အရပ်သားထိခိုက်သေဆုံးမှုသတင်း ထုတ်ပြန်ချက်
-----------------------------------
၂၀၂၄ ခုနှစ်၊ အောက်တိုဘာလ ၆ ရက်

တောင်ပိုင်းစစ်ဒေသနယ်မြေတွင် ရရှိထားသည့် အချက်အလက်များအရ စစ်ကောင်စီနှင့်၎င်း၏လက်ဝေခံအဖွဲ့များ ပြုလုပ်ခဲ့သော အကြမ်းဖက်လုပ်ရပ်များကြောင့် ပြီးခဲ့သည့် ၇ ရက်တာ ကာလအတွင်း ၁၃ နှစ်အရွယ် ကလေးတဦး၊ အသက် ၅၅ နှစ်အရွယ် အမျိုးသမီးတဦး(ဦးခေါင်းထိမှန်ဒဏ်ရာ) ပေါင်း ( ၂ )ဦး သေဆုံးခဲ့ပြီး၊ ကလေးငယ် ( ၄ ) ဦးအပါအဝင် ( ၇ ) ဦး ဒဏ်ရာရရှိခဲ့ရသည်။ ထို့အပြင် စစ်မှုထမ်းအပတ်စဥ် ၆ အတွက် လူငယ်များကို အကြောင်းအမျိုးမျိုးဖြင့် ဖမ်းဆီးခြင်းနှင့် ခြိမ်းခြောက်ငွေညှစ်ရန် ဖမ်းဆီးခြင်းခံရသူ ဦးရေ ( ၈၇ ) ဦးရှိပြီဖြစ်ပြီး စစ်ကောင်စီတပ်ဖျက်စီးမှုကြောင့် ပြည်သူပိုင်အဆောက်အဦးများ ပျက်စီးမှုနှုန်းမှာလည်း မြင့်တက်လျက်ရှိသည်။

စစ်ကောင်စီတပ်သည် စစ်သားအင်အားဖြည့်တင်းရန် ရည်ရွယ်ချက်ဖြင့် လမ်းသွားလမ်းလာများကိုသာမက၊ စက်ရုံအလုပ်သမားများ၊ လက်ဖက်ရည်ဆိုင်ထိုင်နေသည့် လူငယ်များကိုပါ ဖမ်းဆီးခေါ်ဆောင်နေပြီး စစ်မှုထမ်းစာရင်းပါသည့် လူငယ် မရှိပါကလည်း များပြားသည့်ငွေပမာဏတောင်းခြင်းတို့ကို နေရာအများစုတွင် ပြုလုပ်နေသည်။ ထို့အပြင် ရေကြီးမှုကြောင့် ရေဘေးကယ်ဆယ်ရေးစခန်းများသို့ ရောက်နေရသူများကိုပါ သန်းခေါင်စာရင်းကောက်ယူရန်အကြောင်းပြချက်ဖြင့် အတင်းအဓမ္မ နေရပ်ပြန်စေပြီး အိမ်ထောင်စုစာရင်းကောက်ခံခြင်းတို့ကို လုပ်ဆောင်လျက်ရှိသည်။

တောင်ပိုင်းစစ်ဒေသ၏ ရရှိထားသောအချက်အလက်များကိုသာ အခြေခံထားခြင်းဖြစ်ပြီး လက်တွေ့မြေပြင်တွင် အထက်ပါစာရင်းထက်ပိုများနိုင်ပါသည်။

ဓာတ်ပုံ - စွယ်တော်ကုန်း အမြောက်တပ်စခန်းက ပစ်သည့် လက်နက်ကြီးကျည်ထိ၍ ပျက်စီးသွားသော ဖလူးကြီးကျေးရွာစာသင်ကျောင်းဆောင်

ပြန်ကြားရေး
တောင်ပိုင်းစစ်ဒေသ
ပြည်သူ့ကာကွယ်ရေးတပ်မတော်(PDF)
#PDFSouthernMilitaryRegion
#ပြည်သူ့ကာကွယ်ရေးတပ်မတော်_တောင်ပိုင်းစစ်ဒေသ
#တောင်ပိုင်းစစ်ဒေသ

တိုက်ပွဲသတင်းထုတ်ပြန်ချက်
-----------------------------------
၂၀၂၄ ခုနှစ်၊ အောက်တိုဘာလ ၃ ရက်

ပဲခူးတိုင်း၊ အုတ်ဖိုမြို့နယ်၊ ဂမုန်းဆည်ပေါ်သို့တက်လာသော စစ်ကောင်စီအင်အား ၄၀ ဦးပါသည့် စစ်ကြောင်းအား ယနေ့မနက် ၉နာရီတွင် တောင်ပိုင်းစစ်ဒေသ၊ အမှတ် ၂စစ်ဒေသခွဲ၊ တပ်ရင်း ၃၈၀၂ တပ်ခွဲ၄ ရဲဘော်များက စောင့်ကြိုတိုက်ခိုက်ခဲ့ရာ စစ်ကောင်စီတပ်သား (၁၂)ဦးသေဆုံးပြီး (၁၄)ဦး ဒဏ်ရာပြင်းထန်စွာဖြင့် တပ်ဆုတ်သွားခဲ့သည်။

တိုက်ပွဲအတွင်း စစ်ကောင်စီ၏ G-3 (၁)လက်၊ MA-1 (၁)လက်၊ ၆၀မမ BA 100 စိန်ပြောင်း (၁)လက်၊ ၆၀ မမကျည် (၁)လုံး၊ အီနာဂါ (၁)လုံး၊ G-3 ကျည် (၁၈၁)တောင့်၊ MA-1ကျည် (၁၃)တောင့်၊ ကျည်ဘောက် (၄)ခု၊ အီကွေးမန့် (၁)ခု၊ ကျောပိုးအိတ် (၅)လုံး၊ စကစဦးထုပ် (၂)လုံး၊ မိုးကာ (၁)ထည်၊ ငွေသား (၇၄၀၀၀)ကျပ်၊ လက်ကိုင်ဖုန်း (၅)လုံး၊ မှတ်ပုံတင်နှင့် သက်သေခံကဒ်တို့အား PDF တပ်ရင်း (၃၈၀၂) တပ်ခွဲ - ၄ က သိမ်းဆည်းရရှိခဲ့ပြီး မိမိတို့ဘက်က အထိခိုက်မရှိ ဆုတ်ခွာနိုင်ခဲ့သည်။

ပြန်ကြားရေး
တောင်ပိုင်းစစ်ဒေသ
ပြည်သူ့ကာကွယ်ရေးတပ်မတော်(PDF)
#PDFSouthernMilitaryRegion
#ပြည်သူ့ကာကွယ်ရေးတပ်မတော်_တောင်ပိုင်းစစ်ဒေသ
#တောင်ပိုင်းစစ်ဒေသ

တောင်ပိုင်းစစ်ဒေသ၊ အမှတ်(၂)စစ်ဒေသခွဲ၊ တောင်ငူခရိုင် အမှတ်(၁)တပ်ရင်း၊
တပ်ရင်းအမှတ် ၃၅၀၁ (ပဲခူးရိုးမ)၊
အခြေခံစစ်ပညာသင်တန်း သင်တန်းအပါတ်စဥ် (၁/၂၀၂၄) သင်တန်းဆင်းပွဲ အခမ်းအနားပုံရိပ်များ

ပြန်ကြားရေး
တောင်ပိုင်းစစ်ဒေသ
ပြည်သူ့ကာကွယ်ရေးတပ်မတော်(PDF)
#PDFSouthernMilitaryRegion
#ပြည်သူ့ကာကွယ်ရေးတပ်မတော်_တောင်ပိုင်းစစ်ဒေသ
#တောင်ပိုင်းစစ်ဒေသ

စစ်ပွဲများဖြစ်ပေါ်နေသည့် ဒေသများတွင် ရေကြီးရေလျှံမှုများဖြစ်ပွားပြီးနောက် သတိပြုလိုက်နာရမည့် ဘေးအန္တရာယ်ကင်းရှင်းရေး ဆောင်ရွက်ရန်အချက်များ
------------------------------------
၂၀၂၄ ခုနှစ်၊ စက်တင်ဘာလ ၁၉ ရက်

စစ်ပွဲများဖြစ်ပေါ်နေသည့် ဒေသများတွင် ရေကြီးရေလျှံမှုဖြစ်ပွားပြီးနောက် ကူညီကယ်ဆယ်ရေးအဖွဲ့အစည်းများက ဘေးကင်းလုံခြုံကြောင်း ကြေငြာပြီးမှသာလျှင် နေရပ်သို့ပြန်ရန် အရေးကြီးသည်။

ရေကြီးရေလျှံမှုကြောင့် တောင်ပြိုခြင်း၊ မြေပြိုခြင်းများဖြစ်ပေါ်ကာ မြေမြှုပ်မိုင်းနှင့် ပေါက်ကွဲစေတတ်သော အန္တရာယ်ရှိပစ္စည်းများ နေရာရွေ့သွားပြီး ပေါက်ကွဲစေနိုင်သဖြင့် အောက်ပါအချက်များကို သတိပြုရန်လိုအပ်သည်။

၁။ ရေအောက်သို့ သေချာရှင်းလင်းစွာ မမြင်ရပါက မလိုအပ်ဘဲ လမ်းလျှောက်ခြင်းမပြုပါနှင့်။

၂။ လေးလံသော ပစ္စည်းများကို မြေကြီးပေါ်သို့ချသည့်အခါ မြေပြင်ကို ဘေးကင်းကြောင်း သေချာစစ်ဆေးပြီးမှ ချထားပါ။

၃။ မိမိ မသွားရောက်ဖူးသောနယ်မြေများကို နယ်မြေကျွမ်းကျင်သူမပါဘဲ သွားခြင်းမှ ရှောင်ကျဉ်ပါ။

၄။အမျိုးအမည်မသိသော သံသယဖြစ်ဖွယ်ပစ္စည်းများကို တွေ့ရှိခဲ့ပါက ကိုင်တွယ်ကြည့်ရှုခြင်းမှ ရှောင်ကျဉ်ပါ။

၅။ အကယ်၍ စစ်ဘက်ဆိုင်ရာပစ္စည်းများ တွေ့ရှိခဲ့ပါက တာဝန်ရှိသူများကို ချက်ချင်းအကြောင်းကြားပါ။

၆။ ကလေးသူငယ်များကို အန္တရာယ်ရှိသည့်နေရာနှင့် ဝေးရာတွင်ထားပါ။

၇။ အန္တရာယ်ရှိကြောင်း အခြားသူများကို သတိပေးပါ။

၈။ အကယ်၍ မိမိရှေ့တွင် မတော်တဆ ထိခိုက်မှုများ ဖြစ်ပေါ်လာပါက အရေးပေါ်ကူညီကယ်တင်ပေးနိုင်ရန် ရှေးဦးသူနာပြုစုနည်းများအား လေ့လာထားပါ။

ပြန်ကြားရေး
တောင်ပိုင်းစစ်ဒေသ
ပြည်သူ့ကာကွယ်ရေးတပ်မတော်(PDF)
#PDFSouthernMilitaryRegion
#ပြည်သူ့ကာကွယ်ရေးတပ်မတော်_တောင်ပိုင်းစစ်ဒေသ
#တောင်ပိုင်းစစ်ဒေသ

စစ်ဒေသခွဲ အမှတ် ၃၊ ဒေါနတပ်ရင်းထံသို့ ဗိုလ်မှူးအဆင့်ရှိ အရာရှိနှစ်ဦး CDM ဝင်
------------------------------------
၂၀၂၄ ခုနှစ်၊ စက်တင်ဘာလ ၁၇ ရက်

တောင်ပိုင်းစစ်ဒေသ၊ ဗျူဟာ (၃၃) နယ်မြေ၊ ဒေါနတပ်ရင်းသို့ စက်တင်ဘာလ ၁ ရက်တွင် အကြမ်းဖက်စစ်ကောင်စီထံမှ ဗိုလ်မှူးအဆင့်ရှိ အရာရှိ(၂)ဦး ဆက်သွယ်ကာ CDM ပြုလုပ်လာခဲ့သည်။

ပြည်သူ့ရင်ခွင်ခိုလှုံလာသူ ၂ဦးအား ဒေါနတပ်ရင်းမှ လုံခြုံနွေးထွေးစွာ ကြိုဆိုစောင့်ရှောက်ထားပြီး ပြည်သူ့ကာကွယ်ရေးတပ်မတော်၊ ကာကွယ်ရေးဝန်ကြီးဌာနမှတဆင့် ပြည်သူ့သားကောင်းများအဖြစ် အသိအမှတ်ပြု ဂုဏ်ပြုဆုငွေများချီးမြှင့်ပေးအပ်ခဲ့သည်။

ကျန်ရှိနေသေးသော စစ်ကောင်စီတပ်သားများနှင့် ပျူစောထီးများအနေဖြင့်လည်း ပြည်သူကိုနည်းမျိုးစုံဖြင့်နှိပ်စက်သတ်ဖြတ်နေသော စစ်ကောင်စီတပ်ကိုအမြန်ဆုံးစွန့်ခွာ၍ ပြည်သူကိုမျက်နှာမူကာ ပြည်သူ့ကာကွယ်ရေးတပ်မတော်နှင့် တော်လှန်ရေးအင်အားစုများထံသို့ အချိန်မီ လာရောက်ပူးပေါင်းကြရန် တိုက်တွန်းအပ်ပါသည်။

ပြန်ကြားရေး
တောင်ပိုင်းစစ်ဒေသ
ပြည်သူ့ကာကွယ်ရေးတပ်မတော်(PDF)
#PDFSouthernMilitaryRegion
#ပြည်သူ့ကာကွယ်ရေးတပ်မတော်_တောင်ပိုင်းစစ်ဒေသ
#တောင်ပိုင်းစစ်ဒေသ

ကြာအင်းဆိပ်ကြီးမြို့နယ် လွတ်ရှမ်းစစ်စခန်းအား တော်လှန်ရေးပူးပေါင်းအဖွဲ့က အပြီးသတ်သိမ်းပိုက် စစ်ကောင်စီတပ်သား ၈ ဦးသေဆုံးပြီး၊ ၇၀ ကျော်စခန်းစွန့်ခွာထွက်ပြေး
--------------------------
၂၀၂၄ ခုနှစ်၊ စက်တင်ဘာလ ၁၃ရက်

ကရင်ပြည်နယ် ကြာအင်းဆိပ်ကြီးမြို့နယ် လွတ်ရှမ်းကျေးရွာရှိ အကြမ်းဖက်စစ်ကောင်စီ၏ အင်အားကြီး အထိုင်စခန်းဖြစ်သော လွတ်ရှမ်းစစ်စခန်းအား ရိက္ခာ၊ လက်နက်ခဲယမ်းနှင့် စစ်ကူပို့ ရန်သူ့စစ်ကြောင်းအား KNLA ၊ PDF နှင့် ဒရုန်းပူးပေါင်းတပ်များက သြဂုတ်လ ၂၄ ရက်နေ့တွင် ပိတ်ဆို့ ဖြတ်တောက်ချေမှုန်းခဲ့ရာ ထိုနေ့တွင် ရန်သူဘက်က (၈) ဦးသေဆုံးပြီး (၃၀) ကျော် ဒဏ်ရာရရှိခဲ့သည်။

အကြမ်းဖက်စစ်ကောင်စီက လေကြောင်းမှ ဗုံးသီးအလုံး (၁၀၀) ကျော်ကျဲချ တိုက်ခိုက်ခဲ့သည့်အပြင် ကျေးရွာအတွင်းသို့ လက်နက်ကြီးများ ဆက်တိုက်ပစ်ခတ်ခဲ့မှုကြောင့် ကျေးရွာနေအိမ်များ၊ ဘာသာရေးအဆောက်အဦးများ ထိခိုက်ပျက်စီးခဲ့ရသည်။ ထို့အပြင် စစ်ကောင်စီတပ်က လမ်းပြအဖြစ်ဓားစာခံလုပ်၍ခေါ်ဆောင်သွားသော ဒေသခံအမျိုးသမီးတစ်ဦးနှင့် အမျိုးသား ၂ ဦးအား ညှင်းပန်းနှိပ်စက်၍ ပြန်လွှတ်ပေးခဲ့သည်။

ဆက်လက်၍ KNLA ၊ SOF၊ တောင်ညို၊ SOG ပူးပေါင်းအဖွဲ့နှင့် Dawna Dragon ဒရုန်းအဖွဲ့၊ Cloud Wings ဒရုန်းပူးပေါင်းအဖွဲ့များက နေ့စဥ်ပိတ်ဆို့ထားပြီး စက်တင်ဘာလ (၁၁) ရက်နေ့တွင် ထပ်မံထိုးစစ်ဆင်တိုက်ခိုက်ခဲ့ရာ ရန်သူဘက်က လက်နက်ကြီးများ တရစပ်ပစ်ခတ်၍ ကာကွယ်သော်လည်း စက်တက်ဘာလ (၁၂) ရက်နေ့ မနက်အာရုံဦးအချိန်တွင် ဒဏ်ရာရစစ်ကောင်စီတပ်သားများအားခေါ်ဆောင်၍ ရန်သူ (၇၀) ကျော် စခန်းစွန့်ခွာထွက်ပြေးသွားခဲ့သည်။ တော်လှန်ရေးပူးပေါင်းအဖွဲ့များက နယ်မြေရှင်းလင်းရေးနှင့် မိုင်းများရှင်းလင်းဖယ်ရှားခဲ့ပြီး စစ်သုံးပစ္စည်းအနည်းငယ်နှင့် ကျည်ခဲယမ်းအချို့ သိမ်းဆည်းရရှိခဲ့ပြီး နယ်မြေစိုးမိုးထိမ်းချုပ်ထားနိုင်ပြီဖြစ်ကြောင်း ပြည်သူသို့ သတင်းကောင်းပါးအပ်ပါသည်။

ပြန်ကြားရေး
တောင်ပိုင်းစစ်ဒေသ
ပြည်သူ့ကာကွယ်ရေးတပ်မတော်(PDF)
#PDFSouthernMilitaryRegion
#ပြည်သူ့ကာကွယ်ရေးတပ်မတော်_တောင်ပိုင်းစစ်ဒေသ
#တောင်ပိုင်းစစ်ဒေသ