*🌙 *РАМАЗОН ҲАЙИТИ НАМОЗИНИНГ ЎҚИЛИШ ВАҚТЛАРИ БИЛАН ТАНИШИНГ!

🗣 Ўзбекистон мусулмонлари идораси 2024 йил Рамазон ҳайити (Ийдул фитр) 10 апрель (шаввол ойининг 1 куни) чоршанба кунига тўғри келаётгани муносабати билан ҳайит намози вақтларини белгилаб чиқди.

🌙 Шунга кўра 2024 йил 10 апрель чоршанба куни Рамазон ҳайити намози қуйидаги вақтларда ўқилади:

1. Андижон вилояти 06:002. Наманган вилояти 06:00
3. Фарғона вилояти 06:004. Тошкент вилояти 06:10
5. Тошкент шаҳри 06:106. Сирдарё вилояти 06:10
7. Жиззах вилояти 06:158. Самарқанд вилояти 06:20
9. Сурхондарё вилояти 06:2510. Қашқадарё вилояти 06:30
11. Навоий вилояти 06:3012. Бухоро вилояти 06:30
13. Хоразм вилояти 06:5014. Қорақалпоғистон
Республикаси 06:50

Ўзбекистон мусулмонлари идораси Матбуот хизматиMUSLIM.UZ GA *😎 OBUNA BO'LING✅ *VA ULASHING*🗣**▶️ YouTube | 📷Instagram | 🔵* Facebook

🌙 Рамазон ҳайити намозини ўқиш тартиби

🌐 Youtube орқали томоша қилиш

Ўзбекистон мусулмонлари идораси Матбуот хизмати#namoz #Ramazon#hayitMUSLIM.UZ GA *😎 OBUNA BO'LING✅ *VA ULASHING*🗣*▶️*YouTube *| *📷Instagram *| *🔵***Facebook

Ҳеч бир нарсамни даволаш нафсимни тарбиялаш ва уни даволашчалик  менга оғир келмади. Чунки у гоҳ мен тараф бўлар, гоҳ менга қарши  чиқарди.

Суфён Саврий

*😀@TariqatUz*– илмий-маърифий канал

Тўрт хил эркакни аёллар ҳеч ҳам ёқтирмайди:

1. Бахил эркакни.
2. Ҳар қандай аёлни ёқтираверадиган эркакни.
3. Ўзида бир қанча камчилиги бўла туриб, мукаммал аёл қидирган эркакни.
4. Аёлнинг ҳис-туйғуларини ҳисобга олмай, арзимас нарсаларга ҳам койийверадиган эркакни.

@TariqatUz – илмий-маърифий канал

Бир аёл айтади:"Уйимнинг ҳар бир хонасига ном бердим. Меҳмонхонага "Аллоҳу акбар", ётоқхонага "Ла илаҳа иллаллоҳ", ошхона "Астағфируллоҳ" деб ном қўйдим. Қайси хонага кирсам, ўз номи билан зикр қилдим. Уйимни тозалар эканман, зикр билан тилим намланар, қалбим покланар эди. Ажиб бир ҳаловатни ҳис қилар эдим. Бундай ўйлаб қарасам, уй ишларини шундоқ ҳам қилишим керак экан. Лекин шу ишларни Аллоҳни зикр қилиб бажарсам, ҳар бир қиладиган ишимда савоб ва уйимда барокат бўлар экан. Шу ишларни бажарар эканман, барчасини Аллоҳдан савоб умидида қилдим. Бошқаларга ҳам тавсия қилиб қолар эдим. Чунки, Аллоҳнинг номи зикр қилинган жойда шайтон ҳеч қачон яқинлаша олмайди, у ерда доим фаришталар ҳозир бўлиб туради ва у ерда барокот ҳеч қачон тугамайди".

Биз сизга улашдик, сиз ҳам бошқаларга улашинг!

@TariqatUz – илмий-маърифий канал

Дадиллик ва таваккул…

Қадим замонда бир подшо вазирликка муносиб номзод қидира бошлади. Энг яхши номзодни танлаш учун бир синов ўйлаб топди. Салтанатидаги энг катта дарвозани қалъага келтиришларини буюрди. Бу улкан темир эшикни кўрганлар ҳайратдан ёқа ушлади.

Сарой аъёнлари, турли амалдорлар, донишмандлар йиғилган мажлисда подшо шундай деди:

– Катта дарвозани кўрган бўлсаларинг керак. Уни бекорга олиб келмадим. Унинг эшигини оча билган кишини вазир лавозимига тайинлайман.

Аъёнлар дарвозага яқин ҳам бормади. Шунча одамнинг олдида шарманда бўлишни ўзларига эп кўрмай, бу ёғи нима бўлар экан деб кузата бошлади. Донолиги билан ном қозонган баъзи бир кишилар дарвозани бир қур айланиб кўрдилар-у, аммо эшикни очишга ҳаракат қилмадилар. Кўпчиликнинг ҳафсаласи пир бўлди: донишмандлар воз кечган ишга уринишдан не наф!

Бироқ шу чоқ бир ясовул подшодан изн сўради. Рухсат олгач, дадил бориб дастани тортди: эшик осонгина очилди. Дарвоза ҳатто қулфланмаган ҳам экан. Шунчаки ўз ҳолича ёпиб қўйилган экан.

Ясовул ўзининг дадиллиги, таваккули туфайли юксак мартабага эришди.

Ҳаётда айнан шундай вазият учраши амримаҳол бўлса-да, шунга ўхшаш ҳолатларга дуч келиб турамиз. Таваккалчилик, иккиланмай олға қадам ташлаш бизга муваффақият келтирса, журъатсизлигу қатъиятсизлик афсус ва аттангларга сабаб бўлади.

@TariqatUz – илмий-маърифий канал

Беш минг йилдан бери оламнинг аҳволи шу: раққоса ёзувчидан кўп топади, дўмбирачи ё машшоқ новвой, дурадгор ва темирчидан кўп пул ишлайди.

Агар бугун сиз Энштейнни илмий анжуманга чақирсангиз, сўнг ярим яланғоч аёлни матбуот билан учрашувга таклиф этсангиз, оломон Эйнштейн ва илмини ташлаб, яланғоч аёлни қуршаб олади. Бунга биз айбдор эмасмиз.

Балки, айб аксар одамларнинг ҳайвонсифат, нафс ва шаҳват қули бўлишларидадир. Чунки бундайлар майда ишларни қўллаб-қувватлаб, жиддийларидан юз ўгиради.

Мустафо Маҳмуд

@TariqatUz – илмий-маърифий канал

Шайх Муҳаммад Содиқ Муҳаммад Юсуф ҳазратлари юртдан кетиб қолган пайтларида у киши билан четда, муҳожиротда кўришиб қолдим. Ўша пайт мен ҳам юртимда эмасдим. Ул кишимга савол бердим:
  – Ҳазрат, бир неча йилдан буён бошқа ерларда юрибсиз. Нега ҳеч юртингиз ҳақида танқидий фикрларингизни айтмайсиз?!
  Мен ўзим ўша пайтлари ўз диёрим ҳақида қаттиқ гаплар айтиб юрардим. Саволимга Шайхнинг жавоби кучли бўлди:
  – Бизга буюрилган ва биз қилишимиз лозим бўлган иш – диннинг ғами. Сиз айтган майда ишларни эса ўз эгалари – майда одамлар қилишади!

Бу гап менга тарсаки эди. Шундан кейин асосий юмушга бел боғладим.

Акбар Тўражонзода, тожикистонлик олим

@TariqatUz – илмий-маърифий канал

Қиз фарзанд…

Келин-куёв турмуш қурганларининг биринчи кунида эшикни ҳеч кимга очмасликка қарор қилишди.
Биринчи бўлиб куёвнинг ота-онаси ёш оилани кўришга келди. Келин-куёв бир-бирига қаради, куёв эшикни очишни истади, лекин қарорлари туфайли шаштидан қайтди. Шундай қилиб, ота-она кўп кутмай қайтиб кетишди.
Ўша куни бироз вақтдан кейин келиннинг оиласи келди. Келин-куёв бир-бирига термулди. Келин кўзида ёш билан “бундай қилолмайман“, деб эшикни очди. Куёв ҳеч нима демади...
Йиллар ўтиб эр-хотин бирин-кетин тўрт ўғил кўришди. Кейин тўрт ўғил ортидан қиз фарзанд дунёга келди. Ота янги туғилган чақалоқ учун катта тантана ўтказишни истади ва ҳамма танишларини таклиф қилди. Хотини эридан нима учун 4 ўғлига бундай тантана ўтказмай, бу сафар бундай қилганини сўради. Эр ўйчан нигоҳ билан шундай жавоб берди:
— Чунки қизим менга эшик очади!

Туркчадан Марям Осиё таржимаси.

@TariqatUz – илмий-маърифий канал

Онасининг хизматини деб Расулуллоҳ соллаллоҳу алайҳи васалламни кўрмай қайтган тобеъин

Имом Муслим Умар ибн Хаттоб розияллоҳу анҳудан ривоят қиладилар: «Пайғамбар алайҳиссалом шундай деган эканлар: «Тобеъинларнинг энг яхшиси Увайс Қаронийдир. Унинг бир онаси бор, у доимо онасининг хизматидадир. Увайснинг қўлида тангадек оқлиги бор. Сизлардан ким уни учратса, унга саломимни айтинглар, у зотдан илтимос қилинглар, ҳаққингизга истиғфор айтсин, дуо қилсин». Пайғамбар алайҳиссалом буни катта саҳобаларга айтганлар, ҳолбуки ўзлари кўришмаганлар. Пайғамбар алайҳиссалом хирқаи шарифларини ҳам бериб, «У келса, мана шу омонатни унга берасизлар», деганлар.
Абу Бакр розияллоҳу анҳу уни кўп кутадилар, лекин Увайс келмайдилар. Абу Бакр оламдан ўтгач, Умар розияллоҳу анҳу ҳам у зотни кутадилар. Умрларининг охиригача кутиб, шаҳид бўлишларидан олдинги ҳажларида Увайс келадилар. Ҳазрати Умар ҳар доим кўзи йўлда бўлар эди, «Қаранглар, Ямандан ким келяпти?» деб, келганлардан сўрардилар. «Ораларингда мана шундай сифатли одам борми? Исми Увайс, қўлида тангадек оқи бор, онасига хизмат қилиши билан машҳур бўлган одам», деб доим сўраб юрдилар. Шаҳид бўлишларидан олдинги ҳажда Ямандан келган бир гуруҳ савдогарларни кўриб қоладилар, қарасалар, орасида ундай одам йўқ. «Ҳаммаларинг шу ердамисизлар? Сизлар билан бошқа одам келмадими?» деб сўрайдилар. «Битта чўпонимиз ҳам бор», дейишади. Шунда ҳазрати Умар уларнинг туялари қаерда ўтлаб юрганини сўраб, ҳазрати Алини ёнларига олиб, ўша ҳирқани кўтариб борганлар. Борсалар, ўша сифатдаги одам юрибди. «Отинг нима?» десалар, «Мен бир чўпонман» деб, исмини айтмаптилар. «Кимсан?» десалар, «Мен чўпонман», деяптилар. Қарасалар ўша сифатли одам. «Отинг Увайсми?» деган эдилар, «Ҳа», дедилар. Шунда Умар «Сенга Расулуллоҳ соллаллоҳу алайҳи васалламнинг саломлари бор. Мана бу омонат ҳам сенга» деб, саломни ҳам етказдилар, ҳирқани ҳам топширдилар. Сўнг «Бизнинг ҳаққимизга истиғфор айтиб, дуо қилинг», десалар, Увайс «Мен дуо қилишга арзийдиган одам эмасман, оддий чўпонман», деяптилар. Ҳазрати Умар охири қўймадилар, ҳазрати Али икковлари Увайснинг дуоларини олдилар, омонатни топширдилар.
Увайс Қороний – Расулуллоҳ соллаллоҳу алайҳи васаллам кўрмай туриб, ғойибдан яхши кўрган зот. Бу инсон Расулуллоҳнинг даврларида яшаган, ўша маҳалда Расулуллоҳни излаб, Маккага, Мадинага келган, аммо кўра олмай, қайтиб кетганлар, шу боис саҳоба эмас, тобеъинлардан ҳисобланадилар. Нима учун келиб, Набий соллаллоҳу алайҳи васалламни кўра олмай қайтиб кетган? Чунки онасининг топшириғи бор, «Боргин, лекин у ерларда кўп юрмасдан, тезроқ қайтиб келгин», деган топшириқ бор. Бу топшириқ – онага хизмат қилишдир. Расулуллоҳ соллаллоҳу алайҳи васаллам билан бир даврда яшаса-да, у зотни кўриш бахтига муяссар бўлмади, лекин онага қилган хизмати, садоқати туфайли Расулуллоҳ соллаллоҳу алайҳи васалламнинг муҳаббатини қозонди. Шунинг учун Увайс Қороний авлиёларнинг султони дейилади, у зот бу даражани онага қилган хизмати юзасидан топган.

Устоз Саййид Раҳматуллоҳ Термизий ҳафизаҳуллоҳ

@TariqatUz – илмий-маърифий канал