*Норин тумани ҳокими Жўрабек Нурматовнинг давлат Мустақиллигининг 33 йиллиги муносабати билан байрам табриги.Азиз ватандошлар!

1 сентябрь  -  халқимиз ҳаётидаги энг азиз, муҳим санада давлатимиз   миллий мустақилликка эришган кунни кенг нишонлаймиз. Ҳурлик ва озодликнинг энг азиз неъмат эканини ўтган йиллар давомида барча соҳаларда эришилган ютуқлар  - иқтисодий ўсиш, аҳоли фаровонлиги, қишлоқ ва шаҳарлар ободлиги,  таълим, фан, маданият, тиббиёт спорт, қишлоқ хўжалиги ва бошқа соҳалардаги ислоҳотлар самарасида кўриш мумкин.
Орзуларимиз рўёбга чиқаётгани, осойишта ва хотиржам ҳаёт, тинчлик барқарорлиги мустақиллик туфайлидир.
“Бир бўлсак  - ягона халқмиз, бирлашсак  - Ватанмиз!” деган бош ғояни ўзида мужассам этган байрам тадбирлари республикамизнинг барча ҳудудларида кенг нишонланмоқда.*
Фурсатдан фойдаланиб,  барчангизни халқимизнинг энг улуғ, энг азиз айёми - Ўзбекистон Республикаси Давлат мустақиллигининг қутлуғ 33 йиллиги билан муборакбод этаман.

Мамлакатимиз сиёсий ҳаётидаги муҳим воқеалар,  Учинчи Ренессанс пойдеворини яратишга қаратилган ислоҳотларни ҳар томонлама қўллаб-қувватлаб, тараққиётга муносиб ҳисса қўшиш ҳар биримизнинг Ватан олдидаги инсоний бурчимиздир.
Эл ва инсон манфаатлари устивор бўлган Янги Ўзбекистоннинг тинчлиги, ҳалқимиз фаровонлиги, юртимиз тараққиёти йўлида амалга ошираётган ишларингизда муваффақиятлар ёр бўлсин.

Барчангизга, энг аввало, мустаҳкам сиҳат-саломатлик, оилавий хотиржамлик, файзу фаровонлик тилайман.

Ҳаётингизда яхшилик, элу юрт равнақи йўлидаги одимларингизда эзгулик ва шижоат ёр бўлсин.

Илоҳим, тинчлик-омонлик, файз-у барака Ўзбекистонимизни ҳеч ҳам тарк этмасин!

Мустақиллигимиз абадий, эришаётган ютуқларимиз бардавом, байрам шукуҳи файзли бўлсин.

Ҳурмат билан
Жўрабек Нурматов