شباب كتير فاكرين إن مطلوب منهم يوم الجمعة الركعتين بتوع صلاة الجمعه وانا كدة بقى تمام اوووي
بس الحقيقة ياشباااااب ...
انكم مش مطلوب منكم تصلوا ركعتين الجمعة وخلاص ..
المطلوب انك تحضر صلاة الجمعة من أول الخطبة ، ومش بس كدة ده انت الأحسن كمان تروح بدري وتستعد لأهم صلاة في الأسبوع من بدري

?ياشباااااب
ربنا قالنا في القرآن
((يَا أَيُّهَا الَّذِينَ آمَنُوا إِذَا نُودِيَ لِلصَّلَاةِ مِن يَوْمِ الْجُمُعَةِ فَاسْعَوْا إِلَىٰ ذِكْرِ اللَّهِ وَذَرُوا الْبَيْعَ ۚ ذَٰلِكُمْ خَيْرٌ لَّكُمْ إِن كُنتُمْ تَعْلَمُونَ))
يعني أول ماتسمع ندااااااااء الجمعة ....لازم تسيب اللي في ايدك فورا وتلبي نداء ربنا حالاً ?‍♂️
تقفل محلك ،تسيب الدرس ،وتروووووح لصلاة الجمعة

يبقى يوم الجمعة...
_لازم ...تظبط منبهك بدري وماتسيبهاش للظروف ....
_لازم ...تقوم تحضر خطبة الجمعة وياسلام لو تروح بدري كمان قبل الخطبة وتقعد في المكان اللي يكون حواليك فيه ملايكة تدعيلك وتستغفر لك
..المكان اللي ربنا يذكر اللي فيه في الملأ الاعلى ..

#رسايل

مش شطارة على فكرة...
انك عشان تبيع تفضل تحلف ((والله ده واقفة عليا بكذا...ده أنا ببيع بخسارة))
انت ممكن فعلاً تبيع بالطريقة دي وتكسب شوية فلوس بس هتخسر قصادهم حاجة مهمة أوووي
في الحديث :《ثلاثةٌ لا يُكلِّمُهم اللهُ ولا ينظرُ إليهم يومَ القيامةِ ، ولا يُزكِّيهم ، ولهم عذابٌ أليمٌ . قلتُ : من هم يا رسولَ اللهِ ! قد خابوا وخسِروا ؟ فأعادها ثلاثًا ، قلتُ : من هم خابوا وخسِروا ؟ فقال : المسبلُ ، والمَنَّانُ ، والمُنَفِّقُ سِلعتَه بالحلِفِ الكاذبِ أو الفاجرِ》
يعني اللي بيحلف كذب عشان يبيع ده ...خسراااااان والله مهما كسب في الدنيا وتجارته كبرت ..
خسران إنه دخل في الصنف ده وعرض نفسه للعقوبة دي وده لأنه عمل مصااايب كتير:
1️⃣أول حاجة الكذب ..إنه كذب في أنه خسران أو في سعر الحاجة اللي بيبعها
2️⃣انه حلف على الكذب ده واستهان باليمين
3️⃣إنه غش أخوه المسلم وضحك عليه

لو انت تاجر ، لو بتبيعي اونلاين..
- الفلوس والمكسب مش كل حاجة ..
- بلاش تدور على المكسب حتى لو من حرام
- بلاش تحلفوا كذب ....بلاش حلف خااااالص حتى لو صادق لأن ربنا قالنا ((وَاحْفَظُوا أَيْمَانَكُمْ ۚ))..فحتى لو هتحلف صدق مكروه الحلف ده
- بلاش تعامل بالربا
- خلي في دماغك دايمًا إنك بتتعامل مع رب البشر قبل مابتعامل البشر .....فخاف إنك تعرض نفسك للعقوبة

#كاريكاتير_رسايل

س/ هو فيه مشكلة اني أأخر بنتي ف لبس الحجاب لحد البلوغ عشان مكتفهاش ؟؟

ج/ أيوة فيها مشكلة كبيرة وهي ..
إنك هتلاقي صعوبة كبيرة في إقناع بنتك في التحول من اللبس العادي للحجاب خاصة في فترة البلوغ اللي بيزيد فيها اهتمام البنت بشكلها
هتلاقي منها نفور وكره لانها اتعودت على استايل من اللبس مش عارفه تغيره

وخدوا بالكم من حاجة مهمة
العبادات في أصلها هي تكاليف فيها مشقة وتقيلة على النفوس وبتحتاج تدريب وتعويد وفيه فرق كبييير بين الفرض والمستحب فالفرض ده اللي احنا ملزمين بيه ولو ماعملنهوش بنغضب ربنا، انما المستحبات دي حاجات بتزود في حسناتنا ومش هنتعاقب لو معملنهاش، والحجاب فرض مش مستحب.

فمحتاجين نعود البنت عليه قبل البلوغ بسنتين تلاته ...زي ماالنبي أمرنا نبدأ نعودهم على الصلاة اللي هي فرض زي الحجاب من قبل البلوغ بفترة طويلة ...كمان الحجاب لازم يتدربوا ويتعودوا عشان لما نوصل للحظة الصفر اللي هي البلوغ ويبقى فرض يكون سهل على البنت تقبله
انتوا بقى كأم وأب ...
- خلوا من اول ٨ سنين مثلا للبنت طرحة خاصة بيها بالصلاة
- خلوها تنزل بالطرحة دي بعض المشاوير البسيطة
- خلوها مثلا تروح بيها صلاة العيد
- فهموها إن الحجاب ده تاج وتكريم للمرأة وخلوها تحبه من بدري وأول ماتطلب تلبسه ماتأجلوش وتقولوا لسه صغيرة ، سن البلوغ في البنات بقى بدري على فكرة فيدوب البنت تتعود على الحجاب قبل مايجي البلوغ وتتعبوا في اقناعها

#س_و_ج
#رسايل

‏ ﴿ نَبِّئ عِبادي أَنّي أَنَا الغَفورُ الرَّحيمُ ﴾

?ما أعظمه من إله يقيل العثرة، ويقبل التوبة، ويقبل من المقبل، ويعطف على المدبر.، يقول ابن عباس : إن الله ينزل رحمات يوم القيامة حتى يظن إبليس أن الله سيغفر له.

لو أنت أب مسؤول عن زوجة وأولاد وبتوصل الليل بالنهار عشان تكفي بيتك
وتدفع إيجار غاز مياه كهرباء نت ومسحوق غسالة ومسحوق مواعين وخضار وفاكهة ولبس وووووو
وبتعافر في الطريق ده بالحلال
فأنت بطل .
بطل بجد .
بطل عندنا في أصول الوحي.
قال ابن تيمية: "طلب الحلال والنفقة على العيال باب عظيم، ﻻ يعدله شيء من أعمال البر".
وكان ابن المبارك رحمه الله يقول: "لا يقع موقع الكسب على العيال شيء، ولا الجهاد في سبيل الله".

عارف ليه بيقولوا كده
روى الطبراني عن كَعْبُ بنُ عُجْرَة: "أنَّه مر على النبي صلى الله عليه وسلم رجلٌ، فرأى أصحابُ رسول الله صلى الله عليه وسلم من جَلَدِه ونشاطِه، فقالوا: يا رسول الله، لو كان هذا في سبيلِ الله، فقال رسول الله صلى الله عليه وسلم: إن كان خرجَ يسعى على وَلَدِه صِغارًا، فهو في سبيل الله!

قال المناوي في فيض القدير: النفقة على العيال أعظم أجراً من جميع النفقات.

و قال صلى الله عليه وسلم: (دِينَارٌ أَنْفَقْته فِي سَبِيلِ اللَّهِ، وَدِينَارٌ أَنْفَقْته فِي رَقَبَةٍ، وَدِينَارٌ تَصَدَّقْت بِهِ عَلَى مِسْكِينٍ , وَدِينَارٌ أَنْفَقْته عَلَى أَهْلِك أَعْظَمُهَا أَجْرًا الَّذِي أَنْفَقْته عَلَى أَهْلِك). صحيح مسلم.
وعَنْ ثَوْبَانَ قال عليه الصلاة والسلام: (أَفْضَلُ دِينَارٍ يُنْفِقُهُ الرَّجُلُ دِينَارٌ يُنْفِقُهُ عَلَى عِيَالِهِ)(رواه مسلم).

فلو حضرتك بتعمل كده وتحافظ علي صلواتك الخمسة وتحاول تؤدي فرض الله = انت بطل عظيم .

لو لقيت شوية وقت اعمل كوباية شاي وريح وارض بما قسمه الله لك .

وسيبك من موضوع أنت مؤثر ولا لاه
ولازم تعرف ٥ لغات وتقدم في ناسا ويكون لك مشروعك الخاص وتبقي interperneur وكل هري التنمية البشرية ده كله .

- منقول

#رسايل