အေပြီလ ၁၀ ရက်၊ နံနက် ၇ နာရီ ၁၅ မိနစ် အချိန်ခန့်က သထုံမြို့နယ်၊ သိမ်ဆိပ်ဘူတာအထွက် နန်းတောင်းကြီးကျေးရွာ ရထားလမ်းမိုင်တိုင်အမှတ်-၁၂၅/၂ နှင့် ၁၂၅/၃ ကြား တံတားအမှတ် ၇၉ အနီး(လှည်းကူးလမ်း)အား အကြမ်းဖက် KBU/PDF များမှ မိုင်းခွဲဖျက်ဆီးခဲ့၍ ရထားတွဲအချို့ လမ်းချော်ကျမှုဖြစ်ကာ ရပ်တန့်ခဲ့ကြောင်း သတင်းရရှိပါသည်။
-
လုံခြုံရေးအဖွဲ့ဝင်များမှ သွားရောက်စစ်ဆေးစဉ် မိုင်းထောင်ဖောက်ခွဲခံရမှုကြောင့် ရထားသံလမ်းအဆက် ပြုတ်ထွက်ကာ ရထား မိုင်းကာတွဲ(၁)တွဲ၊ ရထားစက်ခေါင်းတွဲ(၁)တွဲ၊ နားနေတွဲ(၁)တွဲ၊ ကျောက်ရထားတွဲ(၁)တွဲ ပေါင်း(၄)တွဲလမ်းဘေး ကျလမ်းချော်၍ ရထားကျောက်တင်တွဲ(၁)တွဲမှာ သံလမ်းပေါ်လမ်းချော်တင်နေကြောင်း၊ ကျန်ကျောက်ရထားတွဲ(၁၅)တွဲနှင့် လူသူများ ထိခိုက်မှုမရှိကြောင်း လည်း သိရှိရပါသည်။
Saw Ba Maung

မန္တလေးတိုင်းဒေသကြီး၊ အောင်မြေသာစံမြို့နယ်ရှိ “လင်းလက်ဝါ” ရွှေပန်းထိမ်ဆိုင်အား လုယက်မှုကျူးလွန်ခဲ့သူ တရားခံ အမျိုးသားခုနစ်ဦးအား ဖော်ထုတ်ဖမ်းဆီးရမိ

နေပြည်တော်၊ ဧပြီ ၈

၂၀၂၄ ခုနှစ်၊ မတ်လ ၂၈ ရက်နေ့ ညနေ ၅ နာရီ ၁၀ မိနစ်တွင် မန္တလေးတိုင်းဒေသကြီး၊ အောင်မြေသာစံမြို့နယ်၊ ၂၂ လမ်းနှင့် ၈၉ လမ်းထောင့်ရှိ “လင်းလက်ဝါ”ရွှေပန်းတိမ်ဆိုင်သို့ လုံခြုံရေး တပ်ဖွဲ့ဝင်များပုံသဏ္ဍာန်အသွင်ယူဝတ်ဆင်ထားသည့် အမျိုးသားလေးဦးသည် အဖြူရောင်မော်တော် ယာဉ်တစ်စီးနှင့်အတူ ရောက်ရှိလာပြီး နေအိမ်အတွင်းသို့ ဝင်ရောက်ကာ ဧည့်စာရင်းစစ်ရန်နှင့် လူများစစ်ဆေးရန်ရှိကြောင်း ပြောဆို၍ အိမ်ရှင်များအား တွန်းထိုးရိုက်နှက်ပြီး နေအိမ် အပေါ် ထပ်ရှိ အခန်းများအား လိုက်လံပြသခိုင်းကာ နေအိမ်တတိယထပ်ရှိ ရွှေထည်ပစ္စည်းများအား လုယူသွားခဲ့သည့်ဖြစ်စဉ်မှ ကျူးလွန်သူများကို ဖမ်းဆီးရမိခဲ့ကြောင်း သိရှိရပါသည်။

ရန်ကုန်တိုင်းရှိ မောင်ကိန်းရွှေဆိုင်အပါအဝင် ရွှေဆိုင် ၃ ဆိုင်နှင့် မန္တလေးတိုင်းရှိ ရွှေလုပ်ငန်း ၄ ခုတိုကို အရေး ယူမှုများ ဆောင်ရွက်ထားကြောင်း ဗဟိုဘဏ်မှ အသိပေးကြေညာထားသည်။
၂၀၂၄ ဧပြီလ ၃
Credit Ye Ba Nyunt
#https://t.me/myanmatoday
#MyanmarToday
#HawkEyes

မြောက်ပိုင်းတိုင်းစစ်ဌာနချုပ်တိုင်းမှူး နဲ့ ဗိုလ်မှူးချုပ် နှစ်ဦး စစ်ဆေးခံနေရ

ကချင်ပြည်နယ်၊မြစ်ကြီးနားအခြေစိုက် မြောက်ပိုင်းတိုင်းစစ်ဌာနချုပ်တိုင်းမှူး ဗိုလ်မှူးချုပ်အောင်ဇော်ထွေး နဲ့ သူ့ရဲ့ကွပ်ကဲမှုအောက်က ဗိုလ်မှူးချုပ်နှစ်ဦး နေပြည်တော်မှာ အစစ်ဆေးခံနေရတယ်လို့ ဘီဘီစီရဲ့ သတင်းအရင်းအမြစ်တွေက ပြောပါတယ်။

တိုင်းမှူး နဲ့အတူ ဒေသကွပ်ကဲမှုစစ်ဌာနချုပ်(တနိုင်း)က ဒကစမှူး ဗိုလ်မှူးချုပ် မြတ်မင်းမိုး နဲ့ မိုးကောင်းမှာအခြေချတဲ့ တပ်မမှူး တစ်ဦးကိုပါ ပြီးခဲ့တဲ့ ရက်ပိုင်းက နေပြည်တော်ကို ခေါ်ဆောင်သွားတာလို့ သိရပါတယ်။

‘’သူတို့ သုံးယောက်ကို ရဟတ်ယာဥ် နဲ့ လာခေါ်သွားပြီး နေပြည်တော်က တပ်တစ်ခုမှာ ထိန်းသိမ်းထားတယ်’’ လို့ ဘီဘီစီရဲ့ သတင်းအရင်းအမြစ်က ပြောပါတယ်။

ပုံစာ - ကချင်ပြည်နယ်ဝန်ကြီးချုပ်ဦးခက်ထိန်နန်နဲ့ အတူတွေ့ရတဲ့ ဗိုလ်မှူးချုပ်အောင်ဇော်ထွေး

#ဘီဘီစီမြန်မာပိုင်း #စစ်ကောင်စီ #မြောက်ပိုင်းတိုင်းစစ်ဌာနချုပ် #တိုင်းမှူး