Қарақалпақстан мусылманлары қазыятының рәсмий сайты
https://www.facebook.com/groups/1393604727481912/
https://instagram.com/paziylet.uz?igshid=9ipx3fosdr4e
https://www.youtube.com/channel/UCrMPXuoyl0Wh3wUmka5pxHg
Last updated 1 month, 3 weeks ago
#Travel ✈️
Путешествуйте по миру с каждым постом!🌎
#travelslocation 💙
📲Связь: @travelmanager
Last updated 1 week, 6 days ago
KRuz.uz сайтына мүрәжат жоллаў ушын бот: @kruzu_bot
Реклама ушын: @Polat_Turganbaev
Last updated 6 days, 5 hours ago
**ЗООПАРКТЕ
Темир тордың ишинде — айыў,
Темир тордың ишинде — қасқыр.
Маймылдики — бәрҳә қол жайыў,
Кийиклердиң көзинде жас тур...
Темир торда ыңыранады шер,
Темир торда — дәртли арыслан.
Ушыў бахты талақ бүркитлер,
Темир торда — муңлы барыслар.
Жатса — темир, сүйенсе — темир...
Муш көрсетер «батыр маймыллар»...
Темир менен қоршалған өмир,
Төрт мүйешли темирдей жыллар.
Езип кеткен төрт мүйеш усы —
Төрт мүйешлик руўхын сындырған.
Енди — бәҳәр, жаз, гүзи, қысы,
Төрт мүйешли темир шынжырдай...
Бахтыяр ГЕНЖЕМУРАТОВ**@b_genjemuratov
⚜⚜⚜⚜⚜⚜⚜⚜⚜⚜⚜⚜⚜⚜⚜⚜⚜⚜
***Ким дос, душпан?! Билмедим парқын.
Көзсизликтиң зәҳәрин таттым.
Мениң саған өкпем жоқ, халқым,
елиў жаста өзимди таптым…
Жүрек, баўырым – қәлбимди төсеп,
отқа түсип, қозларды көсеп,
ылақтырса мен болдым кесек?! –
суўға түсип, қурдымда баттым…
Төмен кетти қәдрим баҳасы –
шортан шалды гүжим шақасын.
Ақыйрзаман келди – шамасы:
исенгенлер сыртымнан атты…
Яқ!... заманға гийнем жоқ мениң,
қәлбим пықсыр – жанған шоқ мениң.
Тек өзиме өкпем көп мениң,
«доңызлығым» жаныма батты…
Ақ ғарғаман – қараларда мен,
себилген дуз – жараларға мен,
өгей доспан – жораларға мен,
олар мени мың мәрте сатты.
Аппақ кеўлим көшти шашыма,
тик минезим жаўдур басыма.
Жолдың қалтыс бурылмасында
мен өзиме қапаман қатты…
2016-жыл, январь
© Бахтыяр ГЕНЖЕМУРАТОВ ✍***
**БАХТЫЯР ГЕНЖЕМУРАТОВ
"Сүйемен!"деп айтпа қызға, сен,
қасақана исле барлығын.
Беглигиңди сирә бузба, сен,
лаўласа да интизарлығың.
Қәддиң қанша тик болған сайын,
ыңғайына сонша берилер.
Түндей болсаң қушағын жайып,
тәғдириңе тәғдири өрилер.
Жаны нәзик гүлдей, ал бирақ,
"урныққыр" ды сүйеди олар,
тас минезли жигитке қулап,
пинҳамы бас ийеди олар…
Ҳәм киноға мирәт етпе көп,
ал, көбирек қыдырт тоғайды.
Төсегиңиз жасыл гилем – шөп,
жамылыңлар жулдызды, айды…
Ийттей жалтақ жигитти олар,
жек көреди жини тырысып,
ҳә дегеннен бултыйып қалар,
ҳә дегеннен қалар урысып.
Сағынады қасқырдай алғыр,
жигитлерди – лашын қанатлы.
"Мәрт еркекти ушырастыр Тәғдир –
мәрт жигитти омыраўлы, пәтли…" –
деп тилейди Алладан жалғыз,
йошлыларды сүйеди олар,
бул дүньяда әрманлы ҳәр қыз –
мәртке кеўлин ийеди олар.
"Сүйемен!" деп айтпа қызларға,
ҳәм салқынлаў сақла өзиңди.
Булттан бәлент ушқан қуслардай,
бәлентлеў тут ышқың – сезимди…
1988-жыл**https://t.me/b_genjemuratov
Магистратура басқышы Қарақалпақ тили қәнигелиги магистранты
А.Алимбаева
Бахтыяр Генжемуратов шығармаларының лингвопоэтикалық өзгешелиги бойынша илимий жумысын ислеп атыр.
Устазымызға арналған бул илимий жумыс келешекте докторлық диссертация болыўына тилеклеспиз...
**Шүкир, өмириме ыразыман,
Адамлардан көрсем де жапа.
Қудайлығын айтсам, ырасынан
Мен ҳеш кимге емеспен қапа...
Бахтыяр ГЕНЖЕМУРАТОВ**
Қарақалпақстан мусылманлары қазыятының рәсмий сайты
https://www.facebook.com/groups/1393604727481912/
https://instagram.com/paziylet.uz?igshid=9ipx3fosdr4e
https://www.youtube.com/channel/UCrMPXuoyl0Wh3wUmka5pxHg
Last updated 1 month, 3 weeks ago
#Travel ✈️
Путешествуйте по миру с каждым постом!🌎
#travelslocation 💙
📲Связь: @travelmanager
Last updated 1 week, 6 days ago
KRuz.uz сайтына мүрәжат жоллаў ушын бот: @kruzu_bot
Реклама ушын: @Polat_Turganbaev
Last updated 6 days, 5 hours ago