یواش یواش اریدیبلر بوزی اوتانمازلار
داراشدیلار یئدیلر یالقوزی اوتانمازلار

باخیر بیرعدّه اوشاق حسرتیله گل بسره
نجه یِیولله بوحالدا موزی اوتانمازلار

الهی باخ باهالیقدان چیخیبدی عرشه فغان
محرّم ایلدیلر نوروزی اوتانمازلار

توخون بوعصریده آجدان ندندی یوخ خبری
باسوب یِیولله یقین سونسوزی اوتانمازلار

چیخارتدی کی نجه بیر سگّیزی یازیق ملّت
چکوبدی سگّیزینه دوقّوزی اوتانمازلار

خدادن ایسته میشوک تئز چراغلاری سونسون
قرانلوق ایلدیلر گوندوزی اوتانمازلار

گونون گئدیب ایشقی آیدا چیخمیور گجه لر
مقصر ایلدیلر اولدوزی اوتانمازلار

یازیبدی حق سوزی تیموری، بیل، گینه یازاجاق
کی گورسه شاید اوتاندی اوزی اوتانمازلار

علی تیموری

@ali_teimorygerde

بیرگونی حیران گئزوردوم شهریده
سانکی غرق محنتیدیم بحریده

غصّه ومحنت یاغوردی باشیمه
غم وئرردی رخصتین گوزیاشیمه

عابدی گوردوم گئزوردی بیقرار
قلبینه دولموشدی گویا مهر یار

ایستیوردی علم عرفانی بیله
گرد اندوه وغمی دلدن سیله

دل وئره دلدارینه صاحب هنر
جمکرانه ایلیه هرگون سفر

هر سفرده حق عنایت ایلیه
حضرت یاری زیارت ایلیه

هفته لر کچدی بو یارین گورمدی
قالدی حیران شهریارین گورمدی

بی نصیب اولدی وصال یاریدن
ناامید اولدی بئله دیداریدن

عالم معناده باخدیم حالینه
یاندی قلبیم عابدین احوالینه

بوقضایا سالدی لرزه جانینه
تاپمادی یول محضر جانانینه

گلدی عابد بیر تجارتخانیه
اولدی مهمان اوردا بیر فرزانیه

گوردی بیر سیددی چوخ با آبرو
صاحب حجریله ایلور گفتگو

گلدی ناگه بیرخانم اول حجره یه
ساتماقا وار جنسی الده خبره یه

عرض ائدوب اول شخصه بونیکوسیر
آل وئرینده ایلمز عارف ضرر

چون بیلورسن دلده رازیم وار منیم
پول جنسه چوخ نیازیم وار منیم

سن بیلورسن ارزشین ای محترم
آلسون اللهدان سنه اجر ایسترم

مرد باایمان باخوب گورنیلدی
بانجابت عورته لطف ایلدی

ائتدی اوّلده رجوع انصافینه
وئردی صیقل قلب پاک وصافینه

من دئدی سالار عشقه نوکرم
پیرو حقّم. غلام حیدرم

آلمارام پر قیمتی بیر درهمه
سندن آللام جنسی اون بیر درهمه

حضرت مولا باخوب احسن دئدی
آل وئرونده واقعاً تک سن دئدی

عابد ائتدی بوردا حضرتدن سوال
قیل بیان کیم سن ایاصاحب کمال

عابده باخدی شه والامقام
وئردی خوش لحن حجازیلن سلام

ائتدی فرمایش زمانون عهدیم
مصطفانون اوغلی سید مهدیم

گل منی آختارما سن دهر
چوخ اولور گوررم جنایت شهریده

قیل توجّه صدقیلن گفتاریمه
جمکراندا گلمه هی دیداریمه

اوز ایشونده هرزمان اولسون دقیق
یاکی اولسون یار حقّیلن رفیق

ریشهٔ مخلوقه تیشه ویرماسون
رشتهٔ امید خلقی قیرماسون

درهمه خاطر بیرین آللاتماسون
دینووی دیناره هرگز ساتماسون

واقف اوللام قلبیدن اسرارووه
من ئوزوم گللم سنون دیدارووه

تابیلرسن معنی عرفان ندور
ذهنده اندیشه ی انسان ندور

کیم باخا تیموری نون ابیاتینه
بی گمان رحمت دییر امواتینه

علی تیموری

@ali_teimorygerde

بعد از عمری عجبا بر همه بیگانه شدم
از خودی بی ادبی دیدم و دیوانه شدم

چه کنم خیره سران بس که به من طعنه زدند
عاری از عقل و خرد راهیِ میخانه شدم

رفته بودم که به میخانه بنوشم قدحی
بی مِی آلوده ی آن دیده ی مستانه شدم

دیدم اهل دل و عقبا همه بی می مستند
گم شدم در دل آیینگی، افسانه شدم

ناتوان بودم و ازلطف خداوند جهان
کوبه کو در دل شب گشتم و فرزانه شدم

چه کنم بادل خود ازسر شب تابه سحر
از درون سوختم و همدم پروانه شدم

علی تیموری

@ali_teimorygerde

ای کرم دریاسی گل چوخ مایلم دیدارووه
راغبم  بوسون نفسده  دلنشین گفتارووه

گل آنون ام البنینین روحی سن سیز خسته دی
انتظاروندور یقین دلدن سنه وابسته دی

قالموشام یثربده تک دیداریمه یوخدور گلن
دوشموشم بیرحاله اوغلوم حالیمی یوخدور بیلن

کیم دییردی بیرگونی یالقوز قالار ام البنین
یا اولونجک باشینه قاره سالار ام البنین

ای سپهر عشق وایثارین فروزان اختری
محنت واندوهیمه گوز یاشیم اولدی مشتری

دیلده هر رنج وبلادن سونرا غملی ذکری وار
عیبی یوخ بو امتحانون حق یولوندا شکری وار

هربلا گلدی دایاندوم شیربی پروا کیمین
چیخمادیم حقّا طریق حقّیدن زهرا کیمین

افتخاریمدور کی من اولدوم بودرگهده کنیز
بوکنیزلیق باعث اولدی سنده چون اولدون عزیز

واریری عالم سنه احسن دئسه ای مه لقا
ایلیوبس حسنووه اهل کمالی مبتلا

معرفت کسب ایلیوبسن حجت یزدانیدن
پس اودور که محترم سن یوسف کنعانیدن

کیم گلوب درگاه حقه عرض حاجت ایلیوب
حاجتین آلجاق سنه عرض ارادت ایلیوب

آچمیوبلار کیمسیه سندن صورا دست نیاز
لطف عشقونله بحمدلله اولوبلار سرفراز

بوسببدن آدووه فخر ایلیر اهل یقین
روحینه جان بسلمیشدی چون سنی ام البنین

وارث شأن وجلال شاه مردان سان اوغول
بی گمان ام البنینین جسمینه جان سان اوغول

حق یولیندا عشقیلن ایثاری  معنا ایلدون
جان ودلدن مرتضانین امرین اجرا ایلدون

اولمیوب اولمازسنون تک ملک حقده باوفا
جلوهٔ عشقون وئروبدور عالم عشقه صفا

ایستدیم آگاه اولام غم ماجراسیندن بوگون
شاه عشقین ماجرای کربلاسیندن بوگون

الغرض  درگاه عشقه دعوت ائتدیم زینبی
تاکی تعریف ایله سین بیربیر منه بومطلبی

ماجرانی باشلادی آغلاتدی  دلدن عالمی
سوز یئتشدی بیریئره یاندیردی قلب آدمی

قیلدی فرمایش هله باغلانمامیشدی  سویولی
سالمیدی  دشت محنتده ابوالفضلین  قولی

عرشه یئردن قیزلارین قوزانمامیشدی ناله سی
سولمامیشدی گلشن حقده ربابون لاله سی

دوتمامیشدی خیمه لرده یاس آناسی اکبره
فخر ائدوردی باخدوقیجان زادهٔ پیغمبره

خیمه سیندن چیخدی ناگه محرم اسرار عشق
امر ائدوب عشق عالمی سردارینه سالارعشق

آچ اوزون قوللارووی قوی سایه سالسین باشیمه
منده تا فخر ایلیوم سن تک گوزل قارداشیمه

ای شرافت معدنی نیلوم سنه وابسته یم
بیرده آچ قوللارووی سال بینوما جان اوسته یم

وقت او وقت اولدی غرض باغلاندی نهرین یوللاری
سرو عشقون لازم اولدی نی نواده خوللاری

عازم نهر  فرات اولدی    سپهسالار عشق
آلدی عشقیلن فراتی سرور و سردار عشق

سنده گل من تک آنا عباسه ایله افتخار
غیرته باخ ایلدی اوغلون فراتی شرمسار

دولدوروب اوجون سودان سقای دشت کربلا
ایچمیوب توکدی یئره غیرتدن اُول کان وفا

مشکینی دولدوردی خارج اولدی سقا نهردن
مشکی چگنینده گره لنمیشدی آلنی قهردن

سالدی نخلستانیدن یول خیمیه اُول مه جبین
زینبی حشره کیمین بومحنت ائتدی دل غمین

قویدیلار بیرحاله میداندا اوجابوی قامتی
دوشدی زین اوستن یئره گئتدی الیندن طاقتی

آغلیار تیموری عباسه دوتار دلدن عزا
اجرینی خلّاق عالم حشریده ائتسون عطا

علی تیموری
@ali_teimorygerde

«مظهر خلقت»

اثر ز خلقت عالم نبود ! بودم من
به لطف حضرت حق آیت سجودم من

در آن زمان که نبوده ابوالبشر به جهان
زنور حضرت حق آفریده بودم من

تمام عالم هستی ز فیض جود من است
بحکم لم یزلی مظهر شهودم من

خدا به حرمت من بس عنایتی بخشید
برای روح شریف بشر وجودم من

بنام نامیِ کوثر به گفته ی قرآن
انیس حور و ملک بندهٔ ودودم من

تراب دشت بلا حرمتی ز من بگرفت
بدان به محضر هو حدّ بی حدودم من

به من بگفته پدر پاره ی تنم زهراست
بدان به دست عدو گلپر کبودم من

میان گلشن وگلزار مصطفی آری
چو یاس پرپر حق مظهر نمودم من

چرا خصومت ثانی مرا ز پا انداخت
عزیز حضرت طاها مگر نبودم من؟

ببین چه جور وجفا بین آن در و دیوار
چگونه دیدم و کاین شعر غم سرودم من

علی تیموری

@ali_teimorygerde

مشعلِ نور هدایت زهرا
عزتِ شاه ولایت زهرا

سوّمین بندهٔ معصوم خدا
افتخار بشریت زهرا

دختر سید و سالار بشر
سبب منجی خلقت زهرا

ناز پرورده ی محمود خدا
مفخر حضرت حجّت زهرا

گوهر عصمت و گنجینهٔ حق
منشأ علم و فضیلت زهرا

مکتب حقّون اولان استادی
ذات حیثیّته عزّت زهرا

اولان اون بیر شجر معرفته
مهد کانون محبت زهرا

اورگئدن زینب غم پرورینه
درس اخلاص و نجابت زهرا

ایلیین درگهینون سائلینه
ایکی دنیاده عنایت زهرا

بش یاشیندا وئرن الدن آناسین
چکن عالمده مصیبت زهرا

آتاسیندان صورا ظلمیله قالان
دهریده خوش گونه حسرت زهرا

اگمین رهبری تک ظالمه باش
وئرمین دشمنه فرصت زهرا

ائتمین عمر شریفینده یقین
ذرّه ای خلقی اذیت زهرا

مرتضی مثلی سوزی حقّ دانیشان
ایلیین حقی حمایت زهرا

مطلبی اهل اشارت بیلدی
سینه دن تاپدی جراحت زهرا

باخدی حسرتله اودم رهبرینه
ائتدی منظورین اشارت زهرا

یعنی عفو ایله عمواوغلی اولورم
چوخ ویروبدی سنه زحمت زهرا

مختصر حالدا اورک سوزلرینی
حضرته ائتدی وصیت زهرا

حالت ضعفیله چون غش ائلدی
صحنیده سالدی قیامت زهرا

قویدی آغلار گونه مظلومه قیزین
ایچدی تا جام شهادت زهرا

دوشدی غم سایه سی عالم باشینا
دنیادان ایلدی رحلت زهرا

یوخ رجوعیم نئلر اولدی دئمورم
چکدی چوخ درد و مصیبت زهرا

آغلادی صبح ومساء ئوز غمینه
دئدی چکدون نه مشقّت زهرا

حضرت حقون عزیزی سنیدون
کیم سنه ائتدی جسارت زهرا

نه جسارتله سنه سیلی ویروب
کوچه ده تشنهٔ قدرت زهرا

نه گناه اوسته سنه ظلم ایلیوب
دشمن فاسد ونکبت زهرا

نه خصومتله علینون قولونی
باغلادی بی خرد امّت زهرا

نه عداوتله سنون درگهووه
توکولوب وحشی جماعت زهرا

.......ادامه دارد
علی تیموری

@ali_teimorygerde

«هدیهٔ رحمت»

شعر بیرهدیهٔ رحمتدی گلور جنّتدن
نَقَدر واردی جهان دوشمیه جک لذتدن

چونکه بیر لطف ائلیوب شاعره خلاق جهان
بو سببدندی کی الهامین آلور حکمتدن

واژه نی اوز یرینه گور نجه زیبا یارادیر
ایشله دیر مطلع شعرینده قوی لغتدن

یازمیور دفتره بی معنی سوزی شعر آدینا
یازسا گر هرسخنی شعری سالار زینتدن

دُرّ تک رشتهٔ تحریری دوزر بیربیرینه
عشقینه نوحه یازار الده قلم قدرتدن

شعری کالا کیمی بازاره اگر چکمه سه لر
دوشمز هرگز بئله بیر دُرّ گران قیمتدن

شعریدی پیرو قرانه وئرن معرفتی
اودی بهره آپارار ناظمی بو نعمتدن

جرعه سین نوش ائلسه کیم تاپاجاق راه نجات
سالماز عالمده عداوتله بیرین حرمتدن

مخلصانه باش اگر حقّه همانند حسین
ال چکر ریب و ریا اوسته اولان شهرتدن

مقتل یار لب عطشانی گورر یاری گجه
جان دییر زادهٔ خیرالبشره غیرتدن

فخر ایدر شوقیله عالمده حسین نوکریدی
عالی پاداش آلار عقباده خودِحضرتدن

بی گمان شامل اولار حالینه الطاف خدا
جرگهٔ عشقیده حصه آپارار رحمتدن

یازسا تیموری ادیبانه حسین مرثیه سین
بیر گونی آگه اولار فلسفهٔ خلقتدن

علی  تیموری

@ali_teimorygerde

ای قلم طبع روان عدل وعدالت ایستیر
مطلب عنوان ائتمگه روح لطافت ایستیر

دوزدی واقف سن مقدّس شرعیده بومطلبه
خلقه خدمت ایلمک مهرومحبت ایستیر

هر کلام نابجانی دفتره ثبت ایلمه
مطلب عرفانی ثبت ائتمک مهارت ایستیر

نکته بین اُول محتواسیز سوزدن ایله اجتناب
اهل منطقدن حکومت دوز خلافت ابستیر

درهمه خاطر گوزتله آللانوب تئز اولما اوخ
عادل اولماق امریده دوزگون قضاوت ابستیر

بیر زماندیر کی حقیقت سوز دانیشماق اُلمیور
حق دانیشماق بو زمان واللهی جرأت ایستیر

حیف اولا وجدانی دا اولدوردولر ایمان کیمین
قالدی جسمی یئرده ناگه روحی رحمت ایستیر

سعی ائله ای دل اسیر نفس منحوس اولماسن
اهل دلدن حضرت سبحان دیانت ایستیر

شهرت دنیا نه لازمدور جهان عشقیده
یاری یاریندن یقین صدق وصداقت ایستیر

کیم دولانسا شهر عشقی کوبکو بیلسون گرک
معرفت کسب ائتمگه چشم بصیرت ایستیر

عالم عرفاندا گر اولسا بصیرت صاحبی
چاتماقا اعلا مقامه رنج و زحمت ایستیر

رنج وزحمت چکمین بیلمز سر سودا ندور
آل وئرینده جسم پاکی روح طاعت ایستیر

آستان ذات هودن ناامید اولماز یقین
عشقینین تاییدینه عاشق بشارت ایستیر

بیر سوالیم واردی یاران اکثر عشّاقیدن
اجرینه خاطر ندندیر عاشق اجرت ایستیر؟

عاشقه جنّت حسینون آلتی گوشه قبریدی
پس اودی دعوت حسیندن اهل جنّت ایستیر

مدٌعی گئت کربلاده سرور و سالاره باخ
شاه لب عطشان سیزه حقدن عنایت ایستیر

قلبیلرده زادهٔ زهرا حکومت ایلیر
بو سببدندی حسینی کلّ خلقت ایستیر

منده بوسلطان عشقون اولمیشام دیوانه سی
ناتوانم علمیده روحیم نصیحت ایستیر

یانمیشام شمع شعور عشقیده پروانه تک
واقفم بویانماقا جسمیم طبابت ایستیر

عشقیده دیوانه ام یوخدور منه تکلف دین
ایندی مندن چوخلاری بوعشقه علّت ایستیر

پیر عشقیم امر ائدوب بومطلبی عشّاقینه
محضر جانانه یول تاپماق سعادت
ایستیر

مجلس عرفانه یول وئرمزله هربیگانه نی
محفل عشقه قدم قویماق لیاقت ایستیر

فرض ائله یول وئردیلر تاپدون بو مأوا ده حضور
بیلموسن قالماق مقدّس یئرده دعوت ایستیر؟

عشقه باخ عاشق تمنّای شفاعت ایلیور
حضرت معبودیدن معشوقه حاجت ایستیر

کربلاده ، ال دعاده حضرت سالار عشق
ذات حقدن پاک عزاداره شفاعت ایستیر

گوزله شاعرچوخ مطول یازما شیوا مطلبی
معرفت مضمونی شرح بی نهایت ابستیر

اند اولا سلطان عشقون سود امر سربازنه
درگهینده خادم اولماق قابلیت ایسنیر

علی تیموری

@ali_teimorygerde