✿ #ኢብኑ_ቁዳማህ ረሒመሁሏህ እንዲህ ይላሉ : -
«አብዛሃኛዎቹ ሰዎች የጠፉት የሰዎችን ወቀሳ በመፍራትና ሙገሳቸውን በመሻት መሆኑን አውቃለሁ። ሁሉም እንቅስቃሴያቸው የሰዎችን ውደታ በሚገጥም መልኩ ሆነ፤ ሙገሳቸውን መሻትና ወቀሳቸውን መፍራት! ይህ ከአጥፊ ነገሮች መካከል ነው። መታከም ይገባዋል።»

ታላቅ መሪ
እውነተኛ አፍቃሪ!
ብዙ ምላሶች ስለ ነብዩ ፍቅር አነብንበዋል ፤ እልፍ ብዕሮች ስለዚህ ታላቅ መሪ ውዴታ ከትበዋል! ገሚሱ በተግባር ውዴታውን ለመግለፅ ሲፍጨረጨር ገሚሱ ውዴታው ከተከሸኑ ቃላት ባለፈ ከላንቃው አልወርድ ብሎት ምላሱና ጣቶቹ ጫፍ ተንጠልጥሎ በተግባሩ እጅጉን ርቆ ይባስ ብሎ በተግባሩ አስተባብሏቸዋል!

ከተለያዩ የቃላት ጋጋዎች ይልቅ ግን የዚህ እውነተኛ አፍቃሪ ሰሐቢይ ውዴታውን በቃላት ብቻ ሳይሆን በተግባር የገለፀበት አጋጣሚ እስከመጨረሻው ቀልቤን ገዝቶታል!

ኹበይብ በመካ ጣዖታዊያን እጅ ከገባ በኃላ! ይህ ተከሰተ!

አቡ ሱፍያን (ከመስለሙ በፊት) እንዲህ አለው ፦

«ሙሐመድ ﷺ ባንተ ቦታ ሆኖ እሱን ብንገድለውና አንተ ከቤተሰቦችህ ጋር ብትሆን ትፈልጋለህን?» ብሎ ጠየቀው

ኹበይብም ፦

«በፍፁም በአላህ እምላለሁ እኔ ከቤተሰቦቼ ጋር  ሆኜ ሙሐመድ ﷺ አሁን ባለበት ቦታ እሾህ እንዲነካው እንኳ አልፈቅድም»  ሲል መለሰ! ከዚያም ሰቀሉት! ረዲየላሁ ዐንሁ!

ማብራሪያ አይሻም!

ጁምዓ ነው እርሳቸውን ማውሳት እናብዛ !!!

ሁሌ የሚወሱ ድንቅ ነብይ!  እንዴታ ጌታቸውስ

"መወሳትህን ላንተ ከፍ አድርገንልሃል።" (95:4)

ብሏቸው የለ!

اللــــــــهم صل على محمد وعلى آل محمد كما صليت على إبراهيم وعلى آل إبراهيم إنك حميد مجيد .اللـــــــهم بارك على محمد وعلى آل محمد كما باركت على إبراهيم وعلى آل إبراهيم إنك حميد مجيد
❁ ❁❁ ❁

ከሞትን በኋላ ሰዎች እንዴት በፍጥነት እንደሚረሱን ብናውቅ ኖሮ፤ አላህን አምፀን ፍጡራንን ለማስደሰት አንለፋም ነበር፡፡
አላማችን የአላህን ውዴታ ማግኘት ግባችን ጀነት ይሁን!

"ለወደፊቱ አስተካክል ያለፈው ይማርልሀል❗️"

{እናንተ በነፍሳቹ ላይ ድንበር ያለፋችሁ ባሮቼ ሆይ ከአላህ እዝነት በፍፁም ተስፋ አትቁረጡ አላህ ወንጀሎችን በሙሉ ይቅር ይላል እነሆ እሱ መሀሪ እና አዛኝ ነው።} (ሱረቱ አዝ ዙመር:53)

✍
     ቀና በል ቀን አለ!!

መንገድ ሁሉ እንቅፋት  በሆነበት ዐለም
መነሳት ነው እንጂ   መውደቅ ብርቅ አይደለም።*

ሰው ብታጣ ዛሬ   አትዘን ወንድሜ
አግኝቶ ማጣትን   ያስተምራል እድሜ።

ሲኖርህ የኖረ   ስታጣ ብታጣው
አለኝ ያልከው ወዳጅ   ከፊት ባታገኘው።

የዛሬው ውድቀትህ መማሪያህ ነውና
ባጣኸው ሳይጨንቅህ ባለህ ላይ ተፅናና።

መሙላት ቢቸግርህ  ቀን እየጎደለ
አታቀርቅር ተነስ   ቀና በል ቀን አለ!!*

منقول

"እግርህ ጀነትን እሰከሚረግጥ እለት ድረስ ትፈተናለህ አሁንም ዳግም ትፈተናለህ! ከዚያም ጀነት ውስጥ ለአንዳፍታ ትነከርና "ወላሂ ችግር ፍፁም ቀምሼ አላውቅም" ትላለህ።
ይህንን እድል ከታጋሾች ሌላ ማንም አይጎናፀፈውም።"

እንዴት እንደሚኖሩ እንጂ ለምን እንደሚኖሩ ከማያውቁትን ሰዎች እንዳንሆን እንጠንቀቅ ፤ 
የተፈጠረልን ነገር የተፈጠርንለትን ዓላማ እንዳያስተን እናስተውል!
ለምንድን ነው የተፈጠርነው?

"እውነተኛው የአላህ ባሪያ ማለት  የአካሉ ሞት ሳይሆን የልቡ ሞት የሚያስፈራው ነው፡፡  ሆኖም ብዙ ሰዎች የአካላቸውን ሞት ይፈራሉ ስለ ልባቸው ሞት ግን ግድ የላቸውም ፡፡"

(ኢማሙ ኢብኑል ቀይዩም)

ነጋዴ ወደ ማምሻ ላይ ሱቁን ይዘጋል ፣ ስለ ዕለት ውሎውም ሒሳብ ይሠራል ፤ መክሰር ማትረፉን ይገመግማል፣ ዕዳና ብድሩን ያወራርዳል …
እስኪ ሁላችንም ውሏችንን እናወራርድ **፣ ዛሬ ለአኼራችን ምን ሠርተን ዋልን?

ــــــ ❁ ❁❁ ❁ ــــــ**

☑️ እናታችን አኢሻ (رضي الله عنها) እንዳስተላለፈችው የአላህ መልእክተኛ (ﷺ) እንዲህ ብለዋል።

«እናንተ ሰዎች ሆይ! (ከመልካም) ስራ የምትችሉትን ያክል ብቻ ያዙ። እናንተ እስካልተሰላቻችሁ አላህ አይሰለችም። አላህ ዘንድ ተወዳጅ ስራ ትንሽ እንኳ ብትሆን ዘውታሪነት ያለውን ነው።»

[ 📖 صحيح البخاري (٥٨٦١) ]