Бир ижодкор (Комила Носирова)

22 #

1 year, 7 months ago

#машғулот

Деярли битди, озгина деталлари колди. Энди нималигини топиш жуда осон ☺️

26 #

1 year, 7 months ago

#одамлар

Одамларнинг гапига кўпам эътибор беравермаслик керак. Нималар дейишмайди... Баъзилар "Яхши" деса, бошқалари "ёмон" деб туради. Ҳаммага бирдек ёқиб бўлмайди.

15 #

1 year, 7 months ago

"Shu mushukni rasmga oling" deb talab qildi. Nimayam derdik, talab bajarildi. Lekin mushuk qarashni ham istamadi ?

21 #

1 year, 7 months ago

$[#мухим\_сана](?q=%23%D0%BC%D1%83%D1%85%D0%B8%D0%BC_%D1%81%D0%B0%D0%BD%D0%B0)$

#мухим_сана
Муаммолар боланинг кувончига соя солмасин.

12 #

1 year, 7 months ago

#китоблар

Кеча яқин ўртада бўлганим учун Чилонзор савдо марказидаги букинистга кирмоқчи бўлдим. Аммо китоб дўконига кўзим тушавермагач, бир аёлдан сўрашга мажбур бўлдим. "Ёпилиб кетди", деди у... Ана шунақа...

Китоб дўконлари ўрнига спиртли ичимликлар дўконлари ёпилса бўлмасмиди.

14 #

1 year, 7 months ago

#шунчаки

Бизда аёлнинг ўрни ошхонада деб ҳисоблайдиганлар анчагина. Аёлга энг аввало инсон деб қарашни ўргангунимизча анча вақт ўтса керак...

41 #

1 year, 7 months ago

#ҳаётбу

Янги йил оиламиз учун синов билан бошланди. Ёлғиз жигарим - акамга кутилмаганда қўйилган ташхис зудлик билан операция қилиш зарурлигини кўрсатди. Мураккаб операция.

Аллоҳга беадад шукр, яқинларимиз - қариндошларимиз шу оғир дамда ҳар томонлама қўллаб-қувватлашди. Меҳр-оқибат борлигига яна бир бор амин бўлдим.

Операция ўтди. Шифокор бу ёғига албатта тавсияларга амал қилиш зарурлигини, энг аввало кайфиятни туширмаслик кераклигини ва албатта назоратда бўлиб туриш шартлигини таъкидлади.

Кайфиятда чиндан ҳам гап кўп. Одамнинг руҳий ҳолати жисмоний ҳолатига таъсир қилмай қолмайди.

11 #

1 year, 7 months ago

#шунчаки

Кеча пул билан боғлиқ иккита воқеа юз берди.

Метрода бир йигитча туриб, бошқа жойга ўтирди. Бехосдан қарасам, у ўтирган жойда бурчакда пул ётибди. Тахминан 50 мингча бўлса керак. Уч-тўртта 20, 10 мингталик. "Укам, пулингиз тушиб қолибди", дедим. Қулоғида қулоқчин бор эди, аммо гапимни эшитди. Раҳмат айтди.

Иккинчи ҳолат фаст-фудхонада рўй берди. Жиянларимга бир нима олдим. "68 минг", - деди хизмат кўрсатувчи қиз. Битта 50, битта 20 мингталик узатдим. У менга 12 минг қайтарди. "Мен адашяпманми, уми?" деб иккиландим аввал. Кейин тўлов қоғозига қарадим: 68 минг сўм. Қизни чақириб, 10 мингни қайтардим...

Бировнинг ҳақи бировга буюрмайди. Ҳар доим шундай деб ҳисоблаганман. Бундан кейин ҳам шундай бўлади. У 10 минг сўм бўладими, 10 минг долларми, фарқи йўқ.