ӀЕХОШ ВУ ХЬУНА ХЬО

Ибн аль-Къаййима (Аллахlа къинхетам бойла цуьнах) боху:

«Цхьаболу салафаша аьлла: «Хьо хьайн Ӏесалла тӀехь а волуш, АллахӀа Шен ниӀматаш (рицкъ йа кхидолу дика дерг) хьайна луш делахь, ларлолахь, Ӏехош ву хьуна хьо!»».

[Ад-да‌у вад-дава‌у, агӀо: 54]

АллахIана хастам бу-кх массо хьолехь

❏ Цхьаболчу салафаша олуш хилла, шайна тIе бала беъча:

«Хастам бу-кх АллахIана, хIара бала сан динехь (суна зен деш) ца хилийтарна.
Хастам бу-кх АллахIана, хIара бала кхин боккха ца хилийтарна.
Хастам бу-кх АллахIана, хIара бала лан суна собар делла волчу».

Шайх Мухьаммад аль-Мунажжид

Салафех цхьана Iеламстаге сахьт лелалуш ца хилла. Ахь сахьт хIунда ца леладо аьлча, цу сахьтан цхьамза бетталучу хенахь, цуо сайн Iожалла герга йохьуш, цуьнан ойла йеш ца лелало соьга и олий, олуш хилла цуо.

Саляфийн дахаран васт (кеп), Делах кхерар, ийманан тӀегӀа, гӀиллакх-оьздангалла, церан къамел а, иштта кхийолу амалш а.

https://t.me/adab_as_salaf

Салафех цхьамма аьлла, шен мутаӀеламашна дарс хьоьхуш lаш волуш:

«Валлахlи, паччахьашна йовзахьара вайна хаалуш йолу марзо, деган синтем, деган паргlато, и марзо вайгара схьайаккха гlерташ вайца тlом бийр ма бара цара!», – аьлла.

Салафех цхьамма аьлла:

«Къуръан Ӏамо лаьара суна, амма аса мало йора. Тlаккха аса сацам бира буьйсанна гӀатта ламаз дан, сайн Деле кхойкхуш:

«Йа АллахӀ, гӀо дехьа суна, Хьай дешнаш сайн кийрахь гулдан».

Цул тӀаьхьа цхьана баттахь 7 жуз Ӏамон аьтто белира сан!»

Буьйсанан йуккъехь даггара диначу доӀано тамашийна белхаш гайтира цунна!

Ибн Ӏаббаса аьлла:

«Тахана адамийн доттагӀалла дуьненан хӀуманна дуьхьа ду, амма, цо царна цхьа а пайда бохьура бац Къемат-Дийнахь».

«Китаб аз-зухӀд» имам ибн аль-Мубарак, № 353.

Ибн Хьиббана аьлла:

«Хьекъалечу стага шен вежарех лаьцна дика ойла йо».

«Равдатуль-Ӏукъала» 126

Хьасан аль-Басрий волче цхьа стаг веънера, цо элира:

«ХӀай Хьасан! Могуш волуш, ламаз керахь долуш буьйса денйан лууш дӀавуьжу со, хӀетте ца гӀаттало-кх со!»

Хьасан аль-Басрийс элира цуьнга:
«Хьан къиноша вихкина ву хьо. Дийнахь дика хила, буьйса дика хир йу хьан».

Цхьаболчу салафаша олуш хилла: «Аса сайн Къуръан дешаран барам сов мел боккху а, сан дахарехь беркат совдолуш хаалора суна».