''Ўзлигимиз тимсоли'' эшиттиришини журналист Ш. Қосимова тайёрлаган. Тилнинг ривожи, тил маданиятининг ўсиши қандай омилларга боғлиқлиги хақида Кўкдала туманидаги 91-умумтаълим мактабининг она тили ва адабиёт фани ўқитувчиси Лочин Элматов (Lochin ELMUHAMMAD) мулоҳазалари берилган.
24-01-2025-yil
🇺🇿🌞💯🎤🔉‼️👇🏻👇🏻👇🏻
https://t.me/Lochin_ELMUHAMMAD_ijodi

Lochin ELMUHAMMADning yana bir mashhur she'ri qo‘shiq bo‘ldi!

VATANNI ASRAYMIZ!
✍🏻Lochin ELMUHAMMAD so‘zi
🎤Ichki ishlar orkestri xonandalari
🇺🇿🌞🎁🌹⛄🌲🌹😍💯🍰
https://t.me/Lochin_ELMUHAMMAD_ijodi

Ассалому алайкум! Қадрлм адабиёт ихлосмандлари Сизлар учун ашаддий мухлисларимнинг илтимосига биноан ҳикоялар тўпламимни яна бир бор эътиборингизга ҳавола этаман.
Камоли эҳтиром ила
✍️Лочин ЭЛМУҲАММАД

??❤??@Lochin_ELMUHAMMAD_ijodi

TALABLARGA BINOAN TO‘Y SHE'RLARI
???????????

ТЎЙГА ЕТКАЗСИН
Умид билан яшар ҳар инсон,
Шодликлардан мунаввар жаҳон,
Болажонлар қийқириб шодон,
Кўча-кўйни тўлдирсин бўйга,
Ёруғ юзни етказсин тўйга.

Янги ҳаёт тонглари отар,
Севинчдан кўзёшлар шашқатор.
Ҳар эшикда совчилар қатор,
Сарвқомат мос – алп қомат бўйга,
Ўғил-қизни етказсин тўйга.

Чорлар карнай-сурнай, ноғора,
Қирқ хил таом тўла тоғора.
Сайр этмоққа бўстон, боғ аро,
Келур меҳмон ҳар қутлуғ уйга,
Дили бўзни еткасин тўйга.

Ўзбекларда бор шундай ихлос,
Тўёнасиз тўйга бормас рост.
Қўни-қўшни кўрсатиб жонбоз,
Ҳожат қолмас ташвишга, ўйга,
Ризқу рўзни етгазсин тўйга.

– Илҳақ   сизга, олинг марҳамат,
Дастурхонда ноз-неъматлар тахт.
“Ошиқларга ҳамроҳ бўлсин бахт!”
Давра муштоқ қалби хушрўйга,
Тилак сўзни еткасин тўйга.

Меҳрингизга меҳрини қўшиб,
Парвоз этар юраги жўшиб.
Ҳофизларнинг созига тушиб,
Лочин сўзи жўр бўлсин куйга,
Сизу бизни етказсин тўйга!

✍️Lochin ELMUHAMMAD
???????????
   КУЁВ, КЕЛИН БЎЛАСИЗ

Сизлар бор-ки умидим учқун,
Давом этар ҳаётим гулгун.
Жужуқларим – ё насиб бир кун,
Ўғлим – куёв, қизим – келин бўласиз.

Қувлашасиз қуёшим, ойим,
Сиз-ла кулбам чороғон доим.
Изим босиб тойчоғим, тойим,
Ўғлим – куёв, қизим – келин бўласиз.

Ҳумо бўлинг бошга қунгани,
Меҳр бўлинг тошни йўнгани.
Гул бўлинг боғ-роғда ўнгани,
Ўғлим – куёв, қизим – келин бўласиз.

Сизни дарду гарддан қизғондик,
Келажакни сизга ишондик.
Сарпо йиғиб қўйдик “қирқ сандиқ”,
Ўғлим – куёв, қизим – келин бўласиз.

Сиз Фарҳоду Шириннинг асли,
Навоий, Шоҳ Бобурнинг насли.
Чўлғаб буткул муҳаббат фасли,
Ўғлим – куёв, қизим – келин бўласиз.

Оқ йўл сизга – дуолар паноҳ,
Кутмоқда тахт – муборак даргоҳ.
Тўйни тўйга уласин Оллоҳ,
Ўғлим – куёв, қизим – келин бўласиз.
✍️Lochin ELMUHAMMAD
??????????
          ТЎЙ ДЕГАНИ

Тўй деганинг тўй бўлар,
Яхши ният – ўй бўлар.
Дўсту ёрингни йиғиб,
Дийдорига тўй, бўлар.

Холингдан олар хабар,
Fамингдан қолмас асар.
Маҳалла-кўйни чорлаб,
Оғам, тўй қилсанг агар.

Ўйлама кармонингни,
Сўйлама армонингни.
Тўёна – жарақ-жарақ,
Мана, кўр хирмонингни.

Қозонинг босмасин занг,
Ўғил- қизни этма танг.
Болангдан ҳам шириндир
Билсанг, асли набиранг.

Тузаб дастурхонларни,
Кутиб меҳмонжонларни.
Тўйлар тўйга улансин,
Сочинг дур-маржонларни.

✍️Lochin ELMUHAMMAD

???????????
   ЖОЙИНГГА ТУШДИНГ

Учиб “ой”ингга тушдинг,
Тошқин “сой”ингга тушдинг.
Илло, бориб тош қотгин,
Қизим, “жой”ингга тушдинг.

Бахт қуёшинг кулади,
Кўксинг нурга  тўлади,
Боғинг мева тугади,
Қизим, “жой”ингга тшдинг.

Оила – қутлуғ даргоҳ,
Хотин – канизак, эр – шоҳ.
Ўзи асрасин Оллоҳ!
Қизим “жой”ингга тушдинг.

Мулло, дониш қайнотанг,
Тилло хотин қайнонанг,
Улар сенинг парвонанг,
Қизим, “жой”ингга тушдинг.

Борга, чида йўқга ҳам,
Чида олов, чўҚга ҳам,
Ёринг билан кўр баҳам,
Қизим, “жой”ингга тушдинг.

Тик боқма, эр юзига,
Итоат эт сўзига,
Салом бергин изига,
Қизим, “жой”ингга тушдинг.

Той деганинг от бўлар,
Сабр қилган шод бўлар,
Рақибларинг мот бўлар,
Қизим “жой”ингга тушдинг.

Она бўласан сен ҳам,
Болалар ширин бирам,
Юзта бўлсн набирам,
Қизим, “жой”ингга тушдинг.

Севгинг бўлсин барҳаёт,
Лочинингга бўл қанот,
Хизматин қил умрбод,
Қизим, “жой”инга тушдинг
.
✍️Lochin ELMUHAMMAD
??☀??????
➡️Lochin Elmuhammad ijodi bilan tanishish