السلام عليكم ورحمة الله💛*💛*.

أسعد الله أوقاتكم...
بما أن أغلب الطلاب يمتحنوا نصفي قررنا نحنا مُساعدتكم وأكيد أغلبنا محتاج أسئلة عشان ينشط طبعا المُساعدة عبارة على أن كل ما تفتحوا هدف هتلقوا أسئلة عـ المواد ولو سؤال من كل مادة وهيكون في أهم حاجة فيها عشان تسترجعوا معلوماتكم وتقعد القناة للمراجعة لكم عشان ما تفتحوش نت على الفاضي💛💛.

وأن شاء الله مش هنقصروا معاكم وبإذن الله بكرا هنبدوا 💛.

موفقين.**#منصة_هدف

كملتوا👀؟؟

كيف احياء معقولة ليش مفيش فرصة قبله يوم اقل شي

?‍↕️
المدرسة بعد بكرا

**نصيحة منّي:

بما أن الأحد أوّل يوم في السيم الثاني أكيد الأغلب منّا حيستلم النتيجة أمتاعت السيم الأوّل، فـننصحكم مهما كانت النتيجة أرضوا بيها ولو كانت مش زي ما تبوا خليكم ديما راضيين وأحمدوا ربي على أنكم تخطيتوا الأمتحانات والنجاح ولو كان المعدل مش يلي في بالكم، فـ الأفضل أنكم ما تحطوش معدل معين في بالكم أساسًا عشان ما تجيش النتيجة وتكون عكس التوقع ديما خلي كل شيء على الله، وبإذن الله نتائجكم زي ما تبوها وأحسن?.

ويلي رسب في مادة معينة أبشر لعلهُ خيرًا فرحتك مُؤجلة فقط، و مازال معاك السيم الثاني بطوله شد روحك فيه وأن شاء الله تحصلوا التقدير يلي تبوه وتنجحوا بإذن الله**.

أخيرًا: أسأل الله لي ولكم النّجاح والتوفيق بإذن الله ونفرحوا هلنا أن شاء الله .
تحيّـاتي: أدمن المنصة.

وأنتهت مسيرةُ فصلٍ دراسي بفضلِ الله-تعالىٰ-،مباركٌ لنا على تخطي الصعاب رغم صعوبة الطريقِ، أما الأن فأتمنى لي ولكمُ عطلةَ مليئة بالراحة بعيدة عن التفكير، وأسأل الله لي ولكم النّجاح وتوفيق، نلتقي في الفصل الدراسي الثاني أن شاء الله?**.

تحيّاتي: أدمن المنصة.**

دعواتكم لي الاحد احياء دسم بكل وبعده تقنية مش عارفة كيف يمشوا أن شاء الله خير

اسبوع مزال شدو بعدين ارقدو و هيجو زي متبوو?‍↕️

المشكلة لما تأخذ راحة تحس في شيء غلط ولما تقرا تحس أن في شيء غلط والحصيل ضروري من الزنقة ليلة الامتحان??

يلي عنده رياضيات بكرا تذكر
السالب في الباب الثاني نديره لما نحطShift في الالة لأنه مش دليل على أتجاه فـضروري منه في الحل

أما الباب الثالث السالب ما نحطاش لما نطلع الحادة الاساسية بالألة لأنه دليل على الموقع في الربع المعين بس

هذي الأغلب يلخبط فيها فـأفطنوا لها لأن الحل يتغير لما تنسى أشارة أو تزيد.

وموفقين كلكم يا رب