Кім өз ойлау қабілетін шариғат қағидаларына сай негіздемесе, ақиқат жолдан адасады. Кім өз мінез-құлқын шариғат әдептеріне сай дамытпаса, адасуға алып келеді. Кім өз ісінде шариғатқа сүйенбесе, залымдардан болады.

📝 Мустафа ас-Сиба’и р.һ

Махаббат тақырыбы үлкен тактыны, ерекше әдептілікті керек етеді. Дарақылық, дөрекілік, бәдіктік оның болмысына жат. Сәл ауытқып түскен тіркес, шалыс басқан шалағай сөз махаббатқа да, ғашықтарға да абырой әпермейді.

©️ Қадыр Мырза Әлі

Адамдар әр ісінде Алланың көрсеткен жолымен жүрмесе, яғни себебіне кіріспесе, ыждағат етпесе, ғылым-өнер үйреніп, орнына қолданбаса, ол адам иман келтіріп, бойұсынған болып шықпайды. Бұл екпей егін күту һәм әкесіз перзент үміт ету секілді нәрсе.

Ғұмар Қараш. "Өрнек".

Өз мүлкін өлердей жоқтап, өз өмірін түкке тұрғысыз санайтын адамға не дерсіз?!

?Аманат өмір
Эрих Ремарк

Адам баласы осы енді. Желкесі қиылмай, желігі басылмайды.

?Аманат өмір
Эрих Ремарк

Егіннің көгеріп шыққан көгіндей, көгерім шағыңда, кірпігің жыпылықтап, әркімге бір жалтақтасаң , ертеңгі күнің - ездікпен өтер...

?Сайтанкөпір
Оралхан Бөкей

Мықтылық дегеніміз - әдемі тұрмыс құрып, бақытты ғұмыр кешу емес, қоржын арқалап жүрсең де, адамдығыңды жоғалтпау.

?Сайтанкөпір
Оралхан Бөкей

Қарағайдың қарсы біткен бұтағы болмасаң, бөксе басты жалтақ күй кешесің.. осылайша иесіне жалтақтаған итше көрінгенге құйрығыңды бұлғап сүрген өмірден - өлген артық.

?Сайтанкөпір
Оралхан Бөкей

Егер керемет әділ қоғамда өмір сүріп, бірақ отбасың тозақ болса, онда, басы ашық, сен бақытсызсың. Ал саған құдай адал жар, сүйкімді перзент беріп, шаңырағыңды шаттыққа толтырса, қылмысқа толы қоғамда өмір сүрсең де, сен бақыттың дәмін татпадым деп айта алмайсың. Отбасың сенің рухани панаңа, қорғаныңа айналады.

✍ Төлен Әбдік
? "Ардегер" пьесасы

Жан жарына адал болмаған адам қылған қызмет, істеген іс, атқарған жұмыс, арқалаған қоғамдық міндетіне де адал бола алмайды. Себебі саналы өмірдің бар қызығы махаббатқа тіреледі. Сондықтан да махаббатқа соқпай кететін сезім аз.

Анаға сүйіспеншілік, жарға құштарлық, Отанға перзенттік, туған топыраққа борыштылық сезімдерінің бәрі махаббатқа байланысты. Адам бойындағы ең асыл қасиет адамгершілік сезімі де махаббатпен сабақтас. Өйткені махаббат қадірін білмейтін адамда адамгершілік сезімі болмайды, ал адамгершілігі жоқ кісінің жүрегін махаббат мекендемейді.

(с) Әзілхан Нұршайықов, “Махаббат қызық мол жылдар”

#кітап_нәр_тағылым