#Tilaklardan_namunalar

Assalomu alaykum mushtiparim, dardkashim onajonim. Menga faqat yaxshiliklarni tilaydigan, betob bo'lsam ko'zlaridan uyqu qochadigan, doimo Xudodan baxtimni so'rab duolar qilguvchi aziz insonimsiz. Menga otilgan toshlarga o'zini qalqon qiladigan, yaxshiliklarga erishsam hammadan ko'p suyunadigan mehribonimsiz.
Onajonim mehringizga to'ymayman, kulib qarashlaringiz, mehr bilan boqishlaringiz menga kuch beradi. Sizsiz men bemorman. Onajonim omonatim boyligimsiz, o'zimni chiroyligimsiz. Duolaringiz sabab Robbim meni asraydi, qo'llaringizni ko'zimga surtay. Doimo xizmatingizda bo'lay.
Poyingizga gullar sochsam, gullar chiroyingizga hayrondir. Sizni bag'rimga bosib mehringizni yana va yana his etishni istayman. Doimo meni kutadigan, ko'zi yo'llarimda bo'lgan, omadimning sababi, baxtimning yulduzi onajonim.
Atrofimda parvona, bu dunyoda yagona onajonim. Meni oshkorayu pinhona duo qiladigan, keldingmi bolam deb kutib oladigan beozorim, mehribonim onajon.

Yaxshilar aytadilar: Ona kim bilasizmi? Ochligidan o'lim arafasiga kelib qolsa ham eng so'ngi luqmasini, nasibasini senga bera oladigan zot.

Ona kim bilasizmi? Seni dunyoga keltirish uchun qancha azoblar, hattoki o'limga tik boqqan zot onadir.

Boringizga shukr onajonim. Sizning farzandingiz ekanligimdan fahrlanaman va sizni juda yaxshi ko'raman.
➖➖➖➖➖➖➖
Onangiz sizni nomingizdan shunday so'zlar eshitishini istaysizmi?
?
? @onamga_tilagim

#Tilaklardan_namunalar

Assalomu alaykum mehri ummon volidam. Shu yoshga yetishimda, shu kunlarni ko'rishimda mehnati va hissasi eng ko'p singgan, bu yo'lda qiyinchilik va og'riqlarni pisand etmagan mushtiparim, jannatim onajonim. Barcha injiqliklarimni ko'targan, qalbi og'rib turgan vaqtlarda ham menga kulib qaragan, o'zi och bo'lsada meni birinchi to'ydirgan, o'z uyqusidan voz kechib meni uxlatgan, mening kulguyim va baxtim uchun o'zining ko'plab imkoniyatlaridan voz kechgan azizam, mehribon onajonim. Sizning mehringizni, sizning g'amxo'rligingizni hech narsa bilan qiyoslab bo'lmaydi.
Onalarni shunday mehribon va g'amxo'r qilib yaratgani uchun Yaratganga hamdlar aytaman.

Onajonim siz mening jannatimsiz, sizni judayam yaxshi ko'raman. Borligingizning o'zi mening eng katta boyligimdir. Men uchun qilgan mehnatlaringiz, chekkan zahmatlaringiz, uyqusiz o'tgan tunlaringiz, barcha barchasi uchun Yaratgan sizni yaxshiliklar bilan mukofotlasin.
Mening hursandchiligim uchun mendan ko'proq hursand bo'lgan, mening tabassum qalbini yoritib yuborgan, qiynalgan vaqtlarim mendanda ko'proq qiynalgan aziz onajonimsiz.

Baxtimizga doimo sog' salomat bo'ling. Har kuningiz baxtga, quvonchli lahzalarga boy bo'lsin, qalbingiz va yuzingiz doimo baxtdan porlan tursin. Onajonim sizni ranjitganlarim, qalbingizni og'ritib hafa qilganlarim uchun meni kechiring.
Onajonim siz mening ?OYIMSIZ. Oyga qarasan siz esimga tushasiz, sizga qarasam esa oy esimdan chiqadi. Siz mening go'zallar ichra hushro'yimsiz onajon. Sizdek onani menga nasib etgan yaratganga shukronalarim bo'lsin. Biz uchun doimo o'zingizni asrang, shirindan shakar nabiralaringiz ko'p bo'lsin. Hamisha biz farzandlar va nabiralar ardog'ida bo'ling.