#Maʼrifat_ulashib

Ehtirom

Akramjon Azizоv:

"Omon boʻlsin Zulayho ona!"

Oltiariq tumani, 14-maktab.

*🏛Oʻzbekiston Yozuvchilar uyushmasi Fargʻona viloyati boʻlimiTelegram | Facebook | Instagram‌‌*

Mustaqil Oʻzbekistonning 33 yillik toʻyiga bagʻishlanadi.

BIR BOʻLSAK— YAGONA XALQ, BIRLASHSAK— VATANDURMIZ!

Bugun Oʻzbekistonda butun dunyoning koʻzi,
Oʻzbek degan hur millat bir jonu, bir tandurmiz.
Qoʻllab turibdi axir Parvardigorim Oʻzi,
Dunyodagi bor oʻzbek bir oshyonda jamdurmiz,
Bir boʻlsak—yagona xalq,
Birlashsak—Vatandurmiz!

Buyuk Temur bobomdan meros qolgan Vatan bu,
Toʻmaris ham Shiroqdan eʼzoz qolgan Vatan bu.
Islom bobom kabi mard, qad gʻoz qolgan Vatan bu,
Insof bilan aytganda, ayting kimdan kamdurmiz,
Bir boʻlsak—yagona xalq,
Birlashsak—Vatandurmiz!

Azaldan mulki Turon ilmu urfonga kondir,
Bir tomon ibn Sino, bir yon Abu Rayhondir.
Al Forob, al Buxoriy, al Fargʻoniy giryondir,
At-Termiziy bobomga ilohiy samandurmiz,
Bir boʻlsak—yagona xalq,
Birlashsak—Vatandurmiz!

Diyoraxon qizimiz lol qoldirdi yaponni,
Xasanboy va Bahodir zabt ayladi jahonni.
Dunyo tan oldi bugun ozod Oʻzbekistonni,
Sport gulshani uzra oʻzga bir chamandurmiz,
Bir boʻlsak—yagona xalq,
Birlashsak—Vatandurmiz!

Akram shoir bugun shod, ne baxtki yorugʻ yoʻlim,
Imkonim cheksiz, yetar koʻkka uzatsam qoʻlim.
Togʻlarim mardonavor, bogʻlarim soʻlim-soʻlim,
Yangi Oʻzbekistonga Shavkatdurmiz, shaʼndurmiz,
Bir boʻlsak—yagona xalq,
Birlashsak—Vatandurmiz!

✍️ Akramjon AZIZOV

*?Oʻzbekiston Yozuvchilar uyushmasi
Farg'ona viloyati boʻlimi*Telegram | Facebook | Instagram