የወላጅነት ጥበብ!

1. ለልጅህ የሚጠይቀውን ሁሉ ከመስጠት ተቆጠብ። የሚፈልገውን ሁሉ የማግኘት መብት እንዳለው አምኖ ያድጋልና።

2. ልጃችሁ የስድብ ቃል ሲናገር ከመሳቅ ተቆጠቡ። አለማክበርን ወይም መናቅን እንደ መዝናኛ አድርጎ በማሰብ ያድጋል።

3. ያለምንም ሀፍረት በሚያሳየው መጥፎ ባህሪ ቸልተኛ መሆንን ያስወግዱ። በህብረተሰብ ውስጥ ምንም አይነት ህግጋት እንደሌለ አድርጎ በማሰብ ያድጋል።

4. ልጅዎ ያበላሸውን ወይም ያዝረከረከውን ማንኛውንም ነገር ከማንሳት ይቆጠቡ። ለሰራው ጥፋት ሌሎች ሀላፊነት መውሰድ አለባቸው ብሎ በማመን ያድጋል።

5. ማንኛውንም የቲቪ ፕሮግራም እንዲመለከት አይፍቀዱ። እንደዚያ ካደረጉ በልጅነት እና በአዋቂነት መካከል ምንም ልዩነት እንደሌለ በማሰብ ያድጋል።

6. ለልጅዎ የጠየቀውን ገንዘብ ሁሉ ከመስጠት ይቆጠቡ። ገንዘብ ማግኘት ቀላል እንደሆነ አድርጎ በማሰብ ያድጋል እናም ገንዘብ ለማግኘት ሲል ለመስረቅ አያመነታም።

7. በጎረቤቶች ፣ በመምህራን፣ ወይም በፖሊስ ላይ ሲያምጽ ሁልጊዜ ለእሱ አይወግኑ። እሱ የሚያደርገው ነገር ሁሉ ትክክል ነው ብሎ በማሰብ ያድጋል፣ የተሳሳቱት እነሱ ናቸው እናም ሁልጊዜም ሁሉንም ነገር መሸሽ እንደሚችል በማመን ያድጋል።

8. ወደ አምልኮ ቦታ ስትሄድ እቤት ውስጥ ብቻውን አትተወው፣ ያለበለዚያ እግዚአብሔር የለም ብሎ በማሰብ ያድጋል።

ሼርርርር ለወላጆች ?
TonaMedia

@PSYCHIATRY1

የሰው ልጅ ፍለጋዎች መዳረሻ የት ነው?
በእውነተኛ የፍቅር ታሪክ ላይ የተመሰረተ ልብ ወለድ መፅሀፍ
ወደ ፍቅር ህይወት ላልገቡ፣ በፍቅር ውስጥ ላሉና የቀድሞ ፍቅራቸው ለተቀዛቀዘባቸው የቀረበ ድንቅ መፅሐፍ!
ለፍቅር ምን ያህል ዋጋ ይከፈላል? ያፈቀሩትን እስከመቼ ይጠበቃል?
የጠወለገን ህይወት እንደገና የሚያለመልመው የፍቅር ጥላ ይሆን?
ነገ 27/12/2016 ከ11:00 ጀምሮ በብሔራዊ ቲያትር ተጋብዘዋል

Source Mind the Mind

ራስን ማዘዝ!

“ራስን ማዘዝ የማይችል ሰው ነጻነት የሌለው ሰው ነው” (Source Unknown)

• ራስን ማዘዝ ማለት ውስጣችን የሚያውቀው እውነትና ስሜታችን ሲጋጭ እውነቱን ለመከተል መወሰን ማለት ነው፡፡

• ራስን ማዘዝ ማለት ማዳበር የምንፈልገው ዲሲፕሊን ለማዳበር ራስን ማሳመን ማለት ነው፡፡

• ራስን ማዘዝ ማለት ማቆም የሚገባንን ነገር ለማቆም ራስን ማስገዛት ማለት ነው፡፡

• ራስን ማዘዝ ማለት ከዓላማችን ጋር የሚጣጣሙና የማይጣጣሙ ሁኔታዎችን በመለየት ራስን መስመር ውስጥ ማስገባት ማለት ነው፡፡

• ራስን ማዘዝ ማለት ምንም አጣን ምንም ራስን ሆኖ ለመኖር መወሰን ማለት ነው፡፡

ዶር እዮብ ማሞ

@PSYCHIATRY1

ከልማድህን ነህ መጽሐፍ የተወሰደ ድንቅ ትምህርቶች

1⃣የ40 ቀን እድልህን ስበር!

ምናልባት ነገሮች የማይሳኩልህ እድለኛ ስላልሆንክ እንደሆነ አድርገህ ታምን ይሆናል። ግን እመነኝ ይሄ ሰበብ ነው። እጅግ በጣም ሀብታም፣ ደስተኛ እና ጤናማ የመሆን ወይም ደሃ፣ የተጨነቀ እና ጤናማ ያለመሆን ልዩነት የሚመጣው በሕይወትህ ውስጥ ካደረግካቸው ምርጫዎች የተነሳ ነው። ሌላ ልዩነት ሊፈጥር የሚችል ነገር የለም። ምርጫዎችህን ስትቀይር የ40 ቀን እድልህም ይቀየራል፡፡

2⃣መንገድህን እወቅ!

ወዴት እየሄድክ ነው? የሁለት ሚሊሜትር አቅጣጫ መሳት ከመንገድህ አርቆ እንደሚያስወጣህ ሁሉ፣ የሁለት ሚሊሜትር ማስተካከልም ወደ ቦታህ ይመልስሃል፡፡ ዋናው ነገር እንዴት እዚያ እደርሳለሁ፣ እንዴትስ መንገዱን ተከትዬ መሄድ እችላለሁ የሚለውን ማወቁ ላይ ነው::

3⃣ከአቦሰጥ ኑሮ ውጣ!

አሁን ግን ልጓሙን የመቆጣጠር እና ሕይወትህን መሄድ ወደምትፈልግበት አቅጣጫ የማንቀሳቀስ ጊዜ ነው። በአቦሰጥ እየኖርክ ከሆነ እና ልማዶችህ እንዲመሩህ የምትፈቅድ ከሆነ፣ ራስህን ከዚያ ወጥመድ ውስጥ እንድታወጣ መስራት አለብህ። ለዚህም ለእኔ የሰሩልኝንና ሕይወቴን የቀየሩትን የድምር ውጤቶች ምትሃት ላካፍልህ እወዳለሁ።

4⃣ከዝሆን ይልቅ ትንኝን ፍራ

በዝሆን ተነክሰህ ታውቃለህ? በትንኝስ? በሕይወት ውስጥ የሚነክሱህ ትናንሽ ነገሮች ናቸው። ለብዙዎቻችን ትልቅ ትኩረት የሚወስዱት፣ ሳይታሰቡና ሳይገመቱ ስኬትን የሚያጠፉት የተደጋገሙ ግን ትንንሽ እና ውጤት አልባ የሚመስሉ ምርጫዎች ናቸው። ምርጫዎችህን አብረን እናስተካክላለን።

5⃣በግል ሀሳብ ብቻ አትነዳ

ስኬታማ መሆን የምትፈልግ ከሆነ የአያቶችህን የስራ ባህል መመለስ አለብህ። ይህንን የምታደርገው ሀገርን ለማዳን ባይሆን እንኳን፣ ቢያንስ ለራስህ የላቀ ስኬት ሲባል ነው። በግል ሃሳብ ብቻ አትነዳ። ጥቂት ልማዶችህን በመቀየር ብዙ ነገሮችህን መቀየር ትችላለህ፡፡

6⃣የድምር ውጤት ምትሃትን ላሳይህ

ድምር ውጤት ሁልጊዜም ይሰራል፤ ሁልጊዜም ወደሆነ ቦታ ይወስድሀል፤ ጥያቄው የት ነው የሚወስድህ? የሚለው ነው፡፡ ይህንን የማያቋርጥ ኃይል ተጠቅመህ ወደ አዲስ ከፍታ እንዲወስድህ ማድረግ ትችላለህ። ግን የት መሄድ እንደምትፈልግ ማለትም ግብህን፣ ህልምህንና መድረስ የምትፈልግበትን ቦታ ማወቅ አለብህ። ውጤቱን ደግሞ እኔ ላሳይህ እችላለሁ፤ ትፈቅድልኛለህ?

7⃣ከፈቀድክልኝ ላሳይህ

መሸነፍ ልማድ ነው፤ ማሸነፍም እንደዚያው፡፡ ስለዚህ አሁን በሕይወትህ ውስጥ የአሸናፊነት ልማዶችን በቋሚነት ለመቅረጽ እንድንሰራ እፈልጋለሁ። የተበላሹ ልማዶችን አስወግደህ የሚፈለጉትን አወንታዊ ልማዶች በማሳደግ ሕይወትህን ወደምትፈልገው አቅጣጫ፣ ወደ ታላቅ ምናብ ከፍታ መውሰድ ትችላለህ።

ይሄማ ይጋራል ሼርርርር
Source Ankipage

@PSYCHIATRY1

ለተሻለ ሕይወት

? እርዳታ መጠየቅ አያስፈራህ
? ሁልጊዜ አንድ እርምጃ ቅደም
? ጀግን
? የጀመርከውን ጨርስ
? ግላዊ አድርገህ አትውሰደው
? ሌሎችን አገልግል
? ራስህን አግኝ

ለምትወዱት ሰው ላኩለት ?

መልካም እሁድ

@PSYCHIATRY1

በራእይህ ትለካለህ

“ማንነትህ የሚለካው ለወደፊቱ ባለህ ራእይ ነው እንጂ ባለፈው ታሪክህና ባለህበት ሁኔታ አይደለም” – Anonymous

ራእይ ማለት አንድን ነገር በአይነ-ስጋና በገሃዱ አለም ከማየት በፊት በአይነ-ሕሊና በማየት ለመስራት መንቀሳቀስ ማለት ነው፡፡

ራእይ ማለት ጊዜህን፣ ገንዘብህን፣ እውቀትህንና ያለህን ሁሉ ለመስጠት የሚያነሳሳህ ጉዳይ ነው፡፡

ራእይ ማለት ከነበረህና ካለህ ነገር በላይ መኖር ማለት ነው፡፡

ራእይ ማለት ለሌሎች ጥቅም የሚያልፍን ነገር ገንብቶ ለማለፍ መነሳሳት ማለት ነው፡፡

በዓለም ራሳቸውን አክብረው ሰዎች እንዲያከብሯቸው ያደረጉ ሰዎችን ተመልከታቸው፡፡ እነዚህ ሁሉ ሰዎች አንድ የጋራ ባህሪይ አላቸው፡፡ ይህ ባህሪይ ራእይ ነው፡፡

“የማንነትህ መለኪያ” ከተሰኘው የዶ/ር ኢዮብ ማሞ መጽሐፍ የተወሰደ፡፡

ለወዳጆ ሼርርር ?

@PSYCHIATRY1

ጥሩ የእንቅልፍ ንፅህናን ለመጠበቅ በራስችን ማድረግ ያለብን ነግሮች

የእንቅልፍ ንጽህናን(sleep hygiene) መለማመድ የተሻለ የእንቅልፍ ጥራት እንዲኖር ያስችላል።

1. ወጥ የሆነ የእንቅልፍ ሰዓት ይኑርዎት፡

በየቀኑ በተመሳሳይ ሰዓት ለመተኛት እና ለመነሳት ይሞክሩ ቅዳሜና እሁድ እንኳን ጨምሮ። ይህ የሰውነትዎ ውስጣዊ ሰዓት እንዲስተካከል እና የተሻለ እንቅልፍ እንዲኖር ይረዳል።

1. ለእንቅልፍ ምቹ የሆነ አካባቢ ይፍጠሩ፡

መኝታ ቤትዎ ቀዝቃዛ፣ ጨለማ እና ጸጥ ያለ መሆኑን ያረጋግጡ።

1. ከመተኛቶ በፊት ለኤሌክትሮኒካዊ መሳሪያዎች መጋለጥን ይገድቡ፡-

በስክሪኖች የሚወጣው ሰማያዊ መብራት በሰውነትዎ ተፈጥሯዊ የእንቅልፍ ማነቃቂያ ዑደት ላይ ጣልቃ ሊገባ ይችላል። ከመተኛቱ በፊት ቢያንስ ለአንድ ሰዓት ያህል እንደ ስማርትፎኖች፣ ታብሌቶች ወይም ኮምፒተሮች ያሉ ኤሌክትሮኒክስ መሳሪያዎችን ከመጠቀም ይቆጠቡ።

1. ዘና የሚያደርግ የመኝታ ጊዜን ያዘጋጁ፡- ከመተኛትዎ በፊት እንዲዝናኑ በሚረዱ እንቅስቃሴዎች ውስጥ ይሳተፉ። ይህም መጽሐፍ ማንበብን፣ ሙቅ መታጠብን፣ እንደ ጥልቅ መተንፈስ ወይም ማሰላሰል የመሳሰሉ የመዝናኛ ዘዴዎችን መለማመድ ወይም የሚያረጋጋ ሙዚቃ ማዳመጥን ሊያካትት ይችላል።

2. አነቃቂ ንጥረ ነገሮችን ያስወግዱ፡-

ቡና፣ ኒኮቲን እና አልኮሆል የሚወስዱትን መጠን ይገድቡ ምክንያቱም እነዚህ የእንቅልፍ ሁኔታዎችን ሊያበላሹ ይችላሉ። ከመተኛቱ በፊት እነዚህን ንጥረ ነገሮች ከመጠቀም መቆጠብ ጥሩ ነው።

1. አዘውትረህ የአካል ብቃት እንቅስቃሴ አድርግ፡

አዘውትረህ የአካል ብቃት እንቅስቃሴ ማድረግ የተሻለ እንቅልፍ እንዲተኛ ሊያደርግ ይችላል ነገርግን ቢያንስ ከመተኛቱ በፊት ጥቂት ሰአታት በፊት የአካል ብቃት እንቅስቃሴ በማድረግ ለመጨረስ ሞክር።

1. ከመተኛቱ በፊት ከበድ ያለ ምግብ እና ከመጠን በላይ ፈሳሽ ከመውሰድ መቆጠብ፡-

ትልቅ ምግብ መመገብ ወይም ከመተኛቱ በፊት ብዙ ፈሳሽ መጠጣት ምቾት ማጣት እና እንቅልፍን ሊያስተጓጉል ይችላል።

እነዚህን ልምዶች በዕለት ተዕለት እንቅስቃሴዎ ውስጥ በማካተት የእንቅልፍዎን ጥራት እና የቆይታ ጊዜ ማሻሻል ይችላሉ።

NB. ለብዙ ሰዎች ሊጠቅም ስለሚችል ማጋራት አይርሱ?

**ነብዩ ጃግሶ (ስነ አእምሮ ባለሙያ)

ነብዩ ስነ አእምሮ E-CLINIC**

በዩቲዩብ ስለ እንቅልፍ ንጽና የተሰራ ቪዲዮ ለማየት https://youtu.be/NQL06ndlUdE?si=3meejs5md8hdtDE6

የባለሞያ እርዳታ ለማግኘት ???
? +251922077637
? +251712299056 ይደዉሉልን
ቴሌግራም? @Mentalhealth_NJ

ከውደዱት ይቀላቀሉን ??
@Psychiatry1 @Psychiatry1
@Psychiatry1 @Psychiatry1

YouTube

የእንቅልፍ ንጽና ለመጠበቅ በራሳችን ማድረግ ያለብን | Sleep hygiene by Nebiyu Jagiso

#ebs #ebc #psychiatry #psychology

መጋፈጥ ያለብህን ነገር ለይ!

አንዳንድ ሰዎች ምንም ነገር መጋፈጥ (Confrontation) አይወዱም፡፡ እንደዚህ አይነት ሰዎች ከመጋፈጥ ይልቅ መታገስና መሸከም ይሻላቸዋል፡፡

ለምሳሌ፣ ሰዎች እያታለሏቸውና ወይም ደግሞ አንዳንዴ የእነሱ የሆነውን ነገር ካለማቋረጥ በድብቅ እየወሰዱ እንደሆነ ያውቃሉ፣ ሰዎቹን ቁጭ አድርጎ እያደረጉት ያለውን ስርቆት እንደሚያውቁ፣ ትክክል እንዳልሆነና መታረም እንደሚገባው ለመናገር ግን ድፍረቱ የላቸውም፡፡

እንደዚህ አይነት ሰዎች ምግባረ ብልሹ የሆኑ ሰዎችን “ሲቀልቡ” ይኖራሉ፡፡

በማንኛውም ማሕበራዊ ግንኙነት ውስጥ አብሮን ያለ ሰው ለዚያ ግንኙነት የማይመጥን ባህሪን ሲያሳይ ነገሩ እንዲታረም ከፈለግን ፊት ለፊት መጋፈጥ የግድ ነው፡፡ ከዚህ ሌላ ያለን ምርጫ ዝም ብለን እንደፈለጉ ሲያደርጉን ማየት ነው፡፡

አንዳንድ ጊዜ ሰዎችን መጋፈጥ ማለት ጸብ፣ ጩኸት፣ ልክ ልክ መነጋገር እንደሆነ ስለምናስብ ነው የማንፈልገው፡፡ ሆኖም፣ በለስላሳ ድምጽና በተረጋጋ ስሜት ሰዎቹ መስማት ያለባቸውን መንገር እንደሚቻል ማሰታወስ አለብን፡፡

ጉዳዩን ወደራሳችን ስናዞረው፣ የራሳችንንም ድካምና ችግርም ቢሆን ካልተጋፈጥነው በስተቀር ልናርመው አንችልም፡፡ የራስን ሁኔታ መጋፈጥ ማለት ስላለብን ሁኔታ ምክር መፈለግ፣ እርዳታን መጠየቅ፣ ችግርን አምኖ መቀበል . . . ሊሆን ይችላል፡፡

ያም ሆነ ይህ ወሳኝ ለሆኑ ነገሮች ዝምታው ቆም ሊልና መጋፈጥ ያለብንን ነገር በረጋ መንፈስ መጋፈጥ የጨዋዎችና የብልሆች መንገድ ነው፡፡

ዶር እዮብ ማሞ

@PSYCHIATRY1

ሰዎችን ምረጡ!
1. ለአዕምሮ ጤናችሁ መልካም የሚሆኑትን፣
2. እናንተን ለመረዳት ጊዜ የሚሰጡትን፣
3. ራሳችሁን እንድትሆኑ የሚፈቅዱትን፣
4. በእድሎች ሁሉ የእናንተን ስም የሚያነሱትን፣
5. እንድታድጉ የሚደግፏችሁን፣
6. ስኬታችሁን አብረው የሚያከብሩትን፣

credit TonaMedia

ነብዩ ስነ አእምሮ E-CLINIC

@PSYCHIATRY1

ሁለቱ ተኩላዎች፤

አንድ አዛውንት በእያንዳንዳችን ውስጥ በሁለት ተኩላዎች መካከል ሁልጊዜ ስለሚካሄደው ጦርነት ለልጁ እንዲህ ሲል ይነግረዋል።

"የመጀመሪያው ተኩላ የክፉ ባህርይ ተኩላ ነው። በአዕምሯችን ውስጥ ቁጣን፣ ሀዘንን፣ ስግብግብነትን፣ እብሪትን፣ ውጥረትን፣ ጭንቀትን፣ ይፈጥራል። ሁለተኛው ተኩላ ደግሞ የጥሩ ባህርይ ተኩላ ነው። ይህኛው በአዕምሯችን በልባችንና በነፍሳችን ውስጥ ተስፋን፣ ሰላምን፣ ደስተኝነትን፣ እውነትን፣ ለጋስነትንና መልካም ሥነ ምግባርን ይፈጥራል።"

ልጁም ጠየቀ፣ "ስለዚህ ጦርነቱን ማን ያሸንፋል?"
አባትዮውም መለሰ፣ "አንተ በደንብ የምትመግበው።"

ታሪኩ ራሳችንን እንድንመረምር ያደርገናል። ጥያቄው በየቀኑ የትኛውን ተኩላ እና ምን ያህል ነው የምንመግበው? የሚለው ነው። አሉታዊ ባህርይ ባላቸው ሰዎች ራሳችንን ከከበብን ሀሜትን፣ ማደናቀፍን፣ መሸወድና ማታለልን እንዲሁም አፍራሽ ሀሳቦችን እያሳደግን ነውና ያለምንም ጥርጥር የክፉ ባህርይውን ተኩላ እያጠነከርንው ነው። በአንጻሩ ጊዚያችንን ከመልካምና ቀና ሰዎች ጋር ካሳለፍን፣ ጥሩ መጽሐፎችን ካነበብን፣ መፍትሔ ላይ ካተኮርን እና ሰዎች ችግሮቻቸውን እንዲፈቱ ካገዝን የጥሩው ባህሪ ተኩላ በክፉው ላይ ድል እንዲቀዳጅ እያበረታታንው ነው። በረጅሙ የሕይወት ጉዟችን ውስጥ ተኩላው የእኛን ባህርይ ይወክላል። ምክንያቱም በመጨረሻ ባህርያችን ወይ በጥሩው ወይ በክፉው ተኩላ ይቀረጻልና ነው።

ለሌሎች ያጋሩ ?

via Tona media

@PSYCHIATRY1