BEREKE BANK ҚАЗАҚ ЕЛІНЕ ("БӘЙТЕРЕККЕ") БЕРЕКЕ ӘКЕЛМЕДІ

Енді оның қызығын арабтар (катарлық Lesha bank) көретін болады. Bereke Bank меншікті капиталының азаю қаупіне байланысты қазіргі акционеріне 2023 жылдың дивидендін төлеуден бас тартты.

2023 жылы банк 28,9 миллиард теңге таза кіріс алған еді. Алайда, оны әдеттегідей акционеріне ("Бәйтерек" холдингіне) аударса, онда меншікті капиталында қиындықтар туындап, тіпті қадағалаушының пруденциалды нормаларын орындауда қауіп төнетін болды.

Bereke Bank осымен екінші жыл қатарынан дивиденд төлемей отыр. 2022 жылы да дивидендтер төленген жоқ. Ол кезде аты да, заты да ресейлік болған Сбербанк санкцияға ұшырап, тоқырап жатқан болатын.

Экономика, өндіріс ?@dalafinance
Саясат, инсайдтар ? @dalainside

ЦЕНТРКРЕДИТ БАНКІНДЕ АҚША ҰСТАП ОТЫРҒАНДАР УАЙЫМДАЙ БАСТАДЫ

ЦентрКредит банкі менеджерлерінің өз клиенттерінен ақша ұрлау фактілері анықталғаннан кейін, ондағы қауіпсіздікке сұрақтар туындауда.

Журналист Михаил Козачков Алмалы аудандық сотының «БанкЦентрКредит» АҚ филиалы директорының орынбасары болып жұмыс істеген 26 жастағы Арслан Әжметовке қатысты үкім шығарғанын жазады. Ол небәрі 2 айдың ішінде салымшылар шотынан 240 миллион теңге шешіп алған.

Әжметов пен оның адамдары WhatsApp арқылы банк менеджерлерінен есепшоттың сенімді нөмірін өзгертуді сұраған. Сол арқылы мобильді қосымшадағы парольдерді өзгертіп, клиент ақшаларын криптовалютаға аударған. Тергеушілердің айтуынша, Арслан көмекшілері арқылы әріптестерінен, банк менеджерлерінен қажет мәліметті сатып алған.

Қазіргі таңда ЦентрКредит банкі менеджерлерінің түгелін тексеру қажет. Себебі, аталған банкте халық кемінде 2,2 триллион теңгенің депозитін ұстап отыр.

Экономика, өндіріс ?@dalafinance
Саясат, инсайдтар ? @dalainside

ЛОМ БІЗДЕ ҚАЛАДЫ

Қазақстан қара және түсті металдардың сынықтары мен қалдықтарын экспорттауға салынған тыйым мерзімін ұзартты.

- көліктің барлық түрлері: мыс қалдықтары мен сынықтары, алюминий, қорғасын, қалдық және қорғасын сынықтары, пайдаланылған қорғасын батареялары;

- автомобиль және теңіз көлігімен: қара металдардың қалдықтары мен сынықтары, қайта балқытуға арналған қара металл құймалары;

- автомобиль және теңіз көлігімен: пайдаланылған құбырлар, рельстер, темір жол элементтері және жылжымалы құрам.

Осыларды 5 мамырдан бастап алты айға Қазақстаннан әкетуге тыйым салынып отыр.

Экономика, өндіріс ?@dalafinance
Саясат, инсайдтар ? @dalainside