عبادة بسيطة تقدروا تضيفوها ليومكم

قال النبي محمد صلّى الله عليه وسلّم :
مَن أكل طعامًا ثم قال الحمدُ لله الذي أطعمني هذا ورزقنيه مِن غَير حول منّي ولا قوة ، غُفر له ما تقدّم من ذنبه. ?
-صحيح أبي داوود.

واحد صاحبي كلمني على ألف جنية سلف إمبارح بليل، فقولتلُه واللّٰهِ ما متوفر معايا فلوس حاليًا لكن إمهلني لحد بُكرة العصر وإن شاء اللّٰه هكون جهزتهم.
قالي كتر خيرك، أنا عارف إن الدُّنيا واقعة مع كُلُّه بس الواد إبني تعبان شوية ومحتاج أروح أكشف عليه ضروري والبيت مفيهوش ولا قرش للأسف!
فقولتلُه طب أنا معايا حاليًا ٤٠٠ جنية.. إنزل قابلني خُدهم وإن شاء اللّٰه بكرة قبل الضهر هكون جهزت الباقي على أساس إني هاخُد سُلفة من الشغل وكده..
ولما جيت أخُد سلفة النهاردة، قالوا السُلف يوم عشرة ويوم عشرين في الشهر ورفضوا يدوني، فمن باب الذوق رنيت عليه أبلغُه بإني معرفتش أتصرف عشان يتصرف هو وميفضلش معلق نفسُه بيا؛
فضحك وقالي قُضيت وأنا اللي هعدي عليك النهاردة بليل أديك فلوسك ولو عاوز فلوس تانية تمشي نفسك بيها لآخر الشهر أخوك رقبتُه سدادة.
قولتلُه ربنا يديم عزك يا حبيبي وميحوجك لحد أبدًا، وضحكت كده وسألتُه بس من أين لكَ هذا؟
قالي من عند اللّٰه واللّٰه، بعد ما أخدت الفلوس منك إمبارح، أخدتُه هو والمدام وطلعنا على الدكتور كشفنا عليه وجيت أجيب العلاج لقيتُه قاطع ٦٥٠ جنية، فدفعت كُل الفلوس اللي معايا وطلعت البطاقة من جيبي يسيبها عندُه رهان لحد ما أجيبُله الباقي، فحلف عليا ما هو واخدها وقالي براحتك متستعجلش على الفلوس كمان!
طلعت من هناك، رنيت على مصطفى ينزلني وردية على التاكسي فقالي إنُّه في مشوار في محافظة تانية ومش هيجي غير على الفجر والسواق هيستلم منُه الساعة تمانية، فإتلاجئت عليه وقولتلُه أول ما تيجي رن عليا أطلع من بعد ما تيجي لحد الساعة تمانية عشان مزنوق في قرشين، فكتر ألف خيرُه ربنا هداه وقالي ماشي والساعة واحدة ونُص لقيتُه بيرن عليا، فنزلت الشارع من إتنين إلَّا رُبع وواللّٰهِ ما ركب معايا إلَّا زبون واحد طول الليل ودفعلي عشرين جنية هى اللي كانت أول عن آخر في جيبي لحد الساعة سبعة وربع الصبح!
فقلت في عقل بالي مش مكتوبالي وحمدت ربنا ونزلت أجيب فطار عشان على الأقل مدخلش البيت وإيدي فاضية، فقابلني طفل زي القمر بس هدومُه مبهدله كده، فإبتسمت في وشُّه ولسه هلاغي فيه قالي والنبي يا عمو عاوز أفطر، فلقيت نفسي تلقائي بقولُه بس كده يا عيون عمو ودخلت جبتلُه بخمستاشر جنية فطار وإديتُه الخمسة جنية الباقية يجيبلُه بيها عصير وطبطبت عليه وبوستُه من راسُه وسيبتُه وركبت التاكسي ومكدبش عليك ما بيني وما بين نفسي قُلت لربنا جبرت بخاطرُه وأنا خاطري مكسور يارب فأجبُرني ويمكن قبل ما أخلص الدعاء لقيت شاب باين عليه العز كده بيقولي فاضي يسطا، فإبتسمت وقولتلُه أه، إتفضل، فركب وإنشغل بالكلام مع حد في التليفون وأنا إنشغلت في الطريق لحد ما وصلنا قدام البنك وحاسبني ونزل.
فدعيت ربنا بكمان مشوارين وفضلت ألِف شوية بدون فايدة، فقلت مرضية كده وجيت أنزل عشان أجيب فطار فإتفاجئت بشنطه في الدواسة تحت ولما ركزت فيها شوية إفتكرت بإنها شنطتُه!، فبدون تفكير قررت أرجع أوديهالُه لإنُّه أكرمني في الحساب، وبالفعل في أقل من ربع ساعة كُنت قُدام البنك فلقيتُه واقف مع بتاع الأمن وباين على ملامحُه الزعل، فنزلتلُه بالشنطة بدون ما أفتحها ولا أعرف فيها إيه، فلقيتُه مقابلني بالحُضن وبيبوسني من راسي وبيفتحها عشان أتفاجيء بإن كُلها فلوس، عدهم فلقاهم مظبوطين فسلِّم عليا وأخدني بالحُضن تاني وطلعلي منهم ١٠ ألاف جنية تقديرًا لأمانتي وسابني ومشي، فمن كُتر الفرحة حضنت بتاع الأمن وإديتُه ألف جنية، فباسني من راسي هو كمان وقالي ربنا يجبُّر بخاطرك يبني، فمقدرتش أمسك دموعي وقولتلُه جبرُه واللّٰهِ فعلاً وحكيتلُه على كل اللي حصل، فطبطب عليا وقالي لن تنالوا البر حتَّى تنفقوا مما تحبون يبني

مفيش أكرم من ربنا في رد الكرم.
~لصاحبه

«اللهُم آمِن روعات أهل غزّة وإدلب
والسُودان وسائر بِلاد المُسلمين».

الآن ساعةٌ ثمينة، لا تغفل عن الدعاء.

بسم الله،

ليلة جمعة طيبة؛ أصبح الترند مؤخرًا من الركائز التي يبني عليها كثير من الناس مواقفهم تجاه القضايا المطروحة على الساحة لا سيما تلك التي تمس دينهم.
غالب الناس يفرحون لحدث ما أو يؤيدونه= فالصحيح إذًا أن تفرح وتؤيد.
غالب الناس يحزنون بسبب حدث ما ويعارضونه= فالصحيح إذًا أن تحزن وتعارض.
هكذا قانون الترند الذي تحركه غالبًا مشاعر الجمـاهير.
مشاعر الجمـاهير أي العاطفة+كثرة الأعداد.

وإنك إذ تقرأ سورة الكهف الليلة ترى أن قصة فتية الكهف تدحض قانون الترند بدعامتيه: العاطفة والكثرة.
أما دحض العاطفة فقول الفتية: هَٰؤُلَاءِ قَوْمُنَا اتَّخَذُوا مِن دُونِهِ آلِهَةً لَّوْلَا يَأْتُونَ عَلَيْهِم بِسُلْطَانٍ بَيِّنٍ.
بسلـطان بين= أي أن يأتي كل صاحب زعم بالحجة الواضحة لإثبات دعواه، أما خلاف ذلك من أهواء وعواطف ومشاعر فلا وزن لها في الإثبات.

وأما دحض الكثرة فقول الله: سَيَقُولُونَ ثَلَاثَةٌ رَابِعُهُمْ كَلْبُهُمْ وَيَقُولُونَ خَمْسَةٌ سَادِسُهُمْ كَلْبُهُمْ رَجْمًا بِالْغَيْبِ وَيَقُولُونَ سَبْعَةٌ وَثَامِنُهُمْ كَلْبُهُمْ قُلْ رَبِّي أَعْلَمُ بِعِدَّتِهِمْ.
بحسب الأقوال الثلاثة في الآية لن يزيد عدد فتية الكهف عن سبعة قط.
هؤلاء السبعة القليلون جدًّا كانوا في مواجهة جمـاهير قومهم الكثيرة: هَٰؤُلَاءِ قَوْمُنَا اتَّخَذُوا مِن دُونِهِ آلِهَةً. ورغم قلتهم رجحت كفتهم على كفة الكثرة بسلطـان الحق، فالاعتبار إذًا للحق لا لكثرة الأعداد.

الأحداث الجارية تحتاج للحكم عليها أناسًا جمعوا بين العلم الشرعي والوعي والبصيرة، فانظر من تأخذ عنهم وتستمع إليهم ممن حازوا هؤلاء جميعًا وإن كانوا قلة، ولا تغرنك كثرة الأعداد وغلبة العواطف.

هذه ليلة الجمعة فتدبر سورة الكهف وأكثر من الصلاة على رسول الله ﷺ فإن الله يصلي عليك أضعافًا فيخرجك من ظلمات الحيرة والتخبط إلى نور العلم والهداية.
وصل اللهم وسلم على محمد وآله وصحبه.

~ لصاحبته

?مرحبًا..

جئت أُذكّرك بالحُلم الذي كتبته على ورقةٍ ذات يوم، أنّك [الحافظ لكتاب الله]، وأنّك سَتُتِمّ القرآن حفظًا، تبلغ الآية الأخيرة، وتقرأ من محفوظ صدرك! تذكر هذا الحلم؟ إن كُنت ساعيًا له فأتَمَّ الله سَعيَك، وإن نَسيت الحُلم، فقد ذَكَّرتُك به ^^

أصدُقُك؟ والله إنّي حريص على حلمك أكثر منك، لذلك لن أنساكَ، دعاءً، وتذكيرًا، وسؤالًا كلّ حين، كُن بخير، يا حافظ القُرآن ?

عبادة صباحية لا تتركها!

في حديث جويرية - رضي الله عنها -
أنَّ النَّبيَّ صَلَّى اللَّهُ عليه وَسَلَّمَ خَرَجَ مِن
عِندِهَا بُكْرَةً حِينَ صَلَّى الصُّبْحَ وَهي في
مَسْجِدِهَا، ثُمَّ رَجَعَ بَعْدَ أَنْ أَضْحَى وَهي
جَالِسَةٌ، فَقالَ: ما زِلْتِ علَى الحَالِ الَّتي
فَارَقْتُكِ عَلَيْهَا؟ قالَتْ: نَعَمْ، قالَ النَّبيُّ
صَلَّى اللَّهُ عليه وَسَلَّمَ: لقَدْ قُلتُ بَعْدَكِ
أَرْبَعَ كَلِمَاتٍ ثَلَاثَ مَرَّاتٍ، لو وُزِنَتْ بما
قُلْتِ مُنْذُ اليَومِ لَوَزَنَتْهُنَّ: [ سُبْحَانَ اللهِ
وَبِحَمْدِهِ، عَدَدَ خَلْقِهِ، وَرِضَا نَفْسِهِ،
وَزِنَةَ عَرْشِهِ، وَمِدَادَ كَلِمَاتِهِ ]
- صحيح مسلم

صلاة الفجر
فيضٌ من السّكينة ، ونهرٌ من الأمن ، وريحٌ طيّبة باردة تهب على النّفس فتُطفئ نار الخوف والحُزن اللهُم أعنّا على قيامها حتى نلقاك?

عسى أن تُفتح كل الأبواب المغلقة، وتتيسَّر كل الأمور الصعبة.. عسى أن نؤتى من الجبر ما ينسينا كل ما فقدناه وما مررنا به، وأن تكون كل أيامنا القادمة جميلة❤️?.
#تحفيز