*👆* Ayni damda "Yoshlar" telekanalida "Tafakkur yo'li" ko'rsatuvi namoyish etilmoqda. Unda Urganch davlat pedagogika instituti rektori Feruza Madraximova intervyu bermoqda.

"Yoshlar" telekanalida tomosha qiling.

🌐** @UrDPI_UZ

❗️Ehtiyot bo‘ling – internet tarmog‘ida firibgarlikning yangi ko‘rinishi avj olmoqda!

Shu kunlarda firibgarlar tomonidan telegram messenjeri orqali yuqori lavozimlarda ishlovchi vazirlik, idora va turli xil tashkilotlar rahbar hamda mas’ul xodimlari nomidan soxta profillar yaratilib, qo‘l ostidagi xodimlarni aldash holatlari kuzatilmoqda. Xususan, UrDPI rektori Feruza Madraximova nomidan ham firibgarlar tomonidan soxta profil ochilib, shunday holatlar kuzatildi.

Bu qanday sodir bo‘ladi?! Firibgarlar korxona yoki tashkilot rahbari nomidan telegram messenjerida soxta akkaunt ochib, qo‘l ostidagi ishchilardan biriga SMS yozadi. Muloqot davomida xodim bilan go‘yoki huquqni muhofaza qiluvchi organlar qiziqayotgani va undan (rahbardan) ba’zi ma’lumotlarni so‘rashganini aytadi. Birozdan so‘ng unga huquqni muhofaza qiluvchi organ xodimi aloqaga chiqishini ma’lum qiladi.

Firibgarning, ya’ni “o‘z rahbarini” gaplariga ishongan xodim bir necha daqiqadan so‘ng u bilan aloqaga chiqqan shaxsga (go‘yoki huquqni muhofaza qiluvchi organ vakili) so‘ragan barcha ma’lumotlarini berib yuboradi. Buning oqibatida firibgarlar tuzog‘iga ilingan ishchi-xizmatchilar plastik kartalaridagi pul mablag‘laridan ayrilib qolmoqdalar.

Ogoh bo‘ling, shu turdagi kelgan SMS yoki boshqa xabarlarni qabul qilish va ishonishdan oldin telefon orqali qo‘ng‘iroq qilib yoki shaxsan xabar yuborgan shaxsga aloqaga chiqib, xabarni qayta tekshirib ko‘ring!

*©️Urganch davlat pedagogika instituti matbuot xizmati
🌐Web-sayt*✅Telegram💬Facebook🌐Instagram🎞**YouTube