ፅድቅና ኩነኔ

በጥምቀቱ ማግስት ብዬ ነበር ብቅ፣ ግማሹም ላንቺ ነው የቀረውም ለፅድቅ፣ ከቅዱስ ሚካኤል ደብር የዮዘገሊላ ለት፣ ደምቀሽ ባገር ልብሱ አምረሽ ባገር ጥለት፣ ከዝማሬው መሃል ስታሸበሽቢ፣ እኔን አታስቢ......፣ ከወረቡ መሃል ስትውረገረጊ ስትይ ወዝ ወዝ፣ ፈሰሰልሽ ልቤ እንደ ግዮን ወንዝ። ኧረ ተይ ገድቢው ድንበር ሳይሻገር፣ ኋላ..... የኛ ነው እንዳይሉሽ ገብቶ ባዕድ ሃገር። እንደልማዳቸው......፣ እኔ ግን....፣ እኔማ ነበር አመጣጤ ነበር አወጣጤ.... በአንድ ድንጋይ ሁለት ወፍ ልመታ አንቺን በእይታ በፀሎት ከጌታ ዳሩ ግን..... ወይ አይቼ አልጠገብኩ ወይ ከፀሎቱ አልሆንኩኝ፣ ለ12 እግዚኦ 15 ቆጠርኩኝ። ተኮነንኩልሻ፣ ተይ ቀልቤን መልሻ። ይሁና..... አይ አንተ መልአኩ አሁን ምን ይሉታል.... ካልጠፋ ፈተና እሷን በኔ ላይ መላኩ እንጃ!! አንተ ታውቀዋለህ .... እናማ እልሻለሁ.... እኔስ አንዴ ተኮነንኩኝ በአንቺ በኩል ልፅደቅ፣ አብረን ባንወጣም ነይ አብረን እንጥለቅ።

‘’ይሄስ ቀን ባለፈ
ፅልመት በገፈፈ
ጥለሽኝ ብትሄጂ
በወጣሽ ከቤቴ
ጉዷ ባለቤቴ …
እህህ እያልኩኝ
እንዲህ እያማጥሁኝ
አደባባይ መኃል
የማልናገረው …
ብዙ ህመም ነበረ
ደሜን ያመረረው ።’’
በማለት የፃፈ
አንድ ባል ነበረ !
‘ምን ሆነህ ነው? ‘ ስለው
እየተማረረ …
'ላንተ ከተናገርኩ
ስንቱን እንደቻልሁት
ይሄን ግጥም ታድያ
ለምን ነው የፃፍኩት ? '

ብሎ መለሰልኝ !

(ፈርቷት ነው መሰለኝ?)

#ሚካኤል አ

@getem

ቀሰሙ ተነክሯል
                    .... ብራናው የለፋ
ብዕርማ ሞልቷል
                 ...ወረቀት መች ጠፋ፤
አገሩ የጥጋብ
              ጉርሻው ተርፎ ከአፍ
ካመመኝ ቆይቷል
                     ምናባቴ ልጻፍ ?

✍️አማኑኤል ሀብታሙ

ሰማንያው ምን በላው???

ተስፋ አርጌ ነበር
ምስራች ሲነገር
ታዲያ ምን ያረጋል
ለድስት የተባለው በወረቀት ሲቀር
ተስፋ አርጌ ነበር
ሆዴን ሰፋ ሰፋ
ዛሬ እንዲህ ልከፋ
በመቶ ብር ዋጋ
ቁጥር ተለወጠ
ድስቱ ግን እዛው ነው
ድሮን የመረጠ
ተስፋ አርጌ ነበር
ተስፋዬን ሰው በላው
የኛን ድስት ቸገረው
የነሱ እየደላው
ሃያውስ አለ አሉ
ሰማንያው ምን በላው???

ብእሬ እንደፃፈችው!!

የምግብ ሜኑ ተስተካክሏል ተብሎ ላልተስተካከለልን የግቢ ተማሪዎች በብእሬ የተፃፈ የስሞታ ግጥም?

ሲተካ በጋው በክረምቱ
ቦታ ሲለቅ ቀንም ለምሽቱ
ሰላም የተባለው ሲሆንበት ነውጥ
አፍሪካም ወግ ደርሷት መሪ ስትለዋውጥ
ሞትኩኝ በመናፈቅ
ሞትኩኝ በመጠበቅ
ውበትሽ መች ይሆን
ስልጣኑን የሚለቅ?!

✍️CT

❤ #ገደል_ግቢ_በሏት ?

ዘከርኳት በወዳጂ
መከርኳት በዘመድ
ቀለበት አይጠቅማት
አሰርኳት በገመድ

ገደል ግቢ በሏት

ልቧን ከጋረደው
ወዳጅ ከከለላት
ስውር አይነጥላ
እንዲህ እንዳማረባት
መሔድ ከጀመረች
አፍቃሪ ሰው ጥላ
ልክ እንደ ገላዋ
ይለስልስ መንገዱ
ፍፁም አይጎርብጣት
አየሩ በሙሉ
ፍክት ይበልላት
እንደ ጥርሷ ንጣት
እያልኩኝ መርቄ
እያልኩኝ ፎክሬ
እንደ ገጣሚ ቃል
ልቤን አልጀነጅን
የታባቷንና እንዲህ የሚያምርባት
የትእናቷንና እንዲህ ሚደምቅባት
እስከመቼ ድረስ
ስቀባ እኖራለሁ
ጉድፍ ልቧን ስኩል

ገደል ግቢ በሏት
እኔ ገደል ስር ነኝ
ድንገት ከወደቀች
በቆሻሻው በኩል

✍️ አስታውሰኝ ረጋሳ

✨✨
.
ልደትህን ሳስብ
            ሳነሳና ስጥል

በጥሞና ሆኜ
         ደግሞ  ሳሰላስል

ንጉሥ ሆነህ ሳለ....

በጠባብ ሰዉነት
            ከሰማይ መዉረድህ

ከበጎቹ ግርግም
        ወርደህ  መተኛትህ

ነገረ ልደትህ
     በታወሰኝ  ቁጥር

እኔን ይገርመኛል
     እጹብ ያስብለኛል

የዓለምን ደስታ
      ብስራትን  የሰሙ

እነዛን እረኞች
   መሆን   ያስመኘኛል።

By ዔደን ታደሰ

✨✨✨✨✨✨✨✨✨✨✨✨✨

፤ሀሌ ሉያ ሀሌ ሉያ ንሰብክ ወልደ እምዘርዐ ዳዊት
ወተወልደ በስጋ ሰብ፤

በእውነት የተመሰገነ የዳዊት ዘር ከሆነች ከ ቅድስት ድንግል ማርያም የተወለደውን ክርስቶስ ኢየሱስን እንሰብካለን።
እንኳን ለብርሃነ ልደቱ በሰላም አደረሳችሁ???

⭐️✨✨✨✨✨✨✨✨✨✨✨✨⭐️

✨✨ተወለደልን✨✨

ሞት ለከበበው አለም፤
በመልክተኛ አይደለም፤
ወይም ደግሞ በመልአክ፤
'ራሱ መጥቶ አድኀነን፤
እግዚአብሔር አምላክ።
የሞት መድኃኒት ተገኘ፤
ለተጨነቀው አለም፤
ከድንግል ተወለደና፤
ሁሉን አረገው ሠላም።
የመለአክትን ምግብ ፤
ተመገብን በአንድነት፤
ከእረኞች ጋር ሆን እና፤
ዘመርን ለጸባዖት።
ይህንን ክብር ላደለን ፤
ከበረቱ ለጨመረን፤
ተመስገን ተመስገን እንጂ
ሌላ ምን ቃል አለን።

✍✍ ያሌ~ኤል