#ياحسين

حظور السيدة فاطمة عند مصرع الحسين
عليهم السلام

كـل عام هـذا الظيم كل عام
نـام ابـقـهر صحت الولِد نـام
مجروح حتا بشوفه الحسين
شافن عيونه اركاض ألايتام

يمه يمه يمه 
أمك وأجيتك لاهب گلبي
يمه يمه يمه
اسمع حَميتك نادت گرَبي
يمه يمه يمه
ليش الحوافر مردت تعبي

تـعًب الربِـه وهَـز الكواريك
الـخـيـل مـا خلتـهن أعليك
أمـك لـِفت جـا وينه ملگاك
يـابـعَد گلب امـك تحاجيك

حُسييين   يوليدي
حُسييين   يوليدي

___ابفيء الولِد كل والده اتعيش
بس آنه ثجله اگظي الدهر ليش
المثِل ابني مَره ايصير بالكون
بيش اصبر وحيدي نذبح بيش

يمه يمه يمه
انته بجمالك  ماصح واحد
يمه يمه يمه
ليش اعلصدرك حافر گاعد
يمه يمه يمه
وآنه الحَليبي  ابگلبك راكد

شمَحله الولِد حلوات العيون
جاليش من كل كتر مطعون
أبحَر الشِمس وحَدك ضَليت
وما خَلوا اضعونك يسَلمون

حُسييين   يوليدي
حُسييين   يوليدي

___ضامي وغريب الوكت خَلاك
مامش أعيون ال هَلك تنعاك
دمعي نيابه أعلـ الضعن طاح
جي راحو بحسره اعلـ ملگاك

يمه يمه يمه
يوليدي حگك راسك شيَب
يمه يمه يمه
ضلت  غريبه  اختك زينب
يمه يمه يمه
وعيني تشوفك دامي مسَلب

مايوصلن ظيمي النساوين
ما خَللفن مثلك  يالحسين
يوليدي كون أگدر ورويك
لجفيه بنحرك مايهه العين

حُسييين   يوليدي
حُسييين   يوليدي

___ذبلانه اجيت أو گلبي ذبلان
الكوثر ألك هلـ المَره عطشان
تدري أشمعزته الولِد عالروح
معناهه روحي العلى التربان

يمه يمه يمه
ذيج الشريعه  ونحرك يابس
يمه يمه يمه
اخجل أنشدك  عَن المحابس
يمه يمه يمه
وثوبك تبَدل    دَمك لاَبس

عطشان وابـ صَفه الشريعه
أومذبوح هاي أكبر فَجيعة
حتى الحجر بچاي لحسين
وما رحمت الوادم رضَيّعه

حُسييين   يوليدي
حُسييين   يوليدي

___

سيد عباس الفاضلي

واضيعتنا بعدك ?

#ياحسين

السيدة ام البنين صلوات الله عليها

معصور گلبي من الصبح  خوفي الخبر يلفيني
غفله وعربنه اتراكضت  والطمت جفي ابعيني
ناديت ها رَد الحُسين   وينه  اليهود  أونيني

ها يبن حذلم ارحم سؤالي
گلي الحُسين أبظعنه اجالي
هواي أنتظرته آنه وعبرتي
الحظة لقائه حلمي وخيالي

الله  يعظم  أجرج   ميته أولا  گال
گتله حسين أشلونه باقي أبيا حال
گال الجسد بالهيمه  والراس أنشال

حال الظعن ما ينشرح
ردوا جرح شابك جرح

_______

عدد أولادي ألاربعة وطاح الفضل من متني
كتله الولد فدوه  اله  موت الحُسين الهدني
أبيا حال ارد الفاطمه  وهيه أشكثر وصتني

يا گلبي موت  بـ وَنه طويله
ماعندي مُهجه لهَظم العليله
الجانت تِناطر كل هلـ  ليالي
تلاگي مصايب كلفه وثگيله

جانت تناطر مَلگه  حسين وخوان
وتاليهه ردوا ليهه   جروح  وتربان
التنطر تشم ريحتهم  شمت دخان

ميشوم يا هذا  الصبح
ردوا جرح شابگ جرح

_______

صديت حرمه أمگبعه  ما فرزنت خطواتهه
انهد حيلي لمن سلمَت  بحه اسمع بجلماتهه
متغيره زينب من اجت  أيتجولهه ابنياتهه

متغيره  ردت حتى المحامل
ونوگ الخذتهم رجعن هزايل
أبلايه الحُسين أو لمة اخوته
رَد خالي ظعنه من ابوفاظل

أحتاريت أون لو صَبر  ضعن الغياب
احباب ردت تنحب  ومضيعه احباب
جرحين صار الملگه  نهد گلبي وذاب

ذاب الگلب ذوبت ملِّح
ردوا جرح شابگ جرح

_______

انشد منو ويرد علي   كلمن جروحه بطوله
طفلة بظعنكم ما أجت  ومنا مشت مكفوله
جاوينها بنية الحُسين  صاحن عليه مگتوله

طفله وحنينه بس مارعوهه
ماتت  رقُيه عِد راس ابوهه
بليل الخرايب دارت مآسي
فوگ الترايب شگد نوموهه

بدرب السبايه الميت  صحناله ارتاح
إينسيك بالكت موتك  صورت  ذباح
وهلبت شرار الخيمه  يطيب وينزاح

وعند الله بدموعك تِلّح
ردوا جرح شابگ جرح

_______

سيد عباس الفاضلي

#استقبال شهر الدموع
بأسم مولاي أبا الفضل العباس عليه السلام
#محرم_الحرام
#ثگيل

من عيني دمعه أتطيح
صوت بظميري إيصيح

لو ردت دمعك يترس العين
العباس باب الدمعه لحسين

أنوي العويل  _ بأسم الكفيل
_____
اذا گلبي يـِرق الحرگت الخيمات
معناهه اخو زينب ليَين الصلبات
قلق روحي يجرني لعالم الاوهام
وارجع للـ يقين ابطيحة الدمعات

ألگلبي احجي كل مصباح
الـ مـا يـبـجـي مـا يـرتـاح

أبـ ديـن المـخيم واجـب النوح
من أتشوف ابوالسجاد مذبوح

وأنُدب قَتيل _ بأسم الكفيل

_____
بعادات البشر عن كل جرح تبعِد
والعباس عينه اعله السهام أتهد
علمني العشگ ماينشرح بـ ألسان
فعلك تضحياتك للـ مُحب تِسعِد

مو عاشگ انته تصير
أبـلا دمـعـة التـقـصير

أتخيل اذا احسينك يناديك
تسعدني لـو زادت بـواجيك

دمعك يسيل  _ بأسم الكفيل

*___

ك*ل جف دَور بروحي ونوا يلوحك
أتوضه أبـ مطر من زمزم جروحك
انه الـ شديت گلبي أبراية العباس
لاخر لحظه يبقى ينادي مذبوحك

بس ألك ما ينجاس 
گلبي بحمى العباس

وياك عشرت جرح ومصاب
يحسين اشمك بالهوا الهاب

عنِدك دخيل  _  بأسم الكفيل

*___

م*ن ياصوب اعد افضالك واحسب
انته المشتريني من الگشر للـ أللب
ضايع بس رحمتك  لاحت أمثالي
وخليت العشگ بين الظلوع إيهب

احتاريت حيره بهاي
شُكري ودمع مبجاي

شنهي انته يـمحير اليحبون
ساعه بجي وساعه يشكرون

والحُب دليل _ بأسم الكفيل
___

سيد عباس الفاضلي

#خير مانبدأ بهِ
الاعتراف والشعور بنعمة الحُسين صلوات الله عليه
#محرم_الحرام

حاشه الحُسين يعوفنه 
شـراي مـاي اوجوهنه   
مـا خـلـه واحد مَنّ علينه

تـلهج أبـهـاي اشفافـنه
من خيره لحَم جتافنه
بـس يمـه مديناهه أدينـه

حسين خير جفوفه ما يتحدد
مـو فقط بس اليطب للـ مـرقد
ياخذ أمـراده اليسلم مـن بعيد
حسين مثل الهوا خيره وأزود

أبنُ الزهراء   أبنُ الزهراء

ما أندنگ الهامه بس لحجايته
أبصايته ألحد الممات أبصايته
آنه والـ  ربَوني ربانه الحُسين
وأبحمى العباس وأبفي رايته

ياحُسين  ياحُسين

_______

إيتعبنه لو يكرمنه
عدنه المُهم قابلنه
وكل خادم دموعه هويته

مانصَل تُرب أجدامه
وحاسبنه من خدامه
هنيالنه وطحنه ابـ ثنيته

العايش إدخيل ابثنيت الساده
طير حظره يعيش محد صاده
باب ابو السجاد غيره ما نريد
عشنه بمروته وعطايه امراده

أبنُ الزهراء  ابنُ الزهراء

ألف سبُحانه الجمع ناس أوناس
واحنه جامعنه اعله حُب العباس
حسين علمنا اليحب مثل الكفيل
غير حُب حسين  ميشيل الراس

ياحُسين   ياحُسين

_______

أهل السمه إيخدمونه
نعمه وخدمنه اضعونه
وخلانه نبجي اعله الخرايب

ابن الزجيه إدخيله
ماي وحجر باجيله
ارض وسمه طيور وترايب

ما نوافي البجي وگطعت راسه
والله الـ إيقيم اجروحه بـ ناسه
الله ۅحده يعرف لوعات الذبيح
ونحر طـه  هواي شَمه أو باسه

ابنُ الزهراء  ابنُ الزهراء

حسين موحيالله ميت هيج راح
حسين ليه أتلطعش معصوم ناح
وأله فاطم كل سنه تنشر قميص
اتنادي ياحزن اليلم هاي الجراح

ياحُسين   ياحُسين

_______

الهجران فكره إبعيده
أمسلمين كلشي بأيده
ميتين بس عشگه الحيانه

شگد تَرف ويمحبوبه
بدموع يمحي أذنوبه
وينطي شطلب منه لسانه

حسين أگصر درب لـ لله أولينه
أشكثر حَبنه الله واله امبجينه
نعثر وگومتنه تبدي أبيا حُسين
حسين ابونه وهوه  الـ أمربينه

أبنُ الزهراء  ابنُ الزهراء

حُبه مَحد جان يندله أو يصيب
أحنه حُب حسين ظگناه بالحليب
بطولي زنجيلي ويلطموني عليه
وگالوا الطم للبقه بالطف سَليب

ياحُسين    ياحُسين

_______

سيد عباس الفاضلي

#لمولانا مُحمد بن علي الجواد

بگلبه مصايب دارت رحاهه
هنياله كلـمـن رَق وبـجاهه
عيون التندبه باسمه حياهه عذاب

كلبه غشيم الماجاسه گلبه
ألغربـة إمامه ودنـيه تغُلبه
غربـة مُحمد مـا منها غُربه عذاب

واذا مالك دمع نازل بس حلفه بأبوفاضِل
تلگاه للجدم واصل - بُكائك
يگلبي أبنيتك وحيلك كـلـه أنريد نبجيلك
تگظي بجلمة إدخيلك - عطائك

أنذر شبابك فدوه الشبابه لهظمة مُصابه جروح
لذه وسعادة تبجي ألأمامك يكبر مقامك جروح
الضل أبـ دياره وحده ينازع دلاله شابع جروح

_______

هيج الزمان إيصير نعطافه
أشجاب التصحر يم الترافه
لهيبة مقامه شتسوا الخلافه عجيب

طير وغلبهه الناس بمحبته
واسه الجواد بساعة محنته
بجناحه گام إيفي اعلجثته عجيب

الجانت وسعه بيبانه وميرد طالب السانه
تالي إيموت بمجانه - بغدرهم
ثلثت أيام مِتوسد محد بالجذب ينشد
شماته الوادم وتزهِد - طبعهم

ابن الزجيه الطاهر حليبه مات بلهيبه وحَيِد
غربة ومصايب عاش بحياته تالي بمماته وحَيِد
تاسع رحَيم أبـ آل الهواشم بجروحه نايم وحَيد

_______

من الولاده الساعة مماته
أسم الحُسين مرافگ حياته
نومه وجلوسه حرزه وصلاته حُسين

تاسع جمال لـ ألله وعظمته
بي الله داير جوده ورحمته
دُر عالسَمار أتسير دمعته حُسين

كلما للعَذب ينظر ياراحه العليه اتمر
الطف يوميه متكرر - أمامه
اذا للجرح مايگرب لازم ماي مايشرب
جرح ينعاش مايُكتب - كلامه

كلما تألم مانادى جبدي إينادي يَجدي حُسين
بساعة منيته بعروگه سِمه بلسانه كلمه حُسين
يمه الملائك هلت ترايب تذكر مصايب حُسين

_______

لجروحه تطلب عونة جرحهن
اعيون التندبه حزنه رحمهن
ابچفه الجواد إيجمل دمعهن حنين

بجناحه گلبك خليه يسافر
الباب المُراد إيرزقك مشاعر
كلمن گصدله يرد منه طاهر حنين

اليكرم غُربه ناخينه شينطي الباجي لحسينه
الجواد الرحمه جفينه - شيرزقك
سَـلـم آمرك أو گلبك أبكيفه إيرهَبك ايرغَبّك
الجواد الاعرف بدربك - يُعرفَك

للترفه روحه سلمهه روحك خاطر جروحك تعيش
اتظج يامُحمد كون الجوارح بس لا تبارح تعيش
أشما تنجرحله جرح المُخيم لوعت مُحرم تعيش

_______

#ألرثاء ألاخير

رجعنه گبور تمشي خلاف ابوتراب
وبالباب انتحبنه
رجعنه اجدام منگوله أبتعب موت
مو هين وضعنه

ردينه
كلهه اتلافت والوجع
أمبين بأهل بيته
مو سهله تاليته
رد ينحب حسينه ردينه

سكته الوداع وشاهدت
درب الگبر ناگع
محد عدل راجع
من گد بواجينه ردينه

الحسن صاح اجفو الِدلال
شيخ الهواشم عنهه شال

_____
طر وجه الصباح وراحت الناس
وعلويات ناحن
متوسطه العلاوي ام عون للظيم
راح الحيد صاحن

بجاهه
للباب رد خالي النعش
وأتلگته أب دمعه
الماگدرت اتشيعه
أتون غُربه خلاهه بجاهه

حيد الله نايم والعرب
من هسه فرحانه
محد بجه اويانه
الضحكه سمعناهه بجاهه

أو عمداً يعيدون السؤال
شيخ الهواشم عنهه شال

_____
طبيت المجانه البي گظه أسنين
دمعاتي اتجاره
أفراشه وتربته وسجاده عالگاع
وامكتَر فُقاره

صديته
خالي المجان البي گعد
ما ينسمع صوته
رد خالي تابوته
موحش صبح بيته صديته

ألسجادته الروح نجفت
تشم عطره وانفاسه
گد ما سجد راسه
بيها آنه شميته صديته

جنها ألـ علي أتنادي تعال
شيخ الهواشم عنهه شال

_____
وعگب موت الزجيه گلنه حيدر
يعوضنه أبحنانه
أثاري الموت هم مر بيك يابوي
وللـ الغربه رمِانه

أيتامك
شگد ماكبرنه بحاجه الك
يا أبالحسن خيمه
من القادم وضيمه
أتشب نار بخيامك أيتامك

باجر منايه أبـ كل درب
تفتر عله ضعونك
أو كلهم يندبونك
اشما ذكروا أيامك أيتامك

وبـ الياعلي انشد الرحال
شيخ الهواشم عنهه شال

_____

سيد عباس الفاضلي

#السلامُ على أمير المؤمنين

عندما قالت السيدة زينب عليها السلام
يا أبي لقد حدثتني أُم أيمن عن كربلاء وما سيحدث
من مصائب فحدثني انتَ يا أبي (عليه السلام)

قال:

هذا الـ أموادع يختلف
دمعاتج تحجيني
كل ساعة عينج تلتفت
لـعيوني وتبجيني
وي طبرة الراس وعِرظ
جرحج يبنتي بعيني

من امج بديتي بأول مصيبه
تنطرج مصايب كثره وعجيبه
اتسلبج عشيره هناك البراري
أو بين الطوايف دربج غريبه

يابويه الله ايعينج باجـر لـو دار
نار التشب بظلوعج وخيامج نار
مـاصاير وي غيرج يابويه الصار

يازينبي لكِ العزاء
يازينبي لكِ العزاء

_________

زينب تروحين أبـ ظعن
للموت راحت ناسه
وحسين المحلي الدرب
علرمح يرجع راسه
أمحظره المصايب كربله
والشام دگ اجراسه

إيطيح الحُسين وأنتي بعيده
بأسمج ينادي ألگطعت وريده
وبين المخيم تبقى  الفواطم
كلهن يطيحن ويـ طيحة ايده

مَطبور راسي ويمكن بالموت ارتـاح
بـس الـف مـوته إبعينج يرسم ذباح
ظيم اليرافگ روحج من فوگ رماح

يازينبي لكِ العزاء
يازينبي لكِ العزاء

_________

أتطلعين مكفولة أبـ گمر
اتردين بس الرايه
أوسگاي ضعنج ما يضل
والجود ينشف مايه
بويه العرب ماهي العرب
محد اليسوا حجايه

يا بويه زينب مايبقى غالي
گيود وخرايب تگظي اليالي
أمن المدينه ألحَطت رحالج
تبدي الخساره ودمعج يلالي

اول شـي يـتـفرهـد مـن عـينج نـوم
لو شفتي خيام الله يحرگوها الگوم
لوشفتي اعله الشاطي منحر مدموم

يازينبي لكِ العزاء
يازينبي لكِ العزاء

______

ام ايمن شويه الحجت
اكبر اليحصل باجر
حلوات نوگج من مشن
يردهن هزايل عاشر
ليل وعجاج أعله الخيم
ومكسور ظلع وخاطر

وهيه المصيبه من بين اخوتج
مامش نواعي ولا يعله صوتج
أتـطيـح العمـايم والدم عـليهه
ابسكته الجثثهم حادي يفوتج

مـو مـثل أوداعي آنـه أوداع العباس
كل جف صار بصفحه ومحزوز الراس
مـحد يِدنـه امجانـه أو لا خـَد ينباس

يازينبي لكِ العزاء
يازينبي لكِ العزاء

_________

جتالي مجتول أو هَلي
بالماي يتلگوني
وانحط على متون الزلم
للـ مگبره ايشيعوني
همي آنه علـ يبقى ابفلّه
دامي وينادي ظعوني

أهواي النوايب واكبر فجيعه
ينادي اعلـ ناصر مَحد يطيعه
توصل عَبرته ألطارف خيامج
وعينج تناظر صوب الشريعه

فوگ الجرح والصاير تمشين الـ شام
بشهور ضيم وغُربه  مو حسبه ايـام
وباجر دمـع مـاينزل  يم ناس ضِلام

يازينبي لكِ العزاء
يازينبي لكِ العزاء

_________

سيد عباس الفاضلي

#لمولانا أمير المؤمنين عليه السلام

#ثگيل

سـال دَم الهامه بيـن اجفوفه
ياصباح الضيم بأرض الكوفه

_________

بدت بالطير الصوايح والنحيب
ومـاتبشر حالته إينادي الطبيب
وگفـت ايـتامـه اتـبرع بالحليب

گالـوا انـرد لـو ربـع مـعـروفه
ياصباح الضيم بأرض الكوفه

_________

صعبه حيدر للحياة انطه گفاه
حتى بـاب الـدار جَـلب بالعـباه
هـذا يـامـوت التـدناله وخـذاه

وهوا ملج الموت كعبه يطوفه
ياصباح الضيم بأرض الكوفه

_________

حسين ناده اخوانه وادنوا عليه
شافو الطبرة وصفگ عباس اديه
حيل حَد السيف ماخذ حيفا بيه

وهامة الغيره أبـ دمع ملفوفه
ياصباح الضيم بأرض الكوفه

_________

ابـومحمد بـيـده اليوذر بالرگاب
ثـار حيدر مـايضل فـوگ التراب
راس جـتاله انشطر مثل الكتاب

الثار بلـ ألثار وجروح أسيوفه
ياصباح الضيم بأرض الكوفه

_________

ياصباح الفزت أبـ جرحه الديار
ألصوفر الگاع وعربهه والخظار
ونايحه الشياب فزعت والزغار

بحين سمعت بالخبر وأحتوفه
ياصباح الضيم بأرض الكوفه

_________

اليوم علـ  ألامة وقع اكبر بلاء
العروة مفصومة وحزينه الانبياء
اليوم صاحب طه مَطبور وبُكاء

ابـ دمَه دمعات الخَلق مديوفه
ياصباح الضيم بأرض الكوفه

_________

سيد عباس الفاضلي

حظور السيدة فاطمة عليها السلام
بعد فراق دام سنين طويلة
قد حان لقاء مكسورة الضلع  مع صاحب الرأس المطبور فجراً

قالت:

تفارگنه ابـ دمّوع   وكِسر ذيج الظلوع
حرگ بـاب وقتل
شعجب هم اللقاء  أبتده ابنوح وعزاء
أوجرح ماينحمل

الوادم هم نكروا وگفاتك
وصاروا دَم خضب شيباتك
محد بيهم صار ظماد

مكتوب النه نموت بحسره
وهم بصواب أنودع العشره
نفس الهَم حيدر ينعاد

الظياع أبـده الكلام
أبنزف راس السلام
علي علي علي
إشيعوظك يالحنين
ولـي أوسيف وامام
علي علي علي
كتاب اليحجي راح
ابـ غدر ولد الحرام
علي علي علي

ياعليُ  _ الوَداع
ياعليُ  _ الوَداع

_____

انهدم ركن الجمال نزَف دَم الحلال
على التربه الفجر
الصبح اظلم يصير  كلف جرح ألأمير
عليه مامش صَبر

أبگد ماجيت أبليل الگبري
واعلـه ترابي دموعك تجري
اتعنيت ابجيهن وياك

أبگد دمـعاتك بـ اخـر ليله
أبگد مـاحـيـلك مـنهَد حيله
يم محرابك أرد انعاك

نجرَح گلب السمه
العِمامة أتهل دمَـه
علي علي علي
الگلب يسمَع عذاب
الـ يون خِل فاطمه
علي علي علي
أبشهر ما.تَم صيام
جرح جازي الضمه
علي علي علي

ياعليُ  _ الوَداع
ياعليُ  _ الوَداع

_____أجيت بحُب خليل. أبد مو رَد جميل
الـورد زار النـهـر
حجه دموع اللسان  اجه يودع ألامان
عگب وكت السَحر

آنه ادري الناس يجرحونك
أو نفس ال آذوني ايئذونك
ما نحتاج نكشف نگاب

بنفس الغُربه وتشبه وضعي
الطبروا راسك كسروا ظلعي
نتشابه محراب أو باب

الصدر ما ينشرح
النسيم إيمر ذبح
علي علي علي
ذبل للون الخظار
الزلال انوه يشِح
علي علي علي
ترك بيت أو عيِال
جرح يلجم جرح
علي علي علي

ياعليُ  _ الوداع
ياعليُ  _ الوداع

*_____

وراي شگد بجيت.* بمنيتك هسه اجيت
وشفت منظر صعب
شفت جف الحُسين  رجف غيره وحنين
وقـهر عـينـه تصب

ويـَم راسك يتناحب عـودك
يحس جرحك ويقبل خدودك
ماكو حجايه توصف البيه

وزيـنب دمـعـه اتطيح گبالك
ابـ طـور الغُربـة اتـضل تنعالك
بويه اظلم بيتك تاليه

وراك  الـهَم جـبـيـر
ابـتُرب لـمن تـصيـر
علي علي علي
العرب بعـدك تـظيع
خليفه انـته وأميـر
علي علي علي
ولـكـن  الله  شـاء
لشهادة ألك مصير
علي علي علي

ياعليُ  _ الوداع
ياعليُ  _ الوداع

_____

الالم ماظن يهيد. علي أمغَرب بـعـيـد
تـرك كسرة أبگلب
صبّاح الكوفه نوح  بنعش طولك يروح
أو يغطيك التُرب

بهاي الدنيه الموت ارحملك
أولاعيشه ابنص ناس تجهلك
بحُب ميثم ياهو التلگاه

ألـمحد بـيـهـم يعرف گدرك
ابـ ظـيـم وياهم خلص عمرك
وانته التندل درب الله

عشت عمرك وحَيد
على احـبابك بـعيد
علي علي علي
الك مـاطـاب عَيِش
گلب نـاسك حديـد
علي علي علي
ملوا روحك جِراح
غدرهم مـو جـديد
علي علي علي

ياعليُ  _ الوداع
ياعليُ  _ الوداع

_____
سيد عباس الفاضلي