حياتي. فاطمه
نجاتي. فاطمه
ملاذي. فاطمه
يشهد الهي. الها اتجاهي
الى الابد

مو قصيده لا ولا ابيات شاعر
فاطمه حبها سكن وسط الضماير
امر من سابع سمه للناس صادر
الما يحب ام الحسن محسوب كافر

الله يشهد. وي محمد. والصميده
المايريدج. . يالزجيه. ما اريده

زماني. فاطمه
اماني. فاطمه
كياني. فاطمه
وبحبها زاهي. الها اتجاهي
الى الابد

ماكو بالدنيا مثل طيبة كلبها
تترس ايده وعينه كل واحد طلبها
هيج من الله وعله الفطرة احبها
جربو شدو عيوني هم اندل دربها

ما عفتها. متركتها. حته لحظه
لو عفتها. يعني كلبي. عاف نبضه

دعائي. فاطمه
رجائي. فاطمه
ندائي. فاطمه
يم الله جاهي. الها اتجاهي

لو صحت يافاطمه وانه برزيه
قبل ميرد الصده تفزع اليه
بنظره منها والوجع مايبقه بيه
ربي شكرا جيي خلقتنه الزجيه

رحمة الله. نعمة الله. هالحنينه
الماخدمها. طول عمره. عمت عينه

انادي. فاطمه
بفؤادي. فاطمة
اليعادي. فاطمة
كل عمره فاهي. الها اتجاهي
الى الابد

فاطمة جان النبي يسميها مهجه
اكبال الاول حتى ما تبقاله حجه
رغم كل هذا واجاها بزيف نهجه
كسر ضلع ام الحسن والباب وجه

كالت انه. ام ابويه. ام محمد
عاندوها. وقتلوها. عبرو الحد

السفينه. فاطمة
الامينه. فاطمة
حزينه. فاطمة
ماتت تراهي. الها اتجاهي
الى الابد

حته منعوها البجي الطه ومصابه
نسو رب العزة مادحها بكتابه
حجي باسم كالها وثابت خطابه
مو صحابه ذوله لا ذوله عصابه

من جريمة. قتل عدنه. والبقيه
ماتركهم. بل فضحهم. للبريه

كلامه. فاطمة
مقامه. فاطمة
منامه. فاطمة
ما عنها لاهي. الها اتجاهي
الى الابد

هذا اخر بيت واختمها القصيدة
بيت شعري لكن ايمثل عقيده
لو تريد الزهره وتوالي الصميده
لو تصير اوي الخصم وتصافح ايده

لو توالي. ام ابيها. لو خصمها
لو عفتها. جنة الله. ما تشمها

هوية. فاطمة
قضية. فاطمة
زكية. فاطمة
وبحبها اباهي. الها اتجاهي
الى الابد

خادم الزهراء ع
الشاعر: علي الاصبحي

منك فاطمة تريد. مو بس دمعة العين
تريدك فاطمة تصير. واعي وفاهم الدين

لو رايد اتوافي صدك.
ويه الزجية دينك
مثل اللي قابض عالجمر
هيج اقبض اعله دينك
كدامك امن اتمر مره
اخجل او دنك عينك
لمن تصد الها تره
يزعل عليك احسينك 💔

اهجر كل الاشياء. وبالك تهجر احسين
تريدك فاطمة تصير. واعي وفاهم الدين

لا تلطم وتبجي فقط
وتسمي روحك خادم
الخادم الصدكي تره
واللي تريده فاطم
اليمشي بالوادم عشك
لا مو يسقط الوادم
مو كاعد ابكل مثلبه
او لمن يأذن نايم

اصحه وكافي هالنوم. رايح كلي لا وين
تريدك فاطمة تصير. واعي وفاهم الدين

لو رايد الله ايوفقك
وام الحسن ترضيها
ياصاحب دروب الذنب
اهجرها لا تمشيها
اولا تامن الدنيا ابد
واحذر تجلب بيها
ما ترحم الدنيه وعلي
متوافي اللي ايوافيها

عيش الفاطمة دموع. وانذر ليها السنين
تريدك فاطمة تصير. واعي وفاهم الدين

مو بس موالي بالاسم
زين انتبه لفعالك
واعله الزجيه فاطمه
ابنيها كل امالك
لا تركض وتتبع شخص
للزهره خل ترحالك
قصة كسر ضلع الشرف
خليها دوم ابالك

دوم اتذكر الباب. وانعه بحركه وونين
تريدك فاطمة تصير. واعي وفاهم الدين

كلهم يعوفونك تره
امك وابوك وخوتك
بس ما تعوفك فاطمه
لمن يجيلك موتك
من انت تصرخ ياهلي
تحضر تلبي صوتك
وتمدلك ايديها وعلي
وتخلصك من حوتك

باجر يوم الحساب. تحضرك ام الحسين
تريدك فاطمة تصير. واعي وفاهم الدين

خادم الزهراء ع
الشاعر /علي الاصبحي

إستشهاد الزهراء ع. 💔

المايجرحه الزمن. منكسر خاطره
راحت ام الحسن. كلبه شيصبره

جبل قاف ابهيبته والكل شهدله
كلها ترجف من يمر وتشوف ضله
هسه يتعجب يضل كلمن يصدله
صار نعش الطاهره عاجز يحمله

واليشوفه يضن. لا فلا حيدره
راحت ام الحسن. كلبه شيصبره

مخلي راسه بركبته وبعينه دمعه
شافته فضه واجت حيرها وضعه
لو ما انت خيبره منهو اليقلعه
كوم حيدر والنعش بيدك ارفعه

گلها وهوه يون. روحي مو كادره
راحت ام الحسن. كلبه شيصبره

كال ياربي الصبر منك اريده
وره الزهره روحي تطلع مو بعيده
غسل ام بيته ابكلب ونته شديده
جان كل همه الضلع ميلجمه بيده

ونه لا ما سكن. ودمعته غايره
راحت ام الحسن. كلبه شيصبره

صاح ياولدي بعجل ودعوها امكم
شاءت الاقدار ان ما تبقه يمكم
الجانت بضحكتها تشفي كل المكم
راح تمشي وللأبد ما ترجع الكم

ما ترد ايي لأن. الفركه متقدره
راحت ام الحسن. كلبه شيصبره

توكل وشال النعش وعيونه تهمي
صوت من زينب وراه لا تاخذ امي
معنه موت امي يبويه موت حلمي
ازغيره مو مالت يتيمه ايصير اسمي

رد عليها ابحزن. زينب المعذره
راحت ام الحسن. كلبه شيصبره

حفر بجفوفه القبر الله اليعينه
اول ابنادم علي يدفن سنينه
رجع يتوجه علي روحه حزينه
امفرع اوحاله يسر اهل الضغينه

رد غريب الوطن. روحه بالمقبره
راحت ام الحسن. گلبه شيصبره

دخل بيته اوباوع الباب المنيه
گله طحت انت لأن عندي وصيه
بس يباب اشهد عله الآذه الزجيه
احجي للمهدي غدا كل القضيه

ابني ابن الحسن. گله باللي جره
راحت ام الحسن. گلبه شيصبره

خادم علي ع
خادم الزهراء ع
الشاعر الحسيني / علي الاصبحي

زينب العظيمه ?

غصبا على الدهر
اخت الوفي الكمر. اميره اميره

خلي انه اوياكم نسولف بالاحساس
وخلي نترك كل كلام الكالته الناس
زينب وعباس واحد هذا مقياس
ياشمر يكدر يوادم يسبي عباس

يمها انحنه الوصف
تعدل تره الف. عشيره. عشيره

واهم الكال ابأيديها شدو احبال
وارد اوجه هالرساله للذي كال.
خلي فكرك يمي واسمع ها يمحتال
من حبال اخيامها. جتفتها الرجال

صح ركبت الهزل
بس قائده تظل. جبيره. جبيره

مثل ما عباس اخوها ذل السيوف
خلت اكلوب العساكر تدك بالخوف
طاحن جفوفه وخذتهن هي الجفوف
صارت بجف الكفلها اطشر الصفوف

من علنت الحرب
بيهم بده الرعب. مسيره. مسيره

دخلت الكوفه وحجت بالعز والايمان
والعليها ايرد وحق حسين ينهان
اني بنت المرتضى المعروف بالشان
الجان صاكر كل اهلكم ذيج الازمان

حيدر يظل ولي
ماكو مثل علي. نضيره. نضيره

رادو بكل الطرق ما ترفع الهام
شالت الراس ولكتهم وادم اقزام
رادو بقتل الحسين يموت الاسلام
دكت بجفها صدرها اوذلت الشام

ابنادم بلا ادب
عنها الذي كتب. اسيره. اسيره

خادم زينب ع
الشاعر /علي الاصبحي

ليلة الدفنه ??

جيتك بونيني
دمعاتي بعيني
عمتي اتانيني
يابويه.

جيتك بروحي وألمها
وتركت عمتي بهظمها
وي باقي النسوه يتباجن عليك
وانه هذا الغالي ابنك
جيت هاي الليله ادفنك
صعبه اعوفك عالثره وامسلبيك

يابويه من حر الشمس متغير هواي
يابويه وشفافك حجر ماضاكن الماي

متغير لونك
مشكوكه عيونك
ذبلانه اجفونك
يابويه

حيرتي يمك جبيره
بويه واحتاج الحصيره
حته المك ودفنك ورجع اروح
كل بشر لمن نوسده
عله القبله نخلي خده
شلون وانت بخدك هواي الجروح

وشلون اشيلك للدفن يابويه محتار
متحير اكبالك صرت واصرخ يكرار

راسك متهشم
صدرك متخذم
گلبك متألم
يابويه

جرحك بطول الاراضي
بيك شمسويه المواضي
لحم جسمك ضايع ابين التراب
تحيرت ياجرح اروفه
وياجرح منك اعوفه
يابشر قبلك حمل هذا العذاب

وين اليعاوني عله تجميع العظام
ونشيلك ونبجي سوه وندك عله الهام

تعبان وناحل
يابويه وذابل
شيكعد الكافل
يابويه

لاتكلي شلون اختي
لاتكول شلون بنتي
اختك وبنتك تره بجفهن حبال
اختك التعرفها هيبه
صارت خلافك غريبه
عالرمح راسك صفه ويمها الرجال

اتشامر الوادم عليها تراب وحجار
يضربها بالسوط الشمر واعليك تندار

اختك ياخوها
مسبيه اخذوها
وشكد ضربوها
يابويه

راح ادفنك ياحياتي
وارجع بسرعه الخواتي
حته اصبرهن عله البلوه يبوي
وانه خايف من قضيه
لو اجت زينب اليه
تكعد اكبالي وتكلي شلونه اخوي

شلونه وشلونه يعمه حسين الجبير
ياعمه من دوس الحوافر صاير اصغير

زينب عوفيني
عالهم واسيني
حسين امأذيني
يابويه

خادم الحسين ع
الشاعر /علي الاصبحي

مثلك كون اموتن وانه عطشان
ومثلك بالحوافر صدري ينرض
هاي امنيتي هاي وادري متصير
حظ يحتاج وانه امنيلي الحظ ?

ياحسين ??????

وداع الحسين ع
مع السيده زينب ع
ما اصعب الوداع ?

كعد وي زينب ودمعاته تجري
يزينب شرد اكلج والله مدري
هاي الليله اخر ليله وياج
اشبعي شوف مني وشمي عطري
يزينب من اضل الوحدي محتار
تعاي انتي اليه وقدمي مهري
واذا رد المهر فارغ للخيام
معناها الشمر كاطعلي نحري
واذا صاح الشمر طيحوها الخيام
معناها انشلع بالخيل صدري
يزينب من كثر ما ترفس الخيل
باجر ينطبك صدري اوي ظهري
واكو واحد يجيني يسلب ايريد
يكطع خنصري ويسلبلي ستري
راسي يصير لعبه ابين الرجال
يشمرونه اويصيحولج انظري

بالحوافر. خنصري باجر يضيع
والعساكر. تلعب براسي الكطيع

عالوطيه. اني اضل ابلا فياي
والسبيه. ينكلب اسمج وراي

???

علي علي يمهيوب
علي علي يمحبوب
علي علي بالحروب
تموت الزلم من طيفه

انت الما اكو مثلك
غيره ومرجله كلك
كلمن واجهك يهلك. واضح ياعليا
ماخذ من علي عزمه
اومن الكافل الهمه
اليوصلك تكص جدمه. واضح ياعليا

عنك شنهو اكوله علي
ميزان الرجوله علي
اسمك منكتب وسط الكتب سيد البطوله
رحت بكل براعه علي
يارب الشجاعه علي
والجيش انحنه وگلك انه سمعا وطاعه

علي علي اذا صال
علي علي كزلزال
علي علي. والانذال
سجدت رعب يم سيفه

سيفك لمن اتسله
اتبين بيهم الخله
تحله وكفتك تحله. ازأر يا عليا
انت الميله تعدلها
طشرها الركب كلها
موته اعله الارض خلها. ازأر ياعليا

بالبر والبوادي. علي
طشرها الاعادي. علي
يافارس شهم خلها الزلم عفوا تنادي
تكدر بقتدارك. علي
يمحيهم فقارك. علي
وادم مو عرب سوهم حطب وشعلها نارك

علي علي علي وياك
علي علي والاملاك
علي علي يحياك
تحت امره كلها ابكيفه

امك بالخيم تنعه
يارب الولد رجعه
كلبي بموته لتفجعه. ارجع ياعليا
امك باقيه بحسره
ارجع لمك ابشره
راس الغانم تشطره. ارجع ياعليا

ردلها ابهديه. علي
وتهون الاذيه. علي
راسه اتقدمه اتكلها انه اذبحته ابأديه
سطرت الملاحم. علي
هوسي بالفواطم. علي
بالكاع اتركت وتتبعثرت روس وجماجم

علي علي كلف حار
علي علي اخذ ثار
علي علي امنهد صار
قطع الركب تكليفه

همه هوايه وهوايه
لكن يم علي انثايه
محد يحجي الحجايه. خوفا ياعليا
لمن باوع اعليهم
طاحو وانغمه اعليهم
ماتو جم الف بيهم. خوفا ياعليا

ما واحد يعبره. علي
ماواحد يكدره. علي
من فارس مضر من الكمر ماخذله شمره
واليشرد يصيده. علي
صياد البعيده. علي
واليكرب اله يعني ابتله ويكطع وريده

علي علي يقرأن
علي علي يبرهان
علي علي يبركان
سر او صعب توصيفه

كعدو قادة العسكر
كالو صعبه ما نكدر
شلون نطيح الاكبر. حارو ياعليا
واحد اطرق الفكره
كلهم لازم انغدره
ثاني مشتت ابأمره. حارو ياعليا

حيرت الكتايب. علي
سويت العجايب. علي
غيرك لا فته لا ما اته مثلك محارب
واكف ما يهمك. علي
نار وغيره دمك. علي
غير انت علي وجدك علي شنوصفه عزمك

علي علي ضوه العين
علي علي ابو حسين
علي علي شنو اووين
والله وصعب تعريفه.

خادم الاكبر ع
علي الاصبحي

ليلة الوحشه ??

واسو زينب واسو زينب بالدموع
هونو الوحشه واشعلوها الشموع

زينب الليله بلا ماي وهوه
حرمه وجبيره وغريبه بنينوه
يلا شعلو شموعكم كلكم سوه
زينب الليله تره ابعازة ضوه

ابجو ابجو لطمو لطمو عالضلوع

الليله زينب ياخدم همها جبل
لا حسين اليمها لا يمها الكفل
لا خيم عدها ولا عدها اهل
تموت هاي الليله زينب محتمل

بلايه خيمه بلايه اخوه بس تلوع

الليله هاي شكد يريدلها صبر
حته نتحمل وضع ام الخدر
يلا بس اتخيل اوياي الامر
اخت ابو فاضل صفت بيد الشمر

اعله زينب كلها دارت هالجموع

المن تروح ومنو التمشي اله
وين ما تمشي تلاكي حرمله
ايأشر اعليها ويجهز السلسله
وراس الحسين بجفوفه شايله

اعليها ذبه اعليها ذبه ابلا خشوع

راح اكولن بيت بيه طكو الوجوه
بالحبل جف زينب الناس اربطوه
ويوم وصلو للقصر من افتحوه
بس جلدها اعله العظم باقي لكوه

شنبجي الها والله مدري دم. دموع

خادم زينب ع
علي الاصبحي

انه الكافل. قادم
كلمن جاني. نادم
خزرة عيني مثل الموت

خذت اذن. امن ابو علي. قبلته انه وكتله ماشي
قضه الامر. الوعد بده. راح ابدي ذبح المواشي

سيفي تركته ورايه
جيت بخزرتي انه هايه
محد كدر ينطي رايه
اعكد واشد بيدي رايه

مامش عطوه. رافض
القصة حربي. حافظ
سكتت كلها. مامش صوت

صفه النهر. الي فقط. ماضل بعد كل مقاتل
صاح الشمر. لحد يجي. يمكن علي رد يقاتل

بيهم صحت وانه ازئر
غير ابنه انه الغضنفر
ايلقبوني كرار الاصغر
حيدر رحل وانه حيدر

حيدر صاكر. اهلك
وسيفي الليله. ايذلك
اليكدر يشرد. ايي مبخوت

مثل علم. انه اوكفت. وكفة علي من يبارز
انه افعلت. فعل كلف. جيش العدو باقي عاجز

مربع خذت حيفي منهم
بيهم نسوو حته اسمهم
طش النجم صرت اطشهم
اترست الارض من جثثهم

وحده اليحكم. سيفي
اوكل الدنيا. بكيفي
سيفي بحربه شكد منعوت

عله الجرف. انه صرت. بس ماشربت انه كطره
اذكرت اخي. مع الحرم. من ايدي صرت انه اشمره

رغم العطش بيه يلهب
ضامي واحس كلبي شيب
عفته وصحت حاشه اشرب
قبل الولي اواختي زينب

واسمع امي. تندب
بالك تنسه. زينب
الكلبك اختك هيه ابتوت

خلف نخل. كمن نذل. كل همه يكطع اديه
صدك كطع. لجن بقه. خايف ولا يدنه ليه

ابلا يمنتي اولا شمالي
طايح صرت عالعوالي
يباوعلي ضل ما اجالي
بكلبه الرعب من خيالي

والله وكونه. جالي
جان يذبحه. اخيالي
ايخاف يطلع يمي الصوت

خادم العباس ع
الخادم : علي الاصبحي