*⚡️TOSHPTIDA MILLIY QADRIYATLAR VA MILLIY LIBOSLAR KUNI O'TKAZILDI*

Toshkent pediatriya tibbiyot institutida “Milliy qadriyatlar va ularning millat ma’naviyatidagi o‘rni” mavzusida ma’naviy-ma’rifiy tadbir tashkil etildi.

2025 yil 21-fevral kuni Toshkent pediatriya tibbiyot institutida O‘zbekiston Respublikasi Madaniyat vazirligi, P.Benkov nomidagi Ixtisoslashtirilgan Rassomlik maktabi, O‘zbekiston Badiiy akademiyasi tasarrufidagi Respublika Ixtisoslashtirilgan Dizayn maktabi hamkorligida “Milliy qadriyatlar va ularning millat ma’naviyatidagi o‘rni” shiori ostida “Milliy liboslar” ko‘rgazmasi hamda adabiiy-badiiy tadbir tashkil etildi.
Tadbirda O‘zbekiston davlat San’at va madaniyat instituti o‘qituvchilari va "Xalq ijodiyoti" fakulteti talabalari o‘zlarining milliy kuy-qo‘shiqlari bilan faol ishtirok etdilar.

Tadbir davomida O‘zbekiston Respublikasi Madaniyat vazirligi, P.Benkov nomidagi Ixtisoslashtirilgan Rassomlik maktabi hamda Respublika Ixtisoslashtirilgan Dizayn maktabi o‘quvchilari tomonidan yaratilgan milliy liboslarni ko‘rgazma namoyishlari o‘tkazildi. Bu kabi tadbirlar talaba-yoshlarni har tomonlama yetuk, barkamol va vatanparvar etib tarbiyalashda asrlar osha yashab kelayotgan xalqimizning ma’naviy boyligi - milliy qadriyatlarni kundalik hayotiga kiritish, madaniyati va ma’naviyatida, ongu shuuriga singdirishdan iborat.

Milliy ko‘rgazmadi ishtirok etgan ta’lim muassasalariga institut tomonidan tashakkurnoma bildirildi.

@daminovbotirturgunpulatovich
@tashpmi_press