رسول رياض
القناه وقف لخدمة الآل صلوات الله عليهم
وأي استفسار خادم
07835750855 واتساب
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated hace 1 año, 8 meses
Last updated hace 2 meses, 1 semana
(فــزعـه)
يـخـيـعـون الـچـنـازه العـدهـا خـوان
ولا حـرمـه وغـريـبـه أبــغــيــر دفــان
مــامــرو عـلـيّ حــلــويــن الــمــتـــون
ضـل تـابـوت أخـتـهـم مـالـه ولـيـان
{مـن دون آلـسنيـن الـمـضـن
مـحـد وگـف بـالـفـاتـحـه}
عـيـنــي عـلـلـدرب هـلـبـت تـسـيرون
وحـنـان أدري بـيـكـم مـــاتـگـطـعـون
تـابـوت الـخـشـب تـتـدرون يـحـنــان؟
خـضـر مـن بـواچـي دمــع الـعــيــون
{تـابــوتـي ضـل بــلا مـتـن
يـفـزع عـلـيـه ويـشـيــلـه}
مــنــواي ويــخـوتـي لـبـاب بـلـبـاب
يـمـصـبـاح الـعـوافـي بـوجـه الـحـبـاب
بـس الـقـاسـمـه الـلـه الـغـربـه لـم عـون
وشـلـعـان الــگـلـب يـاشـام الأجـنــاب
{يـــم كـبــري لاگـولـه ونـعـي
ولامـن لـطـم لـطـامــه}
انــه أخــت الـنـشـامـه فـيـاي الـخـيـام
ونــه الـجــانـت بــســد كـــافــل تــنــام
مـــو كــواك حـــال ام عـــون مـتـعــوب
مـاهـي اطـويـبـه حـيـل ويـهـضـم الـشـام
{بـنــص گـبـري مـا مـرتـاحـه
جـي مـاكـو زوار الـسـنـه}
الـمـو يـم أهـلـه مـات بـمـوتـه يـحـيـر
يـــم أهـلـي ردتـهـه الـفـاتـحـه تـصـيــر
مـــامــيــت الـتـنـصـب چـــادره أعــــزاز
مــو يــم غـربــه يـكـسـر خــاطـر الـطـيـر
{كـل مـاتـمـر بـابـي الـغـرب
ويـن أهــلـچ يـگـلـولـي}
✍?رسـول ريـاض
الچانت أميره مــن الزغر وبعز دلال الطايفه
الحيدر گبل مايرضه أبد ينجاب أسمها بسالفه
الماطالعه چـانـت گـبـل والضلـهه محد شايفه
اليوم مچتوفه بحبل فـوگ الـهـزيـله وخايفه
فوگ الهزل يهل البخت
چـابـو أسمهه ودنـگـت
ولـتفـتـت الـراس الگمر
گالتله گوه اختك مشت
گـالـتـله يـاعصابتـي::خـويه رضـيـت بـنـاگـتي
بس فشله ياخويه وعلي::تعثر وگع من محملي
ياخويه مابيه أحتمل::مو هينه أطيح من الهزل
لاسامح الله أوگع فشل::ومچتفه چفوفي بحبل
♕♕♕♕♕♕♕♕♕♕♕♕♕
يالحادي گالتله أرد أمر بحسين أودعه شويه
بوداعي ماطول أبد يالحادي بــس مــر بيـه
شتاگيت ونـــه بكربله وحـن گلبي الـراعـيـه
وگاللهه لا يا بـت علي وساگ الضعن حاديه
أبــلا وداع وي الأخــو
راحت يناس وي العدو
من يرضه بخته تنسبي
وي غربه يرضاهه منو؟
من يرضه تمشيله مره::الغربه وتروح مـيـسـره
أم عون راحت بالسبي::بذيچ الصحاري وحايره
طـرت صـحـاري بالفله::ودمعتهه تـنـزف هامـلـه
تمشي وگلبهه من مشت::ضل يـم أخوها بكربله
♕♕♕♕♕♕♕♕♕♕♕♕♕
للكوفه طبت والغرب كلـمـن جـمـع نسوانــه
وگفت شماته بكل درب زينب صفت حيرانه
مدنگه وحچيهم بالگلب خـلـو أثــر نيشانـه
چا غير مكفوله بگمر خالي گمرهه أمچانـه
المايرضه ينجاب ألهه أسم
چا وينه ماعدكم علم؟
بحجاره لاگوه الضعن
نسوان تشمر مو زلم
والهضمه زينب تنضرب::بالسوط گدام الغرب
المن أبوها تستحي::بنص الغرب طبت غصب
اليسوه والمايسوه أجه::يتشمت عليهن حجه
بگد مابچت أم الخدر::حته الصخر حن وبجه
♕♕♕♕♕♕♕♕♕♕♕♕♕
طف وحــبـل غربه وهـزل وتراگضن بالهيمه
مچويه وي مچويه أچن من حرگ ذيج الخيمه
من كربله الشام التعب والياذي زيـنـب ضيمه
وصلن عله أعجاف الهزل للماله غيره وشيمه
وصلن بنات أم الخدر
للماله حشمه ولا ستر
وگفن عله الباب أبتعب
وضل بيهن يسمي الشمر
يم ناس مابيهم عرف::محـتـاره زينب بالنزف
تلچمهن جروح الحبل::الچان بسترهن ينحلف
وچابو حبل لـم الخدر::وگـالــولـهـه هــذا أمــر
هذا الحبل يابت علي::يردون بيه طبت القصر
♕♕♕♕♕♕♕♕♕♕♕♕♕
رسـول ريـاض
**يالماشين لرض الشام...أخيكم ضال يتحسر
سلمولي عليها هواي...أروحن ليها ماأگدر
مامقسوم أزور أم عون...وگلبي الرخصه يتنطر
ألي يمكم أمانه أتروح...توصل بابها الأخضر
هاكم روحي أخذوهه...گبل لا للگبر تنجر
آه يالـغريبـه
أمانه وياكم أخذولي
جرحي الصاير بطولي
يازوارهه أدعولي...گبل لاموت أزورنها
عمري خلص متانه
روحي أثغيب خلصانه
راحت كلها يمته أنه...المناره ذيچ أشوفنها
مريض وعلتي ماترضه تتطيب ومالي بس چاره
زينب يمه قسميلي لذيچ الحضره أجي زياره
♕♕♕♕♕♕♕♕♕♕♕♕♕♕♕
روحي من البچي تعبت...ونار بگلبي حراگه
آه يالشام دمعي يصيح...يمته يصير الملاگه
وعلي مشتاگ يايمه...وشوگه المثلي خناگه
بدخانه دليليّ يلوب...صحنچ يحرگ فراگه
أْنه امنيتي أطب لسوگ...أحس أبعثرت الناگه
آه يالـغريبـه
أطيح ورايد يشوفون
أريد أسمعهم أشيحچون
من السمعوو لم عون...هاي الماتو أخوتها
أجــي وتـعـثـر بممشاي
حافي أسمعها لچمت هاي
طـبـنْ للـقـصـر حـفـاي...وحس بالحيره ساعتها
أريد أسمعهم أيگولون أجه رايد يشوف أمه
غريبه وليلها تگضيه ونين وساكنا الضلمه
♕♕♕♕♕♕♕♕♕♕♕♕♕♕♕
أنا العايش بحيره...وتشيب الليل سالفته
من گد ماأون الليل...حته الليل جزعته
أنه الصحبانه المتعبيه...منهم كلمه هاضمته
شفنا أشويه من الشام...أبد ماتنحمل علته
الله يعين گلب أم عون...كله الشام شايفته
آه يالـغريبـه
گالو كلشي غربه هناك
وحال أم عون مو كواك
ويم شباجها أذكرناك...بس مو مال ننخاها
لسه امتانيا العباس
لسه أتعيل بيهه الناس
ناس بلا خجل وحساس...أخو يگولون ماجاها
يمه المثلي موش بخير والله تذبحه الحچايه
أريد الموت يمچ كون بعد ماتگضي القرايه
♕♕♕♕♕♕♕♕♕♕♕♕♕♕♕
دخيلچ يمه أرزقيني...أروح وي الألچ گاصد
أجي للمجلس أسمعهم...حچيهم صاير بواحد
بليلة مايريد يروح...والطرت الفجر گاعد
طر الفجر گالو مات...ذاك الحلمه الج رايد
أضم دمعي وگوم آبآآآه...وسد أذني ورد شارد
آه يالـغريبـه
أضم بگلبي هم وآلام
وحس بگلبي ضام أسهام
أنه السالفتي بس بالشام...أچي مولاتي ياساعه؟
كلشي عليا سويته
وثغيبي أُوني لميته
أنه الملگاج تانيته...أنه الدمعته متاعه
محضر كلشي وتنه اليوم ألبيه أنحسب زاير
دخيلچ يمه أرخصيني بعد ماريد أضل حاير
♕♕♕♕♕♕♕♕♕♕♕♕♕♕♕
رســول ريــاض**
شور وگفه
رحلة جرح || من گلبي حد ذاك الضلع رحلة جرح
طر يا صبح || خل زينب اتكف الدمع طر يا صبح
ماتـــــنجرح || ألوردة كون امدلـــلة وما تنجــرح
رحلة جرح :: طرح يا صبح :: ما تنجرح
الدنيه افترت اعليكم يا أهل الحجي المسموع
عداوه وياكم البيبان او وراثه امكسرات اضلوع
جيران الـــكبل جانت من عدكم تســـد الجوع
اشو محـــد فزع الكم من شـــافو جمر وجذوع
الما يفزع للزهرة وحماها
نفس الي طگاها وعماها
ولا يحجي بل نصرة وراها
شاءَ اللهِ وقدْ قدرْ ¦¦ فاطمة مقياس المحشر
صلي يا رسولي صلي ¦¦ أنا اعطيناك الكوثر
0000000000000000000000000
لا ياكـــــسر || لا توصل الزهرة ابد لا يا كـــــسر
كافي الجمر|| يطلبها بيش وما بعد كافي الجمر
زغيرة عمر || وبسمارك ابنصها گعد زغيرة عمر
لا يا كسر :: كافي الجمر :: زغيرة عمر
ام النعمة والمعطات مارحموها ماضل حال
الزهرة ام الحزن ضلت محد من حزنها الشال
وهيه تبجي من تذكر بگاع الطف يگع خيال
وبس البت جزت امها بديها امربطات احبال
من ذكرت بلطف الحنينه
لو يوگع حماي الضــــعينه
تتســـــمه زينب بلحـــزينه
قالت ربي هوّن المنضر ¦¦ أبنتي كلما قامت تعثر
فالضلع يُشفى بالتداوي ¦¦ ما يُشفي الضهرَ حين يُكسر
0000000000000000000000000
ماتت هضم||أم الحسن وأم النبي ماتت هضم
أبلايه رحم||معصوره صاحت ياعلي أبلايه رحم
شافت ضلم||أم الفضائل والنعم شــــافت ضلم
ماتت هضم::وبلا رحم::شافت ضلم
أمانة طه وأم الجاه عجيب وتنهــضم ياناس
نعمه منزله قرٱن ونعرف النعمه فوگ الراس
مو يكسر ضلعهه الباب التزرع للبريه أحساس
يقيسوها بفدك گامو وهيه بجنه ما تنقاس
متلوعه ومهضومه الأميره
مضلومه ومتعوبه وچبيره
منهه وصارت زينب أسيره
عرش الله عجبا يُسبى ||مُلك الله فقد أدمى
قسم الأبن بل جدِ. || قال وجدي أني عَطِيشا
0000000000000000000000000
كل الخدم||حگ تبچي دم لمصيبتج كل الخدم
حَس بالألم|| الباب الدفع بت النبي حَس بالألم
گلبه أنثلم|| حيدر لمن شاف الضلع گلبه أنثلم
كل الخدم::حس بالألم::گلبه أنثلم
ابچي بدمعتك لحسين أواسي بالونين أم عون
لحد ماينسمعلك صوت وذبل بالدموع اعيون
الزهرا گلب أبو الحسنين شالت يامصيبه أتهون
أكسر ضلعك الفاطم وهدل للمصيبه أمتون
اكسرها ضلوعك للمصيبه
هاي ام حسينك والحبيبه
ام الحره الصارت غريبه
أضمو قلبُ لايروي||أهووى جبلاً لايهوي
ضاق الصدرُ وتردى || لم يتوقعَ قد ينوي
0000000000000000000000000
✏️علي ميران
✏️رسول رياض
العجل يبنَ فــــاطـم يـاكـف الشهامه
العجل يابو صالح حل فرض القيامه
لقـد مسنا الــضـر ونـتــانـي السلامـه
الزمن جار وماكو غيرك يـطلـع يقود الزمن
كلشي صار يريد جيتك سيدي يبن الحسن
يمته تشهر سيفك الهه وتگطع أحبال المحن
اللهمَ عجل لوليكَ الفرج
00000000000000 00000
يــذخـر الهواشم گـوم الهالنواصـب
شوكت تنشر اللواك ياحيل الأطايب
وتفرع فـــقـارك وتـگـص الشـوارب
گـوم زلـزلـهـه بـنــدائـك وگطع عليهه الهوه
ييمته نسمع صوت باچر يطلع عليكم ضوه
الـحـاضـر يبـلـغ الغايب بـاچـر يــرف الـلوه
اللهمَ عجل لوليكَ الفرج
00000000000000 00000
تحت أمـرك أسيوف بتارت مـناحر
لبسناهـا الأكفان والجيــتك نـنـاطـر
الخدم شدت أحزام صارتلك عشاير
دمنه مايبرد غليله ونـتنـه أحـر من الجمر
موته عدله وياك نفزع نصلب أرباب الكفر
نتاني بس تنطينه كلمه وعلي مايبقه شمر
اللهمَ عجل لوليكَ الفرج
00000000000000 00000
مـحـارب مُـطــالـب ذو بــأسـاً مهيب
الفرج يـومـه قـد حــان والنصرُ قريب
وتصب بيهم الخوف في يوماً عصيب
أن شاء الله گرب ضهورك سيدي وحان الأوان
گوم ياغيض أبو فاضل صول جول بكل مجان
گـــــوم يـانوماس زينب وفتح أبواب الأمان
اللهمَ عجل لوليكَ الفرج
00000000000000 00000
يضرغام الحـيــــود يـافــــذ الـعشيره
الجبت يومه قد حان يتحدد مصيره
ولايعله الـــه الصوت ساعاته عسيره
الرفس بـاب أمُ أبيها والـكـسـر ذاك الضلع
والسحگ مهره علبنهه وطيح الزينب دمع
يبن حيدر گوم ليهه وخلي سيفك يرتفع
اللهمَ عجل لوليكَ الفرج
00000000000000 00000
ليـا جمعه مولاي تخسف هالوطيه
ولثارك تصب غيض ياكف الحميه
المراجع يمـيـنك ونـتـه المرجعيه
مصخت ومحتاجه جيتك يمته يالمهدي الضهور
نترست الدنـيـا أبطشهم ســــيــدي حـل للسرور
ضـاگـت أصـدور التندبك والـدم الـثـارك يـفـور
اللهمَ عجل لوليكَ الفرج
00000000000000 00000
رسول رياض
جيتك مذعوره
ومتغير لوني
توجعني متوني...من گد الطگ
مو مال أسياط
بعدني زغيره
والهضمه أچبيره...ترضاهه أنطگ
يعايفيني بدرب بس ليل درب مابيه گمر يطلع
درب مابيه عرف بس موت وسياط وعطش يلسع
أجيت أرد أعرف أشعندك خفت بس لا علي زعلان؟
أشو كل مايضربوني أحشمك ونته ماتفزع
أسـتـغـربــت مــن رگضوني
وگـبـال عـيـنـك عـثــــروني
شو ماگلت عوفوهه يحسين
مــــن عله الناگه وطيحوني
000000000000000000
كلش متغير
ومتفطره أشفافك
بس لا ماشافك...ذاك السگاي
راح أمـشـيــله
بـلـكي يـمـرك
ايبلل نحرك...لــو گطرة ماي
مشيت وگتله أمشي وياي أبوي علرمح عطشان
ثـلـث تـيـام مـاراوي عمت عيني وعـلـي تعبان
وگلتله خــاف أتـعـبـنك هاك چفوفي يالسگاي
حطلي شويه من مايك أبوي من العطش ذبلان
للحادي صيح هاك أخذ هاي!!
تبچي وتگـلـي أمـشــي وياي
جرني وأخذني بويه يحسين
وبـچـفـي رد نيشان مو ماي
000000000000000000
بنيتك ياالغالي
جيتك مهضومه
وأعثر ملچومه...مااتدري أشصار؟
من حرگو خدرك
أرگض شافوني
رگضو ردوني...أرگض عالنار
مو من التعب يحسين أجيت أبمشيتي أتعثر
لهسه أبجدمي چوي النار ومشي عليه مااأگدر
ومــاكفاهم العاشر أذا شافـو شـــمـس تحرگ
يوگـفـونه الضـهر حفاي ونته بهالحجي أتصور
مـــن الرمل بـويـــه أنچوينه
ومــــن الشمس گلبت عبينه
وكل ماتهد أعلينـه السياط
شنشاگـف ومشـدوده أدينه
000000000000000000
مضيعه ومشتاگه
الصوتك ملهوفه
جيتك مچتوفه...بچفوف أحبال
من ضهر الناگه
وشفت أمتعبينك
ورت أمسح عينك...والمحمل مال
چـي شافـــو تباريـنه شوفك بالرمل ترسوه
ودعيت الله أضل عدله لحد ماراسك ينزلوه
وأجيك أمسحهن عيونك وگلك كافي لاتبجي
أرتاح ولاتضل تبچي بدمعك گلبي مـو شلعوه
ثاري صــــــــدگ هالدنيا أيام
بـســك بـواچــي غمض ونام
حلـم الـبـواچـي بويه مو زين
بــس لاچبــيره ضمت الشام؟
000000000000000000
رسول رياض
مولاتي زينب ع ليل أهدعش ?
خشنات الحبال چابوهه ألي خشنات الحبال
ومعلعل الحال مــن الـــزجـــر امعلعل الحال
مــاعدهه رچــال گالو علي مــاعدهه رچال
ورگــض للتلال ونـده هـلـي ارگض للتلال
تـتـشـمـت الـگـوم مـاتـو هلچ تتشمت الگوم
مــن يگدر يگوم يفزع ألي مــن يگدر يگوم
دلالـــــــــي ملچوم يهل البخت دلالي ملچوم
فوگي غده يحوم سوط الشمر فوگي غده يحوم
يشيوخ عدنان ياذي الحبل يشيوخ عدنان
بحماي نسوان راح أنسبي وبحماي نسوان
هـلـبـت يوليان واحــد يرد هـلبـت يوليان
الحيل خلصان من الرگض الحيل خلصان
عميانه العيون من البچي عميانه العيون
تعوفوني أشلون وي العده تعوفوني شلون
ياساده ترضون أمشي أبسبي ياساده ترضون
مو ذيچ المتون من الضرب مو ذيج المتون
يبن أمي عباس أستهضمت يبن أمي عباس
ترضاهه ينداس أرماد الخدر ترضاهه ينداس
ومهبطه الراس مستحيه خويه مهبطه الراس
من صاحت الناس جيبو الهزل من صاحت الناس
000000000000000000
رسول رياض
مولاتي الزهراء ع من أرض الطف بعد انتهاء المعركه
#ليلة_العاشر?
أچيتك يبني ونه أيدي علضلعي
ومو أنه اليسولف هذا دمعي
سمعتك من صحت هالمن مناصر
أجيت أرگض لگيت عليك حافر
000000000000000000
أجيت أيدي علضلعي وهامله العين
وگـلــت بـــس لاأصل ولگاك مو زين
سمعت كسرت ضلع بس ماعرف وين
وجــيت أرگض لگيته ضلع الحسين
حاجيني::يساجيني::گبل من تتطلع اليمه
همل دمعي::ولچم ضلعي::يبني وزادت الضلمه
أنلچم بسمار ضلعي وعصرت الباب
من شفت التشمه يطلع تراب
شفتك طايح ومكسور خــاطر
أجيت أرگض لگيت عليك حافر
000000000000000000
سمعتك مـن بـعـيد تصيح عطشان
وعـمـت عيني أحـس هوايه تعبان
شفتك مــن بـعـيــد وبـيك نيشان
بس ماعــرفه ويــن بيا كتر چان
حوافر بيك::سيوف عليك::وبضهرك ألف طعنه
رجع خيال::يمك گال::أصبعك خل أگطعنه
مديت أيدي أدور عن حواسك
وگلت الله ولحد وينه راسك
طف بكبره كله عليك داير
أجيت أرگض لگيت عليك حافر
000000000000000000
ذباحـــك ذبحني بـكــربــلــه يجول
شــــالع گلب أخيتك شـامــت يگول
أخوج حسين طحنت صدره الخيول
أگطـــعي الضنه ميت موش معلول
يگلهه الطف::شبع وكتف::واحد جان هسه هواي
وذر جسمه::أشيلمه::من يتبده بالطف ماي
شفت عالتل مره أتضيع بعبايه
گلت بس لا أخيتك يمه هايه
يبن أمي تندهك وين صاير
أجيت أرگض لگيت عليك حافر
000000000000000000
رگضتلهه وگلت ياهي أنتي زينب؟
صـاحــــــت أم گلب بيه نار تلهب
زيـنـب يـمـــه أنـــه الراسي شيب
چبيره أنشاف حگي وضهري حدب
حگِ أنسل::شفت مقتل::أخوي ومن گفاه يُنحر
أسمعت واحد::نده واحد::أجت رخصه الجسد يُنثر
حجيت وياهه بدموعي وعبرتي
عمت عيني ييمه شلون صرتي
گالت بت علي بوليت عشاير
أجيت أرگض لگيت عليك حافر
000000000000000000
گالـت يمه گلبي هواي ملچوم
وتأشـــر عالنهر وتسولف هموم
أمشي وياي بلكي يشوفج يگوم
الأخت لو وي أخوهه تهابهه الگوم
سوط جابو::وعلي صاحو::بحرگ الخيمه خل تتطلع
مات أخوهه::طلعوهه::لاتتناه تره مگطع
انتضرته وحرگو الخيمه عليه
وطلعت حافيه أتچوت رقيه
وصاحولي وراچ أحبال باچر
أجيت أرگض لگيت عليك حافر
000000000000000000
رسول رياض
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated hace 1 año, 8 meses
Last updated hace 2 meses, 1 semana