#Xotira
#Premyera

⚡️ Bugun, 2-noyabr kuni Oʻzbekiston Milliy kino sanʼati saroyida mashhur sanʼat arbobi, professor Baxtiyor Sayfullayevning yorqin xotirasiga bagʻishlangan hujjatli film premyerasi boʻlib oʻtdi.

☑️Film premyerasida madaniyat vaziri Ozodbek Nazarbekov ishtirok etdi.

Telegram | Instagram | Facebook | Veb-sayt

#Таъзия
Ўзбек миллий маданияти ва санъатини ривожлантиришда муносиб ҳисса қўшган фидоий инсон, Қашқадарё вилояти телерадиокомпанияси бош режиссёри – Ахмедов Зокир Анварович 51 ёшида вафот этди.

Зокир Ахмедов 1973 йилда Ғузор туманида туғилган. У иш фаолиятини Ғузор тумани маданият уйида услубчи ва бадиий раҳбар вазифасидан бошлади.

З. Ахмедов Қашқадарё вилояти мусиқали драма театри актёри, вилоят телевидениеси диктори вазифаларида ишлаб, 2000 йилда “Йилнинг энг яхши диктори” номинацияси ғолиблигини қўлга киритди.

З. Ахмедов 2005-2008 йилларда Қашқадарё вилоят маданият ва спорт ишлари бошқармаси бошлиғи ўринбосари, 2008-2011 йилларда Қашқадарё вилоят мусиқали драма театри директори ва бошқа лавозимларда фаолият юритган.

Барча маданият ва санъат вакиллари, жонкуяр Инсон Зокир Ахмедовнинг вафоти муносабати билан марҳумнинг оила-аъзолари ва яқинларига чуқур ҳамдардлик билдирамиз.

Зокир Ахмедовнинг ёрқин хотираси қалбимизда мангу яшайди.

Қашқадарё вилояти маданият ва санъат вакиллари.

РАДДИЯ!

«Ҳурматли» “Аноним”!

Қашқадарё вилояти мусиқали драма театрининг жамоаси номидан Фейсбукнинг “Қарши она шаҳрим” деб номланган ижтимоий тармоғидаги “Мулла Тўйчи театри ходимларига” деб бошланувчи аноним кимса (дейиш мумкин бўлса) томонидан жуда саводсизларча ёзилган иғвосига қуйидаги аниқ асосли раддиямизни билдирамиз. Аноним хат жуда саводсизларча дейишимга тўла асосли ҳолда, мазмунан ҳам, мантиқий жиҳатдан ҳам, қолаверса имловий хатоларга тўла ушбу хатни эгаси спектакль мазмунини тушунмаслиги унинг хатоларга тўла ва аниқ асосланмаган, шахсияти очиқланмаган хатнинг мазмунидан ҳам кўриниб турибди.

Биринчидан, нима учун пост аноним тарзда берилмоқда? Чунки, хатда қайси куни келинганлиги ҳамда қайси ташкилот ёки муассасадан эканлиги номаълум. Агар бу аниқ асосли ва инкор этиб бўлмас воқелик бўлганида, тўғридан тўғри исми шарифи ҳамда жамиятда тутган ўрнини сир сақламаган ва ёзаётган битигидан, исми шарифи, лавозими (бор бўлса)дан уялмаган ҳолда аниқ ёзган бўларди.

Иккинчидан, 2016 йилда Ўзбекистон Республикаси Вазирлар маҳкамасининг 2016 йил 29 июлдаги 246-сонли қарорига мувофиқ Қашқадарё вилоят мусиқали драма театридан М. Тошмуҳаммедов номи олиб ташланган ва Қашқадарё вилоят мусиқали драма театри деб юритила бошланган.

Учинчидан,театрнинг томошабинлар залига 2400 нафар томошабин сиғмайди. Негаки, ўриндиқлар сон 607 нафар томошабинга мўлжалланган.

Тўртинчидан, театрга доимий келиб турадиган маънавияти юксак ва зиёли инсонлар билишадики, театрда спектаклларда микрофон ёки фонограммадан фойдаланилмайди, балки актёр ва актрисаларнинг таъсирли ва жонли ижроларидан баҳраманд бўлишади.

Бешинчидан, Азиз Несиннинг “Уч бахтсизлик” асари дунё китобхонлари рейтингида энг юқори ўринда турувчи ҳамда ушбу спектакль Туркияда бўлиб ўтган халқаро театр фестивалида муносиб иштирок этиб, энг юқори ўринлардан бирини эгаллаганини бутун ўзбек санъати ихлосмандлари билишади.

Ушбу спектаклнинг сиз тушунмаган ва бу савия билан тушуна олмайдиган ҳам чуқур ғоявий аҳамияти бор. Жумладан, “Уч бахтсизлик” спектаклида кўплаб классиклар асарларида бўлгани каби, бир-бирини инкор этувчи ғоялар кураши яққол ўсиб бораётгани кузатилади. Хулоса битта – Инсон ўз хоҳиш-иродасидан четлаб ўтиб, бахтли бўла олмайди. Инсон хоҳиш-иродаларидан узоқлашганда жамият олдидаги масъулиятини ҳам тўғри англай олмайди, ҳаётий масалаларини тўғри еча билмайди. Режиссёр – Фарҳод Жумаевасарни ана шундай талқинда – инсоний кечинмаларни улуғлашга эътибор қаратилиши мавзусида саҳналаштирган .

Олтинчидан, театрга келаётган ҳар бир шахс, ўқувчи ёки ўқитувчи театрда ўтириш маданиятига эга бўлмаса, кўрмоқчи бўлган спектаклини савияси ва у ҳақда маълумотга эга бўлмаса, бу театрнинг шаънини тўкиш учун асос бўла олмайди. Чунки, ушбу театрнинг ижодий фаолияти нафақат ўзбек театрлари орасида, балки жаҳон саҳналарида ҳам ўзининг энг юксак саҳна асарлари билан юқори ўринларда эътироф этилмоқда.

Хулосада эса, Фейсбукнинг “Қарши она шаҳрим” деб номланган ижтимоий тармоғидаги театр жамоаси номига ижтимоий тармоқларга саводсизларча ёзилган бўҳтонни ўтказганлиги ва бу шахсга ойдинлик киритилишини ва бу шахс ёзган ҳар бир сўзига асосли исбот келтирмагани ҳамда театр нуфузи халқаро миқёсда кенг эътироф этилаётган бир фурсатларда, театрнинг шаънини тўкаётганлиги учун театр жамоаси номидан жавобгарлик талаб қиламиз.

Ижтимоий тармоқларда тарқалаётган ҳар бир асоссиз хат, агар у аноним тарзида бўлса ҳам жавобгарликка тортилишини маълум қилган ҳолда, шахсингизни аниқлаштирилиши ёки ижтимоий тармоққа хабар жойлаган масъулни театрга очиқ мулоқотга чорлаб қоламиз. Театр нуфузини қасддан қадр-қимматини тўкканлиги учун керакли ташкилотга мурожаат қилишимизга тўғри келади.
Қашқадарё вилоят мусиқали драма театри матбуот хизмати