كتاباتي

ارسوم وجهي
من المدامع طايحه
وحيل واضح بيه حزني
جني جادر فاتحه
وخنكت المغرب محطه
تريد وادم رايحه
وانه ما صافي عله راي
وميت من البارحه

والله مو كد المفارك
ليش اجازف
ادري كلبك مو اليه
وادري بيك هواي خايف
هاي تاليتج يروحي
مبهذله بين الطوايف

مصطفى ثائر

ما عرفنه نعيش لحضه
احنه ناس مبهذلين
الوجع بينه تبده
والحزن صار النه دين
نروح للمايشتهينه
ونكول ليش بعض دينه
وحنه طين وهمه طين
احنه ناس مبهذلين
احنه نغلط لوسكتنه
وحنه نسكت لو غلطنه
وهاي تاليت عمرنه
الما فهمنه يكول عنه مسودنين
احنه ناس مسودنين

مصطفى ثائر

https://t.me/muvhbxx22

قناتي الثانيه

بالغربه سنيني
ضاعت بلايه احساب
والدنيا كلها اسباب

شكد صعبه عــليــه
احمل ثكل المصاب
وما ضل عرف ما غاب

ضميتك احسيني
كطره بدمع عيني
ودمعي نزلـــــو

ضميتك و شافوك
وبين السيوف اخذوك
وكلبي جرحو

بشفتك صار الجفاف بشفتك
وريتــك تبقى انته يمي ريتــك

اختك انه منين اصدلك.. وكاع ملغومه بسهام
احتارت الحره العقيله.. بين جسمك والخيــام

جيش وعطش عليك
ونته طفل بديك ******سولفتك عذابـي
بالحومه نار وخيل
وتهجولينه بليـــل

ناديتك يخويه
الغربه بأهلنه اتعيل
ورمحك علينه ايميل

رمحك اخذ حيلي
وبدربك صبح ليلي
اركض اجيت

ريح ورماد خيام
ومطرت علينه اسهام
وانه بجيت

عل خد لطمتنه صارت عل خد
وشكد تصبر رقيه وشكد

سلبو ابنيتك تراجي.. وهيه تصرخ يا حسين
كلي يا حلو المحاجي.. شلون ما اعميلي عين

جيش وعطش عليك
ونته طفل بديكام

جيش وعطش عليك
ونته طفل بديك ****بعيــونــك شفتــه
دمعت اخيتك هاي
وللغربه تمشي وياي

بــالهـيـمـه عـفـتــه
بحسرت هذاك الماي
حـــر وبـلايـه فـيـاي

من شبت الخيمه
صحتك يبو الشيمه
خدرك طلع

بس انت ما تكدر
استوله عليك الحر
وكلبك وكع

نركض نطر البراري نركض
يعرض جسمك علينه يعرض

لا اكو اخو يحمي دلالي.. ولاكو في حدر الصغار
تدري من رحت انت جونه..وشلعلو بنص خيمه نار

جيش وعطش عليك
ونته طفل بديكش عليك
ونته طفل بديك *****دم نحرك تبده
ومذبوحه بيك احلام
بالرمله هضمه تنام

والشايل جمالك
بعيونه مدري شضام
تسحكه العده الضلام

من داسك الحافر
جان العطش حاضر
مت بضمه

ليش بذبح جازوك
معقوله جي عرفوك
بن فاطمه

حيره اختك كلته الحيره
اديره المن وجهه اديره

وين ما صد عيني اشوفن ..خيل تسحك عل ضلوع
ونه يبن امي شبديه ..غير انعاك بدموع

جيش وعطش عليك
ونته طفل بديك ****من التل كلتلك
جنك متت يحسين
وحنه بلايه معين

جاوبني باشاره
لو تلتفت بالعين
ما ندل اوكف وين

تدري شكثر صعبه
من امشي وي غربه
لجمه لجرح

شمات لاكينه
ديوان طبينه
براسك رمح

ضايع ضايع يلوذ بضايع
وراجع وي الغربه ضعنك راجع

ياضعن مرنه عله اهلنه.. النامو ايام عله كاع
ليش فوك الضيم كله.. من بعد صار الوداع

جيش وعطش عليك
ونته طفل بديك ___
مصطفى ثائر

زينب راح وليدي
زينب راح وليدي

بنص الطف وحده وما عده كطره من العذب

زينب راح وليدي
زينب راح وليدي

طـايـح بــالـحـومـه ورسـومـه ماكـلـه التـرب
____________________
لحكي يا زينب اخيج راح من عده بزر
نايم السيف بركبته ونايم بحر الضهر

كون مـيت ويـا
ولا أعيش بفرگا
أخ واويـــــــلا

لحكي يا زينب اخيج راح من عده بزر

هاي ما ادري شلون
ابــجيك ويضحكون
فتره وما ضن تهـون

يا زينب رايح علي

يطلب أبـني الـماي
ذابل طـاح أضـناي
مامش عنده أفياي

يا زينب رايح علي

من جبته للخيم
ركضن لينه الحرم
كتله يوليدي حاجيني يبني يا علي ____________________
تمددت لجمه ويلجمه وركضت علينه الغرب
تشـح عليه شـوفت ابني ونار تسعر بالگلـب

فزعت اعله بني السهام
وعينه تصد للخيام
رحت اركض بس ماگام
تمددت لجمه ويلجمه وركضت علينه الغرب

يلتشبه جدك ليش
يركض فوكاك الجيش
وبروحي جنت تعيش

يبني الاكبر يا علي

يالماخذ حيل حسين
دمعك ما جافه العين
يـــالاكبر رايح وين

يبني الاكبر يا علي

وضماك عاش بروحك
وما لحكنه انوحك
انهدت علينه الخياله يبني يا علي ___________________اتوضت بجسمه السهام وصلت بنحره السيوف
انه ابوك حسين اجيتك اركض وضايعلي شوف

هذه مو موكت النوم
يـاعلي كول وكوم
عازتك بويه اليوم

اتوضت بجسمه السهام وصلت بنحره السيوف

دمك.. ودمع العين
تلاكن من صوبين
كوم هذه انه حسين

يبني الاكبر يا علي

تضحك يا بويه اعداي
ومحد ضل يبني وياي
يـوليدي شنهي الراي

يبني الاكبر ياعلي

وياك راح العمر
بويه علي انتضر
ضيعت سنيني وبنيني يبني يا علي ___________________اكثر حجايه هضمتني طايح يصيح العطش
والعدو بكل عين صلفه كباله بالماي ويطش

طف انترس بس شمات
صاحو علي ابنك مات
وهيهات يشرب هيهات

اكثر حجايه هضمتني طايح يصيح العطش

جيتك تل هموم
ملجوم يم ملجوم
ورمال خربت الرسوم

يبني الاكبر يا علي

خشبه لسانك صار
وتبجي كبار صغار
وانه لوحدي ومحتار

يبني الاكبر يا علي

جمره صاير هالگلب
وأتعثر بالدرب
ورمله تدعيلي وتبجيلك يبني يا علي ____________________
مصطفى ثائر

شنيهي لذته البيك يذبح؟
ونـتَ ابـن بـت الرسـول
وعـتـقد نفس الســلالـه
اليذبح حسين وكسر ضلع البتول

#فقط_حسين
#مصطفى_ثائر