُصابِ جفوني
والحُزنُ في قلبي كنارٍ سُعّرت
لا شُغل َ لي إلآ رثآءَ بنيني
ولقد أتىٰ ناعي المصابِ لطيبةٍ
ينعىٰ الحسينَ بعبرة ٍ وأنين ِ
فسألتُهُ يابشرُ أينَ أحبتي!
هل منهُم ُ أحدٌ تُرىٰ يأتيني!
أينَ ابنُ فاطمةٍ حبيبُ محمدٍ
أينَ الشبابُ ! فكلُهُم تركوني
قالَ اندبي سبط َالرسولِ وإخوةً
كانوا لـهُ سنداً حُماةَ الدين ِ
والشهمُ عباسٌ قضىٰ من ضربةٍ
بعمودِ غدرٍ بعدَ قطعِ يمينِ
فبقيتُ من هذا المصابِ بنكبةٍ
وبِلَوعة ٍ حتىٰ انقضآءِ سنيني
عندَ البقيعِ أنوحُهُم في حرقةٍ
والذكرياتُ مع البكا تؤذيني
ومَنيتي حلّت بغيرِ أحبتي
قد هاجَ حينَ الإحتضار ِحنيني
آه ٍ علىٰ فقدِ الكرامِ وهذهِ
نار ُ الأسىٰ بفراقِهِم تكويني
ياليتَهُم عادُوا لطيبةَ كلُهُم
ياليتَ وقتَ منيتي حضروني

#سمير_الصالحي
#النجف_الأشرف

#سمير_الصالحي
#النجف_الأشرف

⚫️ وزن - الحدي-مجرشة

حَسَت منيتهه احضَرت
دموع اعله خدهه تگاطرت
بدفنتهه ويلي تحيرت
لا عمد عدهه ولاتچيه

منوتهه لولاد اتحضَر
أم وگطع بيهه الدهر
بلچن يگصرون السفر
ويلَحِگون اعله الوفيه

يولاد حيدر يازلم
انتو ويَ عباس الشهم
ساعاتي بيكم آنه اهم
وبكل صباح وكل مسيه

بيضتوا وجهي ويه الولي
وهمومي بيكم تنجلي
لفراگكم دمعي يهلي
واليوم حضرتني المنيه

مفجوعه خلّصت العمر
وخلافكم ماظل صبر
سهرانه ليلي وانتظر
عبراتي ودموعي جريه

آه اشكبرهه امصيبتي
أنحب واجر بحسرتي
منهو اليشيل جنازتي
نمتوا عسن نومه هنيه

لمن يوسدوني بلحد
چني أعاين للولد
لا واحد المنكم يرد
والفاتحه يقراهه ليه

#سمير_الصالحي
#النجف_الأشرف

قصيده لأم البنين عليها السلام
~~~~

لأم الاربعه هلن يالعيون
تنطي امراد للمنها يطلبون

بيهه شيلت الراس ٠٠٠ نعم او كفوا ام عباس

ام الاربعه تنجي اليحبون
➖➖➖➖➖➖

ام الاربعه هاي الجليله
تون للموت مهضومه او نحيله
نعشهه تريد ابو الاكبر يشيله

اويحضرها الشفيه... ساعات المنيه

وين الاربعه لأمهم يحضرون

العلويه✍️ ام ناصر الياسري
➖➖➖➖➖➖

وين أولادها تحظر سويه
يفزعون النشامه بهل المسيه
يشيلون النعش أهل الحميه

وين اليوم السباع ... ليها ماكو فزاع
ابنها مارجع بالترب مدفون

ام ✍️علي الموسوي
➖➖➖➖➖➖

غمضت عينها ومحد لفاها
ماشال النعش لاشيعاها
ماحضرو ولاواحد اجاها
ضلت تهمل العين... وتون ام البنين

رادت للنعش همه اليشيعون

✍️ ام حسين العامري
➖➖➖➖➖➖

عنوان وشرف يشهد التاريخ
من ام البطل شيخه وبنت شيخ
من حقها اتفاخر بيها وتشيخ

هيبه ام الولاد
اصيله وربت امجاد

اهلها وناسها بيها يحلفون

✍? ام زينب الأسدي
➖➖➖➖➖➖

معروفه واصيله جابت ابطال
رادتهم فده للحسين ورجال
انطتهم سوى حته الدمع سال
من راحو سويه ٠٠٠ وي ابن الزجيه

خلوني اون راحو بالضعون

ام سلام
➖➖➖➖➖➖➖

من يوم المشو ما ردو الها
صعب يفراگهم كلش نحلها
تون ضلت لحد ما حان اجلها

وينه اليوم عنها
ماحضرو دفنها

تصيحلهم ييمه اومايسمعون

✍️. ام احمد المنصوريه

➖➖➖➖➖➖➖➖➖➖
تمت بأقلام شاعرات رابطة احزان العقيله

غير مبري الذمه من يحذف اويغير اويتلاعب بالكلمات او يحذف اسماء الشاعرات وينسب الكلام له

#في_الخدمة_المقدسة
#رحيل_ام_البنين ع
#أراك_يا_بني

أراكَ يا بنيَّ....بموكبِ السّبيّه
سكَنْتَ قلبَ زينب...حسينُ عُدْ إليَّ

أنا أمُّ البنينِ... أنعاكَ بالونينِ
بالصّبحِ والعشيّة...أراكَ يا بُنيَّ
&&&

من بعدكَ المدينةْ
أيّامُها حزينةْ
في وحشةِ اللّيالي
نبكيكَ أجمعينَ

نراقبُ القوافلْ
ونحملُ الرّسائلْ
فعلّنا نقابلْ
حبيبنا الوليَّ
&&&

للّهِ بَثُّ حزني
والشّوقُ هدَّ ركني
أعيا الفراقُ حالي
هبني أراكَ هبني

وجاء بشرُ ينعى
بونّةٍ ودمعةْ
سألتُه بلوعةْ
أعادَ لي بنيَّ؟
&&&

يا آيةَ الوفاءِ
إمضِي إلى العزاءِ
أبطالُكِ الشّهامةْ
ساروا إلى السّماءِ

قطعّتَ لي فؤادي
أجبْ عنِ المرادِ
حسينُ بالوهادِ
لربِّه رضيّا
&&&

ذي زينبُ الأبيّةْ
صبراً أيا بُنيّةْ
هلاّ وفى البنينُ
في يومِ الغاضريةْ

بجانبِ الرسولِ
وأمّكِ البتولِ
لخطبها المهولِ
سأنصبُ العزيّه
&&&

نبعٌ من العزائمْ
أمُّ البنينِ فاطمْ
في خدمةِ الشّهيدِ
رمزٌ لكلِّ خادمْ

بساحةِ الفداءِ
وعُسرةِ البلاءِ
بإسمها ندائي
عزيزةُ الزّكيّه

منال_بجيجي

‏مقطع صوتي من حيدر بشار الدراجي

وين ابن حذلم بِشِر هالليله وين
ايروح للعبــــاس ينعه ام البنين
ـــــــــــــــــــــــــــــــــــــــــــــــــ
بشر وينه يگصد ارض الغاضريه
يخبر العباس عن هـــــاي الرزيه
ايگله امك رادتك وكــــت المنيه
غدت تنشد بلچي للــعباس جيه

بالنوايح والمدامـــــــــع والانين
ايروح للعبــــاس ينعه ام البنين
ـــــــــــــــــــــــــــــــــــــــــــــــــ
رادت الاولاد تمشــــــي بالجنازه
والولِد وكت الدفــن عازتها عازه
هـــــاي أم الكافل وبيش اتّجازه
هـاي بيهه الكلب يندب لو توازه

عالولـد حگ الربه وتعب السنين
ايروح للعبــــاس ينعه ام البنين
ـــــــــــــــــــــــــــــــــــــــــــــــــ
وين ناعي حسين بطراف المدينه
خل يصــل للمشرعه بجمرة ونينه
يخبر العباس راحــــــت هالحنينه
خل يجيها بس يشيل اسهام عينه

الچان امس ینعه یساره واليمين
ايروح للعبـــــاس ينعه ام البنين
ـــــــــــــــــــــــــــــــــــــــــــــــــ
ماتت ودمعــــــاتها ترست جِفنها
الاربعه اتمنت يحضـرون ابدفنها
هذا اليسد عينها ويشــــد چفنها
وذاك الايــون المصيبتها وحزنها

وين ناعي الحزن يلطم عالجبين
ايروح للعبـــــاس ينعه ام البنين
ـــــــــــــــــــــــــــــــــــــــــــــــــ
ايروح لحسين ويخبره عالمصيبه
ايگله ام الاربعه مـــــــاتت غريبه 
الهــــا حگ اعليك تدريها النجيبه
من غبت دلاَّلهه مـــــــاكف نحيبه

من يروح ايخبر حسين الحنين
ايروح للعبــــاس ينعه ام البنين
ـــــــــــــــــــــــــــــــــــــــــــــــــ
التنعه لجل مصيبتك لاخر عمرها
كونك اتهيل التراب اعـــله گبرها
الفاتحه تقـــراهه واتنوح ابكترها
فــاجده وماأنصف اوياهه دهرها

خلي ياخذ موكب ویمشي حزين
ايروح للعبــــاس ينعـه ام البنين
ـــــــــــــــــــــــــــــــــــــــــــــــــ
حيدر بشار الدراجي
https://t.me/tajalzahraa1

لمصيبة ام البنين عليها السلام
وبلسان الحال كأني بها تقول :

ليالي الچانت اويه احسين ... وينها
عزيزه ابجاله آمر چنت ...      وانها
مشه او روحي يفت الصخر ... ونها
او لهو اليسمعني لاهو الراد أليه

وين الروحي ابدن ...         ما تملهم
غير العطش والحر ....       ماتم الهم
مشو .  كل عمري عشته ..  ماتم الهم
بلكت ماتم اينصبون أليه ...

ألومنكم لچن شيفيد ....         لمكم
يمن وادي الطفوف اوصال ... لمكم
عجب يا يمه متگومون ......  لامكم
بس اسويعه من گبل المنيه ....

يولادي اليرف عالي .....      علمكم
جفيتوني فرد جفيه .....    علامكم
منهو الساعه اليصلي .... على امكم
او منهو الي يواريها الوطيه .....

ألي العباس واخوانه .. ولي احسين
عليهم نوحي موتني ....  والحسين
لا عباس مر بيه ......... ولا احسين
اجناب اليشيعوني اشلون بيه .....

اشكثر عل رمل ضامي ... لاج الحسين
انه ابهل ليله بيّه ......... لوجه لحسين
علي لا جه ابو فاضل .... لا جه لحسين
متت واعيوني تربي اعله الثنيه

____

ابو فاطمة الطائي
https://t.me/tajalzahraa1

قصيدة " لا تنوحين يزينب "
قصيدة رئيسية للسيدة #فاطمة_الزهراء (ع)
ــــــــــــــــــــــــــــــــــــــــــــــــــ.
لا تنوحين يزينب أحلفچ بالنبي
ضمّي دمعاتچ لكربله و يوم السبي
حسبي لحساب اليسر
اتحزّمي بحبل الصبر
ــــــــــــــــــــــــــــــــــــــــــــــــــ.
يالعقيله ال لاطمه - آنه أمچ فاطمه
آخر حچاياتي الچ لازم تسمعين
هالطلب منچ ردت - لو گضت روحي و متت
ابهيده يا يمه يزينب من تونّين
اتصبّري بحكمه و ورع - لا تونين بجزع
إنتي طفله و خوفي من الون تموتين
وبأمر ألله ارتضي- كون نحبچ ينگضي
ياهي لِ بطف كربله تنعى اعله الحسين
كونچ لظلعي و دموعچ بحرگه تسح
شنهو حالچ إذا شفتي اخيچ منذبح
الدمعه تاكل بالعمر
اتحزّمي بحبل الصبر
ــــــــــــــــــــــــــــــــــــــــــــــــــ.١
بصحوته و نومه يهم - العايش احساس اليتم
يگضي كل عمره مناحه و يبچي و ينوح
يعيش عمره لوحّده - يخاف حته من النده
والنده يلچمه إذا طاح اعله الجروح
يخاف من طاري الهوه-و ما ترس عينه ضوه
دوم وجه المغربيه بناظِره يلوح
وانتي ما بين اخوتچ-وياي ردتي موتتچ
الفارگ امه الغاليه شيسوي بالروح
باول امصيبه وانتي جزعتي من القهر
شحال لو شفتي اخوتچ ضحايه اعله النهر
الدمعه تاكل بالعمر
اتحزّمي بحبل الصبر
ــــــــــــــــــــــــــــــــــــــــــــــــــ.٢
اتعجّبيتي لحالِتي - ما گدرتي امصيبتي
فكرچ لظلع الزچيه هواي مذهول
اعليه الباب انطبگ - ظلعي بالباب انسحگ
ما دريتي حسين تطحن صدره الخْيول
محسن الْـــــــ منّي وگع - گلبچ اعليه انگطع
للشهاده الطفل گبْل اصياره اينول
إبْن الحْسين بْ ألم - خاتمة عمره السهم
بسهم عبدالله غفه و موش بدللّول
آيعبدالله الـــــــ لونه بلون الذهب
رگبته حصّة السهْم ابو ثلاثة شُعب
بكربله مهده الگبر
اتحزّمي بحبل الصبر
ــــــــــــــــــــــــــــــــــــــــــــــــــ.٣
بلايه أم يبقه الطفل - ميّت بهيئة عدل
ما يشوف بعينه بس الهضم و الويل
وانتي ابلا فاطمه - نجمه و مْضَيعه السمه
وِ بْحضنمن تگعد من يچلچل الليل
وْياي عيدچ يندفن - والإسم أم الحزن
طفله وِ بْأوّل مطاف امبيّده الحيل
لْجرحچ و لا صح دوه - شلون بيچ بنينوى
اعليچ من أربع جوانب تفزع الخيل
مو عجيبه لوَن بابي بالنار انضرم
عينچ بغربه يعميها دخّان الخيم
من تدوسين الجمر
اتحزّمي بحبل الصبر
ــــــــــــــــــــــــــــــــــــــــــــــــــ.٤
يعجز بهاي الحچي - ترجم لْساني البچي
يوم اخيّچ ماكو مثله بالزمن يوم
ما يهمني الصار الي - سْلِبو حگي و حگ علي
حسين بالطف ما سلم حته اعله الهْدوم
حيل گلبي ينعصر - لو تراوالي اليسر
يْشح على عيونچ يزينب بالسبي النوم
عالرمح روس اخوِتچ - آينار امصيبتچ
حرمه وِ بسوط الأعادي تعثر تگوم
والعده بْلا عُروبه وَ لا عدهم شيم
والشجاعه ابرزوهه عَلَ اطفال وْ حرم
لو جَلد متنچ زجر
اتحزّمي بحبل الصبر
ــــــــــــــــــــــــــــــــــــــــــــــــــ.٥
اللهم صل على فاطمة و ابيها و بعلها و بنيها و السر المستودع فيها،
خادم خدام الزهراء : علي جبار الخفاجي

لسان حال الزهراء عليها السلام لاستشهاد ابيها

جيوش الهم على الدلال غارت
ومن عدها ا النوايب بعد غارت
يبويه من البواچي العين غارت
شماابچي تلوم الخلگ بيه
★★★★★
اشد ونه الك بويه لونها
اديه اچفوف هلدنيا لونها
علي صبت مصايبها لونها
تنصب علنهار يزول ضيه

الشاعر حسن لعيبي الحريشاوي