السلام عليكم ورحمه الله وبركاته

قررت بعد الإستخارة أن أوقف نشر فى هذه القناة وإنشاء قناه أخرى غير مختلطه للنساء فقط ابتغاء مرضاة الله ﷻ

نسأل الله أن يكون هذا العمل خالصا لوجهه الكريم

السلام عليكم ورحمه الله وبركاته

‏بدأ التكبير المُطلق من مغرب اليوم
حتى غروب شمس يوم ١٣ ذو الحجة

أحيوا سُنّة التكبير في هذه الأيام المُباركة
الله أكبر، الله أكبر، الله أكبر، لا إله إلا الله
الله أكبر، الله أكبر، ولله الحمد.

#هلال_ذو_الحجة
#عشر_ذو_الحجة‎
#التكبير_المطلق‏

**كُل عام وأنتم بخير،

من مغرب اليوم إن شاء الله تبدأ أول ليلة في خير أيام الدنيا.. التي قال عنها العلماء أنّها أفضل من رمضان!

• سنة التكبير المُطلق تبدأ من مغرب اليوم إن شاء الله.. وخير ما يُستقبَل به مواسم الطاعات [ كثرة الاستغفار ].

• الناس اللي هتضحي تاخد بالها :

قال رسول الله صلى الله عليه وسلم :

إذا رأيتم هلال ذي الحجة وأراد أحدكم أن يضحي فليمسك عن شعره وأظافره..**

قال أبو عثمان النهدي:

كانوا يُعظّمون ثلاث عشرات:

العشر الأخير من رمضان

والعشر الأول من ذي الحجة

والعشر الأول من محرم .

[لطائف المعارف (ص/35) لابن رجب]

السلام عليكم ورحمة الله وبركاته ..

من مغرب الليلة تبدأ أول ليلة من ليالي العشر

وصراحةً بعيد عن اللي هتكلم فيه فغالبًا شفتم كلام كتير عن العبادة الله يجازي أصحابهم ويرضى عنهم ويجازيهم الجنة كفوا ووفوا بفضل الله

لكن مشكلتي الشخصية إني مبحبش الأشياء العامة يعني صلي واذكر الله وتصدق وصوم

كله تمام بس أنا كإنسان واقع من بعد رمضان مثلًا أنا بجاهد أعمل كل دا من بعد رمضان والأمر بالنسبالي صعب جدًا بل أكاد أظن إنه بقينا نظن إنه خلاص كدا

والحل؟

ببساطة ورقة وقلم في الأول خالص أنا بحب أدون كل شيء عشان أصل لنقطة
كل ما الأفكار في عقلي بدون ورق بتكون مشتتة

بكتب الحاجات اللي الحمد لله مازلت مستمرة عليها..
الحاجات اللي للأسف قصرت فيها من بعد رمضان..

وخليني أوضح نقطة وهي إن التقصير أصلًا كان بسبب الذنوب هو في أسباب تانية كتير
بس دا السبب الأساسي.

فأول حاجة؟
هنغتسل معلش الأمر مهم يعني ونتوب لله ونعزم على عدم العودة للذنوب مرة تانية

شروط التوبة؟
الندم الإقلام عن الذنب أتبع السيئة الحسنة عدم العودة للذنب
ولو رحعنا؟
هنعيد من الأول.

وبعدها؟
نبدأ بقلب جديد
٩ أيام بلياليهم هنشتغل على القلب
لازم قطعة الحجر دي تلين وتذوب وتخشى الله مرة تانية
لازم نغيرها لازم.

ودا يخلينا نروح لأول حاجة نلتزم بيها في العشر
القرءان
على الأقل ختمة فيهم
ختمة واحدة شوفوا ملايين الحسنات والأجور مضاعفة
وبنقرأ عشان نلين قلوبنا ونتذلل مرة تانية
وتدبروا أي سورة من ١٠ حلقات
شوفوا أي سورة بتحبوها
وابدأوا فيها مش شرط تخلص في العشر
بس شرط نبدأ في العشر

ونطبق واللي مش نفهمه نشوف تفسيره
ونحاول نطبق اللي نفهمه دا هيسهل كتير جدًا بفضل الله

أي تلامس بينك وبين القرءان يغيرك.

وحاجة كمان بقا
السماع
في حاجاتين ممكن تعملوها

الأولى شوفوا ختمة حدر وشغلوها كل يوم يعني هتمروا على القرءان كله يوميًا
هيغسل قلوبكم
طب لو دا صعب؟
ممكن نعمله مرتين في العشر

أو بقا..
قناة المجد طبعًا بتعمل ختمة بأصوات مشايخ كل شهر
فشوفوا أي ختمة بالصوت اللي تحبوه واقعدوا قدام التليفزيون
واسمعوا وأنتم شايفين الآيات قدام عينكم واسمعوا وركزوا بصوا دا مفعوله زي السحر على القلب!

أقسم بالله ودا شيء أقابل بيه ربنا
وقبل ما أكمل كلامي
إنه لو حد التزم بدول بس بس لحد نهاية العشر مع الفرائض
هيخرج بقلب مختلف تمامًا شرط صدق النية وصدق مع الله في المحاولة

وبعدين؟

هل يستقيم العبد بغير الصلاة؟

لا طبعًا
أيوة محدش يقنعني إنه هيتغير بالصلاة اللي بنكروتها دي :))

لا طبعًا اسمعوا سلسلة رعاية الصلاة للشيخ سمير مصطفى فرج الله عنه
درسين هيغيروا عقلكم تمامًا

والصلاة مش هعرف أستفيض حاليًا في الأمر لكن يعني
أنا أقف الآن بين يدي الله سبحانه
هفكر في الدنيا ليه!
حاجاتي كلها بين يدي الله بفكر فيها والله سبحانه هيعطيها لي!

اسمعوا عن الخشوع وهحاول أكتب عنه مصادر وهكذا في وقت جاي بأمر الله..

وبعدها؟

عندنا الأذكار
صباحًا ومساءً
كدا كدا الخمول متمكن مننا والناس عيونها يتحرقنا حرقًا حسبي الله
فلازم تحصن نفسك وأجور بقا أجور

والذكر كذلك سبحان الله همتك ترتفع بالذكر بالله سبحان الله العظيم
ومعرفة معنى الذكر بيزيد في قلبك الخشوع ويغيره فعلًا
كبروا بقا وهللوا وكل ما في قلوبكم.

القيام والضحى

الضحى الأول ١٠ دقايق كل يوم صدقة عن جسمك
وكمان عن النبي ﷺ «عبادة في الهرج كهجرة إليّ»
يعني في حين الناس كلها مشغولة تصلي ركعتين!

متخيلين الأجر؟

القيام
تخيل كدا
الناس نيام
وأنت تترك فراشك وتتوضأ وتقف بين يدي الله تسأله حاجتك أو تسأله المغفرة
وحدك ولا أحد يسمعك غير الله
اختصك وحدك بهذه العبادة
تضع كل شكواك وكل آلامك هناك

بالله بعد شهر هل قلبك هيكون نفسك القلب؟
والله أبدًا

الصدقة
خرجوا اللي تقدروه ولو مش قادرين
أشكال الصدقة كثيرة اعملوا اللي تقدروه

تشبثوا بأي حاجة تعطيكم حسنة واحدة!
حسنة واحدة بس!

هوصيكم نفسي شيء صغير
الدنيا هتخلص صح؟
وهنموت الحمد لله.

فاعملوا أي عبادة كأنكم هتخلصوا وتموتوا
كأنك تلقى الله بعدها تُحاسب
والله تُتقنها وتحسنها
لا أظن شيء يساعدك أكثر من هذا.

وادعوا بقا الله يصلحكم
وادعولي
يارب ندخل الجنة:))

مَن صَدَقَ تَوكُّلهُ عَلى اللهِ فِي حُصولِ شَيءٍ نَالَهُ.

- ابن القيّم.