أنت ضامن الجنـــة؟!

أنت ضامن تدخل الجنة مع كل الذنوب اللي أنت مستمر عليها دي؟! ضامن ربنا يغفر لك؟!

ضامن بعد ما أكلت حق فلان، واغتبت فلان؟!
ضامن بعد ما خليت ربنا أهون الناظرين إليك؟!

هتفضل لحد إمتى مستهون بالمعصية وإنه مجرد ذنب وهيعدي!

هتفضل لحد امتى عندك لا مبالاة بالمعصية؟! خاف على نفسك قبل فوات الأوان!

#لحظة_يقظة

‏غدا يوم ‎#الخميس

كن في قوافل الصائمين

إن لم تستطع فذكر بها غيرك

إوعى تسيب دينك ريشة في مهب العوارض والظروف!

علشان توصل لأي هدف في العبادة من صلاة وصوم؛ لازم يكون عندك منهج تمشي عليه.

لازم يبقى عندك أوراد ثابتة كل يوم، لو مهما حصل يومك ما يعديش من غيرها، حتى لو قليلة، أهم حاجة تكون ثابتة.

النبي ﷺ قال:
"أحبُّ الأعمال إلى الله أدومها وإن قل".

? كلما عزمت على قراءة القرآن .. وجدت تلفونك يرن‼️
? قمت تصلي ركعتين .. وصلتك رسائل على الواتساب‼️

? سحبت كتاب تقرأه ..أخوك بدأ يفتح معاك موضوع ما‼️
? نويت تعمل أي عمل من أعمال البرّ .. سيظهر لك ما يؤخر هذا العمل‼️

?قال ابن القيّم: (إذا أقبل العبد على طاعة ، بعث الله له صوارف ، ليتبين صدقه ، فإذا جاهد وصبر وثبت عادت هذه الصوارف في حقه معاونات على الطاعة?)

?قال الله: (وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ) (سورة العنكبوت، آية: 69)

?اصبر وجاهد وعافر ، عشان توصل بجد

مافيش حاجة هتصبرك على أي مشكلة أو بلاء في حياتك غير معرفتك باللَّهِ سبحانه وتعالى.

لما تحس إن اللَّه هو الرزاق، مش هتخاف على رزقك.

ولما تعرف إنه هو المجيب، مش هتبطل دعاء وعمرك ما هتشيل هم مشاكلك.

هتسلم لأقدار ربنا؛ لأنه هو العليم بحالك ومدبر أمورك.

? نذكركم بصيام الثلاثة ايام البيض 13و 14و 15 من شهر ( رجب )*

? هتبدأ من بكرة الاثنين ?

? الإثنين...
( أول الايام البيض 13 رجب )

? الثلاثاء ...
( ثان الايام البيض 14 رجب )

?الأربعاء ...
( ثالث الايام البيض 15 رجب )

?وأبشرك إنها من وصايا النبي صلى الله عليه وسلم ،،
?صيام ثلاثة أيام من كل شهر هجري فالمحافظة علي صيامها من كل شهر بجانب صيام شهر رمضان وكأنك صمت العام كله...

لو عاوز تقصر من مدة الابتلاء في حياتك أدمن ذكر اللَّه على لسانك وبقلبك!

ذكر ربنا عبادة سهلة جدًا؛ لكن تأثيرها عظيم جدًا على حياتك!

قال ابن القيم رحمه اللَّه: "من أدام التسبيح انفرجت أساريره، ومن أدام الحمد تتابعت عليه الخيرات، ومن أدام الاستغفار فتحت له المغاليق"!

قال ابن تيمية رحمه اللَّه: "مَنْ أراد السعادة الأبدية؛ فليلزم عتبة العبودية".

لو عايز تبقى سعيد في حياتك لازم تقرب من ربنا وتعبده وتذكره وتتوكل عليه في أمورك كلها؛ لأن البُعد عن ربنا بيورث الهم والضيق.

قال تعالى: {وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا}.

بكرة الخميس .. نعمل اييييه ?

بفكرك إن حبيبك النبي ﷺ كان دايماً بيصوم الإثنين والخميس من كل إسبوع فقد كان يحب ان يرفع عمله الي الله وهو صائم فالأعمال ترفع إلى الله تعالى يوم الاثنين والخميس ?

?وكمان اللي يصوم يوم واحد تطوع في سبيل الله ربنا يبعده عن النار مسيرة سبعين سنة.. و يجعل بينه وبين النار خندق طوله ما بين السَّماءِ و الأرضِ?

#حياتي_دعوة

عمرك فكرت إن كل خنقة مريت بيها كانت وراها رحمة من ربنا؟ كل ضيق انزاح وكل مشكلة انحلت، هي نعمة من ربنا عليك. خلي قلبك ذاكر وشاكر، وافتكر إن كل لحظة فرج هي منة تستحق الحمد.