پئراغئنگ دیوانئ
?? ??? ?? ????? ?
We comply with Telegram's guidelines:
- No financial advice or scams
- Ethical and legal content only
- Respectful community
Join us for market updates, airdrops, and crypto education!
Last updated 1 year, 9 months ago
[ We are not the first, we try to be the best ]
Last updated 1 year, 11 months ago
FAST MTPROTO PROXIES FOR TELEGRAM
ads : @IR_proxi_sale
Last updated 1 year, 7 months ago
يۇلدا سنی
حبيب الله، سنی ايستأن
تاپار قايسئ يۇلدا سنی
والله، گؤرمأگه موشتاقدئر
بگ-ده، خان-دا، غول-دا سنی!
عاشئقلار گۆل يۆزی سۇلار
مۆنگ گۆن آغلان بير گۆن گۆلر
بیلبیل ثنادا آرزوولار
تأزه غونچا، گۆلده سنی
نه گؤوهر سن، يۇق غئماتئنگ
جاهانئ توتموش هۆمّتينگ
دورماز، ياد ادر اومّاتئنگ
داغدا، دۆزده، چؤلده، سنی!
ارنلر يۇلونگنئ ائزلار
دروۆشلر سئرئنگنئ گيزلأر
ماشرئق،ماغرئب ـ تامام گؤزلأر
بارچا- ساغدا، سۇلدا سنی
دؤولت، پلک بيله دؤنر
كيمدن اوچار، كيمه غۇنار
گؤرمهسه، عاشئقلار يانار
هپته، آيدا، يئلدا سنی
بيز هم اومّاتئنگ خاصلارئن
ياد اِدِرين، هؤوسلأرين
چاغئرئن، مدد ايسلأرين
ياغشئ يامان حالدا سنی
ماغتئمغولئ ديير، اۇدوم بار
عارضئم بار، حاقا دادئم بار
شپاغاتدان اومیدئم بار
قئل كؤپرۆده دالدا سنی
ماغتئمغولئ پئراغئ
?
بۇلدوم گیریانا
یازئغئم یاد ادیپ یۆزۆم هأک ادیپ
سحر نالئش بیلن بۇلدوم گیریانا
دیدهدن یاش دؤکۆپ سئنام چأک ادیپ
تلبه دک اؤزۆمی اوردوم هر یانا
کؤنگلۆمنی گچیردیم جۆمله جاهاندان
نه جاهاندان بلکی ال اۆزدۆم جاندان
خئضئردان عیسیدان شاهئ مرداندان
هۆمّت ایستأپ باقدئم سویِ آسمانا
آسمانئنگ یۆزۆندن کِهکِشان اؤچدی
نأگِهان اۆچ أره ناظارئم دۆشدی
ایکی یاشئل گیمیش بیر سپید پوشدئ
گؤزۆم گؤردی تیلیم گلمز پرمانا
بیری گلیپ الین گؤوسۆمه اوردئ
بیری بیر تیغ بیلن یۆرگیم یاردئ
آغزئما آغزئن غۇیوپ بیری دم اوردئ
دییرلر عارضئنگ دییگیل شاهئ مردانا
بولار بیله دییگِچ تیلیم آچئلدئ
غانا-غانا می-موحابّت ایچیلدی
کؤنگلۆم یدی جور سۇوال گِچیلدی
دییدیم" روغصات بۇلسا گلسین زئبانا"
ایکی اوزئن أردیر بیر غئسغا قاددئر،
دییدیلر خۇشباغتدئر یاغشئ پورصاتدئر
سؤزۆنگ بۇلسا سۇرا دییرلر روغصاتدئر
کؤنگله گلن سؤزۆنگ گتیر بِیانا!
دییدیم: گؤکدن آغئر یردن مرد نهدیر؟
دریادان بای نهدیر داشدان ساخت نهدیر؟
اۇددان یاقئجئراق بوزدان سرد نهدیر؟
زهردن آجئراق نهدیر بو جانا؟
دییدیلر:"یالان تؤهمت آغئر بۇلار آسماندان
غاهارسئز، یاغشئ سؤز گینگدیر جاهاندان
مئناپئغئنگ کؤنگلی ساخت سنگستاندان
أهلی-قانئغ منگزأر باحرئ اوممانا
جبر اِتگوجی سۇلطان یاقئجئ کؤزدن
باخیلدان دیلهسنگ سۇووقدئر بوزدان
پاخئرا جبر اتمک آجئ زهردن
اؤوۆتدیر بو سؤزلر بیزدن نئشانا
بولار بیله دییگچ یریمدن توردوم
یۆرۆپ الیم اِتِگینه اوردوم
مست بۇلدوم سوست بۇلدوم عاقلئم یتیردیم
گپ-کلام تاپمادئم غالدئم حایرانا
دییدیلر: اۆچ کیشی بۇلدوق اوسسادئنگ
دایئم دسسان بۇلار عألمده آدئنگ
ماغتئمغولئ واغتدئر ایسته مئرادئنگ
بو سئرئ آقماق آچار یا بیر دیوانا
ماغتئمغولئ پئراغئ
?
شك اِيلهمه بۇل كؤيده،
آرتئغئن غۇيوپ اؤيده،
قئرق مۆنگ آلتئن جؤهیده،
بردی اۇل شاهئ‐ صفدر.
جؤهید هم پولون آلدئ،
علی مسجدگه گلدی،
اۇل پئغامبـِرنی گؤردی،
سالام اِيلهدی، ای، يار.
بو ايش حضرتگه لايئق،
رسولغا بۇلموش آيئق،
رسول آيدار: "خالايئق،
نه قئلمئش شيری‐ جبّار.
علی مسجددِن گيتدی،
گؤر، نيچه ايشلـِر بيتدی،
بير شهری موسولمان اتدی،
خالق نامازا اینتیظار".
اۇ شۇل حاقنئنگ غولئدا،
بی شک شاهئ ولیده،
رسول آيدار: "علیدا،
سۇرانگلار، كۇپ خابار بار.
علی اۇل توتغان غوشون،
حاق اۆچين اتگـِن ايشين،
بير شهر موسولمان اديشين،
جۆملأگه بردی آخبار.
خابارنئ بردی حيدر،
دييرلـِر: "الله اكبر"،
تأسين غالدئ پئغامبـِر،
سۇنگ نامازغا دوردولار.
حاق دييپ گؤزدِن دؤكۆپ خون،
هر كيم موندا برسه دۇن،
بو دۆنيأده بيره اۇن،
برِر اۇل پروِردیگأر.
علی بيله خاط يازدئ،
مۆمینلـِر كؤنگلی غئزدئ،
بۇلار آخئرات موزدئ،
بیحاساب و بیشومار.
جانئم جورغا مستیدير،
کؤنگلۆم حاق پـِيوِستیدير،
دۇستوم علی دۇستودئر،
گر ائخلاصئنگ بۇلسا بار.
ماغتئمغولئ من جانا،
ائنانماس من جاهانا،
دۇغادا ياد قئلانا،
اِيأم بۇلسون مدِدكار.
غوتاردئ.
ماغتئمغولئ پئراغئ
?
لا اله الا الله،
محمّد رسول الله،
اۆچ دييپ مونئ خالق‐و شاه،
موسولمان بۇلدئ كۆفّار.
شا، وزيردیر اؤزلـِرگه،
خۇر توتمادئق گؤزلـِرگه،
"آيتماق واجئب بيزلـِرگه"،
دييدی لـِر "بۇلدوق ائقرار".
خالقا آغلام بريلدی،
كۆپۆردِن دين اؤورۆلدی،
دينه تاغلئم بريلدی،
قئلدئلار غوسلئ كۆفّار.
حاق اۇندان رَحمـِت ساچئپ،
نور گليپ، ظولمات غاچئپ،
شا علی بۇينون غوچوپ،
كؤپ يئغلادئ زارئ‐ زار.
ديير: "ای، شاهئ‐وِلايات،
بيز خۇشنود اۇلدوق غايات،
سندِن تاپدئق هدايات،
سن ائسلامئ اتدينگ أشگأر".
سۇرادئلار گلگه نین،
اۇل هم آيتدئ بۇلغانئن،
هر نه زار يئغلاغانئن،
اتدیلـِر اۇنگا نیثار.
يۆز مۆنگ آلتئن بيير ناغدئ،
چپ غۇینونا بير آغدئ،
آلدئ، غالادان چئقدئ،
گلدی آق غوش زرنیگأر.
اۇوالقئ كيمين اتدی،
غوش آياغئن توتدئ،
غوش اوچوپ، هۇوا گيتدی،
اِيلهدی داخئلئ ‐دار.
جؤهیدلـِر غارشئ گليپ،
ائغزاز‐و اِكرام قئلئپ،
بارچاسئ راضی بۇلوپ،
مال بردیلـِر بیشومار.
حاقغا ِايلأپ زارلارئن،
بيله آلئپ بارلارئن،
گتيردی اۇغلان لارئن،
فاطمه اۇندان بی خابار.
ائزئ بار... 7
ماغتئمغولئ پئراغئ
?
تانگرئ بير، ايكی بۇلماز،
ايكی آی-گۆن اۆچ بۇلماز،
اۆچ ویتیر هم دؤرت بۇلماز،
دؤرت عناصئردئر چاهار.
بأش نامازدئر اۇل بأش واغت،
آلتئ دئر آلتئ جهـِت،
هفت دۇوزاخ، سكيز جنـِّـِت،
دۇقوزئ نه حملهوار.
اۇن حاجئيان ايشی خوب،
اۇن بيری پسری ‐يعقوب،
اون ايكي آيدار مرغوب"
ديير:"داخئ نه سؤزۆنگ بار؟".
"راستدئر"دييیپ آچدئ آغئز،
خاط اديپ يازدئ كاغئذ،
قابول اِيلهدی واغئظ،
هم بارچا خالايئقلار.
واغئظ دوردئ بلیگه،
قايئل بۇلدئ ولیگه،
خالقلار آيتدئ علیغا،
"سن سۇرا،نه سؤزۆنگ بار؟"
علی آچدئ كیتابئن،
دؤکۆپ گؤزۆندِن آبئن،
"آيتسا واغئظ جۇغابئن،
بارچا بيردِن آيدئنگلار"
علی ديير: "واغئظ دييسين،
واغئظ سؤزۆن شا دييسين،
شا دييديگين خالق دييسين،
من هم سۇرای به يک بار".
خالايئق جمغی أگأ،
قابول اتدیلـِر نأگأ،
واغئظ، وزير، خالق‐و شاه،
بارچا اتدی ائغتئبار.
شيری ‐خودا شاد بۇلوپ،
خوداغا شۆکۆر قئلئپ،
نۇبات علیغا گليپ،
سۇراسئن شيری‐جبّار.
"نهدير عارشدا بيترميش،
طوبئ آغاچدا يازئلمئش،
بهیشت غاپئسئندا بيتيلميش"
دييپ، تامام اتدی گۆفتار.
واغئظ اِيلهدی پیکیر،
قئلماق گرِک دييپ ذیكیر،
واغئظ گؤردی، ايش چوقور،
آيتماقچئ بۇلدئ" ای، يار".
ائزئ بار... 6
ماغتئمغولئ پئراغئ
?
غاهرئ غايناپ باشئندان،
توردئ علی جۇشوندان
باردئ واغئظ پيشيندِن،
ديير: "منم احمدی وار.
غول بۇلارمئز تاقدئرا،
بيلمـِس بيز بو ير نيره،
نه سؤزۆنگ بۇلسا سۇرا،
سۇنگرا اۆچ سۇوالئم بار".
مسجید ايچره ضُحی دِک،
خالقلار دييدی: سحی دِک".
علی بير آژدارها دِک،
سۆرنۆپ توردئ سۆتۆنوار.
خۇوپا دۆشـِر تنده جان،
لـِرزانا گلـِر جاهان،
واغئظ ديير: "ای جووان،
گلمهسين غاهرئنگ زئنهار".
آيدئشارغا يۇق تابئم،
اۇقارغا يۇق كیتابئم،
واغئظ آيتسا جۇغابئم،
من سۇرار من به يک بار".
شير سؤزۆن تامام اتدی،
دۆرس آلان كـِلام اتدی،
نۇبات كاپئرا يتدی،
گؤرۆنگ، سۇوالئن سۇرار:
"بير نهدير، ايكی بۇلماز،
ايكی نهدير، اۆچ بۇلماز،
اۆچ هم نهدير دؤرت بۇلماز،
بأش آلتا يۇق بارابار.
بأش نهدير، آلتئ بۇلماز،
آلتئ بار،يدی بۇلماز،
يدی هم سكيز بۇلماز،
دۇقوزدان سؤزله آخبار.
اۇن نهدير، اۇن بير بۇلماز،
اۇن بير هم اۇن ايكی بۇلماز،
اۇن ايكیدِن اۇن اۆچ بۇلماز"،
دييپ، تامام اتدی گۆفتار.
علی حاقئنگ كیتابئن،
آچئپ ماغرئپـِت بابئن،
"آيدای واغئظ جۇغابئن،
دينگلهيينگ، ای ، شهريار.
ائزئ بار...5
ماغتئمغولئ پئراغئ
?
علی مونئ اشيتدی،
تأزه طهأرِت اتدی،
خالقئنگ جمینه گيتدی،
توتدئ بير كۆنچده قارار.
واغئظ چئقدئ منبـِره،
خالقا نـِصيحات بـِره،
سؤزۆن تاپمادئ سئرا،
يئغلاپ اۇتوردئ ناچار.
نـِصیحاتئنگ دیلپـِذير،
تاپئپ سندِن خالق حوضور،
خالقلار آيدار: "شا وزير،
ايل سؤزۆنگه اینتیظار".
واغئظ ديير: "بۇلونگ أگأ،
يادئمغا گلمـِز نأگأ،
وای وزير، وای پاتئشا،
موندا محمّدی بار".
دييرلـِر:"تاپساق احمدی،
اِيلأرميز اۇنگا بدی،
بار بۇلسا، محمّدی،
پارالارمئز صد هزار.
شيرين اِيلأپ ديللـِرنی،
آلداپ آلمئش اِيللـِرنی،
آتا - بابا یۇل لارنئ،
ترک اديپ بۇلموش بيزار".
واغئظ آيدار: "ای مـِردان
كؤنگلۆم غۇرقار اۇل أردِن،
چاغئرايئن منبـِردِن،
اۇل اؤزۆن اِيلأر أشكأر".
واغئظا غولاق سالئپ،
اۆشبو پندينی آلئپ،
بارچاسئ راضی بۇلوپ،
اۇتوردئ لار اینتیظار.
واغئظ ديير: "حاق غودراتئ،
پئغامبـِرينگ حۇرماتئ،
اؤزۆنگ بيلدير، ای فتی،
اۇن ايكی سۇوالئم بار.
اگر اؤزۆنگ بيلديرسـِنگ،
غارشئمدا گليپ دورسانگ،
سؤزۆم جۇغابئن برسـِنگ،
مال بـِرِی خاروار - خاروار".
ائزئ بار... 4
ماغتئمغولئ پئراغئ
?
كۆیزأنی غالدئردئلار،
چشمهدِن دۇلدوردئلار،
دورمايئن گلتيردی لـِر،
بۇلدئ جؤهید شرمیسار.
كۆیزأنی خومغا دؤکدی،
تۆكنمـِز آرئق آقدئ،
چای داشئپ، دۆزگه چئقدئ،
جؤهید گؤرۆپ اتدی زار.
جؤهید اِيلهييپ خئزمات،
گتيردی نأزی - نئغمات،
توتدئ بولارنئ، حۇرمات،
دييدی: "بۇلمانگ بیقارار.
شازادالار سالامات
كؤنگۆللـِری عئمارات"
علی اِيلأپ طهأرِت،
كؤنگلۆنده غامئ بیسيار.
حاقغا اِيلهييپ نئياز،
دييدی: "اِيا چأرهساز"،
قئلدئ دو رِكغات ناماز،
گؤردی بير غوش زرنیگأر.
بۇينئ مروردِن هۆنجی،
باهاسئ عألـِم گنجی،
شازادالار غووانجئ،
ديييپ توتدی به يک بار.
غوش رۇوان غانات چالدئ،
علینئ گؤكگه آلدئ،
"برک توت!"دييپ اۇواز گلدی،
گيتدی علی بارها-بار.
اۇل مورغئ‐ زرّين ناقغاش،
آسمان لارغا اوروپ باش،
علینئ اۆلكهدِن داش،
التيپ سالدئ بير ديیار.
يتيشدی بير دیيارا،
حايران بۇلدئ بول كأره،
ايستأر ير آدئن سۇرا،
هيچ اركـِک يۇق، عايال بار.
ديير: "نه بی حاساب كأن سيز،
نه خۇش صئپات خۇش جان سيز؟
نچۆن تامام زنان سيز،
غارئبام، برينگ خابار"
دييدی: "عايد ماحالئ دئر،
خالق ايچرده دۇلودئر،
خوموس، عوشور مالئ دئر،
مسجیدلـِر خاروار - خاروار".
ائزئ بار... 3
ماغتئمغولئ پئراغئ
?
ديير: "قئلماغئن نأشاد سن،
اِيله باشئم آزاد سن،
سن بير مۆشگۆل گۆشاد سن،
قئرق مۆنگ طئللا قارضئم بار.
خاتئنئم باردئ، اؤتدی،
شيرخارا غئزئم غالدئ،
اؤیۆم هم وِيران بۇلدئ،
شونچا بۇلدوم من ابگأر".
گـِدايا: "سن غال!" دييدی،
اۇغلان لارنا: "گل!" دييدی،
بير جؤهیدغا: "آل!" دييدی،
"اۇغلان لارئمئ، زئنهار.
پولونگ ادِر من غاراو،
اؤیۆمه گلميش بيرِو،
اۇغلان لار بۇلسون گیرِو،
پولونگ بۇلغئنچا تاييار .
جؤهید ساقلادئ غولنئ،
علیغا بردی پولنئ،
گدای هم توتدئ يۇلنئ،
گيتدی خۇش خۇرّامئ وار.
فاطمه اوتورار اؤيده،
اۇغلانلارئ گیرِوده،
انهسی گؤرۆپ، جؤهیده،
دييدی: "نهدير اۇغلانلار؟"
"آغاسئ ديير - آلارنئ،
ساتدئ علی بولارنئ،
غۇلدانئر من غوللارنئ،
پولوم بۇلماغئنچا تاييار".
ديير: "آغا، آمان-نوربات،
تا گلينچه اۇل حضرت،
ساقلا بولارنئ حۇرمات،
گؤر، نأ بۇلار آخئر كأر".
اۇل اولوغ جؤهید اتمـِز،
انهسینينگ سؤزۆن توتماز،
اۇتوز اۆچ غولاچ يۆز يتمـِز،
قئرق غولاچ غويوسئ بار.
جؤهید آيدار غول لارنا،
"دۆشۆنگ غویئ يۇل لارنا"
يۆپسيز كۆيزه غۇل لارنا
"دورمانگلار سوو چكينگلـِر!"
گؤتـِردیلـِر کۆیزأنی،
گؤردی جبرايئل اۇنئ،
ميكايئل سئقدئ يرنی،
آقدئ غویئ چشمهوار.
ائزئ بار...2
ماغتئمغولئ پئراغئ
?
سؤزۆم بار
غولاق سالئنگ، غارداش لار،
بير عاجايئب سؤزۆم بار،
نه ازمايئش اِيلهيير،
دۇستلارئنا پروردگأر.
جاهان ايشیدير جـِپا،
كيم گؤردی آندان وِپا،
حاقئنگ دۇستئ مصطفا،
غالمامئش بو روزئگأر.
پئغامبـِر يۇق ائزئندان،
نور دؤكۆلـِر يۆزۆندِن،
عألـِم اۇنونگ سؤزۆندِن،
تاپدئ نئظامئ-قارار.
ای، دين ايستهيـِن دوستان،
بۇلما مالدان می‐ مستان،
آيدايئن بير خۇش دسسان،
اگر بۇلسانگ خئرئدار.
سس دۆشگـِچ زمينلـِرگه،
يۇل يۇق بۇلدئ دينلـِرگه،
مسجیدده مؤمینلـِرگه،
واغئظ آيداردئ پئغامبـِر.
رسول منبرگه غالمئش،
اۆچ مۆنگ،اۆچ يۆز يئغئلمئش،
جومغا اۆچين جم اۇلموش،
صاحابالار ــ نأکی‐ بار.
ياران لار حايران‐والا،
سؤز يتيشدی بو حالا،
حاق اۆچين برلـِن مالا،
هر بيرينه اۇن تاييار.
دييدی علی: "بارايئن،
نه بار اركـِن، گؤرهيين،
الله اۆچين برهيين،
آز و كؤپ هر نه كيم بار.
گلدی دييدی: "يا زهرا،
كؤنگلۆنگ اويدورما غاهرا،
بريپ آلايئن بهره،
گر تنگّه بۇلسا تاييار".
فاطمه ديير: "بۇلسا دیرهـِم،
بارسام، طاغاما برسـِم،
بو ايكی نورئ ديدأم،
گۆن يارئم آچدئر، آغلار".
دييدی علی: "يا سوبحان"
تلمورئپ باقئپ هر يان،
چئقدئ غاپا نأگـِهان،
گلدی بير سائل دوچار.
ائزئ بار...1
ماغتئمغولئ پئراغئ
?
?? ??? ?? ????? ?
We comply with Telegram's guidelines:
- No financial advice or scams
- Ethical and legal content only
- Respectful community
Join us for market updates, airdrops, and crypto education!
Last updated 1 year, 9 months ago
[ We are not the first, we try to be the best ]
Last updated 1 year, 11 months ago
FAST MTPROTO PROXIES FOR TELEGRAM
ads : @IR_proxi_sale
Last updated 1 year, 7 months ago