(نزال ) جديد للمشايه

كاصدلك مشي يحسين وانته الادره بلنيه.
موش بزودي يامولاي زايد فضلك اعليه.
اجدامي المامشت لجللك ماريدنها رجليه.
التعب راحه عله الخدام احس لو يكثر اشويه

الزاير عزيز الكاصد اعله احسين.
ولو يمشي خطوه تنحسبله اسنين.
باابي انت وامي ياابا عبد الله
000000000000000
عليك اسود لبسنه احسين  ماحبينه غير الوان .
بسواد الليل كل موكب مامش غربه كلها اخوان
من ابعيد اجت لحسين كلها اتعنت البلدان.
شايب عايف اهله وجاي صغار اتعنت وشبان.

انته عشكنه المايجي مثلك.
وليش اليضيع بساع يندلك.

باابي انت وامي ياابا عبد الله.
0000000000000
تستاهل زحف مولاي مو تستاهل امشيلك.
والطايح ابشده وكام هاذا الكالها ادخيلك.
كل زاير اجالك صار ينعد من مداليلك.
مايتعب ولايرتاح الزاير حيله من حيلك.

هاذا طبعنه وخلهم يغارون.
زوار اجينه انواسي اخته ام عون

باابي انت وامي ياابا عبد الله.
0000000000000000
اكثر شي يفرح الناس كلها ابدربك اتصلي.
وابو الموكب جبير اهواي بخطاره بقه ايهلي.
يعرف وينه وينه احسين وين الخادم ايخلي.
وين الامه فرحت بي  وين الضايع ايدلي.

كل عام نكثر مانقل كل عام.
شمحلاها  لو لسمك نضل خدام
.
باابي انت وامي ياابا عبد الله.
00000000000000000
يااجمل عشك شفته ياهنيال بيك العين.
دوله خدمه لعيونك جمهوريه بسم احسين.
نبقا وياك خدامك شما دارت علينه اسنين.
مانلكه وطن مثلك واحد ماتصير اثنين.

دوله انته وحدك واحنه خدامك.
باجر قيامه اتصير يم بابك.

باابي انت وامي ياابا عبد الله..
00000000000000009
احمد الحسناوي

ليله السابع من محرم ليله ابو الفضل العباس.. ع

1446ه‍

من طحت كدام الحسين
ردت ارد ماوجد امنين.
ليش عفت احسينك.
00000000

مو وكت سده عيونك... وموش مالت نفترك.
جذبت عيني من اجيتك.. كلت بلكت موصدك.
اركض بلا راي خويه.. مثل ركضه محترك.
هسه كون تموت روحي... وكون يرتاح اليدك.

وحدي بس مكسور خاطر...
رحت لحلوك الحوافر.

يمن فدوه لعينك..
ليش عفت احسينك...
000000000
من طحت كدامي خويه.. ثكل جدمي وايست.
انه ذاك الصلب كلبه .. من شفت دمك خفت.
عنت روحي وكوه جيتك.. المصرعگ كوه اوصلت.
رد الحك عود اعينك... وذره وذره اترفهدت

كوه اجيتك واعتنيتك.
خويه بس ميت لكيتك.

خويه الله يعينك.
ليش عفت احسينك.
000000000000000
الصبح لمن فاركتني. بعيني بطل مايمر..
جن شمس بغروب تطفي.  من يحل وكت العصر.
رماد صرت انه بوداعك .. جمر ياكل بلجمر.
خويه تدري لكلشي كادر..افراكك الماينكدر.

بطيحتك طاحت خيمنه.
بياوكت طايح علمنه.

يلنذرت اسنينك ..
ليش عفت احسينك.
0000000000000
خلصت مو خوش خويه... العشره منا وانتهت.
رحت ماشبعان منك..  من عكب عينك ضعت
سهله اذا توليني غربه.. الصعبه مني اتفرهدت.
ولله خويه حسين ميت... موش بس انته المتت.

سولفتهن وانته ساكت.
الماردته اليوم صارت..

الهاضمتني الوينك..
ليش عفت احسينك...
0000000000000000
احمد الحسناوي..

الي يريد الحن يتفضل يراسلني خاص وانه خادم

ليله الانصار محرك الحرام 1446ه‍
شور (كعده )....

يلعفتو اخوكم وحده مو وكت هل روحه
سبعينه كدامه اخلصو جيب اليكض نوحه

صحبانه من اتروح.
جيب اليصبر الروح.
سبعينه كدامه اخلصو جيب اليكض نوحه.
00000000000000000
الزلمه اخوته كون كربه مايصيبه الشر ابد.
جيب اليقنعلي كلبي من اندهه ومحد كعد.

ليش باقي لهسه وحدي وربعي اهواي.
اليوم ترتاح الشماته وتفرح اعداي.
ما احاول احمي روحي لو خطر جاي.

من تالي اضلن وحدي يخواني ترضوها
بعيوني شايلكم عمر يخواني بجوها.

لو رايح اوياكم.
يخواني انخاكم.
سبعينه كدامه اخلصو جيب اليكض نوحه.
0000000000
افراكم موش عله كدي  ومايلوكلنه الجفه.
بودي اعاتب ياخواني بكلبي جم اخ واافه.

موش مال فراك كلبي عايز اردود.
مثل دمعه عين طاحت صعبه وتعود.
موش بس صحبان دربي اخواني وجنود.

مابيه اضل عايش بعد متانيك يااموتي.
المثلي يفارك كل هله شمحلاته تابوتي.

ليش التعوفه اعزاز.
يكضي العمر جناز.

سبعينه كدامه اخلصو جيب اليكض نوحه..
0000000000000000
اشلون يخلص هسه عمري شلي بيه انه العمر
النار ماحس هسه بيها وحدر الضلوع الجمر.

كون اليفارك عزيز ايموت وياه.
انه ابقه بدون صاحب وكتي خلاه.
ومو سهل وتكول فدوه الصعب تنساه.

شكد صعبه صحباني كضو ياوكتي ارحمني.
خلصني من هاذه العمر بسك تعذبني.

كله اعلمود الماي.
كافي خسرت اهواي.
سبعينه كدامه اخلصو جيب اليكض نوحه.
000000000000000000000
ب أمر الله الصار كله الحمد لله والشكر.
موش بس واحد خسرته ربعي الماتنخسر

وينه وينه الكلبه طيب خوش صحبان.
موش اسمي حسين هسه اسمي دفان.
من كثر ماتبجي عيني كاضي الردان.

خلصت عشرتي ويه اخوتي والراح مو هين.
واليخسر اهله واخوته من صفنته ايبين.

بفراكم مغلوب.
ذاك الكبل مهيوب.
صحبانه كدامه اخلصو جيب اليكض نوحه..
00000000000000000
احمد الحسناوي...

(نزال) ليله الانصار محرم الحرام.. 1446ه‍

طب الحسين بكتره تمشي انصاره
امحصن كلبهم من جميع اكتاره.
••••••••••••••••••••••••••••••••

زلمه بكتايب ينحسبله الف حساب.
طبهم حبيب الماملثم بنكاب.
لو شرد منه يعني ينطم بتراب.
هنياله لحك لملماها اكواره.
••
•••••••••••••••••••••••••••••••••
رفعه راس صاح احسين الانصار.
اشوينه عدهم لون لاكو الاكبار
ازلام حسين طبو وين تندار.
بريشاته طب صغاره وي كباره.
••
••••••••••••••••••••••••••••••••••
عابس محزم جن صكر شاف الصيد.
وبكلب ميت نازل امحصن الايد.
يلوح الفريسه لو خزرها من ابعيد.
والكلب ابيض يشبه الجماره.
••
•••••••••••••••••••••••••••••••••••
الحر الرياحي من ركب فوك الخيل.
واالارض عدله بثكله خلاها تميل.
شجعان لاذت يمه واتصيح دخيل.
طبوها هاشم وشيكضها الغاره.
••

•••••••••••••••••••••••••••••••••••
عد جون صطره جنها طكه حيدر.
خلص الوادم شلع بيده خيبر.
خله المنايه على اعدائه تفتر.
نيرانه شبت عزب الخطاره.
••
•••••••••••••••••••••••••••••••••••
شيخ الكناطر خله بيهم واهس .
جون وحبيب الاكبر بصف عابس.
حب الحسين بنص كلبهم جايس.
نيران كبره من العشك ياناره..
••
••••••••••••••••••••••••••••••••••••
ضهضب الكافل ليها شد اعنانه.
خله المراجل تشهد عله افنانه.
عدوانه ضنو جن حلم حلمانه.
اكماطه شكه واهو بصغر صياره..
••
•••••••••••••••••••••••••••••••

الشاعر احــــمد الحـــسناوي

الليله الخامسه ليله مسلم ابن عقيل . ع 1446ه‍.

مسلم والنعم...   .              صكار الزلم..... صمصام.
سيفه بيمنته...  .              يردمهم ردم ... صمصام
سالفته عرك.                   ياحيد وشهم.    صمصام
لامه وخوذته.    .         وسيفه الكله دم.... صمصام.
••
••
لحسين... .     ضحه بركبته.
والحيل...        كله بيمنته.
من بعيد...  .    شافا يرتعب.
صنديد...      لابس خوذته.
••
ابو فاضل طوله.
سوه بيهم جوله.
وغيره منه بحيدر.
كل بشر بي لوله.
•
مسلم..  ثقه الحسين. مسلم  ثقه الحسين.

•••••••••••••••••••••••••••••••••••••••••••
قائد عسكره..         مايرجع وره ... شمام.
وبجيش العدو..       زلمتهم مره .. شمام.
وبسوح الحرب..       الاول حاضره. شمام.
من عنده الورد..      روحه غايره ... شمام.
••
••
النعناع... بصفه ينعزل.
والهيل...من عطره يمل.
واليل ... يحسب من يجي.
اهلال... نوره لو يهل.
••

سيد عله العسكر.
بلايه سيف وخنجر.
الشمس هاي بجيته.
الدنت يمه تحتر ....
••

مسلم ... ثقه الحسين.... مسلم ثقه الحسين.

••••••••••••••••••••••••••••••••••••••••

الجيش ومن برز. ..            طشرهم خرز.  من كام.
يبس ريج العدو..      .       مسلم وارجتز... من كام.
سيفه من الذبح..       .      الدم عنده اعز.. من كام.
قائدهم تعب...      .        من خوفه عجز... من كام
••
••
الخوف... بيهم محتوي.
والماي ... منه يرتوي.
واليل .. محتاج الضوه.
من يغيب... بيمن ينضوي.
••
مسلم ومرساله
وحده جيش لحاله.
هيبه جان العسكر.
يمه صار اوشاله.
••
مسلم...  ثقه الحسين... مسلم ثقه الحسين

•••••••••••••••••••••••••••••••••••••••••••
شده وموزمه .            لسيول الدمه.... محتام.
الشوف البنضر..           يم مسلم عمه.. محتام
ملثم بلوغى..               واخياله ازلمه..محتام
ماهمه العطش.           ولوجهه الضمه.. محتام
••
••

الموت...       كرب من جهب.
وجفوف...     يملك من لهب.
بعمدان..      مرتفعه السمه.
واتطيح ..    مسلم  لو غضب.
••

ضهضب وطب كوفه.
بس خيال اتشوفه.
من جمال ارسومه.
خله بيهم خوفه.
••

مسلم ثقه الحسين.... مسلم ثقه الحسين.

••••••••••••••••••••••••••••••••••••••••
الشـــاعر احـــمــد الحســـنـــاوي

الي يريد الحن يتفضل يراسلني خاص وانه خادم ?

@Lofy70

ليله 3محرم ليله فاطمه العليله. 1446ه‍

اصغيره ومابيه اتاني.
مقسومه ابقه اعاني.
جا ليش مركب ما الي بوكت الرحيل

اعليله ومرضي بيه.
اسال اختي رقيه
معقوله ضعنك ماتركب بيه عليل
••
••

يابويه افراكك موش الي.. والنار تغلي... بنص روحي.
لو ماخذني ويه المشن..محليه الضعن.. بجروحي
••
بس حكي بويه  اعتب عليك.
كتلك اخذني وايدي بديك.
مرسالي شفته وشفت الجروح.
ماريد اتعبك انه الاجيك.
••
عليله وحالي حال... عليله وحالي حال.
•••••••••••••••••••••••••••••••••••••••••
وانته اتلم بعيالك.
ماجنت عله بالك.
سويه لله وخل اروح ويه المشو.

من خوفي وكلتها
ولا جان ابوكتها.
من كلت أخافن لو يمر بيه العدو.
••
••
واعدني وكال ابو الفضل .هلاله يهل. ويجيبج
صبري بويه اتحملي.. يصبرج علي..  ويعينج.
••
وحدي بقيت وكلي جروح .
سويهه لله وخليني اروح.
ريحه وداعك والملكه ذاك .
ابيتك يبويه عطرك يفوح.
••
عليله وحالي حال...عليله وحالي حال...
••••••••••••••••••••••••••••••••••••••••
عمتي سكته تحجي.
تحاجيني وانه ابجي.
جم مره كلبي من حجو شفته طلع.

اكوارتهم  خذوها.
اعليلتهم نسوها.
دلالي ضامي وماروا بس الدمع
••
••
ورده ولايحهه الضمه.. صارت فاطمه. من اوداعك.
ماتاخذ رايي عجب.. وحشه الدرب.  من اطباعك.
••
كلي شيسوي الكلبه عليل.
متانيته يوصل عمي الكفيل.
استوطن يبويه بكلبي العذاب.
واصبر واكولن شفت الجميل.
••
عليله وحالي حال...عليله وحالي حال..
••••••••••••••••••••••••••••••••••••
عبد الله عوفه يمي.
اشتم بيه ريحه امي.
صغيرون بعده ومو اله ولام الرمح

التسميها الحبيبه.
بنص بيتي غريبه.
بهل رحله موت ومااضن بيها صلح.
••
••
سنوها برماح الخشب .. ضاع التعب.  بلحومه.
شمعه ولاحاها الهوه.. بيها الضوه .الطف يومه.
••

اقدم شاخر بلضله هاي.
تذكر اشربك من ايدي ماي.
سراب واشوفه امبين بعيد.
بروحي اقنع عباسي جاي.
••
عليله وحالي حال .. عليله وحالي حال..
••••••••••••••••••••••••••••••••••••••••
الشـــاعر  احــــمد الحـــسناوي...

الي يريد الحن يتفضل يراسلني خاص وانه خادم لخدام الحسين..???

@Lofy70

الي يريد الحن يتفضل يراسلني خاص ??
@Lofy70