Ё РАСУЛУЛЛОҲ

Оят-ҳадис – нурли ҳаёт низоми,
Муборак ахлоқи – Аллоҳ каломи,
Сизга муносибдир Маҳмуд мақоми,
Тоабад ёр бўлсин Тангрим саломи,
Муҳаммад, ё Аҳмад, ё Расулуллоҳ.

Оламлар соҳибин Ҳабиби Сиздур,
Жами пайғамбарлар хатиби Сиздур,
Одамлар афзали – маҳбуби, Сиздур,
Беморман, жонимнинг табиби Сиздур,
Муҳаммад, ё Аҳмад, ё Расулуллоҳ.

Биламан, Ҳақдандир ёғду – ҳидоят,
Қақраган лабга сув – неъмат-иноят,
Мендандир хатолар – исён-жиноят,
Ошиқман, кўзёшим кўп бениҳоят,
Муҳаммад, ё Аҳмад, ё Расулуллоҳ.

Гул-гиёҳ эгилиб саловат айтмиш,
Ой, қуёш тикилиб саловат айтмиш,
Юлдузлар йиғилиб саловат айтмиш,
Ошиқ дил тўкилиб саловат айтмиш,
Муҳаммад, ё Аҳмад, ё Расулуллоҳ.

Хайрга муҳтожмиз ё Хайрул башар,
Қай дилда Сиз борсиз нур ичра яшар,
Сизсиз йўқ жонларда жондан бир асар,
Сизсиз ўтар эдик бенишон, бесар,
Муҳаммад, ё Аҳмад, ё Расулуллоҳ.

Нени ҳам билардинг, эй курраи арз,
Умр деганлари Яратгандан қарз,
Ҳақ йўли машаққат, аммо юрмоқ фарз,
Ҳар кўнгил бут бўлсин, ҳеч кетмасин дарз,
Муҳаммад, ё Аҳмад, ё Расулуллоҳ.

Танга қувват инар нон ва туз билан,
Руҳга эса оят, ҳадис-сўз билан,
Оламлар раҳмати – бахтлар сиз билан,
Борсак қошингизга ёруғ юз билан,
Муҳаммад, ё Аҳмад, ё Расулуллоҳ.

Гул сўлмас, сув бориб етса илдизга,
Йўлчи йўл топади боқиб юлдузга,
Сиз боис дунёлар кўринмас кўзга,
Сизга ота-онам, жон, фидо сизга,
Муҳаммад, ё Аҳмад, ё Расулуллоҳ.

Истагим, ҳар кимга Аллоҳ ёр бўлсин,
Қалбга нур бағишлаб меҳр бор бўлсин,
Иймон кўнгилларда барқарор бўлсин,
Саломлар минг бўлсин, минг такрор бўлсин,
Муҳаммад, ё Аҳмад, ё Расулуллоҳ.

Ғайрат МАЖИД
------
YO RASULULLOH

Oyat-hadis – nurli hayot nizomi,
Muborak axloqi – Alloh kalomi,
Sizga munosibdir Mahmud maqomi,
Toabad yor bo'lsin Tangrim salomi,
Muhammad, yo Ahmad, yo Rasululloh.

Olamlar sohibin Habibi Sizdur,
Jami payg'ambarlar xatibi Sizdur,
Odamlar afzali – mahbubi, Sizdur,
Bemorman, jonimning tabibi Sizdur,
Muhammad, yo Ahmad, yo Rasululloh.

Bilaman, Haqdandir yog'du – hidoyat,
Qaqragan labga suv – ne'mat-inoyat,
Mendandir xatolar – isyon-jinoyat,
Oshiqman, ko'zyoshim ko'p benihoyat,
Muhammad, yo Ahmad, yo Rasululloh.

Gul-giyoh egilib salovat aytmish,
Oy, quyosh tikilib salovat aytmish,
Yulduzlar yig'ilib salovat aytmish,
Oshiq dil to'kilib salovat aytmish,
Muhammad, yo Ahmad, yo Rasululloh.

Xayrga muhtojmiz yo Xayrul bashar,
Qay dilda Siz borsiz nur ichra yashar,
Sizsiz yo'q jonlarda jondan bir asar,
Sizsiz o'tar edik benishon, besar,
Muhammad, yo Ahmad, yo Rasululloh.

Neni ham bilarding, ey kurrai arz,
Umr deganlari Yaratgandan qarz,
Haq yo'li mashaqqat, ammo yurmoq farz,
Har ko'ngil but bo'lsin, hech ketmasin darz,
Muhammad, yo Ahmad, yo Rasululloh.

Tanga quvvat inar non va tuz bilan,
Ruhga esa oyat, hadis-so'z bilan,
Olamlar rahmati – baxtlar siz bilan,
Borsak qoshingizga yorug' yuz bilan,
Muhammad, yo Ahmad, yo Rasululloh.

Gul so'lmas, suv borib yetsa ildizga,
Yo'lchi yo'l topadi boqib yulduzga,
Siz bois dunyolar ko'rinmas ko'zga,
Sizga ota-onam, jon, fido sizga,
Muhammad, yo Ahmad, yo Rasululloh.

Istagim, har kimga Alloh yor bo'lsin,
Qalbga nur bag'ishlab mehr bor bo'lsin,
Iymon ko'ngillarda barqaror bo'lsin,
Salomlar ming bo'lsin, ming takror bo'lsin,
Muhammad, yo Ahmad, yo Rasululloh.

G'ayrat MAJID

•┈┈• ❀ ????? ❀ •┈┈•
Kanalimizga a'zo bo‘ling va do‘stlaringizga ulashing. ⬇️⬇️⬇️
t.me/gayratmajidijodiykanali
•┈┈• ❀ ????? ❀ •┈┈•

Telegram

G'AYRAT MAJID IJODIY O'ZANI

Ватан осмонлардан юксакда, билсанг, Энг тоза маслагу тилакда, билсанг. Эй одам, аввало, юракни улғайт, Ватан юракдадир, юракда, билсанг.

Паралимпия илҳомлари

**УМИД

Париж-2024 паралимпия ўйинлари брнза медали соҳиби Учқун Қурoнбоевга**

Қўли очиқ ҳаёт, ўзин тушинганга,
Яшаш керак олтин умид, илинж билан.
Худо берар ихлос билан интилганга,
Гоҳи олтин, гоҳи кумуш, биринж билан.

Ишонаман, учқун бир кун олов бўлар,
Алпомишдек таралгайдир овозаси.
Қўлларида ҳилпираган ялов бўлар,
Эртан олтин бўлар унинг бронзаси.

Ғайрат Мажид
-----
Paralimpiya ilhomlari

UMID

Parij – 2024 Paralimpiya o‘yinlari brnza medali sohibi Uchqun Quraoboyevga

Qo‘li ochiq hayot, o‘zin tushinganga,
Yashash kerak oltin umid, ilinj bilan.
Xudo berar ixlos bilan intilganga,
Gohi oltin, gohi kumush, birinj bilan.

Ishonaman, uchqun bir kun olov bo‘lar,
Alpomishdek taralgaydir ovozasi.
Qo‘llarida hilpiragan yalov bo‘lar,
Ertan oltin bo‘lar uning bronzasi.

G‘ayrat Majid

•┈┈• ❀ ????? ❀ •┈┈•
Kanalimizga a'zo bo‘ling va do‘stlaringizga ulashing. ⬇️⬇️⬇️
t.me/gayratmajidijodiykanali
•┈┈• ❀ ????? ❀ •┈┈•

"Yangi O‘zbekiston" gazetasining bugungi soni. O‘qish uchun taqdim etilmoqda.

•┈┈• ❀ ????? ❀ •┈┈•
Kanalimizga a'zo bo‘ling va do‘stlaringizga ulashing. ⬇️⬇️⬇️
t.me/gayratmajidijodiykanali
•┈┈• ❀ ????? ❀ •┈┈•

"Yangi O‘zbekiston" gazetasining ushbu sonida G‘ayrat Majidning Janubiy Koreyaga qilgan safari taasurotlari bilan tanishasiz.

Maqola nimi: Oy samoda sochaverar nur

Safarnomaning to‘liq shakli yaqin kunlarda "Jahon adabiyoti" jurnalida e'lon qilinadi.

•┈┈• ❀ ????? ❀ •┈┈•
Kanalimizga a'zo bo‘ling va do‘stlaringizga ulashing. ⬇️⬇️⬇️
t.me/gayratmajidijodiykanali
•┈┈• ❀ ????? ❀ •┈┈•

QO‘SHIQ

Dildagi ohim go‘zal,
Ko‘kdagi mohim go‘zal.
Kelmaysan kelgin desam,
Nadir gunohim, go‘zal.

Sochlari dengiz, dedim,
Olamda tengsiz, dedim.
Oh, senga eltar yo‘llar,
Bunchalar so‘ngsiz, dedim.

Kuz, sening xazoning ko‘p,
Ey shamol, to‘zoning ko‘p.
Oshufta ko‘nglim uchun
Atalgan armoning ko‘p.

Sen oyga ko‘zgu, bilsang,
Umidim ezgu, bilsang,
Dunyoda muhabbatu
Sadoqat mangu, bilsang.

G‘ayrat MAJID

•┈┈• ❀ ????? ❀ •┈┈•
Kanalimizga a'zo bo‘ling va do‘stlaringizga ulashing. ⬇️⬇️⬇️
t.me/gayratmajidijodiykanali
•┈┈• ❀ ????? ❀ •┈┈•

Булбул ноласини гулга тўккайдир,
Осмон ёшларини гилга тўккайдир.
Дунё, сен дард нима — билмай кетасан,
Чунки дил оҳларин дилга тўккайдир.

Ғайрат Мажид

•┈┈• ❀ ??*?*?? ❀ •┈┈•
Kanalimizga a'zo bo‘ling va do‘stlaringizga ulashing. ⬇️⬇️⬇️
t.me/gayratmajidijodiykanali
•┈┈• ❀ ????? ❀ •┈┈•

Tarixiy asarlar taqdimoti

Bugun Yozuvchilar uyushmasida taniqli adiba, mohir tarjimon, publitsist Shahodat Isaxonova  tavalludining 75 yilligiga bag‘ishlangan ijodiy kecha bo‘lib o‘tdi. Tadbirda ijodkorning “Sulton Jaloliddin Manguberdi”, “Bibixonim”,”Nodirai davron”, “Gavharshod begim” kitoblari taqdimoti ham o‘tkazildi.
Tadbirni Yozuvchilar uyushmasi raisi o‘rinbosari G‘ayrat Majid olib bordi. Unda O‘zbekiston Qahramoni Ibrohim G‘ofurov, uyushma raisining birinchi o‘rinbosari Minhojiddin Mirzo, “Jahon adabiyoti” jurnali bosh muharriri Ahmadjon Meliboyev, uyushma aʼzolari — Sharifa Salimova, Muxtor Xudoyqulov, Farog‘at Xudoyqulova, Hulkar Hamroyeva, Abdulla Ulug‘ov, Xosiyat Bobomurodova so‘zga chiqdi.
Yozuvchining “Bibixonim” tarixiy romani ikki qismdan iborat bo‘lib, unda Turon yurtining bosh malikasi Bibixonim va malikalar Tuman og‘o, Ruhparvar og‘o hamda kichik xonim Tukalxonim hayotining yulduzli onlari va ayanchli evrilishlari aks etgan.
— Shahodatxon ketma-ket tarixiy romanlarga qo‘l urdi, — dedi Ibrohim G‘afurov. — “Nodirai davron”ini qo‘limga olib bir necha sahifadayoq xayolim jonon tasvirlarga og‘di. Bu kitobni ayni bizning kunlarning nasr namunasi deb, poyonsiz bo‘zlagan tarix, poyonsiz ko‘zyoshlariga g‘arqi azob bo‘lgan odamzot, poyonsiz alam-qayg‘ulardan faryod solgan go‘yo dostonga kirib bordim. Adibaning o‘zini ham, yoshini ham unutib qo‘ydim: go‘yo behad navqiron va navzod bir qalam qamish nayga aylanib uzoq va yaqin tarix navolarini qudratli bir zarb bilan kuylardi.
“Sulton Jaloliddin Manguberdi” romani vatanimiz tarixining og‘ir va musibatli zamonlari – mo‘g‘ul bosqini va istibdodi davri voqealarini yoritishga bag‘ishlangan. Asarda Sulton Jaloliddin Manguberdi, Najmiddin Kubro, Temur Malik kabi xalq qahramonlari personajlari gavdalangan. Muallifning keyingi ikki romanida Gavharshod begim va Nodirai davron haqida hikoya qilinadi. Mazkur kitoblarning barchasi “Maʼrifat bitiklari” nashriyotida "Turon malikalari"  turkumida chop etilgan.
— Shahodatxonni ilk hikoyalari chiqqanidayoq muxlis sifatida maftun bo‘lganman, — dedi Sharifa Salimova. — Ayniqsa, "Kechikkan baxt" hikoyasi menda katta taassurot qoldirgan. Bugungi kunga kelib, tarixiy asarlarni tuhfa qilayotgani kitobxonlarda katta qiziqish uyg‘otishiga shubha yo‘q, deb o‘ylayman.
Tadbirda so‘zga chiqqanlar adibaning ijodiy faoliyati, izlanishlari, tarixiy romanlarining yaratilishi va uning ahamiyatiga eʼtibor qaratdi. Taqdimotda ijodkorga Yozuvchilar uyushmasining esdalik sovg‘alari topshirildi. Yig‘ilganlarga muallifdan yangi kitoblar taqdim qilindi.

Zulayho Ahmadjonova

G‘ayrat Majid,
O‘zbekiston Yozuvchilar uyushmasi raisi o‘rinbosari