زمرده قابلت محمد وكان رجل رائع مناسب الها كولش رادته وافق عليه ك أولاده اولويه وك شغلها انو هيه تشتغل وقت طويل كونها طبيبه وممكن تتأخر على بيت كان قابل بكولش. كان محمد مستعد يخدم ويساعد زمرده بحياته وأولاده ويساعده ب ان يكمل حياته وياها لانه هو شعر انو هو مستعد يقدم كولش لهل شخص وكانوا هو انخلق حت يتكامل ويكمل وي زمرده وكانوا هو مسخر ل زمرده حت يكون سند ودعم أبها مثل ماهيه سند ودعم ومسخره لشفاء المرضى. كان دائما زمرده كل حياته وأعمالها بالبيت الله يسخر لها ناس يخدموها ويساعدونا تكمل طريقه وي أولادها وعائلتها الي سوتها وحده.
وره اللقاء زمرده كانت جدا مطمئنه ومرتاحه وتقريبا بدأت تقتنع بي بعد ماشافته رجل جدا مناسب وراقي ومناسب الها ول حياتها.
سولفت زمرده ل امها وجدتها على محمد وضلت تفكر ب أولاده شون تكول الهم وهل هم راح يتقبلون الفكره لولا.
جدتها فرحت وامها فرحت. يتمنون الها ان تكمل حياتها مع رجل محترم وداعم لها يعرفون انها تعبت بحياتها مع أولادها ومع المسؤليه الي شالتها مسؤليه أولادها وجدتها وامها اسست بيت كامل وهيه دارته كالولها توكلي على الله وشوفي الطريق وين يوصلك ف هو خير. جدة زمرده كانت تروح تزور أولادها وترجع لبيت زمرده وترجع تضل يم زمرده وأولادها وامهم اكثر وحده ترتاح معها وتجيب المساعدات وياها لبيت زمرده اجتها فتره لجده زمرده متنقله بين بيوت الاولاد بس أكثر شي تقيم فيه هو بيت زمرده. راحت لبيت ابو إقدام وسولفت الهم انو زمرده راح تنخطب من رجل صالح ومحترم كانت اخت إقدام جايه بيت أهلها سمعت ب زمرده راح تنخطب مباشره خابرت اخوها إقدام كالت له البنت الي تحبها طول عمرك راح تروح منك عوف كولش وتعال.
إقدام : صدك تزوج واني فكرت بعد ماتزوج وكنت اخاف ارجع اخطبها صارلي ثلاث سنين الوج خاف اخطبها و تطردني مثل ماطردتني كل سنين حياتي وخاصه بعد مااني رفضتها صدك راح تروح مني.
كام يصرخ ويبجي إقدام وركب سيارته ورجع لبيت اهله كان بغير مدينه مقيم عنده شغل.
بعد مارجع طلب أقدام من اخته تدبر له لقاء ب زمرده هو وصل عصر طلب اللقاء وياها باليل بأسرع وقت قبل لاتصير المشيه وبعد ماتكدر زمرده تتراجع عن قرارها.
اخته خابرت زمرده وسلمت عليها وطلبت تلتقي بيها حددت مكان وحددت اسم المطعم. زمرده كالت الها انا مشغوله وارجع من الدوام تعبانه واولادي مفروض ارجع الهم وان شاء الله اكو خبر حلو من يصير اكولك ياا.
اخت إقدام اصرّت انها تقابل زمرده وتحجي وياها وكالت الها طلب ضروري مجرد ربع ساعه اريد شغله منك وارجعي لبيتك. وافقت زمرده. وراحت زمرده للمطعم وجان تلكي إقدام كاعد ينتظرها بدل اخته. زمرده تفاجأت هاي شنو تسوي هنا شنو عندك هنا ياا قدام اختك وين؟
Zahraa Mohammed. ?

جزء ٥١
تغير
بعد مرور ثلاث سنوات من الأحداث الي
صارت تطورت زمرده اكثر بشغلها وأخذت دورات تدريبيه وشهادات اكثر حت تتمكن اكثر ب مهنته ك طبيبة وتساعد الناس على التشافي اكثر واكثر وبدأ أولادها يكبرون وهيه استمرت تدعم أولادها تساعدهم يطورون ب شخصياتهم تريد تبني شخصيات سوّيه متكامله سليمه نفسيا جسديا وروحيا. بعد كل هل سنين ضلت زمرده بين فتره وفتره تزور الحاج أحمد ونتناقش ويا كانت تعتبره مثل ابوها وجدها للحكمه والمعرفه والشجاعه الي كانت موجوده عنده. مره من المرات قبل لاتروح للدوام زمرده صلت صلاه الفجر وسوت فطور ل أولاده وتريكت وطلعت وكانت ناويه تروح للحاج احمد بالطريق هيه بالسياره تسوق كالت يارب انا اريد تغير حلو ونافع بحياتي يضيف لي اشياء حلوه ونافعه ومفيده واتطور ويا هل الأشياء الي احصلهم بحب ولطف يارب انا مااروح واحجي وي أقدام بعد كل هل سنين رحت له مره وكافي لو هو كان يريدني ومستمر يحبني كان اجاني اريد منك التخطيط الالهي يارب واكون انا تحت خطتك الالهيه. وصلت سلمت على الحاج أحمد وبدت تسولف ويا كان هو مسوي ريوك عزمها تتريك ويا كالت اله انا تريكت ف انطاها جاي بدت تتناقش تسولف وي الحاج (بائع الكتب) اجه رجال طويل مبين راقي ومثقف كان ركن سيارته على رصيف ودخل للمكتبه.
السلام عليكم ياحاج..
الحاج :وعليكم السلام يا محمد
محمد؛ انا الحمدلله بخير. شاف زمرده كانت كاعده، ف قرر ياخذ الي يريده ويروح. سأل الحاج ياحاج وين الكتاب الي قلت لك عليه جاي أخذه واروح للشغل من ارجع من الشغل ماللحك امر عليك ارجع متأخر
الحاج احمد:تفضل يامحمد اصبلك شاي
اذا ماعندك مانع يابنتي يازمرده
زمرده : لاياحاج ماعندي مانع انا اصلا اكمل شاي واطلع اروح للشغل
كعد محمد وبدأ يسولف وي الحاج يتناقشون يسولفون زمرده ماحجت ولاكلمه كملت الشاي وطلعت في امان الله ياحاج اشوفك ب وقت آخر
اول ماطلعت زمرده
محمد سال الحاج : من هذه السيده
الحاج أحمد : هذه بنتي
محمد؛ فعلا ياحاج بنتك ماشاء الله عليها محترمه جدا
الحاج احمد: تعتبر بنتي.
محمد : متزوجه؟ ولو شلون اسأل امرأه بهل جمال والرقي اكيد متزوجه
الحاج أحمد : متزوجه وعندها ثلاث اولاد بس طلقت من زوجها وربت أولادها تربيه صالحه وحاليا مهتمه بشغلها وبيتها
محمد: يعني حاليا هي عزباء
الحاج أحمد : اي نعم
محمد؛ ياحاج انا حسيت انا ممكن تناسبني بعد أن عرضت عن كل النساء وماعحبتني امرأه غير زوجتي الي توفت الله يرحمها وحسيت نفسي اتقبل اي امرأه بس اذا كانت هي من نصيبي انا افرح ياحاج اذا اريد ازوج واكون بقناعه ف الي اسمح اني أخذها هيه زمرده حسب ماسمعت تكللها زمرده وانا مستعد اعتبر أولادها أولادي. تكلم معاها ياحاج واشرحلها وانا انتضرك
الحاج أحمد؛ هيه فعلا سيده محترمه رائعه راقيه مثل ماوصفتها وانت عرفتها قبل لااقول لك اي كلمه وقبل لاانطيك اي معلومه عنها وان شاء الله اتكلم معاها اذا قبلت ممكن يصير لقاء بينكم وتقرروا التالي انتم.
محمد؛ ياحاج انا روحي عرفتها وحسيت مناسبه ليه وهيه الي انا أريدها تماما وانا كنت ماازوج لان ماحظيت بالي تناسبني وهسه فهمت انو انا كنت أبحث عن الي تناسب روحي وقلبي تعلمت على زوجتي كانت امرأه صالحه جدا وقلبي وروحي كانوا يحبوها وكانت مناسبه ليه لهذا انا كنت بداخلي ادور بطريقه غير واعيه على الي تناسب روحي وقلبي وانا قررت وقبلت بعد فقط هيه مستعد اسمع الها واشوف طلباتها وشنو تحب انا حاضر اكمل حياتي وياها. على حسب ماشفت كانت بجنطتها صدريه بيضه اكيد هيه طبيبه صح ياحاج؟
الحاج أحمد : اي طبيبه أنجح طبيبه بالمدينه تحمل انسانيه ورقي ب تعاملها الإنساني مع المرضى وبعلميتها واحترافيه وإتقانها لعملها.
محمد؛ ان شاء الله خير ياحاج. انتضر مكالمه منك. في امان الله.
الحاج احمد: في امان الله. ان شاء الله خير.
اتصل الحاج أحمد على زمرده. وكاللها على محمد انو حاب يتعرف عليكِ ويخطبك انو هو مزوج ور زوجته تمرضت وتوفت وضل أعزب مايقبل يتزوج الا ان شافك قرر يتزوج ويكول أبنائك اعتبرهم ابنائي لان ماعنده أولاده زوجته كانت مريضه ماجابت أطفال. هو رجال صالح محترم متوازن ذكي ناجح بعمله ك مهندس ومدير ل اكبر شركات و من اغنى أبناء البلد عنده مجموعه شركات مواد بناء درجه اولى بالبلد وخارج البلد.
زمرده : ياحاج هو شنو عرف عني وشنو شاف مني هيه خمس دقائق وطلعت
الحاج؛ بنيتي هو حس انو روحه تريدك اذا تقبلتي الفكره قابلي واحجي ويا وقرري شنو رايك يابنتي؟
زمرده؛ ياحاج تفاجأت بالموضوع خليني افكر وارد لك خبر.
زمرده ضلت تفكر بالموضوع واجه إقدام على بالها وشلون هو بعد مابنه وأسس نفسه من جديد ورجع كل الخساير ورجع كوّن نفسه وحالته الماده رجعت مثل قبل مااجه خطبها ف هيه تفكر انو كان لازم تقرر قرار صحيح يناسب حياتها خاصه انو إقدام ممكن يكون تزوج او عنده حبيبه صارت ف قررت زمرده تقابل محمد..

بالطفوله سويت عمليه ل بلاعيمي
ومن صحيت من البنج كان عندي ألم كبير بلعومي اجه الطبيب يسالني يريدني احجي كان لازم اتكلم حت يسمع صوتي ويتأكد انو انا بخير وكنت حرفيا من الوجع مااريد اتكلم حت مااتوجع اكثر لان بدون كلام وكنت أشعر بالالم انا كان عمري ١٢ سنه كانوا اهلي ويايه والطبيب وبها لحظه حسيت محد يكدر ينطيني القوه والتمكين ويخليني احجي غير واحد بس من انطق ب اسمه هو راح يبعد الوجع عني ويمكني اتكلم لان كان لابد عليه اتكلم كل الاهل الطبيب والممرضات يكولولي لازم تتكلمي وشعرت بضعف كبير بس كان لازم اتكلم. ف نطقت وقلت يا الللللللللله وهل مره حسيت بقوه فاقت الألم وخلتني انطق هل كلمه وسيطرت على المي ب الله وتمكنت من الضعف بالله وحولت الضعف قوه ب طفولتنا وفطرتنا نُدرك تماما ان مصدر القوه الحقيقي والنجاح الحقيقي والنصر الحقيقي والتمكين الحقيقي المشافي الحقيقي هو الله هو المصدر الوحيد الحقيقي الي قادر يحول خسارتك نجاح وضلمك نصر وعجزك تمكين وضعفك قوه وظلامك نهار ونور.. ياااااارب انت اعلم بحالنا وفوضنا وسلّمنا إليك أمورنا كُلِها ف تكفلها يارب لأنك الله.
Zahraa Mohammed..

طلاقك حت يلتهي ب الصراع مع ابو الي بده ياخذ منه كل الأملاك والسلطه ك نوع من العقاب لان تزوج زوجه مايريده وكان ب أضعف حالاته وماله قوه يصارع وسلم حظانه الأطفال الك بيسر وبسهوله. وشفتي الشغل الي حصلتي هم نفس مجال عملك طور مهارتك وهم كسب كبير وشفتي امك الي اجت يمك عاشت والمساعدات الي جدتك ارسلتهم لك حت تكملين دراسه وشفتي التسهيل الي صار بكل مراحل الدراسه الي درستيها بعد التخرج حت تتخصصين تخصص دقيق وشفتي الورث والمال والنجاح الي حصلتي بمجال عملك هذه كلها نعم اجت عليك من حبيتي الله وخييتي تسمحين للخالق الحياة أن يعطيك من خيره.
إلى عليك تسوي الان هو انك تختارين نفسك تحبين نفسك تكرمين نفسك تعتنين بنفسك، تدارين نفسك وتنطين لنفسك كولش حلو وتحبي وتتمني لأنك تستاهلي. تشعرين لأنك تستاهلين، تستغفرين على طاقه الكراهيه والكبت والموت الي اختاريتي ان تموتي بعد وفاه ابوكِ. اختاريتي تموتين وي ابوك وماتستحقين تعيشين وكرهتي نفسك لأنك عايشه وابوك ميت وكانك معترضه على عيشتك ومعترضه على اراده الله وتردين تموتين ف انتِ وعايشه انتِ ميتّه شوفي كل الناس الي يحبوكِ َاو تحبيهم من تبدين علاقه وياهم تموت العلاقه تموت الصله تموت لأنك اختاريتي تموتين وانت حيه. الي تسوي استغفري الله اولا وتقبلي امر الله. اتصلي بوالدك عن طريق الصلاه والانفاق والاطعام ب ثوابه واستغفري الله لانك ظلمتي نفسك قررتي الموت وانت حيّه. وغيرّي النيه حوليها من موت ل حب من موت ل حياه كم موت ل قبول من موت ل عيش من موت ل خير من موت ل رضا وابدي شوي شوي حبي نفسك مو لأنك شايفه نفسك الدكتوره العظيمه الي ماكو منها. اكيد لا طبعا العظمه جائتك من الله العظيم مدَّ لكِ خيطا من خيوط عظمته الذهبيه ف الذي لديك من خالقك فلا داعي للحب المغرور حبيها لان الذي خلقها جعلها امانه عندك انتِ مسؤله ان تقدمي لها الحب وان تختاريها تحترميها وتكونين معها كل مره تسنديها تقبليها وتتقبليها بكل النور وكل الظلام وكل العيوب وتصححي كل الذي تستطيعين تعديله ترميمه تصحيحه تطويره لأنك قادمه هنا ليس لكي تكرهي نفسك او تكرهي الحياه او تكره الناس انت قادمه هنا حت تحبي نفسك تطوري روحك بسلامه ويسر وتزدادي نورا وتقبلا وتحبي الناس وتساعديهم. اذا اذاك احد قوك احبك ياروحي انا معك والله معنا، اذا شعرت بالحزن بالفرح، بالعجز بالنقص تقبلي وحبي الذي خلقكِ واحسن خلقك وابدع ب رسمك وتعرفي على نفسك أكثر ماهيه قوتك ضعفك مخاوفك الامك واكثر واكثر واكثر وصححي اكثر وعدلي اكثر بحب وليس بغضب او كره للجانب المظلم بل بحب مطلق وهنا س تعتني بهذه الامانه التي سلمها خالقك لك كما تعتني الام ب صغيرها الرضيع ل تُحيه تُطعمه تعطيه حبا وأمانا ورعايه لانه امانه الخالق عندها وانت نفسك امانه من الله المبدع بخلقك لك.
زمرده : بدت تبجي الله ياحاج. انا قررت أن احب الله واحب خلق الله واحب كل عباد الله واشفي مرضاي بالحب واعمل أعمالي لله بالحب واحب نفسي واهتم بها واقدم لها كل ماتحب وتريد وتحتاج من امان أخذه من الله حب من الله امتلئ به ورعايه ماديه جسديه لنفسي واشتري مااحب واعمل كُل الذي يُحيني يجعلني انا بروحي وقلبي وجسدي نتكامل جميعا لنعمل ونتصل بنور الله. هذه نيتي ابتداء من الان ومدى الحياة.
طلعت زمرده كان اكو ضباب على شباك الدكان من صوبه وبرد خارج بالشارع برد قارص والشباك عليه ضباب من دفو داخل والبرد خارج. ف كتبت على الشباك زمرده شكرا لك ياحاج على الدفئ الذي ملئ قلبي والنور الذي نورني كُلي. شكرا على كل كلمه وحرف ووعي ودفئ قدمته لي انت من ظمن هدايا و عطايا الخالق لي لتحل محل جدي.
بدء يقرأ الحاج أحمد كلمات زمرده على الشباب ويضحك. واشرت له ب يديها وهي تلوح بالوداع لتذهب لتبدء يومها بحب مختلف ووعي مختلف وفكر نقي مختلف مملؤء بالدفئ والنور عكس الشوارع البارده جدا كان داخلها دافئ جدا. كانت في الطريق تسير وتقول شكرا لك ياربي شكرا لك ياربي شكرا لك ياربي على نورك ودفئك ولطفك بي في كل ايام حياتي. انا من جديد ابدء زمرده جديده وركبت سيارتها وراحت للدوام. وهيه ممتلئ بطاقه الشكر والحب والامتنان ل خالقها.
Zahraa Mohammed. ?

جزء ٥٠
ادراك ٢
كعدت ثاني يوم زمرده من فجر صلت وجهزت الفطور ل أولادها وسوت الهم ساندويجات بالبوكسات مال المدرسه وفطرت هيه وأولادها ودت أولادها للمدرسه بسيارتها وكان اكو وقت عندها قبل لاتروح للدوام ف مرت للحاج احمد تسولف ويا كانت محتاجه تسولف وتتناقش ويا بالي صار. تدري بي هو يكعد من الفجر ويفتح الدكان من صبح. كانت الدنيا بارده جدا بشهر الواحد الدنيا ثلج واول مره بالمدينه ينزل ثلج راحت للحاج احمد.
زمرده؛ صباح الخير ياحاج
الحاج أحمد؛ صباح النور يابنتي. شجابك بهل برد.
زمرده : ياحاج ماااتحمل مااسرد عليك اخباري وكانوا ابي من كالي الله راح يكون معك دائما كان صادق هوايه ناس واكفين ويايه وساعدوني اكمل بهل الرحله الي انا بيها وانت واحد من هذوله الأشخاص الي يسندوني ويدعموني وينورون عليه الطريق من تظلم عليه الدنيا.
الحاج أحمد؛ مثل ماكلتي الله هو من يسخر الناس. شنو تردين جاي قهوه.
كان دكان الحاج جدا دافي الي يدخله يشعر بالدفو مليان محبه ودفو ومعرفه. وكان مشغل صوبه نفطيه والعين مال النار كان حمره وتوحي بالدفو والقوري مال مي على الصوبه يطلع أصوات مال فوران ويبقبق. وحاط الحاج رغيف خبز على الصوبه منتظره يتحمص حت يفطر وقطع من الفلفل و الطماطم وزيت الزيتون . وكان اكو على الميز القريب من الصوبه استكان وزيتون وجبن وحبات من الجوز وعلبه دارسين، ومزهريه بيها ورد طبيعي يوميه يجيب ورد من بيتهم الحاج ويحطه بالمزهريه كان الحاج يعشق الزرع نفس عشقه للكتب ف كانت عنده حديقه كبيره يزرع بيها كل أنواع الخضروات والورود الموسميه والدائميه. ف زمرده كولش حبت الأجواء الموجوده بالدكان وشعرت نفس الشعور الي كان جدها وابوها يسوي من تكعد الصبح وتلكاهم مسوين الها فطور مجهزينه الها َوتفطر معاهم. ف طلبت جاي وبدت تسولف وي الحاج.
زمرده؛ ياحاج رحت حت اشوفه اكوله انا احبك وانا قابله بيك مثل ماانت تدري شكالي ياحاج؟ كالي انا مااريد زمرده المطلقه وعدها اولاد وكالي انا حبيت زمرده الي قبل لاتزوج ماحبيتك وانتي بهذا الحال. ياحاج حسيت ب الاهانه وحسيت بالقهر والحزن وتندمت اني رحت اله وذليت روحي لشخص مايستاهل لوتدري ياحاج شكد متندمه حبيته بس موبيدي حبيته. ياحاج ذلني. ياحاج ليش هيج ذلني؟ يكدر يرفض بطريقه ماتهيني بهل طريقه الكبيره. يكدر يحط اهميه انو انا بنت عمه ولو هو مثلهم كلهم ابن امه طلع مثل أمه ماعنده ذره انسانيه ولااحترم مشاعره الي كانت قبل اليه. ياحاج هاي اني ليش هيج كلما احب واحد واكول اي هاي هيه راح تضبط حياتي تخرب وتتخرب اكثر. ياحاج هو اني شنو مسويه بحياتي. هو اني المن ماذيه حت هو هلكد يوجع قلبي ويحرك روحي ياحاج انا لو رافضني بطريقه محترمه ماكنت اتاذيت بس ياحاج قلل مني واستهان بيه. ياحاج كل عقلي وشعوري وضني انو هو لساعه نفسه الي يحبني مثل قبل. بس انا نسيت انو الناس تتغير. ياحاج انا ادري اني يمكن مااستاهل حبه ورفضه اليه طبيعي لان هو هواي وسنين ضل يحاول ويقدم لي السند والدعم والحب وانا ولااهتميت بس انا كنت صادقه ويا قبل ماكنت أشعر بشعور تجاه ماردت ازوجه بس لان هو يحبني وانا ماأحبه واظلمه ويايه ردت احمي مني لان هو كان محب اليه بشكل كبير وانا تمنيت اله يتزوج وحده تحبه بصدق وحت اندعيت اله انا صدقت ويا انا ماتجاوزت عليه وكنت جدا وكنت محترمه حبه اليه ومحترمته بشكل كبير ولافديوم أسأت اله ك شخص بس مجرد بعدت عنه وبعدته عني حت اكمل حياتي وهو ردته يكمل حياته بسلام ولافديوم كنت أتوقع هذا كلبي ال... يدك اله. مادري ليش هيج صار وتالي هو هيج بكل هل قساوه يذلني ويهيني انو يشعرني انا مو بمستوا وانو هو يستاهل وحده مامزوجه وماعدها أطفال. بس أريد اعرف شنو ذنبي الي سويته بحيث حت الناس الي تحبني وكمت احبها تأذيني وتبعدني عنها ب أقسى الطرق وبدت تبجي زمرده.
الحاج أحمد : صب جاي زمرده وانطاهيا. وكال الها. زمرده انتِ تحبين نفسك؟
زمرده :ياحاج انا كرهت نفسي من أبويه مات حسيت انا لازم مااعيش ولازم اموت ويا.
الحاج أحمد؛تذكرين من كانت حياتج واكفه ومكرهتج بعيشتك لأنك كرهتيها وشعرتي انك مالازم تعيشين حياة طيبه ك نوع من الجلد والتانيب لان مات ابوكِ ومن صححتي الفكره وحسيتي ب الاعماق انك تستاهلين الحياه الطيبه تستحقين كولش خير وحلو بالحياه ب الاعماق من صححتي النيه وعدلتي أفكارك شفتي شون الحياه ضحكت الج وانطتج من خيرها لان الله خلق لنا كولش حلو بس احنا اذا رفضنا وماردنا ماراح يجينا. ومن نتصالح ويا ونسمح لأنفسنا ب استقبال الخير وكولش نريد ونحب راح ينزل علينا شفتي شون حصلتي بيت جديد من جدتك وشون تخلصتي من زوجك بيسر وبسهوله مع العلم كان مستحيل يطلكك بدون ماياخذ أولاده منج لان كانت عنده سلطه وقوه بس الله كان أقوى من عنده ورسم الله خطه خاصه الج بدقه وعظمه من الله العظيم و صارت ضروف لصالحك وزوجك كان بضروف صعبه تزامنت حرفيا مع نفس وقت طلاقك وأهله اكتشفوا زواجه من زوجه ثانيه كانوا رافضيها بنفس الوقت تماما مع وقت

ماشالله خطط ورسم مو مثل ماانا رسمت الا انا القوي البطل الشجاع.
اسماعيل : تره هيه لساعه تشوفك البطل القوي الشجاع تره هيه كالت الك انت عندك قيمه بداخلك تكدر تطلع فلوس من جديد َتنجح من جديد هيه شايفه هلش بداخلك شايفه داخلك ماشايفه الأموال ولاهامته الخارج كل الي هامها انت الي هيه مؤمنه بي يكدر ينجح ويطلع ذهب من جديد القوي الشجاع بدون فلوس واي شي وقابله هذا القوي هم يضعف ويخطا ويوكع يعني الي يحب يشوف حت الضعف مثالي ف انت لا تخاف يخوي اطمئن.
إقدام : بس انا نفسيا تعبان بعد ماانوي اشتغل واعمل وابدي من جديد وعملي هالمره يكون خالص ل الله وللنفع نفسي واهلي والناس واخلص محتاج ابتعد فتره مو مال ازوج او اخطب او اريد ارجع إقدام الي يشتغل انا احب العمل واحب أنجح واحب اشتغل وانجح بالاشياء الي احبه وهل مره مو حت زمرده تشوف هلمره ل الله اولا ولاجل نفسي وأداء مهمتي ورسالتي بهذه الارض ثانيا واشتغل بالشي الي احبه.
بالنسبه ل زمرده انا احبها وراح ضل احبها حتلو تزوج وتطلك ١٠٠ مره احبها واحس انا اجيت بهذه الارض اضافه الي ان انا اشتغل وابدع بعملي واساعد الناس اجيت ايضا حت احبها ل زمرده. انا احس روحي حاطه عقد حب قبل لا اجي لهذه الارض وي زمرده احبها الي ان اموت ويمكن حت بالجنه اريدها تصير حوريتي. بعد اذا كلامي ضوجها وحبها اليه خف قل او اختفى او بطلت تقبل تزوجني هيه حره راح ضل احبها من بعيد بس احس بعد تغير النيه والادراك احس اريد ابدي من صفر ك انسان ثاني ب شغل جديد وطاقه جديده واشوف وين توصل بيه الحياه خلي توصل فهمت الدرس وصلت الرساله.
بسم الله توكلت على الله.
Zahraa Mohammed. ?

جزء ٤٩
ادراك.
بعد ماطلعت زمرده بده إقدام يصرخ ويبجي ليش ياربي هيج سوي بيه كل الي سويته حت تشوفني واني وقوي تشوفني اني الي اساعدها واحميها وانطيها مو هيه تجي تريد تساعدني. انا كل الي سويته حت تشوفني لأنها طوال كل عمري وحياتي ماشافتني ولاشافت حبي الها ومن خسرت جبتها اليه هيه الي تساعدني. اجه اخو يركض لزمه ويهدي بي. يكله لك خويه ليش هيج سويت اكو واحد يحجي هل حجي لشخص يموت عليه ويحبه ليش هيج كرهتها بيك.
إقدام؛ ماريدها تحبني واني وضعيف
اسماعيل؛ لك خويه الي يحب مايحب ب ضعف او قوه هو يحب الضعف والقوه سويه مثل ماانت تحبها مثل ال م.. ط.. ي
عقدت وفسخت وزوجت وطلكت وجابت جهال وطردتك من حياتها وانت تحبها ب قوتها وضعها وعيوبها وخساراتها واحمالها وأولادها الي كنت تتمنه يصيرون منك بس انت تحبه ومتقبلها مثل ماهيه بكل الي بيها ليش جذب عليها وتكلها ماحبج وانت راح يصير عمرك أربعين مدري طبيت بالاربعين وانت كل هل نسوان الحلوه الي داير مدايرك تتمنه بس اشاره منك ماسمحت ل اي أمراه تتقرب منك أو حت تفكر بوحده غيرها تالي تجي هيج بسهوله تطيرها منك َتكرها بيك بعد ماكنت تحلم تسمح الك تحجي وياها وتعبر الها عن حبك الها ولك ليش هيج سويت ياخويه. ليش بس انت يحق لك تحبها ب عيوبها وحسناتها وهيه مايحق لها تحبك بضعفك وقوتك. ليش ماتسمح ليش ترسم الحب على ذوقك وترسم الخطه بدل رسم الله العظيم. انت كاعد تشوف شون هيه حبتك وشافتك وتقبلت واجتك من خسرت بعد ماهيه صعدت وصارت اكثر دكتوره قويه وشاطره بهل بلد وصارت احسن أضعاف قبل يالله شافت القيمه الكبيره الي انت عندك وقبلت بيك قبل ماكانت تشوفك ولاتشوف اموالك ولاقوتك ولامعترفه بيهن. معناها انت تستاهل تنحب مثل ماانت بروحك والقيمه الي بداخلك والأخلاق الي عندك مو ب اموالك. ليش تمنع احلى قصه حب ممكن تصير بس لان مومثل ماتريد ومو مثل مامخطط الها ومو بالقوه الي انت بيها. تره ياخوي عادي تشوفك ماعندك فلوس لان انت ب عيونها شي كبير مثل ماانت تشوفها شي ماكو مثله ومااجتي امرأه كدرت تسد مكانها.
إقدام؛ انا كل الي سويته والي وصلتله من نعم بس حت تشوفهم وتشوف قوتي وتشوفني أكدر احبها واحميها وانطيها كولش تريده وحت تحبني تالي تجيني من اني وضعيف
اسماعيل : لان كل الي سويته ماله داعي. لو مقسوم او مكتوب تحبك بهذا الوقت كان حبتك مو عبالك هيه كانت ماتحبك لأنك ضعيف او لانك مو كفؤ زياده لالا. تره الحب موهيج هاي انت راسم قصه بخيالك وحاط اساب وحدك لأنها رفضتك قبل وبنيت قصه جديده واشتغلت واجتهدت بس حت تشوفك والدليل ان هيه حبتك واجتي تطلب تتزوج منك تتوقع بيوم هلش يصير اجتي تعرض عليك تزوجها وانت بحاله أضعف حاله بحياتك تتوقع هلش صدكت من أكلك مجرد شعور ومجرد توقع وظن سيئ منك على نفسك انك كنت مو كفؤ وانت مو قوي كفايه حت تحبك يعني انت أسأت لنفسك مرتين و ظلمتها لنفسك من حسيت نفسك قليل ومن بنيت كولش وكل نجاح وكل شغلك بس حت تثبت الها والك انك زين قوي وناجح وكافي ومو قليل. مع العلم هذا كل مايحتاج انت كافي وانت جيد وانت صالح وانت قيّم وناجح بدون كولش والدليل اجتي الك وصارت كأنما معجزه حبتك وتغيرت مشاعرها تجاهك بعد ماكلنا هلش مستحيل اجتي لحد عندك وتكلك خل نزوج وقبلت بيك َشافتك كفؤ وكفايه وقوي وناجح وحبتك وانت كولش ماعندك من رجعت الصفر حبتك. الرساله لازم تحب نفسك مثل ماانت وتقبل نفسك وماتضلمها هاي اول رساله. والرساله الثانيه انت كان لازم تشتغل مو حت تحبك زمرده تشتغل حت تساعد نفسك وتساعد الناس وتقدم هل نفع خالص لل الله يعني تشتغل وكل عملك وكسبك ونجاحك َشغلك وحصولك واستثمارك واخلاصك وابداعك واستمراريتك ل الله تقدمها ك جزء من الدور الي تلعبه بالحياه في النفع الخاص بيك واحياء نفسك ومساعدتها وتكريم نفسك ومساعده الناس وتوفير الهم خدمات بجوده عاليه وتوفير مستلزمات راحه وحاجه للناس من باب النفع وليس من باب ارضاء زمرده وكسب قلب أحد سواء زمرده او لا. شوف الله كلك هاي زمرده اجتك َحبتك بدون اي قوه واي مال اجتك وانت مفلس اجتك وانت ماعندك اي شي. اذا تريد تبدأ من جديد عدّل النيه عدل أفكارك استغفر ربك على سوء ظلمك لنفسك. وانوي كل شغل وهل بدايه بالعمل الي راح تبدي بيها تكون نفعها وعملها ل الله خالص وكول خير يجيك الك او للناس ف هو من الله لأنك قدمته ل الله وانا واثق راح تتغير كل موازين القصه وحياتك راح تتعدل بس تثق بنفسك آمن بها حبها كلها بكل الي بيها من ظلام ونور ضعف وقوه وتنوي محياك وعملك يكون ل الله ولاجل النفع. وبطل تبني فرضيات وظلم وظن زائف سيئ رديئ.
إقدام : كل الي حجيته صح وانا أدركت شكد انا كنت غير واعي بالقصه وشون كنت محدد وراسم حياتي الا أنجح يالله تحبني مع العلم ماكان مكتوب لها تحبني واني ناجح وقبلتني وماكنت اتوقع بيوم تقبلني وانا بهل حال بس هيه قبلتني مثل ماانا بكل مره تتركني وتعقد وتفسخ وتزوج َوتطلك اقبلها مثل ماهيه واحبها مثل ماهيه لازم اسمح لنفسي تحبني مثل مااني ومثل

جزء ٤٨
لقاء آخر
سافرت زمرده وي اسماعيل ابن عمها للمدينه الي بيها إقدام
دكوا الباب.. طلع إقدام وبدأ الحوار
إقدام :ها زمرده شونك. شجابك. اضاهر حبيتي المدينه يوميه جايه. لو شنو
زمرده : حبيت الي موجود بالمدينه والا المدينه غريبه عليه ماعايشه بيها.
إقدام : شنو تردين زمرده :
زمرده :عرض الزواج لساعه قادم اذا تحب تفكر بي وانا قابله بكل خساراتك وحابه اساعدك.
إقدام : منو كالك انا أريد مساعده من احد.
زمرده؛ انا مو احد انا فعلا مستعده اساعدك واوكف وياك حت لو بكلمه والشغل والنجاح عليك انا واثقه وعلى يقين انت راح تنجح كل مقومات وقدرات النجاح وقيم النجاح موجوده عندك بقت بس الأموال الامكانيات الخبره والقيمه الي داخلك راح تجيب كل الأموال.
إاقدام : بس انتِ كلتي انت مطلقه وعندك اولاد وامك موجوده. انا ماأحب هذه الفتاه انا كنت احب زمرده ألغير متزوجه وماعدها أطفال وتجيب أطفال مني مو اربي اولاد غربه.
زمرده : كالت الها اعرف الحب الحق الحقيقي راح يستقبلنا ويتقبلنا مثل مااحنا بكل عيوبنا واحمالنا والعبئ الي انت كاعد تشوفه على هل حجي انت ماحبيتني وكل حبك جذب كان مجرد رغبه ومن صرت مطلقه وام ل اولاد الصوره المثاليه الي راسمها عني تغيرت وتغيرت كل رغبتك وانا اعرف ان الحب أعلى من الرغبات وقيمته اكبر وعارفه الحب الحق تقبلني بعيوبي وتحبهن وب أخطائي وتقبلهن ومميزاتي وتعشقهن والي عشته انت موحب. وانا بالنسبه اليه رضيت وتقبلت ضعفك وخسارتك كلها واعتبرتها نجاح ماشفتك ضعيف ولاقل حبي وتقيمي الك من عرفت انت خسرت كولش ومابقه شي عندك لان انا ردت قيمتك انت ك انسان بس بعد كل هذا الي حجيته والي كلته تأكدت ماكو طريق ولاتفكر راح ترجعلي بيوم واقبل بيك.
وطلعت زمرده ركض من بيت إقدام وركبت سياره اسماعيل وعافت اسماعيل. واسماعيل يركض وراها سيارتي كالت اله زمرده ضل يم اخوك وعوفني وحدي ارجع اندليت الطريق ماريد احد ويايه.
ورجعت زمرده مهظومه وتبجي الطريق كله. الي ان. صلت لبيتهم. تعشت وصلت وقرت ل أولادها قصه غسلوا وسولفوا وناموا وصبحت ثاني يوم جديد وقررت تبدي حياة جديده.
Zahraa Mohammed. ?

جزء ٤٧
اكتشاف القصه.
اجتي جده زمرده تزورهم وطلعت ل زمرده سندات وملفات. هاي الج يابنيتي
زمرده : شنو هذا ياجده
زمرده؛ بنيتي عمامج صارت عندهم خسارت كبيره جدا جدا والسبب هو إقدام بالشغل من بدا يصعد اكثر واكثر وتصعد ارباحهم واموالهم نصبوا له فخ وكمين واستغلوا بعض الثغرات والاخطاء البسيطه وخسرروا كل أمواله عمامج وابو عدهم مشتركين ويا ببعض الاستثمارات وبعد هل خساير قررنا نبيع الورث مال جدك ونقسمه حت يكدرون يشيلون روحهم ويبنون من جديد وايضا المحامين واسترجاع هل كميه من الاستثمارات تحتاج محامين وصخ كميات كبيره من الفلوس ف تقسيم الورث ان شاء الله يساعدهم ومن اجينا نقسم لكينا انتي اصلا ابوكِ قبل لايموت كاتب كم عماره ب اسمك وبعض البيوت الي جدك مطيهم ل ابوكِ ف ابوك سجلهم ب اسمك لان كان عارف راح يموت باي وقت ف راد يطمن عليج ويامن مستقبلك. زمرده كامت تبجي تكول ليش ماطلع هلش ومحد كالي عليه من كنت محتاجته وبعدت كل ذهبي وكل هدايا الي جابها ابي وعشت بالفقر والتعب كل هل سنين واني محد كالي عندي ورث وخير وابوي مسجله اليه.
الجده :يابنتي اجه هذا وقته. وانت من كنت تشتغلين حسيتي بقيمه المال َحسيتي ب الفقير حت من يجيكِ فقير او محتاج تعالجي بدون مال لأنك حاسه ب اهميه المساعده واهميه المال وحاسه بالعوز والفقر وبنيتي نفسك وصرت اقوى.
زمرده : ياجده. انا الان بخير حالتي الماديه وشغلي ممتاز تكدرين تنطين هلش لعمامي ك نوع من المساعده والتعاون معهم ب محنه و الخساره الي همه بيها
الجده؛ بنتي هذا حقك مسجل ب اسمك ورث الك ول أولادك شكري الله عليه واستقبليه تقبليه وكملي حياتك. عمامك يعرفون يطلعون من هل الازمه وراح يطلعون ان شاء الله.
زمرده : الحمدلله، الشكر لله.
كان يوم جمعه بدلت زمرده وركبت سيارتها وراحت لبيت كهرمانه لان كهرمانه تزوجت وعنده بيت خاص وحدها وصار عندها بيبي.
طبت زمرده سلمت على كهرمانه
زمرده :ليش ماكتيلي أخوج خسران هل خساره وهيج صاير وخسر كولش بنا
كهرمانه : اني موكتلج لاترحين. هسه مو ووقتها. موكتلج اجلي موضوع بس انتي اصريتي.
زمرده : اني شمدريني هيج صاير اني شون اعرف بكل هل مشاكل صايره تدرين بيه اني مااعرف اي اخبار عن عمامي ولاعندي تواصل وياهم ولااي احد يسال عليه. بس الجده انا اعتبرها امي وهيه اصلا ماتركتني تجيني وانا ازورها. لكن جدتي ماكانت تقول لي اي شي ولاتفتح اليه مواضيع عمامي اطلاقا. لااعرف عنهم اي شي ماكانت تحجي لنا جدتي.
كهرمانه : هسه عرفتي شنو صار بعد شكو
زمرده : يعني إقدام جذاب ماخاطب ولاشي بس يريد يبعد عني.
كهرمانه ؛ لج زمرده لاخاطب ولاشي. بس إقدام مايتحمل تشوفي وهو بهل ضعف وهو خسران هو كل الي سوا وبنا وكونه بس حت انتي تشوفي وتنملي عيونك بي.
زمرده؛ بس انا ماهمني فلوسه وانا اعرف حتلو خسر هو ذكي وشاطر وناجح ويكدر يبني من صفر ويزيد اكثر واكثر وقيمته موجوده بداخله مو ب فلوسه فلوس تروح يكدر بقيمته الداخليه إمكانياته الداخليه يجيب غيرهم. يجوز اجه الوقت اساعده توكف ويا.
اني راح اخذ اجازه واروحله باجر مااخلي وحده بهل ضروف كافي سنين احنا مفترقين مايهمني فقير او غني مهم هو بروحه وقيمته واخلاقه.
كهرمانه : لالا زمرده مراح يقتنع ولاراح يقبل وهم راح يطردج. كتلج مايريدك مايتحمل تشوفي ضعيف.يريد يضل هو القوي الي يساعدك ويحميكِ ويسعدك ويسندك. انا اعرفه اخويه.
زمرده : بس اني مااتحمل انتظر ومااساعده حت لو بكلمه.
خابرت زمرده على اسماعيل ابن عمها وطلبت منه ياخذها ل اقدام. ثاني يوم من فجر صلت وطلعت زمرده وي ابن عمها.
Zahraa Mohammed. ?

٤٦
انهيار و خساره ماليه .
من طلعت زمرده كان إقدام يصرررخ ويبجي. يارب ليش هيج صار بيه. اني الي احبها وادعوك ان تزوجني ياها من اني وطفل وادعو ان تحبني وقبلت احبها حتلو ماتحبني ليش هيج صار بيه.
اسماعيل خابر ع صديق إقدام يمه بنفس المكان كاله روحي ل إقدام لان وضعه مو زين.وطمني عليه. إقدام يكله ليش هيج صار بيه بنفس الوقت اخسر زمرده واخسر كلش بنيته. إقدام صارله سنين يشتغل ويأسس مشاريع عملاقه وصخمه ف صار ويا نفس الي صار وي عمه يحيى ناس تربصوا له بالشغل ويطلبون منه مشاريع وهميه وغسيل أموال ف هو كان يرفض ويحاربهم ف هم حاولوا بكل الطرق انو يوكعوا ف استغلوا ثغره قانونيه وخطأ قانوني مسوي إقدام واخذوا كل ممتلكاته ومصانعه وشركاته واستثمراته بكل انحاء البلد الي ابو كان مشارك ببعض منهم وعمامه ايضا ف الخساره جدا كبيره وكان بهذا الوقت إقدام منهار وتعبان ويشتغل ليل ونهار حت يرجع حقوقه بالقانون أمواله و ممتلكاته بعد ماتم الحجز عليهم. رجعت زمرده كولش ماكالت لأمها وكانما شيإ لم يكن. ورجعت للحاج احمد سولفتله القصه
الحاج أحمد؛ كالها يابنتي انتي سويتي الي عليج سعيتي بالي تكدرين عليه و الباقي التخطيط واتمام القصه او عدم اتمامها على الله. اتركيها وكملي بشغلك. وانا عن نفسي اعتقد قصتك لم تنتهي مع هذا البطل.
زمرده؛ ياحاج انتهت ياحاج انتهت هو قال لي انه يحب وحده وخاطبها. كلامه صحيح ياحاج انا من سنين ماشفته ولاشافني كيف يضل يحبني وهو بعيد عني
الحاج أحمد؛ الحب في القلب ياابنتي. القلب يرى،يشعر ويحس.
Zahraa Mohammed. ?