Роспотребнадзор үлэһиттэрин Күнүнэн!
Ытыктабыллаах Ньурбатааҕы Роспотребнадзор үлэһиттэрэ уонна бэтэрээннэрэ!
«Ньурба улууһа» муниципальнай оройуон Дьаһалтатын уонна улуус Сүбэтин аатыттан эһигини идэлээх бырааһынньыккытынан истиҥник эҕэрдэлиибит!
Туһанааччылар бырааптарын уонна киһи этэҥҥэ буолуутун эйгэтигэр кэтэбил федеральнай сулууспата доруобуйа харыстабылын тиһигин биир улахан суолталаах салаатынан буолар. Роспотребнадзор профилактическай медицина эйгэтигэр судаарыстыбаннай бэлиитикэ олоххо киирэрин хааччыйар, дьон доруобуйатын уонна үлэлиир кыаҕын харыстыыр. Роспотребнадзор исписэлиистэрэ киһиэхэ табыгастаах эйгэ туһугар кыһаллан, кутталлаах сыстыганнаах ыарыылартан харыстаан, дьон доруобуйатын харыстаан уонна бөҕөргөтөн, туһанааччылар бырааптарын араҥаччылаан, киһини олоҕун тухары арыаллыыллар. Бу судургута суох үлэ үрдүк профессионализмы уонна дириҥ билиини эрэ буолбакка, идэҕэ муҥура суох бэриниилээх буолары ирдиир. Биһиги оройуоммутун ыарыы уонна алдьархай тумналларын, оройуоммут санитарнай-эпидемиологическай туруга этэҥҥэ буоларын туһугар эһиги сыралаһан үлэлии-хамсыы сылдьаҕыт.
Эһиэхэ эппиэтттээх үлэҕитигэр салгыы ситиһиилэри, кытаанах доруобуйаны, тус олоххутугар дьолу-соргуну уонна этэҥҥэ буолууну баҕарабыт!
«Ньурба улууһа» МО баһылыга А.М.ИННОКЕНТЬЕВ.
Улуус Сүбэтин бэрэссэдээтэлэ Н.М.МИХАЙЛОВА.

СВО-ҕа барбыт 6 бырааттыы Курышевтар ийэлэрин Марина Николаевнаны дойду барыта билэр. Хомойуох иһин, биир уола Григорий бойобуой сорудаҕы толоро сылдьан олохтон туораабыта. Өр көстүбэккэ сылдьан баран көстөн, көмүс уҥуоҕа төрөөбүт дойдутугар көтөҕүлүннэ. Кини ийэтигэр Марина Николаевнаҕа дириҥ кутурҕаммытын тиэрдэбит, хорсун буойун уолун туһунан сырдык өйдөбүл өрүү тыыннаах буолуоҕа. Бүгүн Хаҥалас нэһилиэгэр сылдьан, Марина Курышеваҕа анаан тутулла турар дьиэни көрдүм. Өрөспүүбүлүкэ бүддьүөтүттэн - 2 мөл. солк. уонна улуустан 438 тыһ. солк. көрүллүбүтэ. Сороҕо үлэнэн оҥоһуллуохтаах, итини Хаҥалас нэһилиэгин дьаһалтата (баһылык С.А.Винокуров) дьаһайан олоххо киллэрэр. Дьиэ бүтэрэ син чугаһаабыт, толору хааччыллыылаах буолар. Хорсун буойуттар ийэлэрэ Марина Николаевнаҕа кытаанах санааны, этэҥҥэ буолууну баҕарабын.