***

Тюшюндим мен: етишсем эгер,
Оседжек акъылым ве боюм,
Даянырым эписи шейге,
Тек тездже олгъайдым буюк.

Ве осьтюм - йигирмини кечтим,
Эзберледим недир балалыкъ,
Шашмагъа да унуттым энди,
Огренгеним артыкъ янъгъызлыкъ.

Шаир эслибашлы чагъында
Отузгъа етейим баре.
Сонъ перде тюшеджек, бунъа да,
Даянсанъ да, олмаз чаре.

Лякин яшамакъ, бельки, мумкюн,
Эр шейге рагъмен ве къаршы.
Кечмиште сеадет аз олсун,
Келеджек акъытсын яшы.

Кедернен умют кесип, демек,
Кимсеге ачувланмам, зира
Истегенимни тездже осьмек,
Авесликсиз сакълай хатыра.
Къурал айы ٢٦ куню

Эфенди Зинедин Идрисовнынъ терджимеме озю сайлагъан невбеттеки шиирининъ къырымтатарджасы. Асыл нусхасы кене де изаатта.

https://www.youtube.com/watch?v=73Muv4bxDDk

YouTube

EDIP EMIR, LENUR VACIP, ASAN USEIN | КОМПАНЕЙСКИЙ 2.0 #спецвыпуск

Школа английского языка LingWay https://englishmustafaeva.taplink.ws/ Преподаватель Хатидже Мустафаева https://www.instagram.com/englishmustafaeva?igsh=cDdpaWh1eXI2bmxj . «Компанейский 2.0» - шоу, в котором участники соревнуются, чьи истории круче! . AYT…

https://youtu.be/HfQa6LZtmL4?si=Ek0DyqSuHBzV6DAa

YouTube

ENVER MECİTOV İLE 2-ci "AYT" — TOPONİM, PARA, AQMESCİT VE HALQ İÇÜN DUA

Quentin Tarantino qaysı bir qırımtatar eseri esasında film çıqarmalı? "Aqmescitlilik" meselesi nedir ya? Ne içün üskütliler öz balalarını milliy mekteplerge bermey turğanlar? Otuzlılar aqqında nasıl bir lâtife bar? Bu ve başqa mevzularnı Bilgi Qavesinden…

sudaq

Не кулюш, не сёзлер, не де эль,
Не бетке, не къолгъа, не сатыргъа.
Эгер эссе туршу киби ель,
Сервилерни эгильтип къалдыргъан.

Къум кемерининъ ели тазе,
Тозлата мермернинъ корьфезини.
Перишан бир турист эп кезе,
Ве динълей къабурчакънынъ сесини.

Кенары серт ай юварланыр,
Дженевиз къалесини артына.
Не ерден - айтмасы да агъыр,
Озюмден мен озюм къачалмам.

Къувып бер мени, фелек, тездже,
Демирёл, къанатлар, магистральнен.
Онъа озь "юртум" сойледикче,
Унутмасын аттым акълымдан мен.

Куньлер ашыкъа бир-биринден,
Айды яхшы. Амма сорасалар,
Ки эвим марум къалды менден,
Мен ондан ич марум къалмагъаным.

Ильк яз айы ۱٨ куню

❇️Белли земаневий шаир ве достумнынъ Зинедин Идрисовнынъ къалемине аит шиирнинъ терджимеси.
Асыл нусха изаатта!

✨"Алтын башнен Хыяр баш" Эдип Эмир✨

Бир вакъытлары театрхане ичюн бир бесе-белли миллий масалымыз эсасында бу саналаштырманы язмакъ къысмет олды. Озюмден баягъы чокъ шейлерни къоштым, бундан себеп мени де мытлакъ баягъы сёгерлер, амма бу шей мени не заман токътаткъандыр я?❄️

Билесизми, бу эсерни язгъанда куньлерден бир кунь онынъ эсасында бир мультфильм япыладжагъына умют беследим, ким бильсин, бельки бу арзум да керчек олур ве торунларым тюрлю пиксар ве диснейлерден кем къалмагъан бир къырымтатар маласыны къувана-къувана бакъаджакълар да, озюнинъ эски ве узакъ деделерини яхшы сёз иле анъаджакълар.🤲

Миллий масаллар дюньясына хош келинъиз!🌠

آنا تیلی اوجاصینا

Меним сырдаш, фикирдешим,
Не де агъыр экен ишинъ.
Эр кунь кетмек, я вазгечмек,
Занларынъ бар, бу бир керчек.
Беким, джебинъ олса да бош,
Санъа мунасебет нахош,
Турасынъ сен, беклей дерслер,
Невбеттеки эски эсер.

Сёнеяткъан бир оджакъкъа,
Одунларны атаджакъкъа,
Хитабым бар: элинъ янар,
О да одун, лякин шу нар,
Узакъ, унутылгъан атанъ,
Тарафындан фигъан, селям.
Шу откъа якъар атмасанъ,
Ачлыкъ, олюм, тотлу къазан.

Амма омюр этер девам,
Дийдженъ:”Башкъа сыджакъ девам”,
Деванъ олсун янъы алев,
Яранъа тез тедавийлев,
Лякин бирев оджакъ башы,
Истемесе, бермез ашынъ.
Сенинъ оджагъынъ исе куль,
Олюп кеткен, мевта гонъюль.

Эллеримиз янсын, достум,
Кемигимиз олсун одун.
Сыджакъкъа толсун собамыз,
Оны бакъайыкъ озюмиз.
Ана-тили оджасына,
Онынъ мушкюль аджысына,
Бир теселли гъаемиз бар -
Тевеккюль, арекет ве кяр.

۱۱.٠٥.٢٠٢٤ s.

✒Эдип Эмир "Китап тюкяны"🖋

Иште, къалемимни къайрай-къайрай ишбу къолай бир саналаштырмачыкъны язгъан эдим. Теартхане девириме аит ахырки эсерлеримден бири. Эшкъынъызгъа, "Китап тюкяны"📚.

Даа бире шейни къошайым, эгер бегенсенъиз, беким дигер эсерлеримни де дерч этерим. Эписи бир, не де эсерлерим, не де топлайджакъ малым мени эбедий япмаз. Онъа коре, сагъ олунъыз. Эшкъынъыз)

Буюрынъыз, багълантысы даа джыллы☕

Яйыннынъ энъ гузель парчасы🤪

Техникий джеэттен лейха, шубесиз, кейфиетли. Амма ресим боюнджа инфографика етмеди🤓

Йигитлерге де бет бетке отурмакъ тевсие этем – субет керчек субетке бензер. Учь камера чыкъаргъанда чырайым корюнмез деп къасевет этмек керекмей. Боюнларынъыз да агъырмаз...

UPD: Эбет-эбет, арды гурь олсун. Акълымдан чыкъты, иште

İLK "AYT" - Kimlik ve aş, insaniyetlik ve Qırımtatarlıq

Bu ilk çıqışımızda leyhamıznıñ kerekligini muzakere ettik.
O aslında nege kerek eken? Ondan bir türlü fayda tiyecekmi? Al azırda mamur internet bağında milliy leyhalarnıñ meyvaları çoqtır, oña da şükürler olsun. Lâkin bizim bir pıtaçığımız tapılırmı, aceba? Fikirlerimizniñ bir türlü tazeligi duyulamı? Ve umumen, egertim künlerde bir künü bu faniy alem qırımtatar halqından marum qalsa, bir def olsaq, insaniyetlik yoqsızlığımıznı is etermi, ve ya biz faqat yahşı aşçı ve oyuncılarmızmı? Bu suallerge cevaplarnı aray-aray bu subetimizni yazdıq ta şimdi paylaşamız. Buyurıñız! Sizden begendim dögmesine basuv ve ciddiy, mündericeli izaat! Eyi seyirler, cigerler)

Prodüseri, alıpbarıcı - Edip Emir
Rejissöri - Üsein Cabbarov
Alıpbarıcı - Lenur [Seyahatdelisi] Vacipov
Muarrir - Timur Yüksek-Qarağaç
Tehnikiy muarrir - Ümmet Oğlu

Monti qavehanesine keliñiz: +79785407780

YouTube

İLK «AYT» — Kimlik ve aş, insaniyetlik ve Qırımtatarlıq

Bu ilk çıqışımızda leyhamıznıñ kerekligini muzakere ettik. O aslında nege kerek eken? Ondan bir türlü fayda tiyecekmi? Al azırda mamur internet bağında milliy leyhalarnıñ meyvaları çoqtır, oña da şükürler olsun. Lâkin bizim bir pıtaçığımız tapılırmı, aceba?…

Иосиф Бродский
Одадан чыкъма ич, хата ишлеме сен...

Одадан чыкъма ич, хата ишлеме сен.
Кунеш неге керек, эгер де "Шипка"ны чексенъ?
Къапу артындан нафиле эр шей, айрыджа - бахт сеси.
Тек аякъёлгъа - ве къайтып келирсинъ.

Вай, одадан чыкъма ич, моторны чагъырма.
Чюнки аяттан япылып ясалгъандыр феза
ве сайыджынен бите. Эгер джанлы бир яр
Агъыз ачып кирсе, ону къув союндырмай.

Одадан чыкъма ич; тюшюн, сувукъландынъ.
Алемде курсю ве дивардан нелер меракълы?
Акъшам къайтаджакъ еринъден чыкъмагъа не аджет,
айны ойле де къалсанъ, атта - басса эзиет?

Вай, одадан чыкъма ич. Ойна, теп бассанова
Тенинъе пальто, аякъап кий, яланаякъ олып.
Аятта къапуста ве чанъгъы мельэм къокъусы.
Чокъ арифлер яздынъ, арткъач даа бириси.

Одадан чыкъма ич. Вай, барсын, факъат ода
Сыфатынъны бильсин. Бельгисиз олсам атта
демек барым, къайд эткендай джанларда шекиль.
Одадан чыкъма ич! Тышта Френкистан дегиль!

Тентек олма сен! Башкъалар олмагъан бир шей ол.
Одадан чыкъма ич! Мефрушатынъа бер ёл.
Юзюнъ дивар кягъытнен бир олсун. Килитлен, къапан
Долапнен вакъыт, алем, ашкъ, ярыш, хасталыкътан.

Терджиме тарихы 2016 с., Акъмесджит.