#tavsiya

✅ Sohangizda tanilmoqchi bo'lsangiz avvalo ishni boshlayotganingizda xolis niyat qilib oling. Siz ulashayotgan ishlar orqali biron-bir odam foyda ko'rishi, u orqali oila tebratishi kabi to'g'ri maqsad qo'yib oling.

Albatta moddiy manfaat ham muhim o'rin tutadi, lekin bu jihat doim birinchi o'rinda turmasin. Masalan, biron-bir qiyinchilikka tushib qolsangiz, o'zingizdagi bor auditoriyaga foydasiz ilm ulashishingiz mumkin. Vaqti kelib o'zingizni ishingizdan uyalib qolasiz va ketgan ishonchni qayta tiklolmaysiz hisob.

Ishonch bu umrda beriladigan bir marotabalik immunitet. Qora dog'lar tushsa, uni yana oq qilish o'ta va juda mushkul ish. Oqqa yaqin rang lekin yana qayta oq rang qila olmaysiz.

Ishni boshida foydali bilim ulashayotgan odamni ustidan kulish evaziga tanilishni niyat qilib olmang, u odamni obro'sini to'kib yoki kulib zo'r bo'lib ketaman desangiz, auditoriya eslab qoladi. Kerakli payt eslatadi, qizarib qolib, noumid holatga tushib qolasiz. Yoki tushunib uzr so'raysiz yoki o'sha holatda yana "arava" tortishda davom etaverasiz.

Odam xato qilayotganini darxol anglamaydi. Vaqt o'tib, umriga-umr qo'shilib, ko'p xato qilganini keyin tushunadi.

#diqqat

✅ Shu kunlardan faoliyati osonlashgan, pul taraflama gegemon bo'lgan, 4XHet, MolPet va shu kabi loyihalarda ishlashga berilib ketmaslikni so'rab qolaman.

Bir ikki so'm ko'p pul topaman deb, ko'pchilikni uyini yoqib yubormang, aynan siz jozilabali dizayn qilib berganing ortidan qiziqish uyg'ottirishga olib kelasiz. Sababchilardan bo'lasiz. Ko'zni oching. Qadriyat taraflama nima deyilgan, bir izlab ko'ring.

*Nomlar o'zgartirilgan

#ishonch

✅ Agar ish jarayonida yolg'on ishlatib biror-bir narsadan qochib qolmoqchi bo'lsangiz, lekin o'sha yolg'oningizni raxbaringiz yoki jamoadoshlaringiz bilib qolsa ishonchni qaytarib olishingiz juda mushkul ish bo'ladi.
Odam hayolining bir chetida qanchadir yolg'onchi bo'lib qolaverasiz.