AQShda 30 yil nohaq qamalgan erkak oqlandi

AQShda 64 yoshli Maykl Sallivan qariyb 30 yil nohaq qamoqda o‘tirgandan so‘ng 13 million dollar miqdorida tovon puliga loyiq deb topildi. 1986-yilda Uilfred Makgrat ismli kishini o‘marish va o‘ldirishda ayblanib, umrbod qamoqqa hukm qilingan va joriy yil noyabr oyida aybsiz deb topildi. Sud hay’ati politsiyadagi kimyogar sud jarayonida yolg‘on ko‘rsatma berganini aniqladi. Ayblov tomonining Sallivan kiyimida qon bor edi, degan da’vosi qayta o‘tkazilgan testlar natijasida rad etildi.
Sud sobiq mahbusga 13 million dollar tovon puli to‘lashga qaror qildi, ammo shtat qonunlariga ko‘ra, bunday holatlarda maksimal kompensatsiya miqdori 1 million dollarni tashkil etadi. Sallivan qamoqda o‘tkazgan vaqtlari davomida onasi va to‘rt aka-uka, opa-singillaridan ayrilganini, sevgilisi tashlab ketganini, o‘zi esa boshqa mahbuslar tomonidan bir necha bor hujumga uchraganini aytdi.

📱 Telegram 📸Instagram*🌐Facebook ▶️***YouTube

❗️ Avtobus yo‘lagida qoida buzganlar 1 mln so‘mdan ortiq jarima to‘laydi

Parlament muhokamasida bo‘lgan Ma’muriy javobgarlik to‘g‘risidagi kodeksga kiritilayotgan o‘zgartirishga ko‘ra, jamoat transporti uchun alohida ajratilgan yo‘laklarda harakatlanish qoidalarini birinchi marta buzganlik uchun – bazaviy hisoblash miqdorining 3 baravari (1 mln 125 ming so‘m) miqdorida, bir yil davomida bunday harakat takroran sodir etilgan bo‘lsa – bazaviy hisoblash miqdorining 5 baravari (1 mln 875 ming so‘m) miqdorida jarima belgilanmoqda.

Qonun loyihasi kuchga kirishi uchun Quyi palatada qabul qilinib, Senat tomonidan ma’qullanishi va prezident tomonidan imzolanishi kerak.

📱 Telegram 📸Instagram*🌐Facebook ▶️***YouTube

Toshkentdagi “Chorsu” mehmonxonasida 16 yoshli o‘smir 21-qavatdan yiqilib vafot etdi

28-noyabr kuni 16 yoshli bola tanishi bilan Shayxontohur tumanida joylashgan sobiq “Chorsu” mehmonxonasiga ruxsatsiz chiqib binoning 21-qavatidan 3-qavatigacha tushib ketgan va olgan jarohatlari oqibatida voqea joyida vafot etgan. Holat yuzasidan sudga oid tibbiy ekspertiza tayinlanib, tergovga qadar tekshiruv harakatlari olib borilmoqda.

📱 Telegram 📸Instagram*🌐Facebook ▶️***YouTube

Hindiston shimolidagi Uttar-Pradesh shtatidagi shifoxonaning neonatal bo‘limida yong‘in yuz berdi.
Oqibatda kamida 10 nafar yangi tug‘ilgan chaqaloq halok bo‘ldi. Guvohlarning aytishicha, qutqaruv operatsiyasi yong‘in boshlanganidan taxminan 30 daqiqa o‘tib boshlangan va bu evakuatsiya ishlarini kechiktirgan. Yong‘in boshlanganda reanimatsiya bo‘limida 54 chaqaloq bo‘lgan. 45 nafar chaqaloq qutqarib olingan va ularga tibbiy yordam ko‘rsatilmoqda. 16 nafarining ahvoli og‘ir ekani aytilmoqda.
Hindistonda yong‘inlar yomon qurilish amaliyoti, odamlarning haddan tashqari ko‘pligi va xavfsizlik qoidalarining yomonligi sabab tez-tez uchrab turadi.

📱 Telegram 📸Instagram*🌐Facebook ▶️***YouTube4

Zelenskiy Tramp urushni tugatishiga ishonmoqda

Vladimir Zelenskiy Donald Tramp ma’muriyati Ukrainadagi mojaroga barham berishni tezlashtirishi mumkinligini aytdi.
“Urush tugaydi, ammo sanasi hozircha noma’lum. Endilikda Oq uyni boshqaradigan yangi jamoaning siyosati bilan urush tezroq tugaydi, bu ularning Amerika jamiyatiga bergan va’dasi. Ular uchun va’dani bajarish juda muhim”, dedi Zelenskiy Public nashriga bergan intervyusida.
Tramp Ukrainadagi mojaroni imkon qadar tezroq to‘xtatish niyatida ekanini bir necha bor ta’kidlagan. OAVning turli nazariyalariga ko‘ra, Ukraina hududiy yon bosishga majbur bo‘lishi mumkin.
Shuningdek, OAV yozgan boshqa ehtimoliy variantlar orasida Ukraina NATOga 20 yil davomida a’zo bo‘lishdan bosh tortishi ham bor.

📱 Telegram 📸Instagram*🌐Facebook ▶️***YouTube4

😳🏔 O‘zbekiston tog‘larida qadimgi sirli shaharlar

Vashington universiteti olimlari Oʻzbekistonning baland togʻlarida Ipak yoʻli tarixi uchun katta ahamiyatga ega boʻlgan ikkita qadimiy shaharlarni topdilar.
Tadqiqotchilar lidar skanerlari yordamida Toshbuloq va To‘g‘unbuloq deb nomlangan ushbu o‘rta asrdagi shaharlarning batafsil xaritalarini chizib, “Bu markazlar Ipak yo‘lidagi asosiy o‘zaro aloqa nuqtalari” va “Bu yerda hayvonlar, qimmatbaho metallar va boshqa boyliklar savdoning markazi” boʻlganini aytib oʻtdilar.

📱 Telegram 📸Instagram*🌐Facebook ▶️***YouTube4

❗️ Avvalroq Pokistondagi temir yo‘l vokzalida portlash bo‘lgani haqida xabar bergan edik. Aniqlanishicha, Balujiston viloyatidagi temir yo‘l vokzalida xudkush o‘zini portlatib yuborgan. Natijada stansiyada bo‘lib turgan 24 kishi, jumladan o‘ndan ortiq harbiylar halok bo‘lgan, 40 dan ortiq odamlar jarohatlangan. Hujum uchun javobgarlikni “Balujiston ozodlik armiyasi” separatistik guruhi o‘z zimmasiga oldi. Guruh o‘z bayonotida xudkush terrorchi temir yo‘l vokzalida bo‘lgan askarlarni nishonga olganini aytgan. Pokistonning eng yirik, shu bilan birga qashshoq viloyati Balujistonda ayirmachi qurolli guruhlar tez-tez halokatli portlashlar sodir qilib turadi.

📱 Telegram 📸Instagram*🌐Facebook ▶️***YouTube