လူငယ်တိုင်းအတွက် အရေးပါတဲ့ Topic လေးနဲ့အတူ ပြန်လာပြီဖြစ်တဲ့ YKV ရဲ့ Monday Chathouse 🍀

အလုပ်ကိစ္စ၊ ပညာရေး၊ အချစ်‌ရေး စတဲ့ကိစ္စတွေနဲ့ ပတ်သက်ပြီး Stress တွေ၊ ‌Anxiety တွေ ဖြစ်ပေါ်လာတာကို လူတိုင်း ကြုံတွေ့ဖူးကြမှာပါ။ ဒီတစ်ပတ် Chathouse လေးမှာ ဒါတွေဖြစ်ပေါ်လာတာနဲ့ ပတ်သက်ပြီး “Stay in Charge: Controlling Stress and Anxiety before they control you” ဆိုတဲ့ Topic လေးနဲ့ ဆွေးနွေးသွားကြမှာ ဖြစ်ပါတယ်။

💭 Stress နဲ့ Anxiety ဆိုတာ ဘာလဲ…၊
💭 ကိုယ့်ကို Stress နဲ့ Anxiety တွေက ထိန်းချုပ်သွားရင် ဘာတွေဖြစ်လာနိုင်မလဲ…၊
💭 ကိုယ့်အနေနဲ့ ဘယ်လို handle လုပ်မလဲ… စတာတွေကို အတူဆွေးနွေးကြရင်း နေ့စဉ်ဘဝရဲ့ ဖိအားတွေ၊ ပူပန်မှုတွေကို လျှော့ချနိုင်ဖို့ လေ့လာသွားကြရမှာပါ။

နောက်ထပ် Fantastic part လေးတစ်ခုကတော့ “Escape Room” ဆိုတဲ့ ဂိမ်းလေး ပါဝင်မှာဖြစ်ပါတယ်။ နာမည်လေးအတိုင်းပဲ ကိုယ့်ဘဝအတွက် စိတ်ထွက်ပေါက်လေးတစ်ခု ဖြစ်စေမှာမို့ try ကြည့်သင့်တဲ့ဂိမ်းလေးနော်။ 🤭💓

November လရဲ့ first Wednesday ဖြစ်တဲ့ 6 ရက်နေ့မှာ ကျရောက်တဲ့ “National Stress Awareness Day” မှာ ပါဝင်ဆောင်ရွက်နိုင်ဖို့ ဒီ Chathouse လေးကို အရင်လာခဲ့ကြနော်…။ 💌✨

#Fiona
#Chathouse
#Mental_health

သစ်ပင်မတက်နိုင်တဲ့ ငါး🌲****
----------------------------

SarPhat Link 👇

https://www.sarphat.com/articles/22258

ကျွန်တော် ဒီနေ့ပဲစာစုလေးတစ်ခုဖတ်လိုက်ရတယ်။ စာစုလေးက

"အာလုံးဟာ ဉာဏ်ကြီးရှင်တွေပါ။ ဒါပေမယ့် ငါးတစ်ကောင်ကို သစ်ပင်တက်တဲ့အရည်အချင်းနဲ့ နှိုင်းနေရင်တော့ အဲ့ငါးကအသုံးကျမှာမဟုတ်ဘူး" တဲ့။

ချက်ချင်းပဲ ကျွန်တော့်ခေါင်းထဲ အသိတရားတစ်ခုဝင်သွားတယ်။

ကျွန်တော်တို့ပတ်ဝန်းကျင်မှာ လူတွေက "မင်းကအသုံးမကျပါဘူး၊ ဒါလေးတောင်မလုပ်နိုင်ဘူးလား၊ အဖြစ်မရှိလိုက်တာ၊ အသုံးဝင်မယ့်အကောင်လည်းမဟုတ်ပါဘူး" လို့ ပြောတာကြားဖူးနိုင်သလို ကိုယ်ကိုယ်တိုင်လည်း အပြောခံရဖူးနိုင်ပါတယ်။

ဟုတ်ကဲ့။ လူတိုင်းက Perfect မဖြစ်လို့ သူလုပ်သမျှအရာတိုင်းက Perfect ဖြစ်နေမှာမဟုတ်ပါဘူး။ အရာရာတိုင်းမှာတော်တဲ့သူဆိုတာလည်းရှားပါတယ်။

လူတစ်ယောက် ငါးဖမ်းတာတော်ပေမယ့် ဖားကောက်တာတို့၊ ငှက်ပစ်တာတို့ သူတော်ချင်မှတော်မှာ။  ဒါကို ကျွန်တော်တို့သိထားရမယ်။

ဒါပေမယ့် ပတ်ဝန်းကျင်ကတော့ တစ်ခုလေးမလုပ်လိုက်နိုင်တာနဲ့ ဘာမှအသုံးမကျသူလို့ သတ်မှတ်လိုက်ရော...။

ဒါကဘာနဲ့တူသလဲဆိုတော့ ငါးတစ်ကောင်ကို သစ်ပင်မတက်နိုင်လို့ အသုံးမကျလိုက်တာလို့ ပြောနေတာနဲ့တူတယ်။

လူမှာလည် ကန့်သတ်ချက်ဆိုတာရှိတယ်။ သူဒီနေရာမှာမတော်ပေမယ့် အခြားနေရာမှာ သူတော်နေနိုင်တယ်။

**လောကမှာ

ဘယ်အရာမှမတော်ဘူးဆိုတဲ့သူ မရှိသလို၊

အရာအားလုံးတော်တဲ့သူဆိုတာလည်း မရှိပါဘူး။**

ဒါကြောင့် စာဖတ်သူလေးအနေနဲ့ ကိုယ့်ကို အသုံးမကျတဲ့သူလို့ ဝေဖန်အပြစ်ဆိုလာတဲ့အခါ စိတ်ဓာတ်မကျပါနဲ့။ ဒါက စာဖတ်သူလေး တကယ်တော်တဲ့နေရာမဟုတ်သေးလို့ပါ။

တော်အောင်ကြိုးစားလို့ရသလို စာဖတ်သူလေးတော်တဲ့နေရာဟာ အခြားနေရာလည်းဖြစ်နေနိုင်ပါတယ်။ ကိုယ်ဘာတော်လဲ သိအောင်လုပ်ပါ။

ရှာဖွေပါ။

ရှင်သန်ပါ။

အစွမ်းကုန်ကြိုးစားပါ။

အက္ခရာ ( 20,10,2024 . 12:57 PM )

Follow in SarPhat

https://www.sarphat.com/articles/22258

#Moti
#Life_Knowledge
#Haruki