Əfqanə döndü
🎙️Mirələm mirələmov

@Turkce_sheir

یولونا گؤی سره‌جم، یئر ساوالانلانسا دا گَل!
یورو صوبحون باجیسی! دان یولو قانلانسا دا گَل!

دیل چیخارمیش گئجه، یاندیق، گؤزو ائیدیرمه‌لی قیز!
ساغ آیین امجه‌یینی! بایدا دومانلانسا دا گل!

گل! علسگر بابامین یازمادیغی قوشماسی اول!
ایچَریندن بیر ایتیک قیز قووالانلانـسا دا گل!

باخیشیندان امه‌جم بلکه خوروزلار بانینی،
گؤزونه یارپیزی سیخ! ایت سسی بانلانسا دا گل!

ائن منه! داغ دؤشویم، گیزلیجه‌دیر چئشمه‌لیییم،
قورخما چرشنبه‌لی قیز! داغ دولو قافلانسادا گل!...

#آتیلا_کیشی‌زاده

@turkce_sheir

#حیکایه

🔹 بولاماج، هؤره، خشیل

🔻ملّا نصر‌الدین بیر گون بیر کندده قوناق اولدو. ائو صاحابی‌نین خانیمی ناهارا بیر ساده غذا بیشیریب، سوفرایا قویدو.
ملّا غذادان یئییب گؤردو چوخ دادلی‌دیر. اونا گؤره بیر یول دا ایسته‌دی و دادلی دادلی یئدی.
ملا او ائوی ترک ائدنده، چوخ تشکر ائدیب، او غذانین آدینی سوروشدو و دئدی ایستیرم منیم ده خانیمیم بو غذادان هر گون منه بیشیرسین. ائو صاحبی دئدی بو غذانین آدی «خشیل» دی.
ملّا نصر‌الدین او آدی یاددان چیخارتماسین دئیه، تکرار ائده ائده یولا دوشدو. خشیل، خشیل، خشیل، و...
یول‌دا بیر بالاجا آرخ‌دان کئچمه‌یه مجبور اولدو. آرخ‌دان آتیلاندا خشیل کلمه‌سی آغیزیندان سووا دوشدو. اونا گؤره سویا گیریب، او کلمه‌نی آختارماغا باشلادی. بو زامان‌دا بیر کیشی اونو گؤروب سوروشدو:
قارداش، نه آختاریرسان؟
ملّا دئدی: بیر دنه دادلی بیر شئی!
کیشی ده ملّا ایله برابر سووا گیریب، آختارماغا باشلادی. بیر آزدان سونرا سو بولاندی. کیشی دئدی: ملا قارداش سو لاپ بولاماج اولدو.
ملّا دئدی: آی قارداش ائله بیر زاد ایدی. آختارساق تاپاریق.
یئنه سویو آختارماغا باشلادیلار. بیر آزدان سونرا کیشی دئدی:
قارداش سو هؤرره اولدو.
ملّا دئدی: جانیم سنه قربان. یاخینلاشدیق. بیر زاد قالمییب.
یئنه آختاردیلار. بیر آزدان سونرا کیشی دئدی: قارداش سویو بو قدر قاریشدیردیق، لاپ خشیل اولدو!
ملّا دئدی: آی ساغ اول، یاشا، تاپدیم، خشیل، اؤزودور، خشیل. و یئنه خشیل خشیل دئیه دئیه یولا دوشدو!

@Turkce_sheir

#گینه_گلسین

یارب نظر ائت سوگیلی جانان گینه گلسین ...
جانیم ، حیاتیم ، ماه درخشان گینه گلسین ،

اوز شوقیمیله آتش هجرانینا یاندیم ...
پیس گوندییم او شمع شبستان  گینه گلسین ،

اوز عاشیقینی خار اله مز گولده ، چمنده ،
رفتارینا ، کردارینا قوربان گینه گلسین ،

ای باد صبا دردیمی سویله او نگاره ....
کونلوم کیمی او زولف پریشان گینه گلسین ،

بیر گون واریدی جان دیررک  جان اشدردیک ...
لیلای زمان حسننونه قوربان گینه گلسین ،

مه پاره لر ایچره او گوزل دیلبری گوردوم ،
شعر اهلی اولان مرغ خوش الحان گینه گلسین ،

صبر اتمک اوچون یوخدی داها تاب و قراریم ...
الله دان اوتور سینه اولوب قان گینه گلسین ،

کیمدور منه تای عشقیده زنجیرینه دوشسون ،
اولدوردو منی  بسدی بو هجران گینه گلسین ،

ایللر بویودو یالوایرام یوخدو زامانیم ...
اولموش بو جانیم نازینا حیران گینه گلسین ،

هجران آجی سین من چکنی چکمسین اغیار ...
#راحم او گوزل حسنونه قوربان گینه گلسین

#راحم_تبریزی

@Turkce_sheir

تانکلارین بوروسون‌دان
هم جنّته یول وار
هم ده جهنمه.
شۆبهه‌سیز
عسگرلر جنّته گئده‌جکلر
دیکتاتورلار، جهنمه.

#رسول_یونان

@turkce_sheir

یارب، نولا گر دردیمی جانانه دئسینلر،
احوالیمی اول زولف پریشانه دئسینلر.
سرگشتلیگین وصفینی بو مور ضعیفین،
ارباب کرم نولا «سلیمان»-ه دئسینلر.
او لیلی یه قوربان اولورام من ته دیلدن،
قوی بیر نئچه بی ته منه دیوانه دئسینلر،
پروانه‌لر اؤیرندی دؤنوب یانماغی مندن،
راضی دئییلم کیم، منه پروانه دئسینلر.
اونلار کی، دئییرلر بو نه فریاد و فغان دیر،
باری بو سؤزو اول گول خندانه دئسینلر.
ساقی، دولانیم باشینا ای حوصله دوشمن –
تا ائل سنه گنج و منه ویرانه دئسینلر.
هر یئرده اولا توت مئی و قوی زاهید و واعظ:
دئیر و حرم و مسجید و مئیخانه دئسینلر.

#قوسی_تبریزی
#شئعیردن_بیر_پارچا

@turkce_sheir

گئدنلرین بهانه سینه اینانما، گون باتار باشقا یئرده چیخماق اوچون? ?‍♀️?‍♀️? @Turkce_sheir

گئدنلرین بهانه سینه اینانما،
گون باتار باشقا یئرده چیخماق اوچون?
?‍♀️?‍♀️?
@Turkce_sheir

@Turkce_sheir

شؤیله مستم تا قیامت داخی هوشيار اولمازام
چون منی وحدت مئییندن ائله دی دلدار مست

آدم و حوا، ملایک حور و غیلمان و بشر،
کوثر طوبی و رضوان جنت و دیدار مست...

#سید_عمادالدین_نسیمی

گئجه‌نیز خئیر?
@turkce_sheir