هاي لقناه محد باقي بيها.
مغادره

السلام عليكم ورحمة الله وبركاته
اخواني اصدقائي الي كنت اتواصل ويتواصلون وياي حساباتكم كلها راحت مني وهذا معرفي طمنوني عنكم ? @Tarek1234508

ابوذيات للامام علي ع وعقيلة بني هاشم ع اقول
&&&

اجفوف البلعسر ابرد..دفني
وجفوف الغدر بالخسه..دفني
تمنيت علي يحضر..دفني
بلحد هاليوم وي امي الزجيه
&&&
اسئلت عنك يبويه ارحلت ..ماوين
وعليكم كمت اهل الدمع..ماوين
الي جانت يبويه وياك..ماوين
رحيل امي ورحيلك عم عليه
&&&
بعد فكدتك يبويه اصبح..يتيمه
وعمري ابنوح اخلصنه..يتيمه
منهو البعد يندهلي..يتيمه
ويناشدني عل اخوتي بكل مسيه
&&&
عل اعيوني الدهر غلوش..خيماني
اماني اصبحت من ترحل ..خيماني
يدنيه ليش حل بيه..خيماني
وصبحت بلا اخو ذيج المسيه
&&&
يهل شلتو علومي ونهج..علماي
اخبرج بالرحيل وخبر..علماي
انه الوارد بيوم الهول..علماي
وانه السكاي من حوض الزجيه
&&&
يزينب لو دريتي بخبر ..علماي
اطيح وساعدي مبتور..علماي
اخبرج وي جفوفي طاح..علماي
واخبرج بالسهم عيني رميه
&&&
حرت شنهو العمل يابوي..بعداك
شلون اصبر ياابو الكلفات..بعداك
تمنيت الفلك يندار..بعداك
ويشوف الظالم انواع الاذيه
&&&

بعد وكت الرحيل عليك..ماحال
وحول امي يبويه وياي..ماحال
عفاني الحال شنهو الحال..ماحال
اصبحت ثلكه وانوح عل البجيه
&&&
صطرني الدهر هذا اليوم..كفه
باابوي العادل الاملاك..كفه
يشهر الصوم بينه الصوم..كفه
علامك تاخذ الفرحه من اديه
&&&
وحك اللي انولد وعليه..لوله
ملك من السمه ومابيه..لوله
هلك كله عمر للموت..لوله
نصيحت حيدره حامي الحميه
&&&
شما هيد جرح جرحي..يوعبيجن
وعل اجروحي الليالي..يو عبيجن
غطاي الليل اخلي ..يو عبيجن
عتاب وي الليالي السود اليه
&&&
جبل موتل يزينب طلع..تلاج
جبل يم الجبل وشلون..تلاج
لون شافج عضيدج راح..تلاج
الارض واهل الارض والغاضريه
&&&
خادم اهل البيت
ابو علي السعيدي

الشاعر محمد الجماسي:
أنا على الدين النبي...
.....
اني قبل الكعبه كعبه بداخلي
اني حمزه وبالحرب أشبه علي
أنه من طكيت خد الجاهلي
يعني حسيني مذهبي
أنا على دين النبي
.....

ابعصرة الزهراء لوحاضر جنت
جان من حيدر امامي استأذنت
وجا فنيت الكون كله وزلزلت
انه عدو للناصبي
انا على دين النبي
.....
آمنت بالله ماعابد صنم
كبل يوم الطف أفكر بالخيم
انه كبل احسين ضربوني ابسهم
يشهد التل الزينبي
انا على دين النبي
....
انه لوموجود في هذا العصر
للامام المهدي جا صرت الخضر
الجية المحبوب اتاني وانتظر
ياربي حقق مطلبي
انا على دين النبي
.....
انه بالغابه يسموني السبع
ابصدري شايل يامحمد مودرع
ربعي ال البيت ماعندي ربع
فداهم امي وأبي
أنا على دين النبي
......
انه سويت الرسول الله حشد
كاطع اجذور النواصب مو ورد
مايهم خل تاكل ابجبدي هند
بالجنه نصبو موكبي
انا على دين النبي
....
إيران...قم المقدسة
ذكرى شهادة عم النبي الأكرم ص
الحمزة ابن عبدالمطلب...

ابو وائل الاسدي:
اليبني علاقه وي أبو صالح
هنياله دنيـــه وآخـره ناجح
كلمن مشه بدربه
عنه رضا ربـــــه

الصحبتـــه    ومحبتـــــــه    وي المهدي يبنيها
سجدة شكر    صبح وعصر    لازم يأديهــــــــا
حبيــــــب
الحبـــه يتهنــه
بيه يدخل الجنه
بس يقترب منه
كل عله اتطيب
ربع أبن الحسن بالامه محبوبين .. أهل صدق وأمانه
بين الناس دوم أحبابـه معروفين .. همه أهل الديانه
اللي التزامه تلكه بيه خلـه
ماظنه كلبه المهدي يوصله
والمؤمن يرغبه
عنه رضا ربـــه

المنتظـــــــر     نسـل الدرر     ربحان اليطيعه
العشكاه عشك    هذا صدك    من خُلص الشيعه
ويصيــــــــر
حض وبخت عنده
ورب السمـه يوده
أمن الخُلص يعــده
ويزيده تقدير
وي ربه اذا نيتـــه يصفيها .. ويخلص بألتزامه
ولله خالصه أعماله يخليها .. عليه يرضه امامه
السجل أسمه ويه أتباعــه
الحجه أبد مايخسر الطاعه
الحبه من كلبه
عنه رضا ربـه
*  
بس النقـي   واليتقـي   رب السمه يوفقه
وينطي إله   هالمنزله   من يختبر صدقـه
وجـــــــوب
كل جعفري يصاحب
أبن النبي الغائـــــب
الما أده هالواجــــب
منعته الذنوب
اليحبه الله يوفقـــــه يشوفه وده .. وينال السعاده
علي بن مهزيار شكد بخت عنده .. وتحقق مراده
كل شخص عنه بن الحسن يرضه
هنيـــال بختــــه وشكبر حضــــه
اعلى امحبته تربه
عنه رضا ربـــــــه

اليعشكــه   وميفاركه   وحبـه شغل فكره
وبسوالفه   ميخالفــه   ويطيعه كل عمره
معــــــــاه
مايشعــر بركــــه
أشما دنيته تضكه
يوكفلـــه ميتركـه
بس ينصح وياه
واليشتاك كلبه الشوفة الوالي .. يظل متاني نوره
كل جمعه يناطر جيــــة الغالي .. يترقب ظهـــوره
حكه اليحبه أشما حجه عنه
اليحب مثلــــه مايمل منــــه
أشما سولف بحبه
عنه رضا ربـــــــه

الماله ظهــر    بين البشر    ماتمشي أحواله
وشيعة علي    عدهم ولي    ماتوجد أمثالـــه
سعيــــــد
الظهره قوي ينجه
متهمــه كل ضجـه
اليوكفلــه الحجـــه
من الله شيريد
شي عدها زعيم وشي عرف تنخاه .. وشي عده عشيره
والشيعي صدك بس واحد اليرجاه .. أمامـه أبوالغيره
طبعه الوفه والفزعه لأصحابه
من دون ماينخونــــه أحبابــــه
يكضيها كل صعبه
عنه رضا ربــــــه

#سلام المشعل

ويا الآذان طبرته ويا اللآذان
صوت الأحزان أسمعه صوت الأحزان
منين أجيبلي صبر شفت راسه منطبر
ويا الآذان ويا الآذان

ويا الآذان بدت قصت عذابي
الرفسن الباب وچفوْف الصحابي
بهامه شعلن نار ما شعلنه بابي
سيف مو بسمار أخذ مني شبابي
خله نيشان بدليلي خله نيشان
صوت الاحزان أسمعه صوت الحزان
خوفي عالچبده ونحر شفت راسه منطبر
ويا الاذان ويا الاذان

أعرفت موسالم أبوي بدگت الباب
أميزه دگات اليتامه ودگت الأصحاب
يدگ بالباب الحسن والدمع سجاب
يگلي يازينب أفتحي الوالد أنصاب
الجرح بان اشوفه الجرح بان
صوت الأحزان اسمعه صوت الأحزان
الدم على وجهه يخر شفت راسه منطبر
ويا الاذان ويا الاذان

ماتت البسمه ويجرحك والفرح راح
على وجهك موت اشوفن والدي لاح
بعد ماعاناني جدمي من لحسن صاح
بدمع عيني توادعينه وبچي ونياح
الاجل حان يحيدر الجل حان
صوت الاحزان اسمعه صوت الاحزان
الفرح بينه مايمر شفت راسك منطبر
ويا الاذان ويا الاذان

الموت اله أسباب والطبره منيته
بكثر ماي المغتسل دمعي البجيته
الحنين الليله راح وفاركيته
بونت التفطر بگلبه ودعيته
دمعي خلصان بغيابه دمعي خلصان
صوت الاحزان اسمعه صوت الاحزان راح اموت من القهر شفت راسه منطبر
ويا الاذان ويا الاذان

من راحو يدفنون جثته وضليت
ماكو فرق والمكبره صار البيت
وياه شالو نعش بته تمنيت
ليلي بالحسرات والهم حجّيت
الحسن دفان ببوي الحسن دفان
صوت الاحزان اسمعه صوت الاحزان
البيت بعيوني گبر شفت راسه منطبر
ويا الاذان ويا الاذان

كل عيد ويانه قبل والدي موجود
هاي السنه من عيدت بهدومي السود
من كثر ماعيني بچت حفرت بالخدود
شلون عيده يخلصه الوالده مفگود
سود الالوان لبسنه سود الالون
صوت الاحزان اسمعه صوت الاحزان
لابسته اظل كل العمر شفت راسه منطبر
ويا الاذان ويا الااذان

الشاعر
حيدر الشغانبي