#الاستعداد_لرمضان

رمضان باقى عليه أيام ركز فى أهم ١٠ حاجات ممكن تاخد بالك منهم :

١- ماتتكلمش كثير وإنت صائم، ماتهزرش كثير، ماتعليش صوتك..
ليه..؟
حديث النبى.. فإن كان صوم أحدكم فلا يرفَثْ ولا يَصّحْب..
.
٢- لو حد ضَايقك فى أى حاجة...ماتردش عليه
قل : إنى صائم
.
٣- رمضان مش من الفجر للمغرب، رمضان ٣٠ يوم ليل ونهار، فلو الصيام بالجَوارِح بالنهار..فالصيام بالقلب بالليل والنهار
.
٤- كل الناس ممكن تصلى وتصوم وتقرا قرآن، بس مايعرفوش إن الهدف من ده كله هو التقوى..فركز إن سلوكك يتعدل ويتحسن..ركز إن قلبك يتعدل...ركز إن العِبادات تغير فى المعاملات..لو بِتّكّذِبْ بَطل..لو بِتّغتّابْ كفاية كده..لو بِتّرتِشِى توب. اتغير سُلوكيا بجد ..!!
.
٥- للصائم دعوة لا ترد..فجهز ماتريد من الدعوات.
.
٦- هات السبحة الإلكترونية وخليها فى جيبك على طول...وحط هدف إن كل يوم على الأقل تذكر ربنا ١٠ آلاف مره...نوع فى الذكر..مابين تحميد وتسبيح وتكبير ....الخ
.
٧ - ماتعديش يوم من غير صدقة، حتى لو جنية واحد..هتلاقى كرم مابعده كرم فى الدنيا قبل الآخرة...مانقص مال من صدقة...فيضاعفه الله اضعاف كثيره
.
٨- المساجد فتحت للتراويح الحمدلله، صلى التراويح مع حد صوته وأدائه كويس علشان ماتزهقش وتكمل لأخر يوم.
.
٩- كل يوم ربنا ليه عتقاء من النَارْ،اطلب من ربنا من كل قلبك كل ليلة إن ماكنش اعَتَقك قبل كده فَيُعّتقَك النهاردة، والله عُتَقَاء من النَارْ وذلك فى كل ليلة.
.
١٠ - خلى ختمة السنادى مش قراءة بس، العِبرة مش بالكم، هات المصحف اللى فيه المعانى، وأقرأ معانى كل صفحة تقرأها...وشوف إنت فين منها.
..
كل عام وانتم بخير ، ربنا يتقبل منا ومنكم صالح الأعمال ♥️

في حديث منتشر جدا الفترة اللي فاتت ... حد ينزل تاريخ رمضان ويكتب:
"من أبلغ الناس بموعده وجبت له الجنة"
1 الحديث ده مكذوب .. يعني موردش ف السنة اصلا.

2 أن حد يألف حديث عن النبي بدعة "وكل بدعة ضلالة، وكل ضلالة في النار".

3 أتمنى أي شخص يشوف حد منزل الكلام ده يبلغه ويوضحله...💜

التوبة

قال الله تعالى : ( وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلا اللَّهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ . أُولَئِكَ جَزَاؤُهُمْ مَغْفِرَةٌ مِنْ رَبِّهِمْ وَجَنَّاتٌ تَجْرِي مِنْ تَحْتِهَا الْأَنْهَارُ خَالِدِينَ فِيهَا وَنِعْمَ أَجْرُ الْعَامِلِينَ ) آل عمران/135 ، 136

حقيقي أصدق شيء يخليك تتوب عن ذنب انت بتعمله وهو التوبه الكثيره وأنه لو تكرر الذنب ولو ألف مرة أو أكثر .
لاكن انت تبت في كل مرة
قبلت توبتك وسقطت ذنوبك في كل توبه .

....كل ماتفكر في الذنب او تعمله قوم صلي بنيه الهدايه والتوبه او اقرأ سوره من القران او استغفر بس اعمل حجات كتير
يعني مثلا تستغفر الف مره
تقرأ سوره كبيره تقرأ جزء
تصلي اكثر من ركعتين وتخشع في الصلاه
تطلع صدقه
بس لازم كل ماتعمل الذنب او تفكر فيه تتوب  حقيقي هتنسي الذنب
وخلي عندك علم انك هتعمل  العادات الي كنت بتتوب بيها علي طول كأنها بقت جزء من حياتك

3wd_ela_alah                        قَمَرَايَةَ

??صباح الخير ??
الدنيا ماتستهلش كل الزعل ده انت لسه عايش يعني قدامك فرصه كبيره انك تتوب وانك تحقق احلامك وتبني حاجات كتير طالما لسه فيك الروح يبقي متقولش انا استسلمت او عمر ماهيحصل كدا او انا فاشل وجربت ميت مره جرب الميه وواحد يلا انت محتاج نفسك اياك تستلم
يلا كدا بقي صلي الفجر والضحي واقرأ حتي لو وجه قران واذكار الصباح الحجات دي مش هتاخد منك نص ساعه يلا اياك تستلم اخر الدنيا لسه مجاش ???????

#قَمْرَايَةَ

هيقبلك ، مهما عملت هيقبلك ، هيقبلك وهيفتح ليك ابواب كتير بس انت ارجع ليه ، ارجع ليه وقُوله ، اقبلني يارب .

- دكتور حازم شومان.

قيام الليل ♡

ادعو لماما ربنا يتم شفائها وان ربنا يعديها علي خير معاها

من فاتته صلاة الفجر .. ذُبِح يومه بلا سكين.

ولما بتصلي الفجر بتعلن الإنتساب  بعبادتك وطاعتك -وأنك بتمتثل لأوامر الله إنه أنت في جوار الله،

وإذا شعرت أنك في جوار الله؛ فأنت مما تخاف! :

-الشيخ محمد خيري-
لاتفوتك صلاه الفجر اذكار الصباح واقرأ من القران ولو قليل

الأغاني عمرها ما كانت رفيقة الطريق ولا المواصلات.
ياما ناس ماتت في حوادث وهي بتسمعها! هتقابل ربنا بيها إزاي؟
بطل أغاني.

د/ حازم شومان.

السلام عليكم ورحمة الله وبركاته

من أكثر الحاجات المرعبة ع السوشيال واللي بنستهين بيها هي إننا مُحاسبين على الريأكت اللي بنعمله مش بس إنك تشير حاجة فيها إثم، يعني مثلًا شوفت حد مشير أغنية فعملت ريأكت، الريأكت دا ترتب عليه تلت حاجات:

- زود ظهور البوست بزيادة التفاعل
- شجعت الناشر للمعصية بدعمك ليه بريأكت
- رضيت بالمنكر دا بتفاعلك عليه ولم تنهَ عنه

بحسابات الآخرة تُحسب بالشكل دا اللي الشيطان بيخلينا نغفل عنها لأنه عارف ان السوشيال بقت شيء أساسي من يومك وقادر انه يوقعك بآلاف الذنوب منها فقط وانت مش واخد بالك!

فلو نجح في انه يعميك عن حقيقة ذنب زي دا وانه مكتوب عليك في صحيفتك ومسؤول عنه يوم القيامة ويقنعك انه مجرد ريأكت لا يضر ولا ينفع فهو استغل ثغرة كبيرة قدر يوقعك منها بذنوب كتيرة!

ف قبل ما تستخدم الزرار دا افتكر قوله تعالى:
يَوْمَ تَشْهَدُ عَلَيْهِمْ أَلْسِنَتُهُمْ "وَأَيْدِيهِمْ" وَأَرْجُلُهُم بِمَا كَانُوا يَعْمَلُونَ

ممكن تدعولي امتحان بكرا يعدي علي خير عشان مرعووبه ?