#_baxt_siz_uchun_nimada

Kommentariyada yozib qoldiring ✍

#_zakaz_olamiz

Dilafruz opa tilidan turmush oʻrtogʻiga

Dilnoma
Yelkangizga boshimni qoʻysam,
Unutilar dildagi gʻamlar.
Sizni topgan oʻn soʻmingiz ham,
Barakali, bitkaydir kamlar.

Mehringizni poyoni yoʻqday,
U oʻxshaydi moviy dengizga.
Oilam deb boʻlasiz qalqon,
Aylanasiz misli tengsizga.

Siz sabrga oshna tutingan,
Yashadingiz koʻnib boriga.
Bugun sizni maqtasak arsiz,
Yarashgaysiz uyning toʻriga.

Mana menga necha yildirki,
Soʻzlaringiz boʻlmoqda ovunch.
Biroz muddat hayallasangiz,
Sizga tomon talpinar sogʻinch.

Farzandlarga bosh boʻling doim,
Suyanch boʻlib oʻgʻil- u qizga.
Tangrim bergan rizqni tergancha,
Inshoolloh kiring siz yuzga.

Mehnatlarni rohati bordir,
Tilaklar ham boʻlgay ijobat.
Inshoolloh siz bilan borib,
Alloh uyin qilsak ibodat.

Abdulhakim Ali ✍
26.01.2025

https://t.me/sherlarimdanoqing

Ehtirom

Qarshilaysiz quyoshni har tong,
Qalbga qaynoq mehringiz jamlab.
Dasturxonga chorlaysiz mudom,
Shirmoy non-u, qaynoq choy damlab.

Otam ishga otlanganida,
Ostonada kuzatardingiz.
Ishdan horib kelgan kezlarda,
Koʻk choy quyib uzatardingiz.

Hovlimizga har koʻklam kelsa,
Ekardingiz rayhon - u yalpiz.
Besh oʻgʻilni ulgaytirgansiz,
Dastyor qiz yoʻq oʻzingiz yolgʻiz.

Oshxonada biz uchun doim,
Pishirgan siz shirin ovqatlar.
Kiyimlarni yuvib dazmollab,
Soʻnmagan hech sizda toqatlar.

Quyosh hali uygʻonmay turib,
Qoʻygaydirsiz sajdaga boshni.
Hayot sizga sinov bersa ham,
Yashirgan siz koʻzdagi yoshni.

Namozlarda soʻraganingiz,
Besh mahalki boʻldi ibodat.
Xalqqa halol rizq ber degansiz,
Niyatingiz boʻldi ijobat.

Qiyinchilik, sinovdan oʻtgan,
Omon boʻlsin aziz boshingiz.
Ostonada qarshilar sizni,
Bu muborak yetmish yoshingiz.

Abdulhakim Ali Mirzamahmudov✍

https://t.me/sherlarimdanoqing

Barchaga xayrli tong ☕️☕️

Baliqlar kabi begʻubor, ?suv kabi tiniq? va albatta osmon kabi musaffo⛅️ hayot, qolaversa men kabi hamsuhbat hamroh tilab qolaman ?

Assalomu alaykum yaxshilar ?

https://t.me/sherlarimdanoqing

????????

https://t.me/sherlarimdanoqing