لاترجع لان باب الصلح
شلته
وشجاي منك عذر
هم ماتقبلته
لتحاول بعد كف الاعذار
وروح
واخذ وياك كلشي بجيتك
جبته
لو يطلع محمد گايدك وياه
مايشفعلك وماينسي ألشفته.

#نجم_ألعزاوي

هملي نفسك

باوع لروحك

عيش من جده وجديد

أتعلم من أخطائك

أمشي

و لا تضل بيهن تعيد.....

ألدنيا ماتوگف على ألمنك قريب

شلون رايد منها توگف علبعيد...؟؟؟.

#نجم_ألعزاوي

شكد مؤذي أنت ومؤلم؟
عمي أنعم ألله على ألسم
ذاك نتلاحگله بعلاج ألطبيب
يطيب وينسي ومايلچم
ألا أنت ومالگينالك علاج
نارنه الماتنطفي!
شكد بيها واج؟
سوايتك بيضت وجه الكافر
الكافر المو مسلم
شكد مؤذي انت ومؤلم؟

ياهو الأحچيلة عن وضعي
يگلي أتحمل
وتعال بكلشي أقبل!
هذا وضعك من قرارك
من قراري؟
من أحط رجلي بقراري
انه مو انه أذا مارد أعتباري
ثمن كل ألخسرته. حستردة
وأحاسبهم عليهن وحدة وحدة
ثمن كل دمعة نزلت علمخدة
لرجعهن من دمعهم نهر جاري
انه مو انه أذا مارد أعتباري..

أنت چنت تريد حجة
حتى مانبقى سوية
جانت اعذارك ابد مو
منطقية
ألغاية منها تضحي بيه
عاشت ايدك علأذية
منيلك هلقابلية؟
شكم سنة تمثل علية؟
شلون جبت الدور هيجي؟
ألمُضحي وألضَحية؟

انعم الله ع الخلافات التصير
تشوفك من البشر وجهه الثاني
تشوفك الحباب والكلش فقير
شلون يطلع حاقد وعدواني
تشوفك الموزين چنت تشوفه زين
تعلمك ماتنطي كلبك
هيچ علعمياني

من رحت كلي شعبالك؟
ارتجف وابجي واشوغ؟
ودمعي ماي؟
وتفتح الباب الصبح تلكاني
جاي؟
وعود اكلك ماكدرت ل اشتياقي
واني رجعني هواي؟
تريد اكلك اسف؟
تريد تسمع مني هاي؟
لا حبيبي انت متوهم هواي
وراح تسمع مني هاي
ذاك موضوعك نسيته
وضل وراي