??
?اؤیکوجوک

یئریم چوخ داریسقال ایدی، یان یؤره‌می اویان بویان ائتمه‌لی‌ایدیم. بیر نفری اوتایا ایته‌‌له‌دیم، بیریسینی بوتایدا باسدالادیم. بیریسی‌نین قولتوغونون آراسیندان باشیمی قالدیردیم. سیخینتیدان گؤزلریم یئریندن سیچراییب آیاغیمین آلتینا دوشدو. دونوب قالمیشدیم. آغلاماق ایسته‌ییردیم. او تلیسین دیبینده چوروین یئرآلمایا بنزر اینسانا. چوخ زامانلار‌ایدی اورادا قالمیشدی. ایکی آیاق بوینومدان آسلانیردی. باشینی بیلمیردیم هارا ساللاییب. ائله‌بیل اینسان تایاسی قورموشدولار اوردا. من اؤزومه فرحلنیردیم. من اؤزومو باشقا بیر اینسان گؤروردوم. قولاقلاریمدا دالغالانان سمفونی‌‌یه هامیدان چوخ اورک باغلامیشدیم. اوردا باشقا یاسالارلا یاشاییردیق. اوردا اکسیژن بیتسه‌یدی بیربیریمیزین نفسینی اوغورلایاجاقدیق. اوردا سون نفسه قالان اؤدوله چاتاجاقدی. قالسایدیم من قوماری اوداجاقدیم. آمما دای اینجیدیم یاشاییش اوغورلوغوندان. اینسانلارین چییینلرینه آیاق قویدوم. اینسانلار پیلله‌که‌نی بیره‌ر بیره‌ر دوزولدو اؤنومده. سئوینیردیلر گئدیشیمدن. بیلمیردیلر من بو برابرلییین ایلغیمینی دویموشام. تایانی باشا ووردوم. سئوگیمین گؤزلرینه یئتیشدیم. بو برابرلیک یئینیدن یالانلاندی. تراژئدییه چئوریلدی. اینانماغا اینجاریم یوخ ایدی. او منیم بیرینجی سئوگیم، من ایسه اونون اون‌بیرینجی سئوگیسی‌‌ایدیم. داها گؤزلریندن دوشمک ایسته‌ییردیم.

✍ثریا سیمزاری
~.~.~.~.~.~.~.~.~.~ .~.~
‌‌╭┅────────┅╮
?  @bulaqderneyi   ?
╰┅────────┅╯

? Epizod 2

?Zehn: fikir karxanası (2)

? @minimal_podcast

‍ ?☕️
#تانیتیم
#پروفسور_جواد_هئیت

دوکتور #جواد_هیئت، آذربایجانلی چاغداش تورکولوق، حکیم، ادبیات‌تانیان، یازیچی. تحصیلیلاتی طب و جراحلیق ساحه‌سینده اوْلوب و #آذربایجان ادبیات تاریخی و آذربایجان تۆرکجه تدقیقاتچی کیمی مشهور اولوب.

?پروفسور دوکتور جواد هیئت ۱۳۰۴-جو ایل تبریزده ضیالی بیر عائیله‌ده دوغولدو. آتاسی علی هیئت، مشروطیت فرمانینی نجفدن تبریزه و تهرانا آپاران هیئتین باشیندا اولدوغو اۆچون "هیئت" آدی ایله مشهور اوْلموشدور. علی هیئت ایراندا تمیز محکمه‌سی باشقانی و ایران عدلیه‌سی‌نین قوروجولاریندان اوْلوب مشروطیت انقلابیندا آکتیو رول اوینامیشدیر.

?دوکتور جواد هیئت ایلک و اورتا تحصیلینی تبریز، تهران و همدان‌دا بیتیرمیش، داها سونرا طب تحصیلینه باشلامیش، آنجاق اۆچونجو صینیفدان سوْنرا تحصیلی‌نین داوامی اۆچون استانبولا گئتمیش و جراح پاشا بیلیم یوردوندا ( اونیورسیته‌سینده) دوکتوراسینی تاماملادیقدان سونرا جراحلیق تخصصینی ده استانبولدا باشلامیش لاکین اونون داوامی اۆچون پاریسه گئتمیش و سونرا تهرانا دؤنه‌رک جراحی فعالیتینه باشلامیش، ایران‌دا ایلک دفعه آچیق قلب عملیاتینی، ایرانلی‌لار ایلک دفعه قلب کؤچورمه عملیاتینی و تهراندا ایلک دفعه بؤیرک کؤچورمه عملیاتلارینی آپارمیش و گؤستردیگی بو و بونا بنزر باشاریلاردان دولایی پاریس جراح‌لیق آکادمیسی‌نین عضوو سئچیلمیشدیر. او اون‌ایکی ایل دانش پزشکی آدلی طب درگیسی یایینلامیش و یوزلرجه علمی مقاله و جراح‌لیغا عاید اوچ کیتاب یازمیشدیر. دوکتور جواد هئیت ایران اسلام انقیلابی‌نین ایلک ایللریندن وارلیق مجله‌سینی نشر ائدیر.

?۱۳۵۸دن اعتباراً بیر نئچه دوستو ایله بیرلیکده وارلیق درگی‌سینی یایینلایان دوکتور جواد هیئت تورکولوژی‌یه عاید یئددی جیلد کیتابین و یوزلرجه مقاله‌نین مولیفی‌دیر. دوکتور جواد هیئت عئینی زاماندا آذربایجان جمهوریتی اونیورسیته‌لری‌نین فخری دوکتورو و پروفسورو؛ تورک دیل قورومونون شرف اویه‌سی، استانبول اونیورسیته‌سی‌نین (هم طب هم ده تورکولوژِی دالیندا) فخری دوکتورودور.

?اثرلر:
سیری در تاریخ زبان و لهجه‌های ترکی (۱۳۶۵)
ترومبوز و قلبیت و درمان آن (۱۳۳۵)
نگاهی به تاریخ ادبیات آذربایجان (2جلد)
مقایسه اللغتین (تۆرکجه و فارسجانین توتوشدورماسی) (۱۳۶۲)
زبان و ادبیات ترکی آذربایجان در قرن بیستم (دؤردونجو اۇلوسلارآراسی قورلتایا گزارش - استانبول ۱۳۶۴)
نگاهی به تاریخ و فرهنگ ترکان (۱۳۶۵)
آذربایجان شفاهی خلق ادبیاتی (۱۳۶۷)
ادبیات‌شناسلیق (۱۳۷۴)
خلاصه تاریخ فلسفه غرب ( غربی فلسفه لرون تاریخی).
‌‌╭┅────────┅╮
?  @bulaqderneyi   ?
╰┅────────┅╯
?