من بعد العشاء مباشرة سقت علي ومشيت ليهو بيته .. وقفنا زي خمسة دقايق كده جا هو وايناس من المركز .. سلموا علينا وبعدين دخلنا البيت .. قعدنا في الحوش وهو دخل المطبخ يجيب لينا موية بعد ايناس دخلت جوة.

علي: أسمع.

_قول لي.

علي: قاعد مؤدب كده التقول حيخطبوك ما عايز تخطب.

_تصحيح أعقد.

علي: عقد لشنو كده قول بسم الله.

_إنت لسة صغير على الحاجات دي يا أبو علوة لما يجي دورك حتعرف بدون أوريك.

علي: شنو صغير ودورك وبتاع .. إتكلم عديل.

_عاين لحدي ما أخلص كلام مع عزيز قفل خشمك ده ما تجيب لينا الهوا .. لسانك سليط خلاص.

علي: سممممممحة.

_تافهه.

عزيز جا قدم لينا الموية وكلمنا إنو مرته بعافية شوية .. قبل أفتح خشمي علي شرب الموية وقال :

علي: إنت عارف نحنا جايين ليه ؟؟

=خير .. أصلا ما متفائل.

_لا ياخ والله جايين في الخير.

=حتسافروا سوا !!

علي: كيف يعني نسافر سوا .. جنيت إنت وأخوك صح؟!

_علي إنت هسي مالك مشتبك؟

علي: راعوا لالفاظكم ومصطلحاتكم دي.

=عاينوا نعسان والله واخلاقي هنا .. أنجزوا.

علي بتوتر : ياخي أخوك عايز يعرس نسيبتك.

_كيييييف يعني !؟

=لا اله الا الله علي أسكت .. يا عزيز قصدو بت نسابتك.

_سرو؟

علي: النينجا أحيييي منهم.

_علي بديك كف أقسم بالله.

_"عزيز بضحك" روق يا ولدنا .. ويا علي خفف عوارتك دي الزول عريس ما عايزين نزعلو.

علي: أبشر والله .. خشمي وعندي.

_نتكلم بجدية !!

="بثقة" ياريت.

_أنا مفروض أسافر أخر الشهر ده وعاوز أعقد بعداك.

=أديني يومين بس وبظبط ليك الموضوع مع أهلها.

_معتمد عليك.

=خلاص منتهي.

_شكرًا يا عزيز.

=بالله إتخارجوا بس عاوزين ننوم.

قدمنا لالا طردنا عديل وقفل بابو .. ونحن رجعنا .. كدي أخيرًا ممكن أقول:
‏"لم تكُن كل الطرق تؤدي إليك،
أنا من كان يعكف الطريق عنوةً ليعود إليك.))

______
"أحداث متقاطعة"

"رسالة عبر تطبيق واتساب"

_زينة البنات يا السمحة أنا جاييك عريس.

=هلا بالعريس والله.

_حمسيني كده والله أعقد.

=ما معانا.

_جاهزة !!

=متوترة شوية بس كله تمام.

_ما تخافي يا دكتورة.

=أمان يا سعادتك.

"كان وجودك سببًا كافيًا، يجعلني أعلم أن للحياة وجهٌ آخر يستحق كل هذا السعي، والحُب))

#يُتبع.

#على_الهامش:

"أحدهم يخافك حين تكسر كوب قهوةٍ غضباً ، والآخر يخاف أن تجرح يدك !
الفرقُ شاسع جداً، بين من يحب تصرفاتك ومن يحبك أنت ))

#نُودين_بِت_مِن_حُب.
#ننس_تمدين.

=حتى ولو يا كريم .. في حاجة اسمها ضبط نفس .. في مراعاة .. في مبادئ إتربينا عليها ما بتسمح .. ما فكرت قبل تتصرف كده لو أهلك عرفوا موقفهم حيكون شنو؟
العملتو في صلاح غلط يا كريم .. وفيهو عدم مراعاة لأهل ننا وعلاقتنا بيهم ك جيران وناس عشنا معاهم سنين .. كانت حتحصل فجوة في أسرتهم ما حتصلح ويمكن الاخوان يخسرو بعض .. لو كان صلاح ده مات في يدكم .. إنت متخيل حجم المصيبة الحتقع في راسنا كلنا؟
حيبقى اسمك قات.ل يا كريم وده شي عمرك ما حتتخطاه ولا ربنا ولا المجتمع حيسامحك عليه .. أنا ما إتعودت منك تصرفات زي دي ولو كان جا زول قال لي كريم بعمل كده كنت من ثقتي فيك ما حصدقه .. لسة شايف نفسك ما غلطان؟

_معاك حق.

=بتمشيني عشان نقفل الموضوع؟

_لا والله بالجد أنا فكرت فيها .. لقيت نفسي غلطان شوية.

=شوية؟؟

_ياخ خلاص يا مرة انسي مالك رغاية كده .. أنا مشتاق ليك خلينا من صلاح ده.

=مغرور.

_أعمل ليك شنو وتفكينا من السيرة دي؟

=شاي بسكويت.

_شاي لبن يعني؟

=لأ شاي أحمر بس يكون مليان بسكويت والشاي حتة بس .. وما تكتر سكر وما عاوزة فيهو أي بهار ولا بالغلط.

_طلباتك ذاتا غريبة .. لكن بعملوا ليك عشان أشوف نهايتك شنو.

=سرريع قبل يطلع من نفسي.

_والله حاسيك بقيتي تستغليني.

=حصصصصل.

مشيت عملت كبايتين شاي .. عملت حقها نص بس وجبت ليها البسكويت برة .. اول كلمة قالتا لي:

=ما زي ده.

_نود عليك الله ما تتوحمي فيني.

=يعني لو كسرت البسكويت اول كان بجيك شنو .. ولا كسر البسكويت بقى أصعب من كسر اليد؟

_ياخ غمسي بس في النهاية حيتهرس ما تشغليها لي.

=ما عاوزة شكرًا شيلو من قدامي.

_طيب أهدي وروقي حأعمله ليك.

قعدت 10 د بعملو ليها زي ما طلبته بعدا أكلت منه ملعقتين بالعدد وقالت شبعت .. لولا إنها حامل وأنا مراعي لي حالتا النفسية واليوم خميس وما عاوز أخرب مزاجي كان عملت ليها بباقيهو ماسك في وشها ولا شعرها .. قلت وأنا ببتسم:

_ولا يهمك يا حبي أنا باكلو مع إني ما بحب الجغمسة بتاعتك دي.

=ما تقول لي كده بتعرفني بالسنين يا كريم ياتو يوم شفتني إشتهيت حاجات غريبة زي دي .. كله بسببك.

_"ضحكت" .. معليش.

بعد تعب قدرت أهديها .. وأخيرًا مزاجا راق شوية ..
_حلوة وإنتِ رايقة كده.

=ومرة زول قال لي حلوة وأنا متعصبة برضو.

_لالا داك حنك مني ساي .. النصيحة حلوة لما تروقي.

=حلوة في كل حالاتي .. أحسم الفوضى.

_أشوف؟

=تشوف الشافتو سعاد ياخ.

_"ضحك" .. عليك الله.

=كرريييم.

_نظرة بس.

=إتلهى خلينا نركز في الفيلم ياخ.

_حلفتك.

=إنت ما بتعرف تقعد ساي؟

_نحن جايين نقعد ساي؟

=جايين وين؟

_الدنيا دي.

=ياخ.

_ما ها طيب.

=أبيييت.

_دلعتك كتير والله.

=أنا أستاهل اليرش السكر على أيامي.

_إنتِ ما قاعدة تدي الزول فرصة ذاتو.

=ما تنتظرني أديك .. الفرص ما بنتظروها.

_قلتي كده؟ أبقي قدرو.

=كريم أقعد ساي والله بهظر معاك ساي.

_لالا يا حبي إنتهى وقت الهظار أنا من الصباح شغال أحنس فيك.

___

"بـ لسان ننا"

شعور إنو الوحده تعرف نفسها حامل من زوجها البتحبه كوم مختلف عن شعورها لما تعرف إنها حامل بـ بت .. أنا من زمان بحب البنات وكنت بقول لسرو إني لو جبت اول بيبي بت حأكون أسعد وحده في الدنيا .. كنت مبسوطة وعزيز أكتر مني وكل شوية يقترح لي أسماء بنات لما زهجني من حماسه ونحنا في شارع البيت قال لي :

_خلاص عرفت حأسميها منو.

=عزيز ما حنخلص كده.

_نسميها حنان.

=ودي منو إن شاء الله ؟؟

_ياخي إلا تكون وحده يعني .. الاسم ده في راسي مما عرفت إني عايزك لقدام.

=ده إعتراف؟!

_ننا بجد ما كنتِ عارفة أنا كنت عايزك متين بالضبط ؟!

=بري كنت قايلاك بتلعب بي ما عشان عرستني معناها أثق فيك.

_يارب تولدي سريع لانو بقيتي مخيفة.

=يخسي عليك يا عزيز.

_ثقة أكتر من حملك دي كيف تاني؟!

=ياخي بطل تفاهة.

_ما بقدر .. بالمناسبة إنتِ ما حاسة إنو مكوة شعرك طولت .. الليلة اسبوعين عديل.

=ولا عشرة يوم قافلة ما تمت.

_ما شغلتي.

=وشغلتك شنو ؟؟

_بوريك بعدين .. عايني يوسف وعلي واقفين قدام بابنا التقول عازمنهم من المغرب .. عيال غريبة.

=شباب حلوين.

_إتلمي.

=أخواني الصغار يااااخ وأعمام عيالي.

_أنا بغير عليك من عيالي ذاتهم خلي من ابهات شنبات ديل.

="أبتسمت" طيب يلا عشان ألحق أعمل ليكم الشاي وأنوم.

_"بخبث" .. نوم لكن.

_
"بـ لسان يوسف"

لي فترة بفكر بطريقة جادة في إني أتقدم لأسرار وكل مرة بأجل الفكرة لحدي ما أشتغل على نفسي وأثبت في الشغل .. بس جات من عند الله ودعوات أمي وقيام رمضان .. الحمد لله جاني عقد عمل في السعودية وأخدت قرار مع نفسي إني اخد الخطوة وألتزم إتجاه أسرار .. قررت اول شي أفتح أضان عزيز في النهاية ما عندي غيرو أخوي الكبير وأبوي التاني وسندي في الدنيا دي ..

_هي مش مفروض الزعلني منو؟

=لأ .. إنت بتزعل لما تزَّعِل الناس.

_ما مُزعل زول بس نفسي في قهوة من يدك .. حتعمليها صح؟

علي جا خش في الموضوع طوالي وهو بقول:
_بقروش يا زول نحن ما بنعمل حاجة مجان.

=هووي إنتَ السألك منو شوف الوهمي ده.

_روان دي بقت تبعي شوف ناسك بي وين يعملوا ليك قهوة.

هدى"بهرشة": يا ود علي .. خلي أخوك في حالو.

علي: أمي والله إنتِ بتاعت ناسات ده لو هسي أوسو ما كان سألتي.

روان"ضحكت": إنت ما تبالغ كمان.

هدى: خليه يقول أصلًا الحسنة في المنعول زي الشرا في القندول.

علي: منعول يعني شنو .. أشرحي اول.

كريم: يعني زول زيك كده.

علي: آآ قصدكم زول مكتب ومكنة .. قولوا كده من قبيل ولاّ بتخجلوا مني؟

هدى: عثمان وين؟

علي: ما عارفو هو فاضي عندو إمتحانات وما بقرا خليك شاهدة لما أكلم ليو الحاج بعدين.

هدى: إنت الكلم ليك منو لما تكلم للناس ما شغلتك بيه .. هو ما بقرا وشاطر قاسي للبقروا وبتعبوا للشطارة.

علي: والله عملتيها واضحة يا أمي يعني أنا مزهرية في البيت ده ولا كيف .. ماشي لحبوبة ذاتو إنتوا أصلًا ما بتحبوني.

_حبوبة ذاتا ما بتحبك تعال أقعد ساي.

روان: حرام عليكم مالكم إتفقتوا عليو .. علوبة ده المحلي لينا البيت والله لو مشى أنا بلحقه.

_والله يا روان لكن صحي بقيتي تبعو وبعتيني .. لكن زط يا زولة خلي علي ده يضوي ليك.

روان: ما إنت من عرست بقيت ما شغال بي.

_متين ما إشتغلت بيك؟

علي: إنت عيد ميلادا نسيتو أسكت.

_متين جا لما نسيتو؟ الليلة يوم كم؟

علي: شايفة يا رونة وكمان ما عارف التاريخ ذاتو.

روان: يلا شكرًا أنا أصلًا كبرت على المواضيع دي وتاني ما عاوزة أعمل أي عيد ميلاد .. بس طبعًا بستقبل الكاش والإشعارات والهدايا.

علي: ونتقاسمم سوا بما إني مدير أعمالك.

هدى: دي شغلتك مع الدكاترة؟

_أديلووووو.

علي: أصبري بس يا هدهد قريب أجيب الكلك الملك وأوريك الدكاترة بعملوا شنو.

_كبوا القهوة دي المغرب جا ياخ خلونا من أحلام العصر بتاعت علي دي.

شوية وجا عثمان داخل شايل شيتاتو جدعهم وإتجدع في السرير بتاع أبوي طوالي أمي إستلمتو..

_يا الفالح قوم ده سرير محمد أنا ما فرشته ليك.

=يا أمي عليك الله مصدع براي.

_وقالوا ليك محل راقد ده بندول .. ومصدع مالك شربت شنو ؟

علي: إهتمام ده يا مرسي.

روان: أسكت يا بسيوني ما يقبلوا عليك.

عثمان: أدوني معاكم البتشربو ده.

_الزول لو بشرب سم عثمان بقول داير منو.

روان كبت لينا لينا كلنا إلا أمي قالت بتنتظر أبوي يجي ويتغدوا بعداك .. شربت وإتونسنا أو بالأصح إتناقرنا شوية وبعدها إتوضينا مشينا المسجد .. بعد الصلاة قلت لعزيز:

_الوضع عندك كيف؟

=السيطرة تحت الوضع غايتو.

_"ضحكت" .. الله يعينا.

=معطة الإسبوع حتكون.

_اسبوع شنو والله أنا باقي اليوم ده بحسم القصة دي.

=بالتوفيق يا صحبي.

لما وصلنا نهاية الشارع أنا مشيت على الزلط وعزيز مشى بيته .. مشيت المحطى أشوف ليها حاجة تاكلا بدل المكرونة دي .. لقيت المحل البنشتري منو زحمة أشرت لي الود يمشيني بسرعة لأني مستعجل .. شوية وجهز لي الطلب رجعت اول ما فتحت لي صرت وشها .. بس أنا ما عاوز مشاكل .. دخلت قدامي قعدت في الكنبة وواضح إنها متابعة ليها برنامج .. شلت الريموت قفلت الشاشة وطلعت الفطاير من الكيس ..

=قافلو مالك ما شايفني قاعدة أحضر؟

_خلي البرنامج ملحوق .. إتغدي اول.

=ما جعانة.

_جبت ليك فطاير شامية.

=ما نفسي فيها.

_من المكان البتحبيه وكمان مليانة جبنة.

=كده يعني بتغريني؟

_أي.

=طيب جيبا.

_"ضحكت" .. هسي ما قلتي ما عاوزة.

=ياخ والله بقول ما عاوزة بالجد.

_أعصابك طيب .. العصبية ما كويسة للبيبي.

=ما تعصبنا طيب.

_خليتكم .. أكلي يا حبي.

=حب لكن.

_ما عشان زعلان منك معناها ما حأهتم بيك.

=والله يا كريم الطاولة البتقلبا كل شوية دي شكت منك.

_"ضحك" .. خلاص ما عشان زعلانة مني.

=هسس ما تحاول تفتح معاي مواضيع.

_ياخ روقي عليك الله والله الموضوع ما بستاهل.

=أي ما أنا دراما كوين والموضوع أصلًا ما بستاهل وإنت ما غلطان أصلًا.

_خلاص أنا أسف.

=على شنو؟

_شفتي ما لاقي سبب لإعتذاري لأني أصلًا ما غلطان.

=خلاص لما تعرف غلطك نتفاهم.

_"مسكت يدها" .. ياخ عليك الله ما تتمسكي هو ذاتو نسى الموضوع إنتِ مالك؟

=منو القال ليك الإنسان بنسى اللحظات اللي عزت فيها عليو نفسه؟

_بالضبط ده شعوري وأنا واقف قدام غرفة العمليات وفاقد الأمل وإنتِ بتعاني جوة وأنا أصلًا كنت مُكتف وما بيدي أعمل شي .. أنا ما إنتقمت منو إلا عشان شعور الضعف وقلة الحيلة الحسسني بيهو ده .. عشان تاني يفكر الفين مرة قبل يتصرف كده مع أي زول ما بس أنا أو عزيز.

_هل عندك فكرة عن السبب أو منو ممكن يكون وراء الهجوم ده؟

=ما عندي فكرة يا سعادتك .. كانوا مغطيين وشوشهم ضربوني بس ما شفتهم كويس.

قالها بصوت ضعيف وبدون ما يعاين في عيوني
_مغطيين وشوشهم؟ طيب، وين بالضبط كان الحاصل ده؟

=قصاد شركتي في الشارع الرئيسي.

_"قلت وانا بدخل يديني في جيوبي" .. هل لاحظت أي حاجة غريبة قبل الحادث؟ مثلاً إذا كان في ناس متابعنك أو كان في شي ما طبيعي في المكان ؟؟

=لا .. ما في حاجة غريبة.

_طيب هل قدرت تلاحظ أي حاجة مميزة عن المعتدين؟ يعني طريقة كلامهم أو شكلهم؟

=ما قدرت كانوا مغطيين تماماً بس كانت حركتهم سريعة ما قدرت أشوف غير يديهم وهما بيضربوني بس كانت حركتهم سريعة ما قدرت أشوف شيء تاني.

قالها وصوته كان متقطّع.

_هل في واحد من أصحابك كان معاك وقت الحادث ده؟ولا كنت براك ؟؟
سألته بتركيز لأنو كان عندي شكوك في كم حاجة

=لا كنت براي.

_تمام طيب هل في أي زول كان عندك مشكلة معاه؟ يعني هل اتعرضت لأي تهديدات قبل كده؟

حاولت أبحث في العلاقات الشخصية لصلاح يمكن يكون في زول ليهو علاقة بالحادثة دي.

=ما في مشكلة مع أي زول وما كان في تهديدات. كنت في طريقي و كل حاجة حصلت فجأة.

_تمام يا صلاح إذا في حاجة تانية حاول تتذكر وتكلمني بيها .. المهم حالياً إنو نعرف شنو اللي حصل بشكل دقيق. هل في شهود كانوا في المكان؟ أو لو في كاميرات في المنطقة ممكن تساعدنا ؟
سألت بصوت هادئ عشان ما أضغط عليه زيادة.

_في ناس كانوا في الشارع يمكن يشوفوا الحصل بس ما متأكد أنا .. وما في كاميرات قدام الشركة على ما أظن.

رد بصوت متردد.

=تمام حنواصل مع التحقيق .. لكن لازم تركز وتتذكر أي تفاصيل تانية. وخلينا على تواصل عشان نقدر نعرف منو العمل فيك كده.

قلتها وأنا بطلع من الغرفة شايل معاي شكوك كبيرة تجاه الموقف وفي نفس الوقت، لازم أبدأ أبحث وأتحرى.

الشغل حيفضل شغل وبالنسبة لي أنا في صف المظلوم حتى لو كان عدوي .. كنت ماسك التقرير الطبي اللي سلمو لي دكتور أحمد، ونسبة لأنو حالة صلاح حرجة .. ما احتجت أطلب موافقتو ومشيت على طول أبدأ الإجراءات القانونية.

وصلت القسم ودخلت للضابط المناوب ووقفت قدامه سلمتو التقرير وقلت ليهو:

_يا سعادتك المريض دا إتعرض لاعتداء بدني عنيف جداً والإصابات واضحة .. أنا محتاج أرفع بلاغ وأبدأ تحقيق سريع.

الضابط كشف للتقرير وقال:
=يا سعادة معليش بس عندنا تفاصيل عن الحادثة؟ عارفين وين حصل؟ أو منو المشتبهين؟

هزّيت راسي وقلت:
_للأسف لا. صلاح ما قدر يتكلم كتير بسبب حالتو .. التقرير دا الوحيد البوضح مدى الاعتداء اللي حصل والموضوع ما ممكن نتأخر فيهو أكتر من كده.

الضابط استفسر:
=تمام .. عندك أي تفاصيل حتى لو كانت بسيطة؟ صلاح قال ليك أي حاجة قبل ما يتعب؟

رديت عليه:
_آخر حاجة قالها كانت إنو الاعتداء حصل في الشارع الرئيسي قريب من شركته وما كان عارف الناس المعتدين لأنهم كانوا مغطيين وجوههم.

الضابط أخذ نفس طويل وكتب الملاحظات وقال:
=جميل هنبدأ بالإجراء المعتاد .. البلاغ هيكون مفتوح ضد مجهولين لحدي ما نلقى خيط. لازم نرجع للشهود المحتملين أو أي كاميرات في المنطقة دي.

_تمام حأبدا فوراً.

=إعتبر التحقيق بدأ وأي معلومة تجيبها بتفيدنا .. خليك قريب لو احتجنا منك أي حاجة.

طلعت من القسم وأنا شكي في كريم وعزيز كل شوية بكبر بس ما قادر امسك عليهم حاجة.

#يُتبع.

#على_الهامش:

"يؤذيك أنه كان بوسعه أن يغلق الباب بهدوء حين غادر،
لكنه أصرَّ على خدش طمأنينتك ..))

#نُودين_بِت_مِن_حُب.
#ننس_تمدين.

أصلو لو ما زهجني من الصباح ما برتاح .. ضربته بالمسند الجنبي وطردته يمشي يشوف صلاته بي وين .. طلع وأنا قمت إتدوشت وصليت قريت أذكاري ويدوب خلصت جا داخل ..

_صباح الخير يا حبي.

=صباح النور يا كريم.

_كريم حاف كده؟صلحيها شوية ياخ.

=ما عاوزة نكد من الصباح أنا اسمك ده عاجبني حاف كده.

_خلاص لما أقول ليك نود ساي ما تزعلي بس.

=بزعل وبجيب ناس تزعل.

_طيب خلينا نشرب شاي ببسكويت ونتفاهم .. تعالي أقعدي هنا مسافة أجهزو.

ساقني من يدي قعدني في الصالة ومشى المطبخ .. ساعات بستغرب تصرفات كريم بس يلا حأستمتع بالعروض البستعرضا لي دي .. مشيت جبت المشط لميت شعري كويس وقعدت .. شوية جاب الشاي والبسكويت .. طول الوقت كان بتظارف وواضح إنو مزاجو رايق ما زي أمس فما حبيت أسأله ..

_أها بيبي الجواك كيفو؟

=تعال شيلو عليك الله .. بدل ما كل يوم بتمم عليو زي الخاتيهو عندي أمانة.

_"ضحك" .. لالا خليو معاك شوية.

فضل يونسني لحدي ما خلصنا الشاي .. شلت الصينية وديتا المطبخ ووقفت بغسل فيها .. الأيام دي غسيل العدة طالع من نفسي شديد عشان كده لو إشتغلت بملعقة بغسلا فورًا عشان أخلص لو قعدت شوية ممكن أحردا .. خلصت وعاوزة أعمل مكرونة .. ختيتا في النار وجيت رتب الغرفة .. شايفة كريم واقف قدام الدولاب وبطلع لبسة .. جيت رجعت الطلعا .. وطلعت ليو وحدة تانية ..

_ألبس دي .. بس إنت ماشي وين؟

=طلع مع عزيز وجاي.

_إنت وعزيز طلعاتكم كترت بتهببوا شنو؟

=عندنا شغل .. وعلى سيرتو الإجازة تالت يوم حتخلص إنتوا حتقدروا تشتغلوا؟

_ننا ما اظن بس أنا حأنزل إن شاءالله.

في كلامنا سامعة تلفونو برن .. طلعت أشوف حلتي شوية ولحقني في المطبخ .. جا وقف وراي وخت راسه في كتفي ..

=عاوز حاجة؟

_أقول العاوزو؟

=لأ الكلمات دي أنا عارفاها كويس.

_بحبك وإنتِ فاهماني.

="إتلفت" .. لالا ما تحبني ولا شي خلينا أصحاب.

حاوطني بيدهو وهو بقول:
_للأسف الطلب ده غير متوفر حاليًا.

=إنت مش كنت طالع .. ما شايفاك جهزت ليه؟

_كنسلت المواضيع كلها وأهو الليلة فاضي ليك.

=طيب زح خليني أعمل الفطور اول.

_لأ .. أنا اول.

_______
"في المستشفى _ بعد مرور يومان"
"التقرير الطبي"

التاريخ: [*]
اسم المريض: صلاح أحمد تمدين
العمر: [33]
رقم الملف الطبي: [****]

التشخيص الطبي

تم استقبال المريض صلاح في قسم الطوارئ إثر تعرضه لاعتداء بدني عنيف. بعد إجراء الفحوصات السريرية والتصوير الإشعاعي (أشعة X والأشعة المقطعية)، تم تشخيص الإصابات التالية:

1. كسر في عظمة الزند باليد اليمنى (Fracture of the right ulna).

الحالة تتطلب تثبيت الكسر باستخدام جبيرة، وقد تحتاج إلى تدخل جراحي لتثبيت العظام بمسامير معدنية بناءً على مدى التعقيد.

1. كسر في عظمة الأنف (Nasal bone fracture).

تم تأكيد الكسر عبر الأشعة المقطعية. الوضع الحالي يشير إلى تورم ملحوظ ونزيف أنفي. سيتم إجراء تقييم جراحي لإصلاح الكسر بعد السيطرة على النزيف.

1. نزيف داخلي (Internal bleeding).

الفحص الإشعاعي والبطن بالموجات الصوتية أظهر وجود نزيف داخلي بسيط. الحالة تحت المراقبة المكثفة مع متابعة العلامات الحيوية دورياً.

العلاج المقدم:

تم وضع جبيرة مبدئية لليد اليمنى مع وصف مسكنات للألم ومضادات الالتهاب.

أجريت عملية إيقاف النزيف الأنفي، وتم وصف مضادات حيوية لتجنب العدوى.

تم نقل المريض إلى وحدة العناية المركزة لمراقبة النزيف الداخلي وإجراء الفحوصات اللازمة لتحديد مدى الحاجة إلى تدخل جراحي.

التوصيات:
يوصى باستمرار الرعاية الطبية تحت إشراف أخصائي العظام وجراح الأنف والأذن والحنجرة.

إعادة التقييم بعد 72 ساعة لمتابعة تطور الحالة.

توفير دعم نفسي للمريض نسبة لتعرضه لإصابة ذات طابع جسدي ونفسي.

تم إعداد التقرير بناءً على الحالة الراهنة للمريض والملاحظات الطبية الأولية.

توقيع الطبيب: د. [أحمد عبد الرحمن ]
الدرجة الطبية: [استشاري جراحة العظام والإصابات]
المستشفى: [الخرطوم التعليمي]
رقم التسجيل الطبي:123768
التوقيع والختم:[****]

______
"بـ لسان أسامة"

دخلت الغرفة إتفاجأت بوجود عزيز وكريم بس ملامحي كانت ثابتة وعادية .. سلمت عليهم وطوالي وجهت أسئلتي لصلاح الكان راقد ويدو عليها جبيرة وملامحه مختفية عديل من آثر الضرب الإتعرض ليه .. كنت قاعد أركز في التفاصيل .. خصوصاً من حالة صلاح الواضح عليه الألم والضيق.
فهمت إنو لازم أكون دقيق في الأسئلة دي عشان أقدر أطلع بأكبر قدر من المعلومات.

_صلاح ممكن تحكي لي شنو الحصل بالضبط ؟؟

سألته بهدوء وأنا براقب كل حركة في الغرفة عشان أكون مستعد لأي رد .. كان ساكت في الاول شوية وبدأ يحاول يتكلم بصعوبة:

=كنت ماشي من شركتي فجأة لقيتهم قدامي .. ناس مغطيين وشوشهم.

لحظتها عزيز وكريم إتبادلوا نظرات بيناتهم وحسيت بشوية توتر في الجو .. كان في حاجة ما واضحة لكن ما أظهروا أي حاجة تانية تأكد شكي.

_جابت ليها إيناس كمان ! يا زول غلطانة أنا البتكلم معاك .. ما هو طبعًا دي اخرة الطلعة السمحت ليك بيها.

=سمحتي لي بيها؟

_كنت وين يا عزيز إنت؟

=مع الشباب.

_وين؟

=في شارع النيل.

_أيوة أي شارع نيل ده؟

=الخرطوم.

_أنا ما مقتنعة.

=ده كله عشان أخدت لي يوم كده ولا هو كم ساعة من نفسي .. ما أنا طبيعي معاك يا ننا.

_ما تحسسني بالذنب اني سألتك..

=ما ذنب ولا حاجة .. لكن سألتي وجاوبتك تاني شنو؟

_طيب إنت كويس؟

قفل تلفونه وجاا رقد جنبي .. مسك يدي وقال:
=شوفي طول ما أنا جنبك فأنا كويس شديد.

_طلعتكم انت وكريم قبيل كانت غريبة الصراحة.

=عادي بس إنتو ليكم فترة شايفننا شغالين بيكم كتير فاكرين ما عندنا حياة غيركم.

_"ضربته في كتفه".

=خلاص نومي السهر ما كويس للحامل.

_ما جايني نوم.

=أنا نعسان .. تصبحي على خير.

حاجة غريبة عزيز يتصرف كده بس أعمل ليو شنو ما أداني فرصة أصلًا ونام كأنه ليهو سنة ما شاف النوم بعينه .. قمت قفلت البيت ورجعت رقدت ما عارفة نمت متين.

_______
"بـ لسان عزيز"

ما قدرت أنوم الليل كله بسبب العملته في صلاح .. جواي حاجة بتقول دي ما أخلاقك بغض النظر عن طيش الجامعة والكُنا بنعمله أنا وكريم .. بس المرة دي جاني شعور كده ما حصل حسيته .. ومن جهة بقول هو يستاهل اي شي وما مفروض أندم نهائي .. إستنيت لما ننا نامت بعدين حنست النوم تحنيس أظن نمت قريب الصبح ..

صحيت الصباح بصوت ننا وهي بتتكلم بالتلفون وبتقول:

_يا بت ده كلام شنو ؟؟ متين حصل الكلام ده ؟ ناس أبوي مشوا يعني ؟.. طيب يا سرو اي عليك الله اول ما تعرفي اسم المستشفى من مودة كلميني .. تمام

فتحت عيوني وجد كنت نعسان شديد .. ملامح وشها كانت زي الزول المخلوع كده.

_صباح الخير يا ننا.

=صباح الخير.

_مالك وشك ما عاجبني .. كنتِ بتتكلمي مع منو ؟

=مع سرو .. قالت قبل شوية كده اتصل عليهم عمي و..

_خير ان شاء الله مالو عمك !!

=قالوا إتصلوا عليه من مستشفى كده وصلاح هناك بس ما متأكده اذا هو كويس ولالا .. بس حسب كلام سرو ناس أبوي إتخلعوا وطلعوا مستعجلين حتى ما قالوا ليهم اسم المستشفى.

_"صلحت قعدتي في السرير" .. إن شاء الله ربنا يديه العافية.

=أسرار كانت بتسألني حأمشي ولالا.

_ما حتمشي.

="بهدوء وهي بتقعد جنبي" .. ده في النهاية ود عمي يعني لو ما عشانه فعشان اهله يعني.

_قلت ليك لا وبعدين ما تنسي انتِ حامل وممنوعة من الحركة ولسة بسببه ما بقيتي كويسة .. أعرفي لي عنوان المستشفى أنا بمشي بعمل الواجب وبجي.

="وقفت" يا عزيز بس..

_"جريتا جنبي" يا ننا أفهمي كلامي عليك الله الزول ده عيان وعندو جن اسمه إنتِ .. الكلام ده من شدة ما صعب علي اقوله لكن بقولو عشان تفهمي ليه ما عاوز أخليك تمشي .. أسي لو مشيتي حيحس انك..

=مهتمة ؟؟

_أيوة زفت دي.

=عزيز أخلاقك بقت ضيقة.

_شنو بقت وبتاع من يوم عرفتيني ودي أخلاقي وبعدين خلاص أقفلي الموضوع ده أنا قايم أصلي الصبح فاتني ..

طلبت من ننا تكوي لي لبسة مسافة أستحمى عشان أطلع أحصل الجماعه ديل في المستشفى .. طلعت جهزت نفسي وأثناء ما ننا بتزرر لي القميص تلفوني ضرب ناولتني ليهو كان كريم:

_ود الزمراوي

=يا حقيقي .. وين انت يا زول ده كله نوم ؟

_تقول شنو بس .. خبرك ؟

=تعال الفطور عندنا بجاي معاي الشباب ديل كلهم.

_لالا انا طالع والله .. صلاح ده قالو مرقد في المستشفى.

=أمممممك .. متين لحقوا يعرفوا؟!

_أي طالع أسي .. تمشي معاي وين يا زول؟

=ننا جنبك صح ؟

_اييي.

=خلاص قدام بطلع معاك .. والله صراحة ده ما منظر يتفوت.

_والشباب والفطور ؟

=ياخ اه ياكلوا ويمشوا قايلهم منو انت .. علي وياسين بس.

_ديل الشباب كلهم ؟؟

=المهم كده بجهز وبطلع عليك.

_تمام.

قفلت منه وابتسمت لننا .. قبل أطلع بستها في راسا وأنا بقول:

_ما بتأخر بمشي أشوفهم سريع كده وبجي.

=طيب حبيبي.

طلعت من البيت وإتصلت لمعتصم عشان يوصف لي المستشفى بس لما رد قال لي إنو صلاح في الـICU "العناية المكثفة" .. ومانعين تواجد أهل المريض .. وطلب مني نجي بكرة لو أصبح كويس .. طوالي اتصلت لكريم كلمته وكنسلنا المشوار .. رجعت بيتي وضحت لننا الحصل ونمت زي الجنازة من شدة الفتر والنعاس..

___
"بـ لسان نود"

صحيت على صوت كريم كالعادة بصحيني الصبح لأنه طالع المسجد ..
_نود قومي ياخ أنا أتأخرت.

=خلاص أمشي قمت أهو.

_لالا قومي صبحي لي عديل وريني وشك ده.

="قفلت وشي بالمخدة" .. اووووف.

_قومي يا حبي ياخ والله حيصلوا يخلوني.

صحصحت وإتناولت المشبك لميت شعري بفوضوية كده .. إبتسمت وأنا بقول:
=صباح الخير كده مبسوط؟

_أي .. صباح النور يا نوامة ويلا قومي صلي عشان بعدين ياخدونا في نفس الدرجة في الجنة .. وريتك لو قعدتي تحت أنا ما شغلتي بيك .. وهناك براك عارفة الحور العين سمحات كيف ..

انا مستني رمضان كأن حياتي هتبدأ من جديد، بحب الشهر دا بكل ما فيه من تفاصيل، ريحة العصير اللي مالية الشوارع، قعدة العيلة على الفطار قدام شاشة التليفزيون، ريحة الصواريخ، أصوات التواشيح قبل الفجر، كل حاجة فيه فري ثيرابي والله، وكل حاجة هتبقى تمام حتى علاقتي بربنا بتكون احسن وأقرب
ف يارب بلغنا رمضان ?

=يعني عليك الله أنا فاضي لما أخونك؟

_قصدك لو فضيت عندك النية؟

=مع إنكم صنف ما يتعاشرش بس آه.

_تصبح علي خير يا كريم.

="ضحك" ..الشمس فوق ونحن في الشارع.

_المهم ما تتكلم معاي.

وصلنا بيت عزيز كالعادة عمل لينا حركاته العويرة ديك وأبا يدخلنا الا ننا جات

ننا: عزيز معقولة واقف ليهم كده ؟

كريم: ياخي والله عزيز ده حيرنا ذاتو.

نود: المشكلة مصدق انو ننا حتبيعني مسكين يااااخ.

ننا: لا ما انا فعلاً بايعة قضيتك .. بس ساي ما عاوزة أحرجك قدامم.

كريم: عجبنيييييييي.

عزيز: يلا تستاهلي.

نود: عاجبك كده !! شمتي فيني الاعداء.

بعد مناقرة ودراما دخلنا .. قعدنا في الحوش وننا مشت تعمل عصير وعزيز مشى معاها بحجة يساعدا بدون احترام لينا ك ضيوف .. ختيت تلفوني سايلنت بعد يئست من الاتصال الراجيهٌ شايف نود إستلمت الحلاوة

_ما كده فضحتينا.

=كيمو والله ده الوحم.

_قولي الكلام ده لزول عارفك من شهرين .. ياخي انا لسه بتذكر في عيد 2014 تقريبا أمي بسببك رفعت الخبيز فوق راس الدولاب وكمان قفلته بطبلة.

_حتذلني كتير بالقصص الميتة دي .. ياخ ياريتني عرست واحد ما عارف عني غير إني نود محمد الهاشمي.

=والواحد ده ان شاء الله بعرفه انا ؟؟

_كريم تلفونك بولع .. شكلها رجعت ليك رد ليها.

ابتسمت وشلت تلفوني بسرعة ورديت:

_يا ابو الشباب .. أمممم .. ياااااخي ووين كده .. ايوة عرفت المكان لالا بنصلك طوالي أبشر يا حبيبي الله يديك العافية.

نود عاينت لي مسافة وقبل تسألني عزيز جاا شايل الصينية

_عارف كنت بتكلم مع منو يا عزيز ؟؟

=منووو ؟

_"عملت حركه هو طوالي استلم" .. بابكر ود الثورات.

=كذاب والله .. وووين الزول ده يا سلام يااااخي؟

نود وننا :وده منو كمان؟

عزيز: دفعتنا لكن ليهو فترة مختفي من الساحة.

كريم: هسي هو مع الشباب في شارع النيل.

عزيز: نمشي عليهم ولا كيف ؟؟

كريم : أي ياخ طولنا من اللمات دي.

ننا لعزيز: مشي لكن!

نود لي: لمات وحركات!

كريم: مالكم في شنو ؟ كلها ساعة ساعتين وحنرجع.

عزيز: أي نشوفهم سرعة بس ونقلب راجعين .. نود بالله خليك مع ننا لما نرجع.

عاينوا لبعض وقالوا : تمام.

طلعنا سريع سريع .. اول ما وصلنا بداية الشارع عزيز لفتني:

_بابكر منو وثورات شنو وفي شارع النيل المستنينا منو ؟؟

=عرفتك حتستلم .. عارف كنت بتكلم مع منو ؟

_ما بعلم بالغيب!

=جريمة.

_واللماك معاهو شنو .. جريمة ده نحنا كنا بندق ليهو لو في مشكلة ومحتاجين مكان نتم فيه زول او..

="قاطعته" بااااااس الجات في بالك.

_لميت في صلاح ؟؟

هزيت راسي من سُكات..

#يُتبع.

#على_الهامش:

"قَد كُنتُ أرجُو فِي حَياتي زَهرةً
وَاليومَ قَلبي بِالحقولِ مَليءُ))

#نُودين_بِت_مِن_حُب.
#ننس_تمدين.

علي جا داخل : والله راااامي أضاني وبعدين حبوبة دي أصلًا حبيبتي وزولتي.

السرة: تزاول من ضلك صحي عوقة وعويييير.

الكل ضحكوا على تعليق السرة .. ننا قالت بلطافة:

ننا: لكن يا حبوبة توبك سمح سماحة ماشاء الله تبارك الله.

السرة: سمحة براك يا ستهن إتي .. ده ذوق روضة مشت مع عمار أظن لي قبل يومين جابو لي التوب ده مع الشبشب الله يديهم العافية.

روضة: يا عمتي نحن عيونا ما تغلى عليك.

نود: إيششششي.

روضة: إتأدبي أحسن ليك.

_____
"جانب البنات"

روان: فستانك رهيب شديد يا ننو.

ننو: لا رهيب لا حاجة.

مفاز: يا بت مش براك اخترتي وكان عاجبك؟

ننو: ايي لكن لما لبسته حسيته كيف كيف.

روان: بالعكس والله حلو عليك.

ننو: عااااجباني عباية استقبالك دي يا رونة.

روان: حبيبة قلبي تتفضليها طوالي.

مفاز: هيي خلصوا رص الصواني ده عشان نفضى لبرنامج القهوة والحركات عملت تك تيك بتلفون روڤي وفرحااااانة بيهو شديد.

روان: خلاص قُمنا .. طيب استني لما يجيبوا ليك تلفون.

مفاز: نود قالت لما تنزل شغل بتجيب لي بس ما قادرة أستنى.

روان تلفونا رن شالته وإستأذنت من البنات ردت برقة بتناسبا :

_ألو السلام عليكم.

=وعليكم السلام يا دكتورة .. ياخي كل سنة وانتِ طيبة عيد مبارك عليك وربنا يحفظ ليك الوالد والوالدة والشباب كمان.

_وانت طيب يا سعادتك واللهم امين جمعاً كده.

=إن شاء الله بس أكون اول واحد عايدك طبعاً بعيد عن ناس البيت.

_أول واحد فعلاً.

=ياخي حظي والله .. أها يا دكتورة لسة ما قررتي نحن كلنا متتظرنك؟!

_ما حألف وأدور أوكيه ؟؟ انا استخرت كم مرة و..

=كملي سامعك.

_وحاسة بقبول ناحيتك بس ده مبدئياً طبعاً.

=نحنا نكتفي بالمبديئاً دي ونعقد طوالي.

_" ضحكت" ما تهظر انا بخاف.

=وأنا هنا عشان أطمنك والله يا روان الزمراوي .. ممكن ما تخافي؟

_إن شاءالله يا أسامة.

=اول مرة تقولي أسامة .. طلع اسمي ده حلو عديل.

_"إبتسمت" .. طيب بعد إذنك إحنا في الفطور.

=بالهنا ليكم.

_______
"بـ لسان نود"

خلصنا من موال الفطور والجرجرة .. وبعد الضهر كده البنات عملوا القهوة .. أنا وننا ساعدناهم في رص الكيك والخبايز بس وعملنا روحنا حوامل جد جد .. كل وحده مسكت ليها سرير .. علي جاا شال السرامس حقتهم مع يوسف .. يا قول ننا أنا بشم ريحة الحب من بعييييد .. لأنو نهائي ما فاتت علي نظرات يوسف وأسرار لبعض .. أيوة كانت سريعة وما ملحوظة لكن حبيتهم ياااخ .. إحساس إنك تجاهد عشان تكسب رضا ربنا وأهو حبيبك قدامك وروحك حتطلع عليه ده إحساس صعب غايتو بتمنى وبدعي ربنا يجمعهم بحلاله في أقرب وقت.

وريف جابت قهوتنا واخيراً .. وروان ظبطت لناس أمي قهوتهم في الصالة الجوة .. كل وحده شربت فنجانين وخلااااص رخمنا

اول ناس طلعوا مشوا حبوبة وروضة قالوا عايزين يلفوا على ناس الحلة .. أما أمي وخالتو هدى وفاطمة وبثينة قالوا بت وحده معاهم في الجمعية ولدت من اول أمس طلعوا مشوا عليها.

كنت مستمتعه بالونسة فجأة نمت .. روان لاحظت لي غفيت .. صحتني براح.

روان: نود قومي نومي في غرفتي جوه أحسن ليك من هنا.

_لالا يا بت غفيت بس ما عاوزة أنوم.

ننا: هيي يلا يا بنات متلمين في العافية .. نعست شديد ماشة انوم.

مفاز: كلنا والله يا ننا.

اسرار: سوقيني معاك انا ذاتي.

روڤي: خلاص ارح مدام كلكم نعسانات .. بعدين كده بعد العصر نحوم.

ننو: انا موافقة.

روان: انا غايتو ما نعسانة لو عارفة دي اموركم كان مشيت مع ناس ماما

نود: خلاص يا رونة أرح معاي بيتي بدل تقعدي براك.

مفاز: لا معليش انا سايقاه بنجيكم بعدين كلنا مع بعض.

أثناء ما ننا بتلبس في توبا جا ياسين كلما إنو عزيز واقف ليها برة .. وقبل يكمل كلامه جاا علي كلمني انو كريم مستنيني.

ننا: غايتوووو رجال ما عندهم صبر.

وريف: صبر بالنسبة لشنو أنا عايزة شرح لو سمحتي.

اسرار: أيوة نطالب بالترجمة.

نود: إتلهي إنتِ وهي .. أرح يا ننا.

ننا: يلا.

طلعنا قبل البنات .. أي وحدة استلما راجلا ومشت على بيتا.

_______
"بـ لسان كريم"

بعد رجعنا بيتنا شالتنا نومة العيد ديك .. صحينا مع صلاة المغرب .. ما لحقت الناس في المسجد فصليت في البيت .. نود جاتني لابسة توبا وبتتقدل ..

_على وين يا مرة؟

=مرة في عينك .. ماشة أبارك لننا العيد.

_مش لاقيناهم الصباح ؟؟ وإتلاقينا في اللمة .. تاني العباطة شنو ؟؟

=كريم انت متخلف أنا عاوزة أبارك ليها العيد في بيتا الأصول بتقول كده.

_"جاوبتها وأنا بطبق المصلاية" .. والله الاصول دي تلقاك ألفتيها إنتِ.

=قلت كده ؟؟ الله يسامحك يا حُبي.

_بتجري واطي طوالي عشان أطلع انا الغلطان في الاخر .. قدامي ارح.

="بدراما" لا ما تلز .. خلاص ما ماشة.

_هسي الجاجنبك منو إنتِ !!؟

=ياخ أرح خلاص.

قفلنا بيتنا وطلعنا .. كنت كل دقيقة أعاين لتلفوني مستني مكالمة أهم من حياتي كلها .. نود لاحظت لي

_حلوة؟

=شنو هي ؟؟

_البتخوني معاها حلوة ؟؟

=لما تجي بتفهمي .. وبالله عليك ما تتأخري.

_تمام .. مسافة الطريق بس

قفلت منه مستغربة ومبسوطة .. يوسف من نوع الشباب العاوز ياخد راحته أيوة أنا عارفة طبعو .. بس كفاية ساب كل البنات الحواليه ديل وجاني.

وصلت الكافيه واتصلت عليه .. كُنا بنتكلم عادي ونتونس في كم حاجة لحدي ما ركز في عيوني بثبات أو بيدعي الثبات .. مرة مرة أعاين ليه وعيوني فيها ألف سؤال .. ونظراتي كلها استغراب وهو ولا على باله .. أخيراً قال بصوت عميق:

_ما عاوز الشي الحأقوله ده يأثر على علاقتنا ك أصحاب وزملاء في نفس الجامعة.

=ما فهمت !!

_إنتي ملاحظة أخر فترة مشاكلنا كانت كتيرة كيف وحتى تواصلنا قليل .. هو ده ما مبرر طبعًا بس أنا بجد كنت جايط وللان جايط ومُشتت بس واثق من الخطوة دي.

=في شنو يا يوسف ممكن تتكلم عديل!؟

_خلينا ننفصل يا أسرار .. العلاقة دي حاليًا ما منها فايدة.

="بصوت باكي" .. أفضل ليك براك .. ما تقرر عني يا حيوان.

_"مسح وشه" .. ما بقرر عنك .. نحنا وصلنا هنا سوا ما تنسي رجاءًا.

="علت صوتا" .. ياخي بكرهك وبكره اللحظه الحبيتك فيها .. إنت هههه إنت بس قول لقيت واحده غيري .. بس ما تتحجج بحجة فاضية.

_أنا ما بتحجج ولا لقيت وحدة غيرك بس حاسبت نفسي ووصلت لقرار أنا ما جاهز حاليًا ولا بعد كم سنة .. وما عايز نستهلك مشاعرنا وتحصل بينا مشاكل ونخسر بعض .. أسرار أنا شاريك وعايزك لقدام .. ممكن تتفهمي موقفي؟

=وأنا الضمني شنو ياخي .. عايزني أعيش في عذاب إنتظار؟

_مافي أي ضمانات حتى لو واصلنا .. في كل الاحوال نحن بنغامر فليه ما ننتظر لما ربنا يسهلا؟

=أسكت يااااخي .. ده نفاق وكذب وجُبن منك بس.

_أسرار ما تنفعلي .. أنا ما سايبك ساي .. أنا سايب قلبي معاك .. ومن ترك شيئًا لله حاشا لله أن يضيعه .. أفهمي يا بت الناس أنا ما عايز غيرك بس دي ما الطريقة الصح .. ما عندي طريقة لأي خطوة رسمية حاليًا .. وما ضامن الأيام داسة لينا شنو .. عشان كده ده أحسن قرار .. حتزعلي يومين تلاتة وتتعودي على غيابي .. بعدين نحن يومي في وش بعض حيفرق معاك بي شنو إذا بقيت حبيبك ولا ود جيرانكم .. في ناس عملوا الخطوة دي وهم ما بشوفوا بعض أصلًا وبجاهدوا.

=وإنت عايز تجرب فيني أي قصة وخلاص؟ لقيت نفسك فاضي قلت تحبني وتعترف لي .. وفجأة بين يوم وليلة إكتشفت إنك ما قدر الحب طيب من البداية ليه ما مسكت نفسك؟

_غايتو تندمي الزول على إنو بحاول .. قومي نتزفت نحب بعض ونطلع وننزل سوا وتنكدي علي عيشتي ويوم ازعل وأصل الحد وأفصلك ما يبقى ليك حار كويس؟

=يوسف إنت جادي؟؟

_جادي يا أسرار .. ما ساهل علي أتخلى عنك بس أنا بجاهد وبحاول ما تبقي إنتِ والشيطان ضددي.

=كويس ما حقيف في طريقك بس خليك عارف أنا ما منتظراك.

_ما خايف واثق في ربنا .. لو إنتِ نصيبي ما حتفوتي لغيري.

=طيب قوم يا مولانا الذي غشانا .. قدمني ك اخ وود جيران في الله.

_"ضحك" .. أنا أتغشيت فيك والله قايلاك صنديدة أكتر من كده.

فضلنا نتجاكر لحدي ما وصلنا المواصلات .. هو ركب شماعة وأنا قعدت سرحانة بالشباك بفكر في كلامه القاله ده .. ما عارفة إذا حأقدر أقيف معاه في القرار ده ولا لأ بس أنا ما عايزة أخسره ما عشان هو حبيب رائع بس عشان هم لو ربنا يسر حيكونوا نسابة إيناس وهي ونسابتا أشيلهم في عيوني وما بهون علي أخسر أي زول فيهم .. حتى لو كان الحيوان المزعلني ده.

____
"أحداث متقاطعة"

_بتحبها؟

="بخلعة قفل الجزلان اللي فيهو صورتا" .. عايزة حاجة؟

_عايزة إجابة على سؤالي.

=لو حتجيبي ليها سيرة ما حجاوب.

_إعتبره سرنا الاول.

=بحبها .. بحبها بطريقة عمري ما إتوقعت أحب بيها زول .. أنا ما كنت مؤمن بالحب أصلًا بس هي الخلتني أشوفو في عيونا .. وأحسه في كلاما .. عندها جملة حلوة كاتباها في البايو بتاعا بتقول:
"لا أحد يمكنه أن يكون انا مهما جلس على مقعدي"
فحقيقي أنا أمنت إنو مافي زول حيعرف يكون زيها .. أو ياخد مكانا في قلبي .♡"

#يُتبع.

#على_الهامش:

"وغِيَابُك هو انتظاري))

#نُوودين_بِت_مِن_حُب
#ننس_تمدين