#Намоз_вақтлари⏰️
2024- 24-СЕНТЯБРЯ

?Бомдод. 05:30
☀️Пешин. 12:45
⛅️Аср. 16:50
?Шом. 18:25 (такбир вақти)
?Хуфтон. 20:00

"ХОЖА МУҲАММАД ВАЛИ "
жоме масжиди

“... Албатта, намоз мўминларга вақтида фарз қилингандир” (Нисо сураси 103-оят).

OBUNA BO'LING ✅ VA ULASHING https://t.me/xoja_muhammad_vali_jome_masjidi

#Ҳадис

Анас розияллоҳу анҳудан ривоят қилинади. Расулуллоҳ соллаллоҳу алайҳи васаллам «Эй ўғилчам, агар оила аъзоларинг ҳузурларига кирсанг, салом бергин. Ана шунда ўзингга ва оила аъзоларингга барака бўлади»,* дедилар.

Имом Термизий ривоятлари.*Фойда: Киши уйига кирганида ўз аҳлига салом бериш маҳбуб амаллардан. Агар ҳеч ким бўлмаса «Ассалому ъалайна ва ъала ибадуллоҳис солиҳийн», деб айтмоқлиги ҳам маҳбубдир.

OBUNA BO'LING ✅ VA ULASHING https://t.me/xoja_muhammad_vali_jome_masjidi

Жамоат қанча кўп бўлса, Аллоҳ таоло уни шунча кўп яхши кўради

Қоббас ибн Ашям Лайсий розияллоҳу анҳудан ривоят қилинади: «Расулуллоҳ соллаллоҳу алайҳи васаллам шундай
дедилар: «Икки киши жамоат бўлиб ўқиган намознинг савоби Аллоҳ субҳанаҳу ва таолонинг наздида тўрт киши алоҳида-алоҳида ўқиган намознинг савобидан кўпроқдир. Тўрт киши жамоат бўлиб ўқиган намознинг савоби саккиз киши алоҳида-алоҳида ўқиган намознинг савобидан кўпроқдир. Саккиз киши жамоат бўлиб ўқиган намознинг савоби Аллоҳ таолонинг наздида юз киши алоҳида-алоҳида ўқиган намознинг савобидан кўпроқдир» (Баззор ва Табароний ривояти).
••┄┄┄❅┄┄┄•••
OBUNA BO'LING ✅ VA ULASHING https://t.me/xoja_muhammad_vali_jome_masjidi

? РАСУЛУЛЛОҲ ﷺНИНГ ГЎЗАЛ ХУЛҚЛАРИ

Абдуллоҳ ибн Ҳорис розияллоҳу анҳу айтадилар: "Расулуллоҳ соллаллоҳу алайҳи васалламдан кўра кўпроқ табассум қиладиган бирор кишини кўрмадим" (Имом Термизий ривояти).

Жарир ибн Абдуллоҳ розияллоҳу анҳудан ривоят қилинади: "Мен мусулмон бўлганимдан кейин қачон Расулуллоҳ соллаллоҳу алайҳи васалламни кўрган бўлсам, албатта юзимга табассум билан қараганлар" (Имом Бухорий ривояти).
••┄┄┄❅┄┄┄•••
OBUNA BO'LING ✅ VA ULASHING https://t.me/xoja_muhammad_vali_jome_masjidi

БИР УМРЛИК БАХТ КАФОЛАТИ

Бир киши донишманддан: "Фарзандим хурсанд бўлиши учун нима совға қилай?" деб сўради.
Донишманд: “Агар қанд берсанг, бола бир кун хурсанд бўлади, эртасига таъмини унутади. Ўйинчоқ олиб берсанг, бир ҳафта қувонади. Тулпор от мингизсанг, бир ойдан кейин уни қирчанғи қаторида кўради. Сен фарзандим хурсанд бўлсин десанг. Халтасига китоб солиб қўй, шундай қилсанг, у бир умрга бахтли бўлади...” дебди.
••┄┄┄❅┄┄┄•••
OBUNA BO'LING ✅ VA ULASHING https://t.me/xoja_muhammad_vali_jome_masjidi

​​Дунёдаги бепул даволовчи табиблар 11 тадир:

1. Қуръони карим тиловати;
   2.Беш вақт намоз ўқиш;
   3.Бир йилда бир ой, ойда уч кун, ҳафтада икки кун рўза тутиш;
2. Кечаси тўйиб ухлаш;
3. Етарли сув ичиш;
4. Тоза, очиқ ҳаво;
5. Кунлик ярим соат пиёда юриш;
6. Витаминларга бой таомларни ейиш;
7. Қуёш нури (Айниқса эрталаб чиқаётгани)
8. Қаноат.
   ㅤㅤㅤㅤ
   ••┄┄┄❅┄┄┄•••
   OBUNA BO'LING ✅ VA ULASHING https://t.me/xoja_muhammad_vali_jome_masjidi

ҲАР БИР ИШДА ҲИКМАТ БОР
Бани Саъдлик Убайдуллоҳ ибн Зиёднинг қўмондонларидан бири томдан йиқилиб икки оёғи синди ва унинг зиёратига Абу Килоба роҳимаҳуллоҳ келиб:
– Бу ишни яхшиликка деб умид қиламан, – дедилар.
– Эй Абу Килоба, икки оёғимнинг синишлигида қандай яхшилик бўлиши мумкин?
– Аллоҳнинг сизга беркитган ишлари кўпдир, дедилар Абу Килоба.

Шундан уч кун ўтиб, имом Ҳусайн розияллоҳу анҳуга қарши урушга чиқиш учун Убайдуллоҳ ибн Зиёднинг мактубини элчи келтирди. У киши икки оёғи синганлигини элчига айтдилар. Бир ҳафта ўтгандан кейин эса Ҳусайн розияллоҳу анҳунинг қатл қилинганлиги хабари келди. Шунда оёғи синган қўмондон йиғладилар ва: “Абу Килобага Аллоҳнинг раҳмати бўлсин! У тўғри айтган экан, оёқларимнинг синиши мен учун яхшилик бўлган экан”, – деди ўзига ўзи. Яъни, Расулуллоҳ соллаллоҳу алайҳи васалламнинг севикли набиралари Ҳусайн розияллоҳу анҳуга қарши уруш қилишдан сақланиб қолган эди.

«Ҳикматлар хазинаси» китобидан.
ㅤㅤㅤㅤ
••┄┄┄❅┄┄┄•••
OBUNA BO'LING ✅ VA ULASHING https://t.me/xoja_muhammad_vali_jome_masjidi

ЖАНОБ РАСУЛУЛЛОҲНИНГ
МЎЪЖИЗАЛАРИ
(соллаллоҳу алайҳи ва саллам)

РАСУЛУЛЛОҲНИ ЗИЁРАТ
ЭТГАН ДАРАХТ**

Ҳазрати Яъло ибн Мурра шундоқ ривоят қилур:

"Расулуллоҳ билан бирга сафарга чиқдик. Бир мўлжал йўл юргандан сўнгра манзилга келиб тушдик. Расулуллоҳ соллаллоҳу алайҳи васаллам ётиб ухладилар, мен эрсам шул ерда қараб ўлтирган эдим. Шунда бу жойдаги ўсган дарахтларнинг бири қўзғолиб, ерни ёрганича Расулуллоҳ томонига юрди.

Тўғри келиб, Расулуллоҳ бошларида бир айлангач, қайтиб бориб яна ўз жойида турди. Муни кўргач, ҳайронликда туриб эрдим, шу орада Расулуллоҳ соллаллоҳу алайҳи ва саллам уйғондилар эрса, бу воқеани баён қилдим".

Анда Расулуллоҳ айтдилар:

– Бу дарахт мени зиёрат қилмоққа Аллоҳдан рухсат сўради. Унга рухсат берилгач, менга келиб салом қилиб қайтди».

Алихонтўра Соғуний
ҳазратларининг «Тарихи Муҳаммадий»
асаридан.
ㅤㅤㅤㅤ
••┄┄┄❅┄┄┄•••
OBUNA BO'LING ✅ VA ULASHING https://t.me/xoja_muhammad_vali_jome_masjidi

XULQLARNING ENG AFZALI

Aqaba ibn Amrdan rivoyat qilinadi: «Rasululloh sollallohu alayhi va sallamga qo‘qqis yo‘liqib qoldim. Qo‘llaridan ushladim, u zot ham mening qo‘llarimdan ushladi va dedilar: «Ey Aqaba, dunyo va Oxirat ahlida bo‘ladigan xulqlarning eng afzalini senga aytaymi, aloqasini uzgan qarindoshing bilan bog‘lan, sendan nimanidir qizg‘angan kishiga ber, senga zulm qilgan odamni kechir. Ogoh bo‘l, kimki umri uzayishini, rizqi kengayishini xohlasa, qarindoshlari bilan aloqani mustahkam qilsin».

Imom Ahmad «Musnad»ida bu hadis Abu Mug‘irodan to Abu Umoma Bohiliygacha davom etgan sanad bilan keltirilgan.
ㅤㅤㅤㅤ
••┄┄┄❅┄┄┄•••
OBUNA BO'LING ✅ VA ULASHING https://t.me/xoja_muhammad_vali_jome_masjidi