❗️«Զբոռնու տղա», «կոմֆորտ զոնա»․ Ի՞նչն է խանգարում հայ ֆուտբոլիստներին

📰 FastNews-ում հրապարակված հոդվածը կարդացեք ԱՅՍՏԵՂ։

*🥁 «Նոայի» «աննկատ» կերպարներից մեկը
🔎* Այս թիմի կարևոր լեգեոնականների մասին հաճախ է խոսվել: Բայց նրանցից մեկը, կարծես, ստվերում է մնացել:

🟩 Հելդեր Ֆերեյրան հիանալի ֆուտբոլ է խաղում: Դժվար է նրա կարևորությունը վիճակագրությամբ փոխանցելը: Գրավում է Հելդերի բազմակողմանիությունը: Պորտուգալացին հավասարապես լավ է խաղում որպես ձախ և աջ կիսապաշտպան: Վերջերս հաճախ փակում էր նույնիսկ աջ պաշտպանի դիրքը:

⚡ Նա շատ լավ է դիրք ընտրում: Հելդերին վտանգավոր է դարձնում մի կարևոր հատկանիշ ևս: Նա կարող է թե՛ կենտրոնում դիրքավորվել ու մրցակցի հենակետային գոտում գնդակ ստանալ, թե՛ արագանալ և բացվել պաշտպանների թիկունք: Սա մրցակիցներին հաճախ է խուճապի մատնում:

🌏 27-ամյա ֆուտբոլիստը 3 մրցաշրջան շարունակ Պորտուգալիայի Պրիմերայի «Պասուշ Ֆերեյրայի» առաջատարներից էր, իսկ «Վիտորիա Գիմարաեշի» հետ մասնակցել է Եվրոպա լիգայի խմբային փուլին: Ֆերեյրան մինչև «Նոային» միանալը 2 մրցաշրջան է անցկացրել «Անորտոսիսում»՝ լինելով Հովհաննես Համբարձումյանի ու Վարազդատ Հարոյանի թիմակիցը:

Ճգնաժամ հայկական ֆուտբոլում. Որտե՞ղ է խնդիրը, և ի՞նչ լուծումներ կան. Live քննարկում

Հայաստանի հավաքականները շարունակում են պարտվել, Պետրակովը հեռացված է ազգայինի մարզչի ղեկից, ՖԱՖ-ը պահանջում է ՀՖՖ նախագահի հրաժարականը. իրադարձությունները շատ են, բայց պատճառը կուտակված խորքային խնդիրներն են, որոնք կքննարկենք ուղիղ եթերում:

🔴 https://youtube.com/live/WwJTtejBqlU

🇦🇲 Ֆեդերացիա, հավաքական, ակումբներ... ❗️

📽 RadioFootball-ի թողարկումը դիտեք ԱՅՍՏԵՂ։

https://youtu.be/9SmrBVjdgxY?si=qEEMvMscBp2ImprO Արդիական թեմաների մասին ⬇️

ՖԱՖ-ի Հայտարարությունը ‼️

ՀՖՖ ՆԱԽԱԳԱՀԻ ՀՐԱԺԱՐԱԿԱՆԻ ՊԱՀԱՆՋ ❗️

ՀՖՖ նախագահ Մելիքբեկյանը չեկավ ՖԱՖ-ի հետ հանդիման…

@urishfootball 😈

*🧐 Ինչպե՞ս փոխարինել Սպերցյանին
❌* Metaratings.ru-ն հայտնել էր, որ Սպերցյանը վնասվածքի պատճառով, ամենայն հավանականությամբ, չի մասնակցի Ֆարերյան Կղզիների դեմ խաղին:

🟥 Կենտրոնում Իվուի կողքին հայտնվելու մի քանի թեկնածուներ կան: Ֆարերյան Կղզիները փակ ֆուտբոլ է խաղում, ուստի Սպերցյանի դիրքում անհրաժեշտ է հարձակմանը միտված կիսապաշտպան: Տեսականորեն Սելարայանը կամ Մանվելյանը ևս կարող են ավելի խորքից խաղալ, սակայն Պետրակովը չի սիրում նման կտրուկ քայլերի գնալ:

✅ Հաշվի առնելով նաև մրցակցի գործոնը՝ Հովհաննես Հարությունյանն ամենահավանական տարբերակն է: Նա այս պահին չունի այն մարզավիճակը, ինչ «Փյունիկում» նախորդ մրցաշրջանում էր, բայց «Արարատ-Արմենիայում» առանցքային խաղացող է: Կիսապաշտպանը Պետրակովի օրոք 3 անգամ է եղել մեկնարկային կազմում:

🔔 Խորվաթիայի դեմ որոշ բաներ ստացվեցին, սակայն Հարությունյանն այս պահին իր ներուժը դեռ ցույց չի տվել հավաքականում: Նրա գլխավոր կողմը խաղի կառուցումն է և հնարամիտ, սուր փոխանցումները: Իսկ փակված մրցակցի դեմ դա գլխավոր գործոններից է: Նրա համար իրեն դրսևորելու իդեալական իրավիճակ է:

*❓ Տեղի՞ն են Խաշմանյանի պնդումները
🗣️* «Մենք այսօր սրանից ավելի չենք կարող անել, սա մեր առավելագույնն է», «կարող ենք խաղալ կարգապահ, շատ աշխատել, բայց որակի խնդիր ունենք», «բոլոր գծերում խնդիրներ ունենք», «6 հարձակվող ունենք, ովքեր 10 խաղում միասին 1 գոլ են խփել»:

📃 Սրանք Աբրահամ Խաշմանյանի պնդումներն են ԲԿՄԱ-ին պարտվելուց հետո: «Ալաշկերտը» 9 խաղից հետո 6 միավորով նախավերջին տեղում է: Թիմի ամբողջ կազմն ամռանը փոխվել է, բայց․․․

📉 Խոսքը դեռ միավորների մասին չէ: «Ալաշկերտի» խաղում աճ չկա ո՛չ հարձակման, ո՛չ պաշտպանության տեսանկյունից: Ըստ մարզչի՝ աճ կլինի միայն ձմռանը մեծ փոփոխություններից հետո: Բայց այս կազմում էլ մրցունակ ֆուտբոլիստները ՔԻՉ ՉԵՆ, ովքեր տարբեր թիմերում և հավաքականներում ցույց են տվել իրենց խաղամակարդակը: Կազմից շատերը լավ են անցկացրել նաև նախորդ մրցաշրջանը:

➡️ Իհարկե, Հայաստանում փայլած որոշ լեգեոնականներ լավ վիճակում չեն միացել թիմին, բայց պիտի արդեն զգալի տարբերություն երևար: Այս կազմը հրաշքներ չի գործի, սակայն ներուժն ավելի մեծ է: Մարզչի խոսքերի ազդեցությունը կերևա առաջիկայում:

Քննադատություն, «Փյունիկ», ֆեդերացիա
«Փյունիկը» ֆեդերացիային քննադատելիս կրկնում է, որ տարիքային հավաքականներն անընդհատ պարտվում են։ Իհարկե, ֆեդերացիան դրա պատասխանատուն է, բայց...

Այդ ֆուտբոլիստներն օդից չեն ընկնում։ Մի մասն էլ «Փյունիկից» է։ Ուստի ֆեդերացիայի հետ հաշվետու են նաև ակումբները, նաև՝ հաղթանակների դեպքում:

Ֆեդերացիային քննադատելու հազար ուրիշ պատճառ կա, ցավոք։ Դրանց մասին ակումբներից գրեթե միայն «Փյունիկն» է խոսում։

Ակումբը նաև նշում է՝ «Փյունիկի» լավագույններին հաճախ միտումնավոր չեն կանչում հավաքականներ։ Իսկ հիմա՝ ՀԱՐՑ. եթե խնդիրը միայն դրսում է, ապա ինչո՞ւ այս 7 տարում ՈՉ ՄԻ սան չամրապնդվեց հիմնական թիմում...

Չնշել Հովհաննես Հարությունյանին, դա ուրիշ պատմություն է։ Կարծում եմ՝ «Փյունիկի» առաջին թիմի ներկայիս հաջողությունները ստվերել են ակումբի ներքին խնդիրները՝ ակադեմիայում անհաջող տարբեր նշանակումներ, որոշումներ...

Տարիներ առաջ «Փյունիկի» լավագույն պատանիները միացան «Արարատ-Արմենիային», հիմա գնում են «Նոա»... Որոշ բաներ «Փյունիկից» կախված չեն, սակայն խնդիրները նախ պետք է ներսում փնտրել։