??Yangi hayotga - yangicha qadam

Biz yangi 2024-2025 o'quv yilini boshlab oldik

?O'ktamxon xususiy maktabida mustaqilligimizni 33 yilligi munosabati bilan hamda yangi 2024-2025 o'quv yilini o'zgacha ta'surot va kayfiyatlarda boshlab oldik

Bizni jamoaga qo'shilish uchun bizga aloqaga chiqishingjz mumkin

?+998995631117✍️@farangiznazarova1117

@Uktamxon_Private_School*✅*Biz bilan birga rivojlaning

Hurmatli damas avtomashinasi bor SHAFYOR akalar diqqatiga:
"O'KTAMXON" xususiy maktabiga ishga qabul qilamiz.
Manzil Chelak Eski Xalq Bank yoni.
Tel: 99-5015590.

Ўктамхонда ўқиш ҳам, ўқитиш ҳам бошқача
Ўктамхон хусусий мактабининг фаолиятига назар соладиган бўлсак, 2018 йил 100 нафар ўқувчига таълим-тарбия беришдан бошлаган. Бугунги кунда бу билим масканининг ўқувчилар сони 400 нафардан ошиб кетди. Қисқа вақт бўлишига қарамай, Ўктамхонда жуда катта ижобий силжиш бўлди. Албатта, бу жараён бугун ҳам давом этаяпти.
Очиғи, бу билим масканидаги ўқувчиларга яратилган шароитдан ғурурланиб кетасан. Иқтидорли ўқувчи , энг кўп китобхон дейсизми, туман, вилоят, республика фан олимпиадалари ғолиблари дейсизми, барча-барчаси ушбу масканда мужассам. Бундай ўқувчилар билан суҳбатлашишнинг, иқтидори-истеъдоди билан танишишнинг завқи бошқача.
- Мактабимизда таълим олаётган ўқувчилар фақат ўқиб берса бўлди, ҳамма шароит бор дейди директор Ўктамхон Назаров . - Ҳозирда 400 нафар ўқувчимиз давлат дастури асосидаги фанлар бўйича ўз билимларини мустаҳкамлаб боришаяпти. Қаранг, ҳар бир хона фанларга қараб жиҳозланган. Айтинг, ўқиш, ўрганиш учун бундан ортиғи бўлиши мумкинми?
Гапнинг дангалини айтадиган бўлсам, ишлаган устоз, ўқиган ўқувчи кам бўлмаяпти. Мактабда ҳар куни бўлмаса ҳам кунора янгилик бор. Ўтган йилги битирувчиларимиз юз фоиз натижа кўрсатиб, олий ўқув юртларига грант асосида ўқишга қабул қилинди. Бу йилги етти нафар битирувчиларимизнинг тўрт нафарида фанлар бўйича миллий сертификати бор. Қолган уч нафаридан ҳам кўнглимиз тўқ.
Кези келганда шуни ҳам айтиб ўтишим керак, мактабимизда ўқитувчилар таълимга жонини фидо қилиб юборган десам муболаға бўлмайди. Дарс пайти бўладими, дарсдан ташқарими ўқувчиларнинг ҳар қандай саволларига жавоб беришга тайёр. Бошланғич таълимдан Фазилат Расулова, Озода Анорова, Дилшода Умирова, инглиз тиилидан Муҳаммадали Мавзуров, Сардор Абдураимов, кимёдан Охун Ўролов, биологиядан Юлдуз Қўзиева, рус тилидан Жамила Шарипова, тарихдан Феруза Ибрагимова, она тилидан Зарнигор Пардаева, математикадан Фазлиддин Норбеков, физикадан Отабек Нарзуллаев каби ўқитувчиларимиздан нафақат ўқувчилар балки ота-оналар ҳам миннатдор бўлишмоқда. Бу ўқитувчиларимиз тиним билишмайди. Мактабга келдими, ўқувчига бирон нарса ўргатсам дейди. Ўзлаштириши суст бўлган ўқувчилар билан керак бўлса, алоҳида ишлаяпти. Бундан ташқари, ҳар бир мавзу тугагандан сўнг шунга оид тестлар олинади. Бу ҳам ўқувчиларни олган билимларини синовдан ўтказишда асқотаяпти.
Энди савол туғилади. Туманда ягона бўлган хусусий мактабда фарзандини ўқитиш учун нима қилиш керак? Хусусий мактабнинг давлат мактабларидан фарқи нимада, афзалликлари-чи? Директорнинг таъкидлашича, хусусий мактабда ўқиш пуллик. Ҳар бир ўқувчига ойлик тўлов янги ўқув йилидан бошлаб, бир миллион беш юз минг сўм қилиб белгиланган. Ўйламанг, мактабга келган ҳамма ёшлар ҳам мактаб ўқувчисига айланиб қолмайди. Танлов, суҳбат жараёнларидан ўтсагина, мактабда ўқиш шарафига сазовор бўлади.
Афзалликлари дарс эрталаб соат 8.30 да бошланиб, 17.30 да дарс машғулотлари якунланади. Бир минут ҳам ўқувчининг вақти бекорга кетмайди. Дарс, машғулот бўлди, бошқа ҳеч нарса ўқувчини безовта қилмайди. Уч маҳал овқат билан таъминланади. Тўгараклар, спорт машғулотлари ўқувчилар ихтиёрида бўлади. Ўқувчиларни дарсга келиш, кетиши учун транспорт хизмати янги ўқув йилидан ўз фаолиятини бошлайди.
Ҳа, айтгандай, мактаб Жанубий корея, Дубай, АҚШ, Англия каби жаҳондаги энг нуфузли бўлган олийгоҳларга ўқувчиларини тайёрлаш учун бел боғлаганлар. Бунинг учун уларда шароит ҳам, ўқитиш тизими ҳам етарли деб ўйлаймиз.
Мақтаяпти деманг бу мактабни. Мабода йўлингиз Челак томонларга тушиб қолса, албатта бу билим масканига киринг. Билим масканидаги соғлом муҳит, ўқувчиларга яратилган шароитдан сиз ҳам баҳра олинг.

Ҳусниддин ХОЛДОРОВ,
Ширинбой МАМАДАЛИЕВ,

@PAYARIQHAYOTI_UZ